التميمه

ويلكم الله مير محييك يو آر فيري قود مورنيغ بايسن

إقتباس مفردها قرطاس,,, وهي في المعجم الوسيط,, من قرطس ,,يقرطس قرطستن,,,

أكيد هذا من المعجم الوسيط مسكين هالمعجم كل من تورّط حطها بظهره

إقتباس وغالباً مايطلق هذا اللفظ,, على كل شي يطلع خرفشه ويفضحك وأنت موزيه,,

والله كلام كبيـــــــــــــــــــــــر ، وبالذات نقطة الخرفشه والخترشه

إقتباس ومن هنا نعتبر أن الورق قرطاس مثل ما تكرمت,, ونتزحلق ونتمرجح أيضاً وما في مانع نلعب حبشه,,,للقول الثاني,,

ياسلام ، واذا قيل أثبت أن الورق قرطاس فليس علينا سوى الرجوع الى برهانك وحجتك الداجة التعبير السليمة المعنى

إقتباس لأنه مع زحمة الحياة,, وهمومها,, واذا تسكرت الدنيا بوجهك,, وما معك مفتاح سبير,, وأهلك نايمين,, وترجد الباب ,, وما عندك أحد,,,

ايـــــــــــه صح ، بالضبط هذا هو الحاصل

اعن ابودارك عجزت أفهم شي وش هالحتسي ؟؟ لايصير بك انفلوزا

أجل أرجد الباب ولا حولي أحد لنفرض أن أبوي طلع وقال وشوله ترجد الباب؟؟ رح جب خبز واحش الصاموليه بأعذب ذكرياتك
وش أقوله بهالحاله؟؟ أقوله صايم؟؟ مايصير لاني اذا قلت له صايم يبي يقول قوووه نفطر عند جدتك الله يرحمها ويسكنها فسيح جناته

إقتباس وش قصة ساره أخت ليدي معك,,

ايــــــــــــــــــــــــــــــه واعذاب القلب من شي ٍ يشوفه

أحبها جدا وأعرف أن االطريق الى المستحيل طويل

ولو ممشاي في جمر يفيده ...... مشيت بجمرها كنــــه عوافي
لكن وش يفيـــده لوذبحني ...... ومن يوصف جماله عقب قافي

بحب أحبك حبة حب .. أحب من الاحباب

هي لي كل الحياة والدنيا والناس والوجود،، وحب ما أعرفش مداه عشان ملهوش أبداً حدود

إقتباس ذكرتني بولد جيرانهم اللي يدخل لأقصى الدار,, كنه من حمام الدار,,

الشكوى لله أحدٍ يزم وأحدٍ يدودل ، هذا كل يوم يدخل بيتهم وأنا أتقلب على جمر الغضى بالصاله



الله يسلمك يالتميمه ثانكيو فيري متش

(..... اللهـــــــــــم حوالينـــــــــــــــــا ولا علينــــــــــــــــــا .....)



الفيروسه الزرقاء

ياهلا ومسهلا ِعد ما صنّعوا الجابانيز أجهزه

إقتباس الله من النذااااااااااااله ، يـ اخي ورى الناس صاروا نذلين

صدز كاثره النذاله هاليومين
يوم جيت أبطلع للبر الاسبوع اللي فات قال لي اخوي البزقه عندي لك فراش حق بر ، يحبه قلبك
طبعاً انا وثقت فيه واخذت الفراش بدون لا أفتحه لاني شفته ثقيل قلت بس شكله مليان بطانيات وفيه أقل شي مخدتين ، يوم صارت الساعه 12 باليل أرسل لي اخوي رساله " تعيش وتاكل غيرها عشان تعرف حركتك" ، طبعاً انا ما فهمت شي
يوم جاني النوم وقرسني البراد فتحت الفراش وألقى بوسطه 3 أكياس كبيره مليانه تراب ولا فيه لا بطانيه ولا مخده، هذا اخو ذا

إقتباس تعرف اختبار صادف ويك أند يعني انواع الدجه ومانيب رايقه لك ، وفـ وسط الاسبوع فضيت لك

الشر والملاسن والملاقط ما يبي له روقان بالعكس حلاته والواحد ماله خلق

إقتباس نااااااااااعااام اسهل اختبار ، ماتوقع انه سهل يمكن سهل عند المصرين

ما دام انه سهل عند المصريين أجل أكيد انه قراءه أو قانون الانزلاق العفوي :::::::::>> عجزت ألقى مادة تبدأ بالقاء

