«®•°•ღ•......كشتــة أعضــاء الزعيــم......... «®•°•ღ•° - صفحة رقم 6 - نادي الهلال السعودي - شبكة الزعيم

الهنوووف · #1 27/12/2006, 08:04 PM

الشباب:ميييين

شوي الا يدق جوال مطيع رد عليه الا كان اللي متصل الكلاسيكي
االكلاسيكي :خلاص عرفنا مين اللي بالسيارات هذووولي رعييب وهنييف

ماجد:انا اوريييكم يالزااااحفات

محد يمسكني عنكم الا حبي تيماوي والوعد بالخيييمه ان شالله

نمــر:اييه عليك فيهم وانا بسااعدك يستاااهلووون اجل يخلونا وراهم من مكان لي مكان

العنا:رعييب وهنييف خطييرات خخخخ

الهـاوووي او الهواوي:p :اقوول لايكثر الحين يصير لهم شي على مسؤوليتنا
وبالجانب الثاني
الهنوووف ورعبوبة خااايفااات وشوي ويصيحون يوم شافوا المطاردات وراهم

كلمت الهنوووف رعبوبة
الهنوووف:رعييييييب يااويلنا كله منك انتي اللي خططتي الحيين حبي تيماوي والشباب بيجلدوونا

رعبوبة:<<كانت خايفه وتلعثمت بالكلام.

.عادي اهم شي جربنا السياقه بس انتي ياهنييف خلك قويه

الهنوووف:يااربي الله يستر رعبوبة عيني تدمع

احس أني بصدم
رعبوبة:وقفي وانا وراك ترى الحين جايتك خلي يهاوشونا هنا احسن من يهاوشونا قدام البنات والشباب الباقيين هناك بالخيمه ونتفشل

الهنوووف:ايه والله صدقتي

هذي الهنووووف وقفت
ورعبوبة قدامها بتجي:p

ووقفوا على جنب الا يجيهم ابو ريمااان ومعصصصب

ابو ريمان:انتوا ماتستحووون ماتدرون ان انتوا امانه عندنا اذا صار لكم شي على مسؤوليتنا
مطيع:ماتسمعوون الكلام انتم قلنا لاتسوقون يعني لاتسوقون انتوا مو بزارين علشان نعلمكم

الهنوووف+رعبوبه:آآسفين والله كان فينا فضول

الهنوووف:ايه وانتوا مارضيتوا لنا نسوق وبالديره هناك مانقدر نسوق

رعبوبة:قلنا نجرب وننبسط مدامنا هنا

وكان نمر وماجد يتوعدون فيهم بس بدون لايسمعون الباقي :شغلكم عندنا نعلمكم شلون تسرقون السيارات

رعبوبة بكل ثقه::::ماتبوني اسوق السياره اوصلها الخييمه

وقاموا الشباب يشوفونها بنظرات معناها اسكتي ولا كلمه

قامت الهنوووف وطقتها

اسكتي الحين يعصبوون مره ثانيه ماصدقنا يهدئوون

المهم رجعوا الخيمه وحبي تيماوي كان تعبان شوي ماقدر يطلع برى علشان البرد فسامح الهنوووف ورعبوبة

قال حنا بالبر وخلوهم ينبسطووون
هنا عصب نمر وماجد

نمـــر:اتركني عللليهم ابروح اعلمهم مين حنا هالبطاات ماناقص الا هم

ماجد:هدي يااخي وخلنا نفكر برواقه شلون ننتقم

راحوا فيها رعبوبة والهنوووف

ودخلوا رعيب وهنيف الخيمه وسط أهاازيج من البنات
البنـات:هوووهوووهوو هوو

الاتي نمبر اييت <<مضيعيين
الهنوووف :: نمبر ناين;) :p
سحر:والله انكم قوياات
سوسو:زين سويتوا بالعيال أنا كانوا قاهريني من المجلس

الهنووووف:لو شفتوا الهواش اللي جانا ماقلتوا كذا

المهم قاموا البنات يلعبون :
فيوو:السبت
أسيرة:الأحد
هلاليه:الأثنين
أميرة الاحساس:الثلاثاء
هلاليه حرة:الأربعاء
سحر:الخميس
فيوو لأسيرة:الجمعه هيي اطلعي برى خلاص:p

وبالجهه الثانيه البنات الباقيات شابكين نت على الجوال
والاب توب مشحون :p
سندريلا:المجلس فاضي مافيه أحد كلهم هنا موجودين
ورده زرقاء :ايه ياارب يجمعنا بالجنه مع بعض إن شالله

