الى سكان الرياض ارشدوني - صفحة رقم 5 - نادي الهلال السعودي - شبكة الزعيم

مخاوي النجوم · #1 01/02/2007, 01:51 AM

حياك الله اخوي في الرياض
والرياض حلوووه للي ساكن فيها.
وبلمناسبة سمعت ان في حائل سباق الرالي ويمدحون جو حائل وأهلها خلك في حائل افضل لك من زحمه الرياض

هامور البورصه · #2 01/02/2007, 01:55 AM

إقتباس


	والرياض حلوووه للي ساكن فيها.

لالا من قالك يحبيبي بالعكس شينه وكأيبه و......

رياان مافيه امل يجي الريااض بعد هالموضوع اتوقع انه يقوول ياليتني مانزلت الموضوع

بدر الرياض · #3 01/02/2007, 02:13 AM

إقتباس

الرسالة الأصلية كتبت بواسطة ريـ ـ ـ ـ ـان


	السلام عليكم حيا الله الزعماء وشلوووونكم وشلووون اختباراتكم بس ودي اسال اهل الرياض انا انشالله جاي للرياض العطله الجايه بعد الاختبارات وابغى تعلموني وش الاماكن اللي تستاهل يروح لها الواحد علما بان وسيلة التنقل ليموزين وسؤال لراعين الكوووره العطله الجايه هل فيه مباريات في الرياض ؟ واتمنى تردون علي ولا تتركو الموضوع زيارات بدون ردوووود وشكراً

هلابك
ياولد حايل عليك بالبر والربيع الخلاب خريم محارق التنهات سدير الخ للمزيد ادخل موقع مكشات لن تنس هذه الرحلة

al_hayem2003 · #4 01/02/2007, 05:06 AM

هههههههههههههههههههههههههههههههههههههه

الله يرجكم

شكل ريان جته سكته عشان كذا مارد علينا

فعلا نتكلم بواقعيه وش فيها الرياض عشان يجي

والبنات اللي يمدحونها من حقهم لان كل شي مفتوح لهم وحنا لنا الله يامقاهي ولا متسدحين في البيوت

اقول اقظب ارظك بس

♫ ROMAntico · #5 01/02/2007, 07:07 AM

*
*

<<< متـ1بعهـ بصمتـ وتتحرّى ريــــ1نـ

( بسـ مـ1ظنتيـ بـ يرد

)

إقتباس


	والبنات اللي يمدحونها من حقهم لان كل شي مفتوح لهم

*
*

هامور البورصه · #6 01/02/2007, 07:10 AM

^
^
^
الله يرجك انتي ولساانك ذكرتيني بعنز عندنا اوول

♫ ROMAntico · #7 01/02/2007, 07:31 AM

^
^
^
زيييييييييينـ أنـ1 تشبّهنيـ بـ عنز ؟!!

أو لـ هـ1لدرجهـ عنزكمـ مملوووحهـ <<

1لمهمـ إنـ كلـ شيـ مفتوحـ لنـ1<< هذ1 أهمـ شيـ

*
*

هامور البورصه · #8 01/02/2007, 07:41 AM

من قال

سامحين لكم تدخلون الملعب ؟

سامحين لكم تسوقن ؟

اجري يابنت العبي بعيد

اساسا قلت معاد اللهي اتمشاء بسووق معااذ الله

♫ ROMAntico · #9 01/02/2007, 08:18 AM

*
*

إقتباس


	سامحين لكم تدخلون الملعب ؟

وع وع قرفـ ! أيـ ملعبـ ؟!!! صبّـ1تكمـ شكراً مـ1أبيهـ1 عليكمـ بـ1لعـ1فيهـ

إقتباس


	سامحين لكم تسوقن ؟

يؤ ! أنـ1 آخر عمريـ أسووووقـ ؟!! لييييشـ ؟؟ وشـ قـ1لو1 لكـ ؟

إقتباس


	اجري يابنت العبي بعيد

ممكنـ أمشيـ طيبـ ؟!! ـخخخخخخخخـ
*
*

هامور البورصه · #10 01/02/2007, 08:20 AM

^
^
^
اللي مايطوول العنب مسكين قزم

هلالي القرعاء · #11 01/02/2007, 08:10 AM

وين سهل ما قفل الموضوع

الـنـادر · #12 01/02/2007, 08:10 AM

هلا والله اخوي ريان في الرياض

صح اني ماني في الرياض بس ان شاء الله راح افيد شوي

اول شي

الوقت اللي انت جاي فيها حلووو بنسبه للبرد و الجو الحلو

يعني الجو هالايام جو طلعات و كشتات

يعني اذا نزل مطر في الرياض

دور اهلها كلهم في الثمامة

ثاني شي التمشية

التمشية في الرياض حلووه بنسبة لي

صح اني ما اطلع اتمشى الا يوم واحد او يومين في الاسبوع بس فيه اماكن حلوه تتمشى فيها بالسيارة