إقتباس ايه من عقب مانسبت الاوكرانين تطورت

يا حبي لمرتي الاوكرانيه
أمس تقول اذا هبّـت شماليه أبصلح لك مرقوق يابعد السعوديه كله

إقتباس يـ كثر ماتجيك هـ المسكات

متى مسكت معي غير هالمره؟؟ ترى حرااام التسذب وبعدين وراتس زعلانه أمسّك ما أمسّك على كيفي اللي يسمعك يقول ماسك شعرك هالحين

إقتباس اجل وش يشمل دامه مايشمل الورق ! المعروف والمتعارف عليه عندنا أن القراطيس هي مجموعة من الأوراق

بعض المذاهب هداهم الله يسمّون الاكياس حقت البقاله قراطيس ، ويقولون أحياناً وين قرطاسة الكت كات؟؟
لهذا جرى التنبيه

إقتباس تجيك هـ الخدامه وتاخذ لك هـ الاوراق وتحطها بـ الادراج تحوس الدنيا ع

وهذا بلا ابوك يالهاوي وعشان كذا قدمت طلب للوالده بأن تفهّم كل خدامه تجينا اذا دخلت غرفتي فان مسؤوليتها ترتيب السرير وكنس الغرفة وأخذ الملابس المتسخه ومن ثم غسل الحمام وصك الباب والباقي ممنوع اللمس

إقتباس إذا فيني نوم وأبي شي من امي والا اخواني رحت جبت لك ورقة A4 وكتبت عليها بـ القلم العريض اللي ابغى واحطها ع طاولتهم ياكثر مااسويها

A4 !! وعسى كتابتك واضحه وتنقرا
كثير من الاحيان ألقى اخوي حاط لي ورقه، وبعد ما أشوفها أقول في نفسي ياشيخ ضف وجهك ، لاني ما أفهم شي ، و زود على شين خطه يحط توقيع البجيح

إقتباس وعساك حرقتها

لا والله عجزت احس انها مفيده لاني اذا قريتها اتذكر نعمة ربي علي هالحين ووشلون تغير الوضع الى الافضل ولله الحمد..

إقتباس انا هـ الاوراق الذكريات ماافكر ارميها حاطتها بـ صندوق كبير ومرتبته ذكريات التمهيدي والروضه " صور مصورينها بـ مناسبة التخرج من التمهيدي " والابتدائي بالذات سنة 6 ياكثر الاوراق اللي فيها

ماشاء الله عليك،، احلى الذكريات والصور اللي تكون أيام الطفوله ، أنواع الانبساط والفله اذا جلس الواحد يشوفها
ويازين الترتيب،، يعني يكون فيه مجلد للصور والذكريات في كل مرحله من العمر

إقتباس وفيه صندوق صغير خاص بس بـ المرحله المتوسطه وش كثر الاغراض اللي فيه من هدايا ورسايل تهديد واعجاب والعاب

كلها مفهومه وواضحه لكن وش وضع رسايل التهديد؟؟ جازت لي بالمتوسطه وتهديد شكلك من زمااان وانتي راعية شر ومشاكل

إقتباس فـ بداية الترم تكون ادراجي مليانه بـ خطة الدراسيه لكل ماده

ودايم تكون الخطة الدراسية محطوطه بالدرج الاول والله ياهي كثيره عندي، والمشكله الى هالحين حافظها

إقتباس صحيح اتوهق إذا حملت الماده فـ تشوف اخذ الكتب من صديقاتي لاني تخلصت من أغراضي

ههههه ما لها داعي العجله انواع الاحباط تجدع مذكرات الماده وبالاخير تطلع راسب الحمد لله ما كد صارت لي هالحركه ، لاني ماشاء الله علي ماعمري رسبت ::::::::::>> اخس يالفلسطيني

إقتباس تشوف حتى لـ الشبكة لها دفتر خاص وكل فتره وفتره أغيره

اشوفك تتصيدين الاخطاء الاملائية أثرك تنقلين المواضيع لهالدفتر ، وانا احسب عندك قوة ملاحظه، طلع ما حولك أحد

إقتباس ع طاري الشخمطه يـ اخي مدري ليش اعشق قلم الرصاص !

