بـعيـداً عن الكــورة .. كل عـام وأنتــم بـخيـــر - نادي الهلال السعودي - شبكة الزعيم

Best Goal · #1 28/12/2006, 05:12 AM

و انت طيب و بصحه و سلامه ..

بإنتظار العيد ..

<< رايح ســـوريا ..

هنــ14ــري · #2 28/12/2006, 05:22 AM

إقتباس

الرسالة الأصلية كتبت بواسطة hilalemooot


	راعين المحجوز بروح ارقد وارجع اللي اجي والقى رده للحين محجوز بيندبج ترى مالي شغل

يالله يامشرفين حتى بالعيد مافيه رحمهـ .. اطلع برا وش تبي أنت

من جد هذا اللي بيجيب العيد بدري

عموماً بما أن الموضوع فرفشه وبعيد عن مانشستر و أرسنال .. خلاص يبو الشباب أنت موقوف << موقوف .. إلا مطرود

دوكم << الصوره فرفشوا عليها شوي ... يسمع بالعيد :p

فـارس الـزعـيـم !! · #3 28/12/2006, 05:43 AM

إقتباس


	يعني اللي يجي ماشي مليون ومطفي النور ويقولي فريقنا أحسن من فريقكم .. ولاعبنا اطلق من لاعبكم بيجية ايقاف ترى

هههههههههههههههههههههههههههههههههههههههههههههههههه

يعني بتنكر أن فريقنا أحسن من فريقكم ؟

<< ياهو بينطق

طيب مايصلح أقول الله يعطيك العافية على الموضوع وفكرته الحلوه وبعدين أمسك خط

بسم الله نبدأ :p

هذا موقف صار لنا في عيد الأضحى قبل حوالي 5 سنين << مغبر

كان ياما كان في قديم الزمان عندنا خروف

وحاجرين أم أمه في الحمام (وأنتوا بكرامة)

ومدري من الملقوف اللي جاء وفتح الباب له << يبي يسير عليه الظاهر

والخروف ماصدق خبر وحط رجله

وكان أخوي في الشارع مع خويه ومخلي الباب مفتوح والخروف كان يمشي ألفين يبي النحشه

ويطلع مع الباب ياسنايدي ويحط رجله ويوم شافه أخوي دز وراه هو وخويه وألحق لاتلحق ويمين يسار

ومع الشوارع والحواري دخلهم على شارع وهنا صارت الزبده

ويلحقونه ويحاولون فيه وتشوف العالم طااااااط طيط واللي ينزل من سيارته ويلحقه معهم

الحاله مزريه مره

والخروف كان مهاري من الطراز النادر لدرجة أنه يتفوق على كرستيانو :p

وأخيراً وبعد عناءٍ طويل

مسكووه وجروه على خشمه هالخروف <<< هو خروف ياغبي

وركبوه السيارة وتلوه للبيت وعاد الخروف لمكانه الطبيعي

الحمام

وأنتوا بكرامة

وكان من نحشة الخروف لين رجع

وقت طويل

انحاش الخروف بعد صلاة العصر مباشرة ولم يعد للبيت إلا على آذان المغرب << موب عاقل كونان

يعني أنواع الكرف والتعب

حتى أن أخوي دخل علينا وهو يلهث ووجه فيه ألوان قوس قزح من التعب

كل هذا عشان خروف قسم بالله مايستاهل

لو يصير لي هالموقف الآن والله لأمسك الخروف في الزاوية وألعن أبو جده

------------------------------------------

وبس خلصت السالفة

بإنتظار سوالفكم وهرجكم

أحمد / عليك باللي يجي يطل وينحاش

مابي أتلحط وأصير أنا اللي قايلكم موقف وأنتوا تتفرجون

---------------------------------------

الله يعطيك ألف ألف عافية أخوي أحمد على هالفكرة الخرافية اللي تلطف الجو وتبعدنا شوي عن المشاحنات ومشاكل الكورة