دروس التطوير في فن التصوير ..." قواعد وأمثلة لم يشهد التاريخ لها مثيل " - نادي الهلال السعودي - شبكة الزعيم

الهلالي دائماً · #1 20/02/2007, 08:29 AM

يقول القدماء : رب صورة خير من ألف كلمة ..

مقدمة مالها دخل :

إن الصورة الجيدة هي لغة سهلة تتخطى حاجز الأمية ..
وتتجاوز كل اللغات لتصل إلى جميع البشر واضحة معبرة ..
فكم من صورة أغنت عن كثير من الكلمات ..
وغطت على كثير من الاوصاف ..
وسدحت القصائد وسحبت البسائط
>>> أقول لايكثر بس خخخخخخخخخخ :p

تمهيد " خنفشاري "

في هذا اليوم سوف نتناول اهم الدروس في فن التصوير
واذا كنتوا منتبهين معي بطلعكم من الفصل بدري
واخلي آخر عشر دقايق سواليف >>> حركات مدرسين

قواعد عامة للصور الهامة ..;)

* إذا أردت أن تصور فعليك شراء كاميرا فالتصوير من دون كاميرا من
الأخطاء الشائعة في هذا الزمن وقد تؤدي إلى حدوث مشاكل كبيرة ..

* حاول ان تستمتع بالصورة قبل ان تصورها (( عش الجو )) ..

* احذر من تصوير التماسيح وحاول ان تتجنبهم قدر المستطاع ..

* كن واثقاً واصرخ بأعلى صوتك انا أفضل مصوراتي في العالم ..

* خير الصور ما قل ودل فلا تصور كل ماهب ودب
فقليل جميل خير من كثير بايخ ...:p

* ركز ثم ركز ثم ركز فالتركيز يجعلك تبحر في سماء الإبداع ...

والان اترككم مع الصور ....

[IMG]

[/IMG]

[IMG]

[/IMG]

اتمنى ان تكون الصور اعجبتكم والموضوع حاز على رضاكم

وعلى فكرة هذي الصورة كانت خلال الأسابيع الثلاثة الماضية

مابين روضة خريم والتنهات ونورة وشعيب غيلانة والحفنة والرمحية ..

والتصوير مابين جوال N73 وبين كاميرا تصوير 5 بيكسل كنون ..

بس الكاميرا مو مهمة اهم شي اليد اللي تصورهههههههههههههه

عاد ماحبيت اسوي في الصور أي شيئ وكتفيت بكتابة اسمي على الصورة الاخيرة

واللي يبي الصور حلال عليه ومن دون ذكر المصدر 

الا على فكرة ياهو تنزيل الصور قلق خخخخخخخخخخخخخخخ:p

طبتم احبتي ,,,

سعودي أصيل · #2 20/02/2007, 08:50 AM

هههههههه .. شكلك محاضر داخل غلط في لجنة التصوير الفوتوغرافي

أما ابداعاتك حلوة بس لوطبقت قاعدة الأثلاث في بعض الصور تكون أحلى وأحلى ..

هلاليه سنعه · #3 20/02/2007, 10:25 AM

هلا والله بصاحب الإبداع الخنفشاري

من طول الغيبات جاب الفقع والغنايم

ماشاء الله وش هالزين صور وحركات طلعت مصور وحنا ماندري

إقتباس


	يقول القدماء : رب صورة خير من ألف كلمة ..

صدقووو صح لسانهم الصور عالم جميل مثل رسام الكاريكتير يعبرون عن اللي يبونه برسمه

إقتباس


	تمهيد " خنفشاري

صارت هالكلمه علامه مسجله لك

إقتباس


	اهم الدروس في فن التصوير

هذي الدروس ولا بلاش محتاجينها كثير بالمنتدى ..

إقتباس


	إذا أردت أن تصور فعليك شراء كاميرا فالتصوير من دون كاميرا من الأخطاء الشائعة في هذا الزمن وقد تؤدي إلى حدوث مشاكل كبيرة ..

اكيد الكاميرا ازين بس مشكله انا نشيلها معنا يالله نشيل اغراضنا
وجوالات الكاميرا هالحين تفك ازمه ..

إقتباس


	كن واثقاً واصرخ بأعلى صوتك انا أفضل مصوراتي في العالم ..