والبنات كانو منقهرين من تصرفات الشباب هناكـ

فقررنا اننا ناخذ حقنـا منهم باي طريقة
وكانت فكرتنا اننا نروعهم ونلبس عبايتنا ونصبغ وجيهنا ونجيب صواريخ معنا لزوم تروعيهم :p
اتفقنا نروح قسمين ناس يولعون الصواريخ ويرمونها عليهم والباقين يكونون مستقبلينهم على شكل وحوش

الشباب متحمسين يلعبوون بلاستشين وهوواش وحماس

طووط طوووووووووووط طررررررررررررررراخ

وبدات فيروسة وعاشقة الزعيم 15 وبنت الزعيم وهلاليه وافتخر وهلالية من الرياض
وسوسو وهلاليه حرة يشغلون بذا الصواريخ ويرمووون على العيال .
اللي من الروعه تطامروا من اماكنهم وانحاشوا جهت المخيم

حيث كان في استقبالهم الهنوووف وفرصة ضايعه ورعبوبة ومحبوبة والوردة الزرقاء والتميمية :p

عزوز الازرق ::: يمة وش ذا جراح الهلالي رح مناك

ووووووواووو

واووووووو واوووووووو :p
الشباب

راحو يمين

يوم طلعوا على العيال يصارخووون اللي صار من الروعه ان العيال تصاقعوا في بعض وطاحوا على الارض

سحر الشرق ::ههههههههههههه خوافين

هلاليه سنعه ::: كح كح كح بموووووووت من الضحك

اما بالنسبه للشباب فاول من فاق من الصدمه فيهم

هو هلالي الظهران::: اللي شتم وسب في كل البنات والعيال من وراه يسبووون واللي اول شي سوه اول ما فاقوا من تاثير الصدمه ان كل واحد فيهم طمر ومسك له بنت وهات تكفيخ فيهن وتشويت من كل مكان

ولا نجاء احد من البنات من الطق الا نجمه الابداع لانها كانت بعيدة بس تراقب من بعيد يعني ما اشتركت في فلم الرعب اللي صار قبل دقايق ..
وطبعا البنات كانو يدووورن بين العيال كل واحد يضرب من جهه ويبرد قلبه من جهه

بعد ما طبوا العيال على البنات وبما ان العيال اول شي اقوى وثاني شي اكثر فقدروا يمسكووون كل البنات
وراح هامور البورصة .ود.هدف
يجيبووون الحبل ويربطووون البنات ..
بعد ما تربطن البنات وقفوا العيال عندهن وهو يناظرونهن بكل حقد ..

ديك الجــن : الحين وش تبون تسووون فيهن يا عيال

..
ماجد مقبل والفارس الحائر : والله الطق اللي تو ما برد قلبي ابي شي اقوى ...

.

سندريلا : تكفون فكووون ولا تسوون شي يكفي الطق اللي جانا قبل شووي منكم

..
عزوز الازرق : اممممممممممممممم خل نتشرط عليهم .. اسمعوا نبي ببسي من عندكم وبايسن ونبي تصلحون لنا قهوه جديده وشاهي ..
البنات : حاضرين بس فكونا ..

الكلاسيكي : لحظه لا تفكهن كلهن

فك بس محبوبة وسندريلا والماسة ورائدة الزعيم ..
والباقي خلهم مربووطين رهاين ...الى ما تجي لنا طلباتنا

:p
الهنوووف :اقووول فكونا كلنا

وراح نسوووي اللي تبون والا والله لا اصارخ واخلي نجمـة تقووم وتروح تعلم المشرفين

خافو الشباب اننا نرجع للمنتدى ونكنسل الكشتة فاطلقو سراحنا

الشباب في خيمتهم مو راضين الا يبون ياخذون حقهم
الكناري ::انا الى الحين مابردت تسبدي منهم حتى بالطق

البالـووون ::ولا انا

Some one:: دور فكرة نروعهم فيها ونطير عقولهم :p

ابوريمان :: البنات خوافات جيبو لهم ضب وتلقونهم مغمى عليهم >>>>والله يابوريمان اثاريك منت هين :p
القاضي :: روحو جمعو ضبان وارموها بخيمتهم :p
سهل :: اخاف يغمى عليهم وونتوهق فيهم اتركوهم

عز الهلال :: لا لازم ناخذ حفنا

وشغلوو الددسن وبدت رحلة البحث عن الضبان وبعدين توجهو الشباب لخيمه البنات

هلالي الظهران :: بنااااااااااااااااااااااات

عيون البنات مطيره وش يبون الشباب كلهم جاين
ماجد مقبل ::: خذووووا:p
وشوووو وشوووو

(( ويرومي الكيس عليهن

ويقومون العيال ويمسكون البيبان وتطامر الجرابيع ويطلع الضب لانهم ما حصلوا الا ضب واحد صغير بس ...))