الكتابه بقلم الرصاص ممتعه وفلّه لأنه خفيف على اليد ولا يطلع منه ريحة الحبر اللي تضيق الصدر، ويطلع شكل الخط حلو

إقتباس لا وتجيني حالات احطه فوق اذني كني مهندسه لو اني داخله هندسه ماهوب اصرف

أقول احمدي الله واشكريه انك ما دخلتي هندسه، كان تروحين كل يوم للمشغل يصبغون شعرك أسود من كثر الشيب قسم بالله اني كنت مزيون وكيوت قبل الهندسه والحين تسني ابوعيال مطلق مرته

إقتباس مثلا إذا رحت لـ جدتي وكانت مروقه وفالتها نجيب لك مسجل ونسجل كلامها لـ ذكريات لان من جد سواليفها ماتنمل

ياحبي لهم وسواليفهم الاجداد والاعمام والخوال الكبار كنا نسجل لعم الوالده الله يقومه بالعافيه أنواع السواليف صحيح ان نصها تسذب وقتل لكن فيها تجربه و حكم وفوائد وفلة حجاج
والتسجيل وحده من أفضل الطرق للحفظ.

إقتباس فـ تشوفني أحب احتفظ بـ اشيائي ويكون بـ علمك ترى باربي إلا يومك وهو عندي

لا تجيبين طاري باربي الله يرحمة والديك تراي مالي خلقها قليلة أدب ولبسها مارج ، اذكر ان بنت اختي دفعتني 400 ريال عشان باربي وخرابيطها والى الحين بقلبي

وبعدين استحي على وجهك مره بالجامعه وعندها باربي!! عطيها اختك الصغيره وخلي عنك الهبال والتميلح
أقول يالفيروسه ما تخبرين لي عروسة سارة اخت ليدي

إقتباس حتى الكمبيوترات والاجهزه مارميها ، مخليه غرفه خاصه بـ الاجهزه ومجمعتها ، امي تقول مالنا حاجه فيها ذبيها وانا اقول لأ م ع ص ي

ماهوب منك من هاليابانيين اللي معاشرتهم وبعدين لاعمرك تقولين لأمك معصي هذا اللي لقيناه من باربي


مرسي أووي يالفيروسه ، أثر النسبا وسيعين صدر ، من اليوم ورايح أبكثر التكيات مع نسباي

تحياتي لك وازهايومغيمس

والله يا انا قرقه

الـــوردة الزرقاء

إقتباس التميمه من المحرمات خخخخخخخخ

الشكوى لله هاليومين لست أشوف زين

لكن لحظه اهدأ من كذا ، مهوب على كيفك التميمه حرام

إقتباس حاطتها كلها في شنطه من كثر مافيها قليل وتتقطع

شنطه!! وشوله؟؟ أخبر الشناط يحط فيها أشرطه مهوب أوراق

إقتباس دفاتر شعر وخواطر واتوغرافات و كتب الدراسه مارميتها فيها سواليفنا ,, ومناديل شعريه

حلوه المناديل الشعريه وانا ارشح المناديل اللي توزعها المحطات للكتابة عليها، لأنها دمار وخشنه وتجيب المشق

إقتباس ووصور وفي اشيا مدري وشي حتى طباشير فيه..!!

هالطباشير هذي أسقم اختراع عرفه التاريخ ريحه وغبار تقل جالسين بين الدبابات بالثمامة
والحمد لله أن الطباشير ليست من أنواع القراطيس

إقتباس أتمنى لكي التوفيق في حياتك العلمية والعالميه

إقتباس التوفيق ,,,,, وأكل الدقيق

إقتباس ×= يضرب الله اعدائك

الصراحه وناسه ياحليل خرابيط البنيّات


لكن :

إقتباس ÷=يقسم الله بيني وبينك الأقوال والأفعال الطيبه ==يساوي حبي وحبك بالحسنات

هههههههه من زمااان ما ضحكت كثر ضحكي على هذولي
والمشكله ان لي نص ساعه أبحاول أفهم:

وشلون يساوي حبي وحبك بالحسنات؟؟ باذن الله اني ابطرح هالتساؤل على بنيّة أختي لعلي ألقى عندها افاده


العفو يالوردة الزرقاء والله اني استانست على الضرب والقسمه ،وأطلق شي المساواة

تشكرااتي لك،، ومرسي أووي

ثااااااااااانكس انا مدمن قرااااااااطيس

؟؟؟؟؟؟

هلا،، صباح الخير

معليش تأخرت عشان انا كنت كاشت ولا به واير لس

_____________________________

الذئـــــ الأزرق ــــــــــب

إقتباس حتـى أســأل واحد من الشباب اذكر كنا ايام ثاني متوسط .. كنا نجيب دفتر كشكول ونرسم استاذية وسواليف الى ان انكبنا وراح هالدفتر للوكيل ..

وعسى الوكيل ما وقفكم على رجل وحده حصتين، ووحده منهن لازم تكون رياضه

أنا ما اعرفش ارسم ، ومره حاولت أرسم مدرس الرياضيات لمدة أربع حصص وعجزت

إقتباس الموضـوع فله تكفى حطه مره ثانيـة ..