اخاف يقولون انهبلت

إقتباس


	ركز ثم ركز ثم ركز فالتركيز يجعلك تبحر في سماء الإبداع ...

صادق التركيز مهم في التصوير وبعد اختيار زاويه حلووه ..

مسيكينات ورا الخرفان مجدوعات لا حوول منقلبات وين الاسعاف
ما امداهن يستانسن بالربيع

لا بس من جد ماشاء الله الربيع هالسنه زين خاصة في خريم وغيلانه والتنهات
الحمدلله والشكر على هالخير ..
يعطيك الف عافيه اخوي ماجد على الصور الحلوه والموضوع الرائع
لاتنسانا من دروووسك التصويريه هماه

دمت بخيــر ..’’

الماسه الزرقاء · #4 20/02/2007, 01:55 PM

حيّا الله الخنفشاري مستر مقبل

صور راااائعة اخوي ماجد ,
خصوصا الصورة إلي فيها غدير وضباب
والصورة إلي فيها ظهر إنعكاس السحب على الموية ,
والموية الجارية

وصور الخرفان تنرحم

, كأن الخروف إلي واقف قاعد يستنجد بالمارة

,
الله يرحم اموات المسلمين ,

Blue longing · #5 20/02/2007, 05:23 PM

صور روعه .. ودروس جميله

دمت بخير ولا تحرمنا من جديدكـ

الهنوووف · #6 21/02/2007, 06:52 AM

وعليكم السلام ورحة الله وبركاتة;)
حياك ماجد مقبل

كيف الاجواء من زمان عنكم

جذبني موضوعكـ مع ان لياقتي منتهيه وواصله تحت الصفر بالردود :p

إقتباس


	يقول القدماء : رب صورة خير من ألف كلمة ..

صادقين هالقدماء

>>>صدقت
والله الصور تعبر احيانا عن قصايد

إقتباس


	في هذا اليوم سوف نتناول اهم الدروس في فن التصوير واذا كنتوا منتبهين معي بطلعكم من الفصل بدري واخلي آخر عشر دقايق سواليف >>> حركات مدرسين

ذكرتني بالدراسه الله يذكرها بالخير

>>>>عجوز تجاوزت ال 60 عام:p

إقتباس


	* إذا أردت أن تصور فعليك شراء كاميرا فالتصوير من دون كاميرا من الأخطاء الشائعة في هذا الزمن وقد تؤدي إلى حدوث مشاكل كبيرة ..

ماجد وش انت شاربن اليوم

ايه انا دايم اصور بدون كاميرا واقول ورى صوري شينة:p

حلوة الصور ودي اتسدح فيها واتشقلب

>>> متاثره بهايدي:p
مرتن ثانيه استاجرلنا باص وركبنا معاكـ بلاش نذاله

صورة الخروف تضيق الصدر

مابقي الا انا انزل صوري بس مستحيه

عوافي ماجد

الهنوووف
كانت

هنا
ورحلت

F I N A L · #7 21/02/2007, 07:02 AM

إقتباس

الرسالة الأصلية كتبت بواسطة سعودي أصيل


	هههههههه .. شكلك محاضر داخل غلط في لجنة التصوير الفوتوغرافي أما ابداعاتك حلوة بس لوطبقت قاعدة الأثلاث في بعض الصور تكون أحلى وأحلى ..

الهلالي دائماً · #8 21/02/2007, 08:11 AM

هلا وغلا ...

~~ سعودي أصيل ~~

هلا وغلا اخوي الغالي ..

محاضر كبيرة شوية بس تقدر تقول مدرس خخخخخخ

والحمد لله إن الصورة أعجبتك وتسلم على ذوقك الجميل

اما قاعدة الاثلاث فاعتقد انها كويسة بس وش هي ؟؟

ترى خويك من جنبها ولا يدري وش السالفة ;)

رد جميل ياجميل ,,,

@@@@@@@@@@@@@@

~~ هلالية سنعة ~~

وش جابس هنا هههههههههه

هلا والله باسنع هلالية في العالم

ايييه صرنا مصورين وعقبال ما نبدا نصمم انشاء الله

صارت هالكلمه علامه مسجله لك

وش اسوي صارت الدعوه كلها خنفشه × خنفشه

إقتباس


	اخاف يقولون انهبلت

ذكرتيني بسالفة واحد من المدربين بعطيس اياها على الطاير 

هذا الأستاذ عبد الحميد الفردوس يقول كان عنده دوره في احد المستشفيات

وكان لابس المكرفون والمكرفون شغال ( اللاسلكي )

ويوم يبي يدخل شاف الجمهور ورتبك ورجع وبدا يعزز نفسه

ويقول انا مدرب جيد انا مدرب جيد وهو ناسي إن المكرفون شغال

والمتدربين يقولون وش ها الخبل ...