البنات : يييييييييييييييييييييييييييييييييييمه

الماسة : الله ياخذكم افتحوا الباب

..ياللي قدام ..
طبعا البنات اللي وارا اطمروا قدام على اللي قدام ..
صح الضب جلس مكانه يناظر ولا سوا شي بس الجرابيع يطامرن

الهنوووف وهي تصيح :وااااء

افتحوا والله تبون نمووووت
..
هلاليه سنعه وهي تصيح : وااااء افتحوا

والله اعلم عليكم يمممه فرصه ضايعه شوفيه طمر عليك

..

سحر الشرق : الله ياخذكم افتحوا لي

.
محبوبة :: وخرووهم يالدوبييييييييين يامامي
..

العيال من كثر الضحك ابعدوا عن الباب وتسدحوا على الارض وهات ضحك .

aqi399: اااه بطني والله بطني هههههههههه الله ياخذك ياابوريمان ومخططك :p ..
الكلاسيكي :: هههههههههههههههههه ابي اموووت من الضحك ههههههه

هههه
هلالي الماسي : ههههههههه

ه والله وناسه خخخخخخخخخخخخخ

هلالي القرعااء : يالليت الكاميرا معنا :p هههههههههههههههههههههه
)metooنايف) : لا تخاف انا حاط كاميرا الفيديو فوووق

ههههههههههههههههههه

حبي تيماوي :: افتحوا لهن الباب والله من الروعه ما راح يقدر يفتحن البيبان :p .
الذئب الازرق:::: يقوووم يفتح الباب .: خخخخخخخخخخخخخخخخخخ والله اشكالكم تحف ..
الهلالي الثقفي : خخخخخخخخ اه يا قلبي ذبحتوني من الضحك ..

:p
طبعا البنات انفتح الباب من هنا وهات ما تشوفهن الا يركضن ويوم وقفن وحسن بالامان

..
فيروسه : يالشيوون انت وهو والله ما نخليكم

..مقدر الهلال ..ها حلوة الضبان كح كح

سندريلا : والله من جد سخيفين واسخف منكم حركتكم

..
النــادر: هذا ردنا على اللي امس سويتوه وحده بوحده البادي اظلم ..:p
سوسو : لا امس انتوا اللي بديتوا يوم رفضتو نركب الدبابات

..
مرسووول الهلال :p : هههههههههه خلاص تعالووو :p ..
بس اللي صار ان البنات لحقو الشباب ورموهم بالحصى

.. والتراب والعيال يضحكون

(خارج ايطار الكشتة

تراني حقدت عليكم لاتضحكوون

)

عزوز الازرق : من يبي يروح معي .

الكل : وين ...

عزوز : ابروح اطعس بالجيب من يبي يروح بسرعه ..

رعبوبة: انا والهنووف ما يبي لها كلام:p

هلالية سنعة : انا بعد ابروووح ..

صدى الامس : خير انتي

وهي العيال اللي يبون يروحون ..

some one : لا وين ياصدى خل البنات يوسعون صدرهن دام حبي تيماوي والجاحظ وسهل والبارق وابوريمان نايمين:p .
ماجد مقبل : صدى وش فيك على البنات .
صدى الامس : خخخخ

وش فيكم علي امزح معكم انا .
ابويارا المغترب : خلاص وش رايكم نتوزع في السيارت يعني كل مجموعه في سياره ونشوف من يفوز على الثانين .
ولد وايل : انا ما علي منكم انا ابي اسوق وابي الجيب(كحيلان;) ) معي

..انا واعد البنات في السياره اني ابي اطعس فيهن .. حتى اباخذ بعض البنات
و والكلاسيكي وياسر الجابر:p
ماجد مقبل : خلاص الجمس وابي اخذ نمـر
ورعبوبة والهنوووف والي بيروح

الهنووف ورعبوبة حسو ان ماجد ونمر ناوين عليهم

الهنووف :: لاماحب الجمس احب الجيب لاتقولون وش الفرق مدري

:p
رعبوبة :: انا مع الهنووف

عزوز : خلاص انا ابي اخذ الددسن وابي اخذ معي الباقين اذا يبون يروحون ..
اسيره : انا ما ابي ارووح بجلس مع نجمة وسندريلا بننام

عزوز : اجل وانتوا يالعيال تبون تروحون معي ...
كلي هلالي : خلاص انا ابروح معك انا وخفايا الهلال وجراح وهامور البورصةوالافضل
hilalymoot: انا ما لي خلق ودي اجلس اريح شوي شوفوا aqi399..والبالوون
اذا يبون يرووحون ..

aqi399 : لا شكر انا بدي ريح شوي عارفين انا من الفجريه هون جالس ما نمت اكويس من امس.:p
some one : أي والله انا بعد ما ابي اروووح مدري ليه الالهام شكله يبي ينزل علي اليوم بس انتم روحوا وفكووووني من شركم ومن صجتكم شوفوا من زمان ما نزلت خواطر او قصايد .:p .