والله يا أنت ما بوش أحد اعن ابو دارك بتلت اضحك على حطه مره ثانيه

إقتباس لاتنـسى تسلم لخالتك على امك .. ههههههههه .. ياكثر ماكتب زي هالورقة لاتنسى تسذا ولاعمري تذكرت ..

خلاص منّول ذاك ، وصدقت يا كثر ما نكتب ونربط طرف الشماغ ونقلب النعله عشان نتذكر شي وبالاخير ما نجح أحد

تشكرااتي لك

_____________________________

الفيروسه الزرقاء

يا هلا ومسهلا ،،

إقتباس لأ ومنزله وبكرا عندي اختبار قـ **** يعني إلا تبي الفكه مني

قسم بالله اني مادريت ان عندك اختبار ولا كان منزل أربع مواضيع كل ابوهن عن اليابان

إقتباس ماعليه ناشبه لك ناشبه لك ، بطس الحين اخمد ثم ابدأ بـ القاء ،

اختبار واختبار ولا جتنا ومشغلتنا وآخرتها عند قــــــــــاء !!
هذا اسهل اختبار وكنت كل دايم آخذبه منتاز مرتفع

إقتباس عاد الله يعينك بحط الحره فيك + بـ جيب ملقاطين

أقول أهدا من كذا ياراعية الملاقيط الموضوع هذا أكبر من أن يصيده أحد ملاقيطك المصديه ومستخدم فيه نظام المسح الالكتروني عن بعد.

أتمنى أن تكوني قد وفقتي في القاء وعقبال النجاح والامتياز بالـ حطي كلمن كل ابوهن

أزهايومغيمس وبالتوفيق والله ييسر أمرك وعساك تاخذين مرتبة الشرف الثالثه ودي أقول الاولى بس ما ماش ما ظنتي

الفيروسه وشو قاء؟؟ لا يصير قرءان!!

_____________________________

الكناري الازرق

يا هلا ياكناري ياحارمني منامي،،

إقتباس بما انك تحب القراطيس سؤال عالسريع / ايام الدراسة كم كشكول كان عندك ؟!

يوم انا ادرس كنت ناعم ومزيون و ماعندي كشكول عندي تلجراف حق البنات ابو قفل ومفتاح دايم يضيع

والله يالكناري ان كل دفاتري آخر عشر أوراق من عند ورى تعتبر كشكول

إقتباس سؤال ثاني / يقولون انك حاط حشوة الاسفنجة اللي تسدح عليها ورق ؟!

لا لا يتسذبون عليك ماعمري حطيت شي، كانت الخطه لاترحم القلم وقل به حتى يبدأ يسعبل

إقتباس بالنسبه لي ما عندي اوراق .. غرفتي مرتبة و نظيفة الحمد لله ..

كناري كنـــــــــــــــــــــاري يابعدي ، مرتب ووذف
أقول خل عنك التسذب والله يا غرفتك ملينانه ردود

إقتباس بيجي الوقت اللي بستعمل فيه هالرقم [ 998 ] يا حبيبي قديمك نديمك لا تحرق البيت !

لا تتفاول علي بالشر قسم بالله لا أجيب أم صتمه ان ما عقلت


تشكراااتي ياصديقي ولا عمرك ترد من سطح بيتكم

_____________________________

رحيل الحــال

وعليكم السلام والرحمه، ياهلا،،

تصدق اني توي أركز باسمك احسبه رحيل الرحال

إقتباس انا أرد عليك والقرطيس قدامي وطبعا أحتفظ بقراطيس قديمة ولكن في مستودع البيت اما غرفتي فهي مرتبة مثلي

اخس اخس والله حركه ، عندكم مستودع للقراطيس ، وبعدين واضح بسم الله عليك انك مرتب والدليل انك ترد والقراطيس قدامك أيها التسذووب

إقتباس وبالنسبة لي بما ان اغلب وقتي على الكمبيوتر فا انا أكتب في جهازي وكذلك جوالي

ورى ما تسمي روحك رحيل الياباني ما دام انك تفرش السماط بايميل

إقتباس أدري ما خليت أبتسامات لكن شسوي توني سمعت مثل وقلت أطبقه " أبتسم للحياة تبتسم لك "

اي والله استانس يابعدي وما عليك من أحد ترى الابتسامات ببلاش

الله يعافيك ياغالي وتشكراتي لمشاركتك

عـز الهلال

وعليكم السلام ،، ياهلا

إقتباس والمذكرات والمنديل المستعمل أكثر من مره ولأكثر من غرض

وشو المنديل ذا لا يكون الفوطه الصغيره حقت كلش تراااي كروهوي يعني تحوم تسبدي منه

إقتباس وجرايد لها أكثر من سنه ..

