الـــوردة الزرقاء

إقتباس التميمه من المحرمات خخخخخخخخ

الشكوى لله هاليومين لست أشوف زين

لكن لحظه اهدأ من كذا ، مهوب على كيفك التميمه حرام

إقتباس حاطتها كلها في شنطه من كثر مافيها قليل وتتقطع

شنطه!! وشوله؟؟ أخبر الشناط يحط فيها أشرطه مهوب أوراق

إقتباس دفاتر شعر وخواطر واتوغرافات و كتب الدراسه مارميتها فيها سواليفنا ,, ومناديل شعريه

حلوه المناديل الشعريه وانا ارشح المناديل اللي توزعها المحطات للكتابة عليها، لأنها دمار وخشنه وتجيب المشق

إقتباس ووصور وفي اشيا مدري وشي حتى طباشير فيه..!!

هالطباشير هذي أسقم اختراع عرفه التاريخ ريحه وغبار تقل جالسين بين الدبابات بالثمامة
والحمد لله أن الطباشير ليست من أنواع القراطيس

إقتباس أتمنى لكي التوفيق في حياتك العلمية والعالميه

إقتباس التوفيق ,,,,, وأكل الدقيق

إقتباس ×= يضرب الله اعدائك

الصراحه وناسه ياحليل خرابيط البنيّات


لكن :

إقتباس ÷=يقسم الله بيني وبينك الأقوال والأفعال الطيبه ==يساوي حبي وحبك بالحسنات

هههههههه من زمااان ما ضحكت كثر ضحكي على هذولي
والمشكله ان لي نص ساعه أبحاول أفهم:

وشلون يساوي حبي وحبك بالحسنات؟؟ باذن الله اني ابطرح هالتساؤل على بنيّة أختي لعلي ألقى عندها افاده


العفو يالوردة الزرقاء والله اني استانست على الضرب والقسمه ،وأطلق شي المساواة

تشكرااتي لك،، ومرسي أووي

^^

إقتباس لكن لحظه اهدأ من كذا ، مهوب على كيفك التميمه حرام

الأ حرام
اذكر في كتاب التوحيد 3 متوسط درس كامل عن التمائم وتحريمها
قال رسول الله صلى الله عليه وسلم : ( إن الرقى والتمائم والتولة شرك ) و " من تعلق تميمة فقد أشرك " .

>>> قلبتها توحيد

إقتباس شنطه!! وشوله؟؟ أخبر الشناط يحط فيها أشرطه مهوب أوراق

والله مايحفظ الأوراق غير الشناط

إقتباس هههههههه من زمااان ما ضحكت كثر ضحكي على هذولي والمشكله ان لي نص ساعه أبحاول أفهم: وشلون يساوي حبي وحبك بالحسنات؟؟ باذن الله اني ابطرح هالتساؤل على بنيّة أختي لعلي ألقى عندها افاده

وانا كذلك عجزت وعجز تفكيري عن فهمها ...!!
بس يمكن لأن نحب بعض ,تكون حسناتنا مثل بعض محد اكثر من الثاني عشان لايزعلون وتبدأ الغيره
^
م
ص
ا
ل
ه



ولاتسأل بنت اختك اذا كان ضغيره ترى جيلنا غير عن هالجيل ,,
بنات هالأيام كتابتهم اكبر من سنهم تقرئين الاوتوغراف تخافين صدق :
(كلها حب واغاني اه ونص خخخخخخ,,


وووووبس

^^^^^^^^^^

إقتباس الأ حرام اذكر في كتاب التوحيد 3 متوسط درس كامل عن التمائم وتحريمها

أول شي لاتنفخين

والله انتس فاغره التميمه اللي بالحديث غير التميمه اللي يذبحها الواحد اذا جاه عيال
وارجعي لكتاب التوحيد حقكم واقري شرح الحديث..

انتي بس قريتي طرف تميمه وجيتي مجلعده..

إقتباس وانا كذلك عجزت وعجز تفكيري عن فهمها ...!! بس يمكن لأن نحب بعض ,تكون حسناتنا مثل بعض محد اكثر من الثاني عشان لايزعلون وتبدأ الغيره

الحين يقالتس تشرحين لي؟!!

عشان نحب بعض تكون حسناتنا مثل بعض!!! ، وبعدين منهم اللي يزعلون؟! وتبدأ الغيره>>>>>>>> وش السالفه بالضبط تراي صدز عجزت

إقتباس ولاتسأل بنت اختك اذا كان ضغيره ترى جيلنا غير عن هالجيل ,,

صدقتي ، لكن هالبنيه بالذات ماشاء الله عليها مالها علاقه بالجيل الجديد أبد


وووبس بعد أنا لكن لاعمرتس تبزعين بالحرام والحلال

ههههههههه
يعطيك العافية على الموضوع الجيد

ابوريمان

ياهلا ومسهلا بصاحبي

إقتباس مع العلم أن بعض أجزاء ماضيك متى ما كانت آثارها عميقة فهي حبيسة ذاكرتك لا تحتاج إلى موقظ لها يسوقها إلى معرض ذاكرتك ..

صدقت ياغالي، وفيه فئه من الناس مازالت ذكريات الماضي عندهم تتحكم في مشاعرهم وتمر عليهم في كل حين..

سلمت ياغالي


____________________


ابو عابد2004

الله يعافيك ،،

وتشكراات لمشاركتك

___________________

الموضوع قديم شوي ولست ممن يحب ان يكون له موضوعان يتنافسان في صفحة واحدة;)

لكن كل شي اوكي عشان الغالي ابوريمان