السلام عليـكم

موضوع مهم جـدآ وتشكر عليه يـاعبدالرحمـن .

عنـدي كم مداخله بسيـطه .


معكوس

إقتباس لعلمك .. فيه لاعبين في أولومبي الهلال .. ورديف النصر ياخذون 7 آلاف ريال (هواة) وأمَّا الفيصلي (فريق صغير) رواتب لاعبيه 10 آلاف ريال .. واللاعب عموماً لن يقبل بأقل من ذلك

بالنسبه للرواتب ماهي مشكله كبيره .. أولآ مثل ماذكـر لك عبدالرحمـن أن هناك لاعبين من الفريق الأساسي لن
يشارك بالمباريـات لفتره طـويـه جـدآ ،، وعنـدك بـدر الخراشي على سبيل المثال .
فهو لاعب محترف ويستلم ـ راتب ـ والأعب مستحيل يكون جـاهز من التـمارين فقـط ،، لكن لو كان هناك دوري للرديف
ويشارك بشكل أسبوعي في مباراه فستكون جاهزيته اكبر ،، فكرة دوري الرديف ممتازه جـدآ
وماتحتـاج لأي تكاليف زيـاده سواء على الأنـديه أو الأتحـاد السعودي ،، أولآ مافيها ( كأس ) للبطل لأن ماراح يكون
فيها بـطل بالأساس ثـانيـآ حتى لو صاحب المركز الأول فيه لو هبـط فريقه الأساسي للدرجه الأولى
فـ سيهبـط معه والعكـس صحيح ;)

أمـا بالنسبه لـ اين تجرى المباريات فـماهو بالأمر الكبير .. عندك في كـل نـادي ملعبين الأول ملعب تمرين الفريق
الأساسي والثاني ملعب تمرين فريق الرديف والشباب والناشئين إيضـآ .

مباريات الفريق الرديف تقام بعـد انتهاء التمرين .. لو نقول ان تمرين الفريق الأول اللي هو على الملعب الرئيسي
للنادي أنتهى مـع اذان العشاء ،، بعـد الصلاه تقـام مباراه ويكون الحكم من رعايـة الشباب .ويكون درجه ثانيه او
ثالثه ماهو بمشكله كبيره ومكآفة الحكم تكون 200 ريـال ، ماعتقـد الأتحـاد السعودي مايقـدر يدفعها
أو الأنـديه تستعين بنظام ( بيوت الشباب ) عـند أستدعاء حكام من الرعايه ويدفعون لهم مكافآه قدرها
150 إلى 200 ريـال ،، صدقنـي ماراح تكلف كثير ،، والأعبين ( الهواه ) ياخذون على المباراه مكافآه تقـدر
مابين 80 إلى 100 ريـال ،، لأن الأعب الهاوي ماراح يكون مـلزم بالـتمرين مـع الفريق ولهذا ممكن يتغيب بدون حساب
إيضـآ ممكن بمشاركاته المتعدده وأقتناع الجهاز الفني فيـه أن تتم الأستعانه بالأعـب للفريق الأول
وهنـا أقـصد يـتم توقيع عـقد أحترافي مـع الأعب الهاوي ،، الفائـده هنـا بدلآ من أكتشاف المواهب بالأنديه الصغيره
وسماعنا كل يوم أن أنديـه الهلال والأتحاد والنصر وغيرهم يتنافسون على مواهب من الأحساء وغيرها من المناطق
يـكون لديهم مجموعه من الأعبين تحت أيـديهم ومن نفس المنطقـه وتتم اكتشاف مواهبهم لـديك .