هلالي الظهران: وين لاحق على الشعر والقصيد هو يوم توسع صدرك فيه والايام بعدين جايه

.

نمـر : وهو صادق تعال معنا ..
some one : لا والله روحوا انتوا انا ابريح شوووي..

الافضل وعاشق تشلسي .. بنروووح

(( راحوا الشباب والبنات كل واحد على اللي يبيه تفرقوا وبداء التطعيس بس طبعا قبل يروحون البنات سووا شي وهو ...))

(( الكل ركب سيارته وبدا التطعيس والوناااسه والفله ماجد مقبل واللي معه انوااع التطعيس والوناسه اما في الجيب فالوناسه مثل وناسة اللي قبلهم ولا يهونون اللي في الددسن يعني فله × فله

شوووي الا تغرز سيارة

ونروووح لهم مسرعين هلالين اصحاب نخووة ;) :p

لين طلعوووة

بعد ساعه من الدوران والوناسه ارجعوا الشباب للمخيم كلهم
طبعا الوناسه
بالنسبه للبنات ان ماجد مقبل سمح لهن يسوووقون اما ولد وايل فالشي هذا مرفوووض عنده ...لان الجيب (كحيلان) غالي عليه :p .

الموقع : خيمة البنات ..
الساعه: 3 الاربع الفجر ..

القمر الهلالية :: سوسو بعدي عني شووي
هلالية حرة .. وش سوسو ماعندك احد

سندريلا ::من تقصدين القمرمو في الخيمه اصلا طالعه مع البنات تنام برا ..انا سمعتها تو تقوول ابطلع

القمر الهلالية ::وشو من اللي نايم جنبي اجل ...
عسيريه مصرقعه ::القمر بلا اخبال والله اني ميته خوووف حتى الحركه مقدر اتحرك من الخووف
القمر الهلالية ::والله ما اكذب فيه احد نايم جنبي ولا فيه احد جسمه صغير

سندريلا :: احس اني تجمدت مو قادره اتحرك وشو اللي جنبي ..
سحر الشرق : بسم الله لا يكون شبح او اهل ارض

..

مدري سحر لا تقوولين كذا بسم الله والله ابمووووت .. مو قادره اتحرك ..يمممه تحرك ..

البنات ::ييييييييييييييييييييييمممممممممممممممممممممممممممم ممممممممممممممممممممممممممممممممممممممممممممممه جني والله جني ..
..........: واااااااااااااااااااااااااء واااااااااااااااااااااااااااااااااء
الهنووف :: يمة اسمعو البنات داخل الخيمة

طمرنا لهم
وردة زرقا ::وش فيكن بسم الله من اللي يصيح ذا

..
هلالية وافتخر

: جني والله جني انا لمسته ..
رعبوبة : وشو بسم الله وش تقوولين انتي ..
عسيريه : والله ..
اللي في الخيمه كلهم صحوا : وش القصه

...وش السالفه ..

..من يصيح ؟؟؟؟

اسيرة الهلال : وش صاير شغلوا الانوار

...
((دقيقه الا كل اللي في الخيمه طامرين برا

))
الهنووف وهلالية من الرياض وعاشقة الزعيم 15 وهلالية سنعه
راحوو جهت الونيت ..
سوسو :: اطمرت بحووض الونيت ولاهي فووق البنات اللي صرخن :ااااااااااااااااااااااااااااااااااااااااااااااااا اااااااااااااااااااااييييييييييييييييييييي

رعبوبة : ييييييييييييييمه شوووفوا الجني طمر لحوض الونيت لحقنا .

..
وردة زرقاء : ييييييييييييييييمه انا وش ربي قردني وجيت هنا موو جالسه في البيت ابرك لي

..
وتطمر فيروسه هي والبنات اللي معها ... واللي كانوا في الخيمه لخيمه العيال ..

وهم يطمروووون كلهم ويدخلووون خيمه العيال

الموقع: خيمة العيال ..
الساعه : قبل دخلت البنات عليهم بخمس دقايق ..

ماجد مقبل

: نمر تسمع شي برا .