زي طريق التحلية و الضباب و الثلاثين و العليا و الستين و غيرها من الشوارع

بس دايما اختر الوقت المناسب

يعني لا تطلع بعد صلاة العشاء او بعد الساعه 9 الليل و تتمشى لانك راح تكره حياتك من الزحمات

غير كذا واحد جديد في الرياض يعني ما راح تعرف الطرق المختصره و الاسرع اللي توصلك للمكان اللي تبي

ثالث شي

الاسواق

طب و تخير

السوق جمب السوق

يعني خطوتين على رجولك و انت في السوق الثاني

الاسواق صراحه حلووووه مره و نظيفة

طبعا هينا عامل الوقت و العوائل يتدخلون في هذي المسئلة

يعني اذا انت عزوبي عندك الصبح

رح ادخل اي سوق يعجبك و ماحد يقولك لا

اما اذا انت مانت رايق تقوم الصبح عشان سوق

عندك العصر و ان شاء الله تدخل و تستانس الى تقول بس

طبعا هذا الكلام ينطبق خلال وسط الاسبوع

اما نهاية الاسبوع عندك من صلاة العصر الى المغرب بعدها برا و و اذا انت محظوظ الى صلاة العشا بعدين اوت

انا اذا كان معك اهلك فاهينا كلام ثاني

ادخل اي سوق و في اي وقت تبي محد يقولك لا

رابع شي

المفروض اذكره اول شي

المتاحف الوطني و قصر المصمك و ساحة الحكم و سوق الزل و الاثار في الدرعية

كلها اماكن حلوه و حلو انك تتعرف على تاريخ المملكة السعودية

عندك المتاحف الوطني و قصر المصمك و ساحة الحكم و سوق الزل كلها جمب بعض و يكفيها يوم واحد عشان تروح تتمشى فيها خاصه سوق الزل

فيه متعه و وناسة و انت تتمشى فيه ما تقدر تحس فيها في اي مكان ثاني

اما الاثار فعندك ساعتين عشان تقعد و تتمشى فيها الين تقول امين

خامس شي

عندك حي السفارات

حي راقي كل السفارات اللي تجي في بالك هيناك

حي محروس و امان فيه

داخل الحي عندك منتزهات و حدائق و ساحة الكندي و ساحة الكرازي ((اسمها كذا على ما اظن)) و غيرها من المطاعم الراقية

تروح هينا و تتمشى و تتعشى او تتغدى كيفك بس لا يفوتك الحي

تراه حي جميل و منسق

سادس شي

جسر المشاهدة في برج المملكه و مطعم و مقهى اللي في الفيصلية فووق

هيناك رح تتستمتع بمشاهدة الرياض كلها

هذا كل اللي اشوفه

و اذا بغيت تتستفسر عن اي حاجة في بالك عن الرياض اسئل

الكل في خدمتك يا اخوي

سلامـ

ياقاهرهم يالهلال · #13 01/02/2007, 08:39 AM

الرياض يصلح لها عوايل وبس

الشباب ياطويل العمر يروحون للاماكن التالية <---- حلوة التالية صح

1-دوران في شارع التحلية حيث الزحف والمواتر المرهمه والمواتر الفخمه والمواتر اللي مالها اسم من حيث الصناعة

2- الفيصلية والمملكة من حيث التكحيل والاستهبال حتى الطرد بس لازم تشبك حارس الامن ولا تمشي ورا ست من الستات

3- المقاهي وماأدراك مالمقاهي معقل شباب الرياض وخاصة وقت المباراة واربعاء وخميس وصبح المدارس للبزران المفاختين وتوه طاق موتر مجمع مبزرة ورايحين يعسلون معسل (والله حالة )

4- الملاعب وقت المباريات (الملز) (ستاد الملك فهد) (نادي الهلال

) <-- مره ياملعب ريال مدريد كل يوم مباراة

5- يجتمعون في بيت واحد من الشباب للاتي :: (بلوت) (كنكان) (سوني) (جايبين افلام يشوفونها وكل واحد بيته

<<<ياكثرها ذي) (تضييع الوقت عشان مافيه مكان يستقبلنا يالشباب والله ماكلينها حنا اه بس)

6- الثمامة من حيث دخول المنتزهات مع الستات ومخادعة حراس الامن زي الفيصلية يعني _ ولا خذ حطبك وجمع لك كم داشر وفرشة وحب وورقة عشان البلوت واقعد هناك الين يجيكم نوم وهباااا البيت ياحلوين

7- ينام الين يقوم بعدين يقوم الين ينام <------------- حال كثير من شباب الرياض خخخخخخخخخخ

المهم اذا كنت تعرف احد في الرياض تعال وجربها عشان تكون درس تعجبك ولا ماتعجبك

واذا ماتعرف احد وغير كذا بتدور في ليموزين لاتجي نصيحة خذها من مجرب

عندك الشرقية وجدة ومكة وباحه

ابها كنك في باريس من براد وثلج واماكن خيالية