لازم الكل يعي أن الصبر هـو المفتاح الرئيسي للنجاح بهذه التجربه ،، يعني مانطـالب باكتشاف المواهب من موسم
واحـد فقط ،، وهنا دعني أستعين بهذا الأقتباس لأوضح مالدي :

إقتباس يعني هم كانوا كـ "حقل" تجارب ... و نحن نأخذ النتيجة النهائية و نطبقها ... ^^

للعلم أولآ // الأنديه الأنجليزيه هي أفضل من يطبق نظـام دوري الرديف وأنا قرأت قبل فتره أن الأنديه الأنجليزيه
تجرب بالموسـم الواحـد مابين 250 إلى 300 لاعـب ،، ويلعب الفريق الرديف تقريبـآ 60 مباراه بالموسـم

مقصـدي هنا ،، أننا في هذا الموضوع وكما فهمت إيضآ من الأخ عبـدالرحمن أنه يريد أن يقام فريق رديف للفرق
اللتي تشارك بالدوري الممتاز ( فقـط ) ولهذا المشكله ماهي كبيره ،، يعني كل فريق بيلعب 22 مباراه فقـط ;)
وتقـدر تجرب فيها مابين 30 إلى 50 لاعـب وبهـذا تسـد النقص الحـاصل لديك في الفريق الأول .

طبعـآ الأولويـه عندك انت يالنادي بتلعب الأعبين اللي تحتاجهم ( الأعبين اللي موقعين عقد احترافي ومايشاركون
في المباريات بكثيره ) مثل الخراشي ، المفرج ، البرقان ، العنقري ، سرور ، الموري ، الــجري .
فهنـا بـيتقلص عـدد الأعبين اللي بتجربهم . ومعهـا بيـخف على النادي مبلغ المكآفات !!!

المـسأله ماتحتاج لاراعي للفريق الرديف ولاتعقـيد من الأتحـاد السعـودي .

إقتباس وهي جرِّب واستفد من تجاربك ،، لتناسبها معك ومع طبيعتك ومع أسلوب عملك ،، بالإضافة إلى أنَّك تشعر بالفخرحينما تصل لما تريد ،، وتشعر بعظمتك وعظمة من يعمل في المجال الرياضي ومن ساهم في ذلك ،، أمَّا أن تُقلد الغير فهذا يعني أنَّك تعترف بوجود ( قصور ) لديك في بعض الأشياء .. وهذا لايمنع أن نستفيد من بعض الأشياء خصوصاً في البنود الإحترافية .. ولكن ليس أن نُطبق نتائج كل تجاربهم

ياعزيزي . . انت وشو اللي تبغى تجربه وتشعر بالفخر فيه !!! لو نترك عننا الفخر الوطني شويه كان تعـدل حالنا أكثر.
كـــلامنــا ( عن كرة القـدم ) يعني لعبـه وهنــاك من هـم أفضـل منك في هذا المجـال فمن الأولى أنك تعمل على
نظامهـم أفضـلك ،، وتترك عنك التجربـه ( لأن بالأساس أنت ماعـندك شيء جديـد تضيفه ) صدقني ماهو الأتحاد
السعودي اللي بيعـمل إضافه بمجال كرة القـدم مهـما طـال فينا الزمـن
العـمل على تجربـة الأجـانب ماتعتبر تقليـد لأنها تجربـه ناجحـه ومستمره لأعوام عـديـده .
فهنا انت ليه تبغى تلف وتـدور وتحـاول أنـك تخترع شيء جـديـد بأمر ليس أساسي لـديـك .!!
كل المطـلوب التنسيق في الملعب وتعيين حـكام درجـه ثانيه وثالثه وترتيب جـدول بسيـط ولايمنع أن يكون مثل
جدول الدوري الممتاز / يعني الأسبوع اللي بيـتقابل فيه ( الهلال × النصر ) مثلآ ،، تقام قبله بيوم
مباراة ( رديف الهلال × رديف النصر ) وهنا بالذات ماشوف ان فيه مشكله كبيره خصوصـآ ان الأنـديه قبل المباراه
بيوم تـدخل بمعسـكرات خارج النـادي ،، ولو كانت المباراه ماتستاهل وحبو انهم يعسكرون داخـل النادي
فـ يكون الجدول عكسي بمعنى لو كان فيه مباراه بين ( الهلال × القادسيه ) في الريــاض
تكون مبـاراة الرديف قبلها بيوم لـــكن بالدمـام وتقام على ملعب نـادي القـادسيه . . !!


ردي المختصر على ماذكـرته هـو أنه بما انك لاتـملك جـديـد فـ لايمنع أن تقـلد التجربـه الناجـحه

تشااو ;)