نمر : وش فيك اترك التهيائت عنك خل انام زين ..
عزوز : اقوول والله فيه صوووت برا

..
هامور البورصة : اقووول انت وهو وش فيكم قلبتوا سحالي خوافين

...
..............: ييييييييييييييييييييييمه اعيال الحقوا علينا ..

some one .: وجع انتي وهي مو كافي فلم الرعب اللي قبل كم ساعه جاين تروووعونا

..
الهنووف : والله فيه جني مدري شبحه تو طمر فوقنا في الددسن

..
القمر الهلالية : لا هو عندنا في الخيمه يصيح والله كان نايم جنبي والله اني لامسته ..
ابوريمان : وجع انتي وهي اصبروا وتعوذوا من ابليس وخلونا نركد ونشغل النوور قبل .

.. قوموا واحد فيكم يقوووم يشغل النووور .

.

العيال كل واحد يناظر الثاني يقول له قم انت

..

فرصة ضايعه : وجع وش فيكم تلفتون على بعض واحد فيكم يقوووم يشغل الماطووور

..
العيال :.............

:p .. <<<ما فيه أي رد ..
نجمة الابداع : والله لو اني اعرف كان قمت انا زينته .

.
كلي هلالي : خلاص انا ابقوووم بس خل احد يجي معي

..
ابويارا المغترب : تعال انا ابروح معك

.
مرسول الهلال : وانا بعد ..
alhawayالهاوي بالعربي :p : انا بدي اجي وياكون ..
طلعوا العيال وشغلوووا الانوووار وكانت اشكالهم شي طبعا

..
ابوريمان : تعالوا الخيمه الثانيه خل نشوف وش الصوووت اللي فيها ..

ويمشي ابوريمان والكل يمشي وراه ..وهو يقرب كانت يحاول يسمع الصوت بس الصوت سكت اللي في الخيمه ..

ويدخل ويسمي بالرحمن

ويلتقت للبنات صدى الامس : وين كنتي نايمه بووة

...
سحر اشلرق وهي تاشر على المكان من دووون تقوووول ولا كلمه ...

ابوريمان وهييقرب من المكان : يالله سكنه مسااااكنهم يالله يااارب اعوذ بالله من الشياطين ومن خلق ربي المسلطين ..
يوم قرب

7
7
7
7
7
77

7

وش شعوركم لو قلت لكم الحلقة الجايه :p
7

7

77

7

الهنوووف : ((بصووت واطي )) هلالية سنعة تسمعين اللي اسمعه ..
هلالية سنعة : ايه اسمع شي يمشي على الارض .
رعبوبة :بنات والله خايفه تجينا عقرب والا ضب والا حيه ..
وردة زرقاء : بنات تعالوا ننام في السيارات والله خايفه ..
سوسو : أي والله البارق الله يهديه ليه سكر النوور ما يدري اننا نخاف!! ..
كيان: انا بعد ابرووح معكم ..
(( البنات قامن بشوويش ومن دون احد يدري عنهن وتسحبن الى برا الخيمه وراحن صحن الونيت وفرشن فراش ونامن فيه :p ..))
هلالية من الرياض : بنات والله هنا يخوووف بعد شكل السماء في الليل يروع .. تعالوا نروح الجمس احسن من هنا ..
الهنوووف : لا اخاف ننكتم في السياره وبعدين حر خلينا هنا ولا احد يناظر السماء غطوا روووسكم ..

الساعة 1 الظهر
قررو الشباب يتنافسوون بالتحجير:p

وهذس سياراتهم

الساعة 4 العصر
الكل مجتمع

كان معنا حلويات وجابتها سندريلا

سندريلا :: ترانا وقت الحج اذكروو الله
وبدينا نكبر

الله اكبر .. الله اكبر ... الله اكبر...

وجلسنا ننشد..

يازين طلعة المكشات . وايامها الربيعيه
.يامحلى ذيك الاوقات
في جلسه اخوية
البر يعطينا حفزات ننسى هموم المدانيا
هيل وشاي وبهارات والعده ماهي منسية نحطب ونجمع حطيبات ونشب ضوء هنية
شبة وقهوة مع ابيات سوالف ليله بريه
هذي كشتتنا في التهنات كشتتنـــا الزعيمية

...الخ
(ادخلو الرابط علشان تعيشون جو زين

وتخيلوو انكم في البر )
http://epda3.net/iv/download.php?ID=1113

اشكالنا كانت تضيق الصدر لاننا دارين انها اخر ساعه بالكشتة

وبعدين انتقلنا للانشودة الثانية

الا يبون يخلونا نصيح

وين ايامنا وين وشلون قضيناها
راحت بغمضة عين
وشلون ننساها
يامحلا ذكراها

ودعنا الغالين
واوقات عشناها
وين مارحتو وين ذكرى نقشناها
وين ايامنا وين وشلوون قضيناها وين وووين

