المشكلة في عقليتنا حنا السعوديين انا مانمشي بالعقوبات والتهديد يعني بعضنا يقلبها تحدي واللي يصير يصير. حتى شوفوها عندكم بالعمل او المدرسة انك تبزوط مع الرئيس الشديد لكن الرئيس المحترم واللي يجيك بالكلمة الطيبة والتعامل الحسن تحترمه وتستحي منه وتخلص في عملك عشانه.

اللي قلته صاير ايضا في ملاعبنا بعد مانقلت مباراة الهلال لحائل مانفع معانا العقوبة وخربناها في الرس حتى جماهير النصر ما اعتبرت باللي صار للهلال وواصلوا مسلسل الشغب انتهاء بجماهير الاتحاد في نهائي كاس الامير فيصل..طيب وش الحل؟ كيف نعامل الجمهور باسلوب راقي حتى يستحوا على دمهم ويلتزموا بالتشجيع المثالي؟

الحل هو ان يقوم اي لاعب له كلمة وله احترام عند الجمهور مثلا سامي الجابر من الهلال وسعد الحارثي من النصر وحسن عبدالغني من الاهلي وحمزة ادريس من الاتحاد ويوجهوا رسالة لجماهير فرقهم قبل بداية المبارايات عن طريق ميكرفون المذيع الداخلي بان يلتزموا بالتشجيع المثالي ونبذ العنصرية صدقوني بعدها راح يلتزم الجمهور بذلك احتراما لنجمهم المحبوب وعشان خاطر عيونه;) .

لو يطبقون هالشي في مباراة واحدة فقط اما المباريات القادمة ترسل رسالة جوال لمشتركي الخدمة بمقطع مختصر من الكلمة اللي القاها في الملعب مذيلة باسم اللاعب.

اتمنى ان الحل اعجبكم..انا لو يمسكوني لجنة الانضباط لاخلي اللاعبين والجمهور يمشي زي الالف