هل وصل المدح لدرجة(انت المهدي المنتظر)؟للأسف الشاعر سعودي ‏ - صفحة رقم 3 - نادي الهلال السعودي - شبكة الزعيم

ابويارا المغترب · #1 10/01/2007, 11:04 PM

عواااااااااااااااااااااافي ابوندى.....على النقل

والتويجري شاعر رغم غرورهـ..

نـــــــ15ــــــمر · #2 10/01/2007, 11:12 PM

ههههههههههههههههه
توني اقرى موضوع زعيمه قديمه
ويابو ندى ماشاء الله عليك
عيني عليك بارده جبتها بسرعه

شار كبير باسلوبه وطرحه والقائه

وعلى النقطه الي صار فيها جدال في احدى المواضيع

إقتباس


	يالمهدي المنتظر بالحاجتين الجسام ============ المدة المسكته والاخذ بيد الضرير

اعتقد هنا انه تشبيه

وابو ندى لك شوي بالنقل ترى الكلام في نقص واخطاء مطبعيه

تشـــــــــــــــــاو

فهد عاشق البرسا · #3 10/01/2007, 11:13 PM

مشكووووووور سبقتني في تحميلها
وعلى قصة المهدي شكل وراها مغزا مافهمناه
المهم أحسن مافي هذا الشاعر انة ما يخاف أحد مهما كان
وتذكرو قصيدتة في (الطرشي) ال زلفة...

علم الزلفة يوقف لا نخيب ظنة بالقصيد الي بحدة خنجر عدناني
الله أكبر ياقرى مكة وأهل السنة عرضكم أصبح نقاش لواحدن علماني

رعبوبة الزعيم · #4 11/01/2007, 01:33 AM

يــاسر التويجري شاعر كبير
واظن ان المليون او الفلوس اللي راح تجيه ماراح تغير شي
وان شالله يكون اللي فهمتيه اختي مايقصده الشــاعر
يمكن مثل ماقال الاخ نمر تشبيه فالأدباء لهم اساليب يبتكرونها ربما
تعيب عليهم وتكون ضدهم وربمــا يعيب عليه كل الشعر ماعدا هذا البيت
ولكن القصيده كلها حلوة يمكن ماعدا هذا البيت وان شالله يكون قصد الشاعر
ماهو مثل ماتوقعتوا ياسر التويجري شاعر بمعنى الكلمه
وبالنهايه اللي يقولونه كله خيال في خيال ماله اساس من الواقع الا نــادر جدا
والدليل مالا يفعلون مثل ماقال اخوي ولد وايل ..

فهد عاشق البرسا · #5 10/01/2007, 10:59 PM

مشكورة أختي على غيرتك

بصراحة ياسر التويجري بيض وجيهنا بقصيدتة وخلا الأماراتيين كلهم يصفقولة
وعلى قصت النفاق تراني والله أكرهة
بس ترا الشيخ الي كان يمدحة يستاهل (شكلة طيب ومتواضع)
وهو مانافقة علشان فلوس ولا شئ ثاني لا
الي فهمتة أن الشيخ كان متبنية شعريا قبل أربع سنوات
يعني يستاهل المدح

وعلى ذكر القصيدة انشاء الله ابي أحملها بعد شوي..

تحياتي...

الكلاسيكي · #6 11/01/2007, 02:05 AM

أولاً أهــلاً وسهــلا فيكـ اختي الزعيمه ..
وحيـــاكـ الله بين اخوانكـ واخواتكـ .. واعتقد ان بدايتكـ رغم انها كانت انتقاديه
إلا ان الانتقاد كان في محله ..

في الحقيقه ان من المتابعين للبرنامج من بداياته .. ولاحضت كثير من الامور السلبيه في البرنامج
ومن اهمها العنصريه القبليه .. وانا هنا لا اقصد التفاخر .. فالكل يجب ان يفتخر بقبيلته ولكنه وصلت لحد العنصريه ..

وكن انا لا انكر جمال مضمون البرنامج .. وهو تشجيع الشعراء الجدد واظهار مواهبهم ..
رغم ان الشاعر اللي تتحدثين عنه شاعر معروف وليس بجديد واخذ مكان غيره ..
ومع هذا يعجبني هذا الشاعر .. لانه بكل بساطه رائع ..

