السلام عليكم ورحمه الله وبركاته

صباحكم عسل يازعماء !!

[COLOR="Red"] بعد غيبه طويله ! سامحوني على توقف الكتابه ولاسباب الدراسه بالخارج ! ولكن حال الزعيم والاخبار الجديده اللي ماتسر حالت عن زياده حاله الصمت !

موضوع عزيز شغل بالي كثيرا .. والاكثر من ذلك هو قهر كبيير في قلبي بسبب خالد عزيز ! صراحه لم اظلم اللاعب ! وكدت ان اتصل ببعض اعضاء الشرف المقربين من النادي ولكن ترددت لانه دايم احاول ان احصل عل الاخبار بنفسي لاتاكد .. ومايرد هلالي تشيلساوي الا اول طياره على الدمام

بحمدالله وصلنا للديره بكل خير وامان ! بق نشوف وش سالفه ابو عزيز ,,

نزور المعسكر بالملعب وبالفندق .. شفت لاعبين كثير ولكن اختياري الاول وقع على خالد عزيز

سلمنا على الرجال .. واخذنا وعطينا معه بالكلام .... واليكم نقاط من مقابلتي لخالد عزيز


1- خالد عزيز رايق جدا لابعد حدود وبااااارد ولا كانه يدري وش ينكتب عنه بالصحافه
2- كان محترم وحيوي ومزوح جدا مع جماهير الاتحاد والنصر لما يسالونه اذا بيطلع من الهلال
3- هنا نبدا الحوار

السلام عليكم ورحمها لله وبركاته . وعليكم السلام

كيف الحال ؟ عساك طيب ؟ والله بخير الحمدالله

كابتن عزيز .. بخاطري اكلمك بموضوع انت ادرى فيه لو مافيه ازعاج ... خالد : لاتقولي الاتحاد ؟

لا ابد ماهمني الاتحاد ودامك عارف الموضوع بعطيك من الاخر اذا مايزعلك خالد : يالله قل وش عندك

انت تبي الهلال ولا ماتبيه ؟ باختصار تبيه ولا ماتبيه ؟ خالد : مجرد ابتسامه

اكرر السؤال ... خالد : وفي احسن من الهلال ؟

جميل انك تعرف لكن الحق ينقال لو اني رئيس الهلال جوازك تحلم فيه ولو اقدر اخذ احوالك عشان امنعك من السفر الداخلي

خالد : افا بس ليه هذا كله

والله ياخالد انت تلعب للزعيم .. ولجمهور الزعيم .. حنا مانبي لاعب يتكبر على الفانيله اللي خلتك تلبس فنيله المنتخب ! ومع كل احترامي تصرفاتك ماهي تصرفات محترف وتستاهل اقسى من كذا .. اجل تسحب على النادي ؟

خالد : ابتسم .... ياابن الحلال ورب البيت انا هلالي ولاتفكرون بالاتحاد وتتعبون كثير لاني مافكرت فيه بس لي ظروفي اللي منعتني وكل انسان له ظروف مفروض الغير يقدرها

جا المصيبيح ونادى خالد للاجتماع ... مسكته من فنيلته قلتله خالد .. فنيله المنتخب ذي ماجتك الا من الهلال .. وترا عزك مايدوم الا بالهلال وانت بالضبط مثل سمكه من دون ماء لاطلعت من الهلال ...

خالد : ضحك .. وقال تبي تتاكد وتريح بالك والعالم كلهم اني فاهم كلامك ؟ تعال عطني شالك ( كنت لابس شال الهلال)
ونتصور فيه واثبتلك قلبي لليوم هلالي وللابد هلالي ولا فيه اتحاد ولا فيه غيره

الصوره تعبر هنا

تصورنا وجيت ابشركم بالخبر ...... لكن بروده العالي كان مسببلي قلق

طبعا المنتخب كان راجع من التدريب ... وكان عندهم اجتماع ودخلوا ... ثمن طلعوا وصدف ان قابلت الشلهوب