وشلون ننساها

ادخلوو الرابط علشان تعيشون الجوو

http://www.anashed.net/anashed_others/wen_.ra

يا محلا المكشات مع صفوة الخلان

قلبي مع الكشتات متولع فيها
اسال عن اخباري ياساكن جواري
انا في البراري مع الزعماء معاد اخليهم
فيها الذهن صافي
والهرج مايعافي
ونفوس خفافي

وش هقوتن فيها
يامحلا الكشتات مع افضل الاعضاااء

واه بس

>>>داخله جوو

الافضل :: اذكروو الله

:p

هذي غسالتنا:p نسيت اوريكم اياها

الساعه 5 قبل المغرب ::

سهل :: يالله كنكم استانسووو يالله بنرجع
البنات والشباب :::لااااااااالااا تونـأ
حبي تيماوي :: ماتنعطون وجه
البارق :: المسوليه علينا انتم امانه اخاف نتوهق فيكم
ورحنا نجمع العفش مكسورين الخاطر عابسين الوجيه

هذا ولد وايل عند سيارتة ضايق صدره

مايبي يمشي :p

هذا واحد من الاعضاء يبكي

مايبي يرجع
حفاظا على قلوب العذارى لم يذكر اسمة:p

وهذا العامل الي معانا

شكلة حبنا وتعود علينا :p

بابا سهل ليس انتا في خلي رووح
هنا مكان كوويس
هذا شباب بنات مررة كويس انا في هوبي مرررة
بابا سهل انا في ابغى روح مع مال انتا في سبكة الزعيم

انا روح بعيد عن اعضاء مال انتم:p انا مووت
شباب هزا وبنات كولوو هنا >>>ياشر على قلبة :p

>>> وانا اكتب هالمقطع الي فوق :p دمعت عيوني

<<<<<

وقعد يشعر مدري يغني

كولو نفر هنا انا هوبي

كولو نفر هنا داخل قلبي

هلالي الزهران(الظهران يعني :p ) انا هوبي مرة
هانوووف انتي مرة كويس:p
هوبي تيماوي انت نفر يودبني(يعجبني:p ) مررة
مهبوبة تساميمك مرة هلووة :p
رابوبة خواتر مال انتي مثل الفلفل مرة زين:p
ماجد مقبل قلب مال انتا مرة طيب

>>> وانا اكتب هالمقطع دمعت عيوني

<<<<<

وجلسنا نضف العفش

عيونا غرقانة من الدموووع

واخرج لهم من ورى الخيمة انشد

7
7
وداعا ياحبتنا وداعا وقلب يشتكي البعد اليتاعا

داعا والدموع تسيل حرا
على خد تحرقة التساعا

وداعا والنجوم تقول مهلا ولكن الظرووف تمد باعا
نودعكم وفينا الشوق يغلي

وشبكتنا الحبيبة قد تسامت بكم

ونسيماها ارخى الشراعا
لنا في الكشتة

ذكرى تنادي..واحلام تعنيانا التياعا

..
واصوور
اسمعوووصوتي بس لاتصدقوون :p
وشوفو صور البر وصور رحلتي القديمة بعد :p
7
http://saaid.net/flash/lames.swf

وهذا الشباب بالطريق اجل كيف البنات

واحنا بالطريق جلسنا ننشد

شدوا شباب القبيله يبغون راس الطويله
الكل منهم هبيله والغيم ما سال سيله
الكامري غسلوها وبكل شئ جهزوها
الجيب صعب عليهم معهم صحون البليله
الموتر الزين غرز الكل منهم تحرز
يحفر لها بالملاعق خايف يحوس الفنيله
الخيمه شدو عمدها كلن ضحك من نكدها
دور كاتالوج صنعه وشلون يرفع شليله
النار محد شبه ماحد منهم يحبه
دخنها فيه كحه والعين دمعه يسيله
جابو ذبيحه بحبله قالو هذي كيف قتله
ام تقشر بسرعه والا تخلى سبيله
حطوا الشاهي بالترامس والقهوه ركبه وخامس
عصير كوكتيل بارد يسوى القرنفل وهيله
الكبسه هم يجهلونه والمندي ما يعرفونه
كل الوجبات الثلاثه خبز وجبنه حويله
البلاي ستيشن والاتاري لعبوه وسط الصحاري
بالخيمه لعب واثاره جلسات لعب طويله
النوم وسط الغماره مو خوف لكن شطاره
والبعض جايب سريره خوف النمل يجي له
البعض صايح يوني للاسكريم يتمنى
الشمس تاكل خدوده والزيت فوق قذله
هذي حياة الخكاري لاخيموا بالبراري
واللي يريد الحباري ما يحط خكري زميله..