والأدهى والأمر انه انحشر و دخل دورات المياه وطلع أصوات

قنابل وشلالات والناس تسمع وياغفلين لكم الله ...

طبعا ها السالفة سمعتها مباشرة منه ...

يو طولت عليس >>> يحسب نفسه بالمجلس العام ;)

أخاف يزيد يمزعني وما يردني إلا أرشيف لقاءات الزعيم ..:p

كما عهدناك مميزة جداً فشكرا لك هلالية سنعة ..

ودمت بخير وعافية ,,,

~~ الماسة الزرقاء ~~

اهلين ومرحبتين بالمبدعة الرائعة الماسة الزرقاء ...

تصدقين عاد جاز لي اسم الخنفشاري .. احس انه قوي ..:p

إقتباس


	خصوصا الصورة إلي فيها غدير وضباب والصورة إلي فيها ظهر إنعكاس السحب على الموية , والموية الجارية

انا اللي فيها انعكاس جازت لي اكثر بس على الواقع

والله روضة التنهات انواع الفلة وناسة ولعب كورة

كنك في استاد الملك فهد ..

إقتباس


	كأن الخروف إلي واقف قاعد يستنجد بالمارة ,

لا هذا انا قلتله سوا كذا عشان تظبط الصورة
>>> من جد خنفشاري ..

ما شاء الله عليك ملاحظة مرة حلوووة ..

شكرا لك اختي الماسة ودمت بخير ,,,

لي عودة

الـنـادر · #9 21/02/2007, 08:33 AM

صراحه صدقت في قولك

اهم شي اليد اللي تصور

كان هنا · #10 21/02/2007, 01:33 PM

بسم الله ...:

يا هلا وغلا باكبر خنفشاري والذي لم يشهد التاريخ مثيل له ....

جيت وجبت المجلس كله معك ...خخخخخ

عواافي ع هالمحاضرة الخطيييرة بصراحة...

وترا الصور ما طلعت ....

كان هنا · #11 21/02/2007, 02:09 PM

هذي طلعت

لا حول ولا قوة الا بالله ...متى العزاء ...

عوااافي بو مقبل ...

!!!

الهلالي دائماً · #12 21/02/2007, 04:37 PM

:

D ~~Blue longing ~~

هلا وغلا اخوي الغالي ..

عاد صور روعة مقبولة ..

أم دروس جميلة كثر منها خخخخخخخ

الله يعطيك العافية اخوي Blue longing

دمت بخير وعافية ,,,

~~ الهنوووف ~~

هلا وغلا بالمبدعة الهنوووف ...

إقتباس


	صادقين هالقدماء >>>صدقت والله الصور تعبر احيانا عن قصايد

اييه ترا القدماء ما قالوا كذا بالضبط
بس قالوا رب صدفة خير من ألف ميعاد ..

إقتباس


	ذكرتني بالدراسه الله يذكرها بالخير >>>>عجوز تجاوزت ال 60 عام

خخخخخخخخخخخخخخخ
عاد وش يقول اللي خلص الجامعة ؟؟
120خخخخخخخ

إقتباس


	ماجد وش انت شاربن اليوم ايه انا دايم اصور بدون كاميرا واقول ورى صوري شينة

شارب فيمتو هههههه:p
لا انا اقصد اللي يصورنا الناس بعيونهم 4×6 ..
اذا شاف شي يبقبق عيونه و يناظر وبدون قطة

إقتباس


	حلوة الصور ودي اتسدح فيها واتشقلب >>> متاثره بهايدي

هههههههههههههه عاد لاتسوين دبل كيك 

من جد المكان روعة واحلى شي فيه الكورة ..

