الأكورد بايخه

إقتباس الرسالة الأصلية كتبت بواسطة ملـــــ الهلال ــــك الأكورد بايخه

يخوي انا اسأل عن اللومينا !!!!! .. وبعدين ليش الاكورد بايخه ...؟؟؟

اذا بتاخذ شي وكاله وتحافظ عليها زين

اما تبي تهملها ولو شي بسيط بتروح عليك السياره

اللومينا والكابريس بالذات ماتتحمل بهذله ابد

بس بقولك همسه

اشتر لومينا او كابريس

خلها معك فتره ثم انزل بها لسوق السيارات

شف كم تجيب لك

اذا ما نقص فيها عن سعر الوكاله من 15 ال 20 الف وانت ماشي

اذا بتشتري خذ لك سياره تعتمد عليها لاقدر الله وجارت عليك الظروف

تصدق والله بغيت اشري لومينا 2006 ... رجعت وفكرت بسعرها وهونت

شريت كامري

ماودي امدحها بصراحه شهادتي فيها مجروحه

الاكورد ماتقل اهميه عن الكامري الا ان عيبها الوحيد ان قطع غيارها اصليه ومافي شي مقلد بالسوق عشان كذا سعر قطعها غاليه وتدوم مده اطول

زبدة الكلام

اكثر من 80% من الردود اللي شفتها تذم اللومينا

والبقيه بين متردد ومؤيد

ولكل قاعدة شواذ

والله يوفقك

رهيف الحس ...

مشكوور على المرور ..

انامعاي لومينا 2006ل س وماشي 41000 الف الحيين ماشيه معه زي الحلاوة والدليل سيارات الشرطه اقلبها لومينا

اخوي القنــــــاص 20 ........

على ماأعتقد ان سعر اللومينا يبدأ من 83000 إل إس .....

وهاذي تجي 6 سلندر وتجي جنوط 16 بشكل أساسي ....

أما اللومينا ال إل تي زد فسعرها تقريبا يبدأ من 96000.....

وهاذي بعد 6 سلندر وجنوط مااذكر بالضبط مقاسها بس حلوه!!!!
ومخمل..... أما اذا طلبت مراتب جلد ومواصفات ثانيه أعتقد انها فوق المئه الف ....

أما بالنسبه للانواع الرياضيه ....

نوع إس يبدأ تقريبا من 92000 مراتب مخمل طبعا ومن الداخل أسود ....

ولأضافه فتحه السقف 5000 ريال........

أما ال إس إس فسعرها ماأذكره بالضبط بس حوالي 116000 ....

ماني متأكد من سعر ال إس إٍس بالضبط !!!!!!!!!!!.

وبالنسبه لتجربتها أنا شخصيا ماجربتها ....بس يقال انها راسيه مره على الخط ...

ومن أفضل أجيال اللومينا تماسك ورساوه على الخــــــــط ........

آسف على الاطالــــــــه

تحياتـــــــــــي.........

إقتباس الرسالة الأصلية كتبت بواسطة saud7337 ياغالي خذ النصيحه من ناس عندهم لومينا لاتاخذ النصيحه من ناس يسمعون بس انا اشتريت لومينا 2001 وكاله ال اس وديتها الصيانه خلال 6 سنوات 3 مرات بس والله العظيم اول مره: بعد 1000 كيلو ثاني مره: 40000 كيلو ثالث مره:120000 كيلو والحين ماشيه 299 الف كيلو وستحيل افرط فيها بشتري 2007 واجيبها معاها وسيارتي مثل العسل معاي وراح اشتري 2007 انشاءالله بس اهم شي اعرف وش اهم الاسباب اللي مازالت معي مثل العسل : 1- لاتخلي البنزين ينزل عن الربع (( علشان البخاخات تبقى نظيفه )) 2- تغير الزيت في وقته لا تتهاون فيها والافضل انك تغيرها قبل نهايته بفتره بسيطه 3-كل 30 الف كيلو تغير فلتر القير ((120 ريال تقريبا)) وتغير الزيت اجباري للقير وطبعا يكلفك كله مع شغل اليد وكل شي 200 ريال مع سعر الفلتر طبعا ولا توديه عند اي احد اسأل عن ناس فنانين لان فلتر القير حساااااس جدا مايتحمل ان يتعلم عليه هندي 4-قطع غيارها اسعارها حلوه (( الوكلاء= العيسى والجميح وغيرها )) اسعارهم مختلفه من مدينه لاخرى ومن وكاله لاخرى اذا بتشتري قطعه اسال عن الوكلات كلها راح تلاقي فرق تلقى قطعه رخيصه بالجميح واغلى بالعيسى والعكس كمان 5- انتبه انك تفحط فيها ولو مره لانك راح تبهذلها لانها مو كامري مصنوعه للتفحيط بالعكس مصنوعه للسرعه 6- غيرت كفراتها وركبت جنوط كابريس اس اس2003 يعني كفرات مقاس 17 بكل صراحه بعد ماركبتها حسيت السياره قمه في الرساوه والا قبل كانت الرساوه معدومه للامانه 7- الاكورد روووووووعه الصراحه بس سعرها حرام خذلك لومينا ال تي زد احلى الصراحه تحياتي لك ياقمر معليش طولت بالموضوع لان شفتك نفسك فيها بس الناس خوفوك فيها نصيحه: كل السيارات تخرب ومعرضه للمشاكل لاتخاف بس العبره بالاستخدام عطني سياره ماتخرب حتى الكامري اللي مخصصه للتفحيط ليش تخرب بعد التفحيط ليش ماتتحمل والاكورد خويي معاه الصراحه رجووله حاره بس مايعرف ورش كل شي يروح الوكاله وصيانه مستمره واخيرا اكلت مطب مجنون انا وياه الاسبوع اللي راح وراح الوكاله وقالوله 15000 تصليح !!!! ليه ؟ قرر يبيعها سلاااااااااااااااااام ياعسل

انا معاي لومينا 99 وماشيه 320 الف وماشيه معاي تمام
في البدايه كانت مشكلة الرديتر ومسامير التوازن وفي الاخير غيرت الرديتر لأنه كان جوانبه بلاستك وغيرته بألومينيوم ومسامير التوازن ركبتلها جلد نسافات حق باص ابو ريالين والباقي مستهلك واهم شي زيت القير وفلتر البنزين ويفضل استخدام زيت 10w30 ولاحضو الفرق وخاصتاً للسيارات السريعه.

اسأل مجرب ولا تسئل بياع

انا اعطيك الحل الوحيد ورح ينفعك في اتخاذ قرارك

روح استأجر لومينا وجربها يومين
وجرب اي سياره ثانيه دفع امامي واطلع فوق عيون البس وانت مسرع رح يطلع السيدي من المسجل وتحس دقات عيون البس في راسك
ويعدها استخير

واحد مضيع ,, ابورولا الهلالي ,, صافق..


الله يعطيكم الف عافية على الافادة ..