......

سهل:: فجرتووو راسي اوووووووووووووووووص

انتهت السالفه والكشتة
ترى هالحلقة اوانا اكتبها دموعي بتنزل مدري ليش عايشه الجو بقووة

اتمنى انها نالت على الشي البسيط من اعجابكمـ

واعذروني على القصوور
واعذروني اني انهيتها وماكملتها على حسب رغبة بعضكم بس الكشتة ثلاث ايام غالباا وهذا الي قدرني عليه
والي يبي يذكر شي نسيته ويكمل ويقول احداث يتفضل

والي ماكتبت اسمة لايزعل لان العدد كبير واحاول اتذكر الاسامي كلهااا وهذا الي طلع معااااي
وفي ناس تكررت اسمائهم لان احس انهم ماراح يزعلون مني في أي موقف احطهم فيه حتى لو شين
واحب اشكر تفاعلكم الس اسعدني

وقبل لاانسى اشكر عزوز الازرق لانه كتب احداث تقريبا ليوم كامل
بس فصل الخط عنده وراحت الاحداث

ونقول ماقصرت والخيرة فيما اختاره الله

اسال الله الذي جمعنا في خيال :p ان يجمعنا
في جنات عرضها السموات والارض
في جنة عاليه قطوفها دانية

دمتم احبتي

كفار المجلس

ـ" سبحانك اللهم وبحمدك ، أشهد أن لا إله إلا أنت أستغفرك وأتوب إليك "ـ

عـز الهلال · #2 27/12/2006, 02:37 AM

هـ ـلا والله بـ الهنوووف وموضوعه الحلو

إقتباس


	عز الهلال:لا بصراحه الحق حق مو كل البنات دفشااات اكثر البنات نعوومات وياحليلهم البنات:عز الهلال عز الهلال عز الهلال:شكرا شكرا

والله صار كلامي معجب البنات

ما دام كذا بكثر من ذا لكلام

_ _ _ _ _ _ _ _

وترا حنا في انتظار الحلقه القادمه

واذا كانت طويله
فـ أحسن انها تكون على جزئين

.

سلاميشو ...

هلاليه سنعه · #3 27/12/2006, 05:17 AM

الله وناسه هذا وقت الكشتات والشغل الزين ..
هنووووفه وش ذا الكشته الحلوووه نبي نسووق دبابات الله لايعوقنا بشر
ونبي نغبّر على الشباااب

والله فله حسيت انها صدز

اهم شئ مانطبخ هم يطبخون وينفخوون وانحن نتأمر عليهم

اهم شئ عزوووز يسووي لنا شاهييه اللي فيه خلطه سحريه .

بس اخاف ندووخ عقبها ..
هنوووفه افكار حلووه ومواضيع شيقه وقاصه مبدعه تسلم ايديتس بإنتظار الحلقات الحلوووه ..
دمتي بخيــر ..’’

أنفاس أنثى · #4 27/12/2006, 05:26 AM

الهنوووف ارسلي لي احد يجيبني لمكم مشيتوا ونسيتوني
يلا يلا بسررعه واحد من الشباب يجيني..

ساقي الـعُطـور · #5 27/12/2006, 08:07 AM

مهما تغير بك الحال ..
.. معك دائما يارحيل الحال

الله يعطيك العافية أختي موضوع رائع وفكاهي با أنتظر الحلقة الاخيرة

ندوووش · #6 27/12/2006, 12:30 PM

يادوبا يالعصلا يا السخيف يا السامجه كملي القصـــــــــــه <<<<<< مسويه تمون

أوخص حركاااات تعرفين تكتبين اسلوبك يحمس

الـــوردة الزرقاء · #7 27/12/2006, 01:02 PM

ليه كذا هنووف والله فرحت وعشت الموقف بقوه

ابوسلطان ليه ما اخذنا معه

ليه ؟؟

اخذت بخاطري منك

>>>زعلت من جد

إقتباس


	.الماسه وورده زرقا وسوسو دفااااع

تفاريس على غفله

هنوووف انا من متى اعرف دفاع

من عرفت الكوره وانا وسط ايمن

إقتباس


	مارد :: اسباب التعادل ياورة زرقاء وردة زرقا :: الفوز كان بيدنا بس باخطا فادحة قدروو يحققون التعادل ماقول الا الحمد لله على كل حال

الحمدالله اعرف ارد خخخخخخخخ
مو مثلك هنووف تهربتي نو نو هااا خخخخخخخ
مثل رضا تكر

إقتباس


	وااعجبني تصريح نواف ههههههه اقصد ( الورده

عزوز::
ههههههههههههههههههه من جد كانه اسلوب نواف

وترى سبب التعادل من المدرب فرصوووه راحت وتركتنا نحوس

^
^^

بغيت اتهور واروح افطر

إقتباس


	من صار بالسيارتين ووش ردة فعل نمـر وماجد من سرقة السيارات ...؟؟

ماجد لاتخاف ترى السياره بامان

اكيد.....؟؟؟؟؟..... تطعس...