إقتباس


	مرتن ثانيه استاجرلنا باص وركبنا معاكـ بلاش نذاله

من عقب سرقتوا سيارتي في كشتتنا الاولى
قسم بالله ما اطلعكم معي ابد ههههههه

إقتباس


	صورة الخروف تضيق الصدر

اللي يضيق الصدر والله راعي الخرفان
رفض اننا نذكيها قبل ما تموت
لو عطانا اياه كنا بندعيله الى يوم الدين ..:p

شكرا يا لهنوووف وننتظر صور من اخراجك

دمت بخير وعافية ,,,

~~ ن و س 077~~

هلا وغلا اخوي نوس 
ومشكور على المرور و المشاركة ..

بس في بخاطري شي ودي اقولك اياه !!

توقيعك حلو بس يبيله شرح

ماشاء الله فيه اسماء واجد

ودي اعرف ايهم انت ..

تسلم على مشاركتك والله يعطيك العافية ,,,

~~ النادر ~~

هلا وغلا بالنادر ...

قود مورننق قود ايفننق قو نايت خخخخخخخخ
>>> يبي يعلمك انه يعرف انجلش

وعلى طاري اليد مايبيلها كلام :p
تسلم يداتك على هذا الرد ..

والله يعطيك العافية ,,,

~~ عبود البطل ~~

هلا بالغالي احد اعضاء جمعية الخنفشار خخخخخخخخخخخ

والله عبود كنت انتظر نقدك للصور بس حسافة انها ما طلعت ..

ولو اعرف اطلعها لك طلعتها بس ما عندك احد :p

على العموم ترا فاتك شي جميل خخخخخخخخخخ

بس كويس انك لحقت على الخرفان وللأسف العزاء خلص

يعطيك العافية عبود البطل ..

ودمت بخير وعافية ,,,

الهنوووف · #13 21/02/2007, 07:46 PM

\

باك ماجد لقد عدت >>>وش تبي ذي

الي بيقول وش تبي ذي هو نادني ترى >>>خنشفارية

إقتباس


	لا انا اقصد اللي يصورنا الناس بعيونهم 4×6 .. اذا شاف شي يبقبق عيونه و يناظر وبدون قطة

على الطاري فيه قصيدة حلوة حقت فهد معتوق الظاهر اسمها 4×6 فيها ابوسعوود وثلاث ايام

تضيق الصدر

ايه عاد علم نفسكـ ذبحتنا بالكشتة ماغير نسحبك تسحيب عيونك على كل خيمه مدري وش تناظر الخيمة او من داخل الخيمة:p

إقتباس


	من عقب سرقتوا سيارتي في كشتتنا الاولى قسم بالله ما اطلعكم معي ابد ههههههه

ماجد

من سرق سيارتكـ
تبي انتقم لكـ ترى عادي :p
>>> طالعه منها مو انا خنفشارية ;) :p

إقتباس


	اللي يضيق الصدر والله راعي الخرفان رفض اننا نذكيها قبل ما تموت لو عطانا اياه كنا بندعيله الى يوم الدين ..:p

سبحان الله مو مقتنعة ابد باسم الذكاة احس لما اقولها كاني وحده ماتعرف تنطق زكاة

يعني تبي تفهمني انك تعرف تذكي اها بس ياخنفشاري عساك تقدر تشوفها بس وماتنحاش >>>كلن يرى الناس بعين طبعة :p

تشكرات مستر ماجد

الهنووف

كانت

هنا

ويمكن ترجع :p

رعبوبة الزعيم · #14 22/02/2007, 02:26 AM

هــلا والله وغــــلا ماجد الخنفشاري

وين الناس..مالك بينه

طلعت راعي صور وحركــــات ولا تعلمنا..

..

إقتباس


	الصورة الجيدة هي لغة سهلة تتخطى حاجز الأمية .. وتتجاوز كل اللغات لتصل إلى جميع البشر واضحة معبرة .. فكم من صورة أغنت عن كثير من الكلمات .. وغطت على كثير من الاوصاف .. وسدحت القصائد وسحبت البسائط >>> أقول لايكثر بس خخخخخخخخخخ

مقــدمه مثل مايقولون ولا بالاحلااام بس حلوة
مثل حلاوة رووح صاحــبها ;)

إقتباس


	في هذا اليوم سوف نتناول اهم الدروس في فن التصوير واذا كنتوا منتبهين معي بطلعكم من الفصل بدري واخلي آخر عشر دقايق سواليف >>> حركات مدرسين