رمز الاخلاق بكل صراحه محمد .. سلم على محمد وتكلمنا شوي عن المنتخب .. وانا ومحمد نتمشى ونتكلم ببعض النقاط .. سالت محمد بكل صراحه ماقصه عزيز ؟ نادى عزيز مره اخرى .. وقالها قدامه : عزيز باقي مع الهلال ... وعزيز لديه عقد مع الهلال ثلاث سنوات اضافيه .. والموضوع كله فبركه اعلاااااااام يريد اسقاااااط الهلااااااااااااال ... وبسؤالي عن تواجد جده .. جاوب الشلهوب .. الرجال عذره انه ظروف عائليه في جده

والشلهوب كلمته احد من السيف ! وضحلي انه كان عنده سبب مقنع واللاعبين كلهم مقتنعين والاداره ردها بعد عودته من المنتخب يعني بالعربي ( امور عائليه بحته لعزيز )

ياسر القحطاني : كان مبسوووط وينكت ومفرفش الله يديم الفرحه ... وكان يمازح المصيبيح كثيرا
عمر الغامدي : كان رايق .. وباين عليه الحماس الكبير وتصور وضحك مع الجماهير المتواجده
الشلهوب : والله الشلهوب هو رمز الاخلاق للمنتخب السعودي ... ولكن ماخليتله فرصه من طلع من الاجتماع لين دخل غرفته وحنا نتناقش بمواضيع متخلفه ووعد اطلقه لانقله شبكه الزعيم ( كاس الخليج الشلهوب بيكون غيـــــــــر)

بيكون علامه فارقه ... وانا من حديثي معه ابصم بالعشره الشلهوب بيكون الكابتن رقم واحد بدوره الخليج وتواضعه الكبير لم يمانعه بالتوقيع لمجموعه اطفال والتصوير مع الزحمه

اما بقيه لاعبي المنتخب .....

رضا تكر: صراحه ماتوقعته بالانضباطيه ! يضحك ويسولف ويتبادل ارقام مع جماهير الهلال بشكل جدا رائع وحيوي .. اصفقله على اخلاقه صراحه

محمد امين : كان متواضع جدا .. ولكن للاسف حزين جدا ! كان بالود اتناقش معه لكن الشلهوب اخذ الوقت كله

حسين عبدالغني : حسين عبدالغني خارج الملعب انسان راقي جدا ... كان يضحك ويتمازح مع الجميع .. وتاخر عن الاجتماع شوي .. وتمازحت معه .. كابتن حسين ليه تنشد اعصابك مباراه الهلال ؟ طبعا الشال الهلالي على رقبتي وواضح هلاليتي

رد بابتسامه جميله جدا .. والله الهلال حبايب قلبي .. بس تعرف جو المباراه والحماس والجماهير تسبب جو ثاني

وبكل صراحه كابتن راقي جدا خارج الملعب

حمد المنتشري : لم يكن سعيد ولا حزين .. انطلق على غرفته كسرعه البرق

يوسف السالم وعبدالرحمن القحطاني : الابتسامه من خد لين خد .. عساهم على القوة بالبطوله

كريري : اتضح عليه عددم المبالاة ! والضحك والتسامر مع اصدقائه بالشرقيه والتاخر عن الدخول للاجتماع ...
والان الصدمه ... سعد الحارثي : جماهير النصر كانت كثيفه ومتعطشه للتصوير مع اللاعب .. ولكن للاسف كان جدا جدا جدا جدا متكبر !!!!!!!!!!!!!!!!!!!!!!!!!!! لدرجه استدعى رجل الامن ليصعد به الى الغرفه ورفضض مطالب الجماهير النصروايه .. لاحول ولا قوة الا باللله .. ( احد الجماهير يحلف بانه اتى من الاحساء ليتصور معه ويحلفله ويقسم ) ولكن سعد صعد بكل كبر ..

واخيرا باكيتا .... مازحته بقولي اني لا احب طريقته .. جاوبني بالشكر وسال لماذا

جاوبته لانه لم يستعدي الدعيع .. ضحك وحط يده بكتفي وهمسلي بكلمه اسيا ..... تعلم التسليك من عيال الرياض


هذا هو مساء الجمعه للاعبي الزعيم والمنتخب !