ام الاخطاء اللي وقع فيها بالفعل كل ماقلتيه صحيح ..
فهو اختار المهدي بمزاجه .. وايضاً قال الحرام .. ومن ضمنها السب والشتم في كلمة (ملعون صير ) !!

ولكن فيه ملاحضه ..
هو نزل من المشرح ولم يطلب من الراعي التكفل بمصاريف زواجه .. بل طلب السماح له
بالانسحاب من المسابقه لتجهز زواجه على حد فهمي وفهم من معي ..

عموماً هذا لا يقلل من اعجابي بالشاعر .. ولا يقلل من اعجابي بملاحضتك ..

تقبلي ارق التحايا ...
دمتي بخير

جرح يشكي · #7 11/01/2007, 03:04 AM

السلام عليكم ورحمة الله وبركاته

كثير من الاعضاء يبحث عن قصيده ياسر التويجري في مسابقه شاعر المليون
مع تحفظي على بعض الابيات

((الكرامه الكرامه))

ولدت ساطي ومتغطرس وأحب الخصام
============ ولا أعترف في إدارة طبع والا مدير
أوجدت نفسي من اللاشي والانعدام
============ نبذت فالمجتمع لاني صريح وفقير
ماكان تفكيري الا كيف أخطف السنام
============ والحمد لله خطفت اليوم كل البعير
إن لم يكن مركزي بالصف الاول أمام
============ ماعاد تفرق معي لو كنت قبل الاخير
الله أكبر ولله البقاء والداوم
============ وهو الاله الاحدوهو السميع البصير
أخذت من مدرسة أحمد عليه السلام
============ مالاخذيته من مخاوى وزير وامير
وأخذت من تجربة عبدالعزيز الامام
============ وش يصنع العلم لاخاواه سيف شطير
واخذت من فلسفة هتلرعدم اللالتزام
============ وكسبت نفسي وريحت القلق والضمير
وابشرك حالتي دايم على مايرام
============ من ركعتين الفجر الين بعد الاخير
صحيح عندي تحفظ على بعض الانام
============ مثل معمر وابو مازن وتوني بلير
لكن انا مااحب اقلل الاحترام
============ واذهب ضحية طموح الغرب وانا صغير
قومية المسلمين اللي عليها الكلام
============ راحت معا خالد وعمرو وعلي والزبير
الله ولا ذل والتخوين والانهزام
============ ياعابدين العروش الوضع جدا خطير
يابو خلف كيف حالك عل حالك تمام
============ انسى القصيدة وهات علوم اخوي الكبير
شيخ عرفته وتقريبا لي اربع اعوام
============ يومني اجيه لا جاير ولا مستجير
يشوقني له نشوق الوسم عقب الحيام
============ في صفرة جوها ماهو بفية هدير
الشيخ ابو خالد محمد عداه الملام
============ اللي يصير من الاصرارمالايصير
حد الثماله اعزه لاعلي الحرام
============ اني احبه وحبٍ لودرابه يطير
يطير مثل الوحش لاضف ريشه وحام
============ وحول على الذايره بالجو مثل المغير
ان الملوك اذا اعطوك حب وغرام
============ خلوك من سائر الخدام يعني خفير
الا انت ياراعي التقدير والاهتمام
============ ياللي رحمت الصغير وشلت هم الكسير
اذا البلاط الامير والكنب والرخام
============ له شاعر يدهله في صبح والا عصير
فانادهلت الثرياوالقمر والغمام
============ وحولت اداهم طرف مشلحك مالي خشير
كفرت بالناقصه والغدر والانتقام
============ وامنت باانك حزامي بالنهار العسير
من لايقدر ثباتك مع عكاك الزحام
============ ماهوبوالله مقدر ويش معاني جرير
يارا س عيطا يمسك البدء قبل الختام
============ يالنادر اللي على صيد المكارم شهير
يالمهدي المنتظر بالحاجتين الجسام
============ المدة المسكته والاخذ بيد الضرير
ياسيدي ودي افهق لك ضلوع العظام
============ واعطيك شي بصدري وانت رجل خبير
اناتراني اعاني نوب من انفصام
============ يوثرعلى البرمجة في راسي المستدير
واصير احس اني البارود والا الحسام
============ في ساحة الشعر من تبوك لاقصى عسير
ممايسبب لبعض اعدائي الاحتدام
============ اللي يحسبون قرض الشعر مثل الشعير
والشعر وان كانه المقصودباول مقام
============ فالله يرحم ابو الطيب ويرحم زهير
روح التنافس وحب الشيخ والانضمام
============ ماهي بتعني لدى الكثرة نهاية مصير
والشاعر اللي معه عزوة خوال وعمام
============ تفداه وايل وترقب مستعدة مطير
والله فلا ينقهروالا يضيق ويضام
============ لاجاء اللززوالملاقى والقبس والنذير
وجمع الدراهم ماهي باكبر طموح الغلام
============ اللي جمع من قلوب الناس شي كثير
من حبني رغم تفويتي له الانخدام
============ واللي كرهني فهذا شخص ملعون صير
دام المعارك صغيره ماعلينا لزام
============ ينوب عن سيفي البتار اصغرجفير
قرات فيماقراته من بلوغ المرام
============ اللي ترك شي لله عاضه الله بخير