>> تسوي اكشن

هنوووف لا تتنتهي بكره خلي الكشته لنهاية الأجازة
ترى صدق طفشانين

LBa your heart · #8 27/12/2006, 01:36 PM

غريبه مااشوف حقوي :p

الهنوووف · #9 27/12/2006, 04:50 PM

اقوول ترى وربي احرجتووني

لازم تكون اليوم الحلقة الاخيرة

ترى من جد تعبت لاتحرجوني زياده وتحسسوني بالذنب اني بخلصهاا
وتخلوني اتحسف اني كتبت شي :p

لو فكرتو اصلا خلاص العيد جااا يعني الكل بينشغل من بيقرا حلقاتي الجدران:p

وبعدين ترى الكشتة ثلاث اياام فيه احد قد كشت اكثر من هيكـ

لاتوهقوووني وتقولون ايه

الي تقوول امانة.. وش امانة تحطون في عنقي شي يوم القيامة وش ربي بلاني انا

والي مرسل لقناة الزعيم يقول لاتخلصين يالهنووف الكشتة

والي شوي وتذبحني وتطلع لي مع الشاشه
وتقول من كان بسيارة نمر وماجد :p

انتظري وتعرفين

على بلاهم البنات اني واسطه يعني بيسحبون الكلام:p مني

معليش على التاخيــر بس الزعيم ماكان فاتح عندي قبل شوووي والحين مابقي شي على الاذان برووح افطر وان شاء الله بعد الصلاة تنزل

لاتدعون اني اغص بعد:p

سوسوالهلاليه · #10 27/12/2006, 05:00 PM

إقتباس


	الي تقوول امانة.. وش امانة تحطون في عنقي شي يوم القيامة وش ربي بلاني انا والي مرسل لقناة الزعيم يقول لاتخلصين يالهنووف الكشتة

غير تفضحي بي يعني
طيب يالهنوف مردودة

وبعدين يالله نبي القصه اللي سرقتي جاكيت ماجد فيها<<

خخخخخخخخخخخخخخخ:p

عسيريه · #11 27/12/2006, 06:49 PM

يالله يالهنووف ماصار فطور هذا عجلي عجلي ابي اقراها قبل ما أروح السوق

خليني اروح اكمل لبس العيد وبالي مرتاااااااااح

عسيريه مصرقعه

الافضل · #12 27/12/2006, 07:04 PM

شكل الحقله تأجلت

عجلي علينا يالهنووف

الله لا يهينك

بعد الين ثلاثه واذا ما منزل الموضوع منيب قاريه <<<< تكفى اصبر

1

2

3
خلاص منيب قاريه

بنتظار الحلقه

عزوز الأزرق · #13 27/12/2006, 07:11 PM

الله يعينك يالهنوووووووف ... خليك ع راحتك ..

وعلى ااااااااااقل من مهلك ...

حتى وان بتنزلين .. حفل استقبال مباااشر . وتخلين المسلسل بكره يكون زين ..

فمان الله ..

الفارس الحائر · #14 27/12/2006, 08:11 PM

الله يعطيك العافية اختي الهنوف على الموضوع والفكرة الرائعة في الكشته

الصراحه هذي من أفضل الكشتات الي كشتها بحياتي ((مصدق))

تصدقي ياهنو اني تو ادري اني موهبه في المحاوره والتصوير

ماتلاحظين أن البنات دائم ينكدون علينا

لكن الكشته ماتسوى من دونهم

وإن شاء الله تتكرر هذي الكشته بشكل سنوي

عسيريه · #15 27/12/2006, 08:38 PM

هنووووووفه خلاااااص شوي واصيح والله عشنا الجو بقووه

هنوف ورعبوبه ابداااااااع ماشالله تبارك الله

عيشتونا جو ولا اروع يعطيكم العافيه

الـلـه والله لو تكون جد وااااااو وناسه يالله الله يجمعنا في جنات النعيم قولوا ...امين

الله لايحرمنا من ابداعك يالهنووف جد انسانه رااائعه
.
.
.
عسيريه مصرقعه