30/10/2001, 06:26 PM
|
| زعيــم متألــق | | تاريخ التسجيل: 23/04/2001 المكان: سوّاح
مشاركات: 1,054
| |
سامي يرد على الثنيان:بعض العرب لاغاب ...(قصيدة) النمر للذئب:-@@@@@@@@@@@@@الذئب للنمر:-
ياذيب اناراحل@@@@@@@@@@@@@أرجوك لا ترحل في هذه القصيده والتي كنت قد نظمتها بمناسبة تثبيت وقف الثنيان
يودع الثنيان الجماهير وزميله الذئب (سام6) ويسلمه قيادة الهلال بشكل رسمي ...
بعد أن كان قد سلمه من قبل قيادة الاخضر ويحذره من بيتر وربعه:
يا ذيب انا راحل على غير رجعـة### واوصيك انا ياذيب تاخذ مكــاني
بيتر قتلني لجل يرضون ربعــــه### و ربع لنا ياسام تبغى هـــواني
اللي شمت واللي بخل لي بنفعــه### واللي تجاهلني وسكت ثم نــساني
قالوا:أبو طبع جنى ذنب طبعـــه### وانا من طبوعي الذهب ماعصــاني
كم كاس استعصى على الغير رفعـه### وجيت انا واصبحت فارس زمـــاني
كم من هدف احسنت للغير صنعـــه### وكم حارس استسلم لعنفـــــواني
حتى الظهير اللي بذل كل وسعـه ### أصبح يهز الوسط ((ياليل داني))
خمسة عشر ماكان له أي سمعــــة### والحين رقمي صار الاول وثـــاني
لجل الوطن لعبت ببره وجرعــــه### تسكن آلآم الوجع في كــــــياني
و جيت انتظر تكريم حصلت صفعــة###هدت طموحات الفرح والتـــــهاني
والحين انا راحل على غير رجعـه### واخشى عليك انك تضيع بثـــواني
مادام بيتر في يده عود شمعـــه### لاتحرقك نار الحسد والامـــــاني
وفي هذه القصيدة التي كنت قد وعدتكم بها...
نظمتهاعلى لسان الذئب سام 6..
يرد فيها سامي على قصيدة رفيق دربه النمر ويقول فيها:-
بعض العرب لاغاب بنقول :قلعـة### بس النمر لاغاب شفنا الـهواني
يا روح الازرق كيف ترحل بسرعه### ابقى على شان الهلال وعشــاني
كل على فرقاك بيهل دمعـــــه### وأنا على فرقاك كل بكــــاني
لا يارفيق الدرب ماهي بسنعــه### ترحل لجل بيتر وفلان وفـــلاني
ياللي جعلت اللعب موضه وصرعه### ياللي بك الكوره تغني أغـاني
ياللي لك الجمهور عاشق بطبعه### ياللي عليك اعلامنا صار جـاني
ماقدروا تاريخ حافل بنصعـــه### ماقدروا هذا التعب والتفـاني
آعز رقمك كنه الرقم تسعــــه### و امضي معك عام يمر بثــواني
دمك خفيف والثقل فيك صنعـــه### والفلسفه دكتورهااللي عطـاني
ترفع لي الكوره ولاهي برفعــه### وتقبل علي تطلب دفاي وحنـاني
تمريرتك كنهاهدف بس لسعــــه### آحطها في القول وآنا مكــاني
أرجوك لاترحل على غير رجعـــه### حتى لو انك نلت كل الامـــاني
خل القهر والظلم تعطيك دفعـه### وترجع مثل اول تذل (الحصاني)
خاتمة:-
ادعوا الله ان تتكلل جهود الادارة واعضاء الشرف بالنجاح
لرفع الايقاف عن الدكتوروالفيلسوف يوسف ناصر الثنيان |