اتحميل القصيده فيديو
اضــغــط هــنــا

ياما وياما · #8 11/01/2007, 03:26 AM

يشرفني ويسعدني أني أكون أول من رد على موضوعك

وبصراحة ريحتني يالغالي لأني من أمس وأنا ادور قصيدة ياسر بالصوت

ألــــ100000000000ــــف شكر لك يابعدي

هلالـ9ـي · #9 11/01/2007, 03:29 AM

مشكووووووووووووووووووووووووووووووووور

والله يعطيك العافيه والقصيده مره حلوه

ريفيلينو · #10 11/01/2007, 04:34 AM

سلاااااااااااااااااااااام

مشكور اخوي

صجوني الشباب وهم يسولفون عنها

وشفناها الآن عبر هالموضوع

حملناها وسمعناها قبل كتابة الرد

بس اخبرهم يقولون صاير خمبقة عقب هالمقطع

ليت اللي عمل مقطع هالفديو جابه كامل <<=== ما ودك بعد يجيبون الحلقة كاملة ... انت ووجهك

تشكراااااااااااات

وسلاااااااااااااااااااااااام

عزوز الأزرق · #11 11/01/2007, 04:45 AM

مشكوووووووووووووور والف مليون شكر اخوي..

اسمحوا لي شوي .. البعض يمكن فهم البيت التالي خطأ ..

إقتباس


	يالمهدي المنتظر بالحاجتين الجسام ============المدة المسكته والاخذ بيد الضرير

من وجهة نظري وخبرتي ودراستي للعربيه .. استشف ان البيت لا يفهم منه محضور شرعي ...

في هذا البيت .. الشاعر مثل الممدوح بالمهدي .. فالمهدي يخرج ليحل مايخرج عليه من ضعف و انحطاط فالامه ..
والممدوح يحل حاجتين جسام فصلها في الشطر الثاني ..

والشاعر هنا لم يطلق التشبيه .. وانما حصره على حاجتين ..

هذه وجهة نظري من خلال دراستي الشبه جيده للغه العربيه..

كان بودي اطرح مثااااال .. لكن لا يحضرني ..

فالاخلاق شوي قافله .. من (الحرامي) الله يهديه ..
وان لزم الامر .. قد اطرح مثال للتوضيح فقط ..

واملي انكم فهمتوا مااعنيه .. تلقائيا .. وتبقى ( اختلاف الرائي لايفسد للود قضيه ) نبراسا بيننا..

انتهى , , ,

عاشق الزعيم!! · #12 11/01/2007, 04:45 AM

والله ابدع ياسر بالقصيده
والله يعطيك العافيه على المقطع

هلالي ونبضي سامي · #13 11/01/2007, 04:47 AM

يعطيك العافيه على القصيده واخوي
وثاني شي ماقدر اقول الا صح لسانك ياياسر على الأبداع

بو عهود · #14 11/01/2007, 07:53 AM

تسلم يالغالي
وقصيده اكثر من روعه
بس الهيامه داء اعجزت من يداويهـــــــــــــــا

ههههههههههه

زعيمه قديمه · #15 12/01/2007, 01:25 AM

إقتباس

الرسالة الأصلية كتبت بواسطة بو عهود


	تسلم يالغالي وقصيده اكثر من روعه بس الهيامه داء اعجزت من يداويهـــــــــــــــا ههههههههههه

مهلا. قليلا من الرقي يا أخي.

تحياتي