واخيرا اتضحت الصوره عن وضع خالد عزيز ... ومما اتضح لي صراحه عن تصرفات خالد عزيز التالي

1- اللاعب هلالي وقلبه للجماهير الهلاليه

2- االاعب شخصيته بارده جدا وغير جدي ....

3-االاعب يصر على انه مو غلطان ! وان عذره صحيح ....

ياجماعه الخير ... اتمنى نتعامل مع عزيز على حسب عقليته وتفكيره ...

لو نواف ولا سامي ولا الشلهوب اكيد مو مسوين مثل خالد عزيز ,....

لكن خالد عزيز شخصيته انه غير مبالي وغير جدي .. ممكن نوع من العقاب يضبطه ولكن ليس العقاب القاسي جدا لانه لم يتقصد الغلط

اتمنى نوقف مع عزيز ضد الاعلام الشوارعي الذي همه الاول والاخير الاطاحه بالزعيم !

الاطاحه بعزيز تعني معاناة الهلال من الاظهره + معاناة بمركز جديد وهو المحور !!

اتمنى تفهمون قصدي بطوله اسيا + دوري خادم الحرمين الشريفين

وشكرا جزيلا لكم وهذا كله فقط من اجل اراحه جمهور الزعيم

واعلانها الان ... الشلهوب والغامدي وياسر وعزيز .... هلاليين للابد على ذمه الشلهوب وعزيز والعبايه النسائيه بيننا ان انتقل واحدا من الاربعه

تحياتي لكم جميعا

ننتظر منكم ارائكم وان مافيه تعب عليكم .. جمله بسيطه تزيد من حماس خالد عزيز ولاعبي الهلال من خلال هذا الموضوع لزياده الروح المعنويه لزعمائنا وتجديد الثقه الجماهيرية



هلالــــــــــــــــــــــــــــــــــــــــي تشيـــــــــــــــــــــــــلـــــــسااااااااوي
http://www.arab-x.com/get.php?filename=1168048883.jpg هذا رابط صوره خالد عزيز

http://www.arab-x.com/get.php?filename=1168048883.jpg

هههههههههههههه

عفاك الله يالغالي وكشفت لنا المستور والمستخبي عن نجومنا ..

كثر الزيارات وأنا أخوك كودنا نشوف فضائح لاعبهم المغرور هههههههه

باذن الله اكرر الزيارات والاخبار اول باول

يعطيك الف عافيه وموضوع متعوب عليه


الف شكر

الحمـــدلله على سلامتك اخوي

والله انت بطل وأحلى خبر

يجــــب الوقوف مع عزيز ونراعي النقاط التي ذكرها المبدع هلالي تشيلساوي

يعطيك الف عافية أخوي

مشكور اخوي الله يعطيك العافيه
.
كان قلتله ان البلوي ماهو نافعك الا بشي واحد الشكشوكه والبيض
.
عاد اختار ياتبي الشكشوكه ولا العز والفخر ؟
.
.
يعطيك العافيه اخوي ويسلم يمينك
.
.
.
وشكراً

مشكووووووووووووور

الله يطمن قلبك ياشيخ..

الله يعطيك العافيه

يعطيكم الف عافيه .. بس كانكم نسيتو جمل تدعمون فيها النجوم ياشباب

ما قصرت ..والله جهدك قليل فيه كلمة شكرا .. لن توفى حقك ..

وأنا أقول إن عزيز عذره معه وإلا ما تكلم بهالثقة ..

أمـّا سعد .. ياليتك ما جبت طاريه .. هالإنسان ما هضمته .. ليه مدري ؟؟

على كرهي لمحمد نور إلا إني أحبه موت عند ذا القذلة راوؤل النسيم .. وليعذرني سكان النسيم .. الله يعنينا على فقعة الراس في كاس الخليج .. لزوم باكيتا وتكر .. أكيد إبداع

الله يعطيك العافيه

ريحتنا والله العظيم

يعطيك العافيه أخوي هلالي تشلساوي

ولو جاء عضو بعد كذا و فتح موضوع أنتقال عزيز للأتحاد أبتوطى في بطنه

الله يعطيك العافية

مشكوووووووووور