الا هاذي الجرايد مال خلقهن وكل ما راح اسبوع اجمعهن وواوديهن لزبالة الجرايد..

إقتباس والمشكله ان جا أحد وتبرع بيشيلها نرفض رفض قاطع ونخليـها ونتفظ بها , لو مـا نحتاجها .

صادق، لأن اللي يبي يضفهن ما راح يقدر القيمة المعنوية والعاطفية والذكرياتيه لبعض الاوراق ، ويبي يجدعهن كل ابوهن


تشكرااتي لك

______________________

تغريد

إقتباس طيب للحين ماعرفت معنى القراطيس بالضبط

لا حول ولاقوه الا بالله ترى هذي ليست أول مره اللي تقولين ما فهمت تذكرين اذاني واذانك أربع

هما صح اذا بدت الدراسة تطلب منكم أبلة العلوم تجيبون دفترين واحد للفصل وواحد للواجبات، واحد من الدفترين اذا فتحتيه تلقين بوسطه نوع من أنواع القراطيس ألا وهو الورق :::::::::::>>عسى فهمتي

إقتباس الكلمه هذي بابا يقولها وتقهرررررررني اقولو لاتقولها

اجل بابا دايم يقول قراطيس مثل بابا حقي دايم يقول جب خبز واقول له لا تقولها

إقتباس والاوراق الي معلقتها جوا الدولاب

لحظه لحظه يادكتوره اوراق معلقه بوسط الدولاب هذي جديده!!
ليش ما تحطين لك واحد من الفساتين القديمه حقت العروس وتدبسين فيه الاوراق
أجل قراطيس بالدولاب

إقتباس حلاتها بقلم الرصاص والكشكول

قلم الرصاص الكتابه فيه حلوه، لكن مع الزمن والاحتكاك مع الاوراق الثانيه يختفي المكتوب وتصير الورقه بيضاء، وتروح الذكريات ونقعد نصيح


العفو،، وتشكراتي لك،، بس لاعمرك تقلون للبابا لا تقول قراطيس
______________________

البارق

ياهلا والله وغلا باخو قلبي،، تصدق اني مش مسدأأ عينيّا من عقب ما انسرقت منك الـ2000 صرت ما أشوفك وااجد

إقتباس طيب ما عندك ورقة مكتوب عليها تاريخ تغيير اسمك من الهاوي احدعش إلى الهاوي ماهوب احدعش

ما يحتاج ورقه لابغيت اتذكر رحت لشرطة الملز أسألهم عن الالفين حقتك هي لقيَت ولا ما لقيَت، اليوم اللي ضيعت به أنت الالفين حلقت به أنا شنبي

إقتباس نجي للسيارة .. الأوراق فيها نصفين ..نصفها فواتير لأي شيء أشتريه وأجمعها بالسيارة

عاد أنتم يالمدرسين مهنا أكثر من اوراقكم وبالذات اللي مجدوعه بالسياره، دائماً اتسائل لماذا ؟؟ لكن ابوبدر انس يعطيك الجواب

إقتباس والنصف الثاني لمجموعة غير قابلة للعد من إيصالات الصرافات

المشكله هذولي صدز ما منهن فايده، ذكريات دماااار ساحب فلوس

إقتباس في الغرفة أنواع الصور لبطاقة الأحوال ..والمشكلة ما عمري استفدت منها لا بغيت صور صورت بريال طبعا احتاج وحده والباقي أجيبه للغرفة

بالضبط مثل أنا لكن احسن شي انك تحط بالسيارة ملف فيه صور بطاقاتك كل ابوهن، لأني اكتشفت من واقع تجربه مقرطسه أن وجودهن بالغرفه ماله سنع..

إقتباس وعندي مشكلة الحين أشوفها بدت تأثر على حجم الغرفة ..وهي إني ما أرمي كراتين الأشياء اللي شاريها

لالا يابعدي أنت يبي لك تروح لحدى هالدكاتره قبل لا تتطور الحاله أخاف بكرا تنغمت بغرفتك من غبار هالكراتين

إقتباس تدري .. يمكن يجي يوم ويشترونها منا بقروش

الله يسمع منك، وقتها يبي يصير اسمي الشيخ الهاوي وانت عاد يالبارق رح دور أحد يشتري منك الكراتين


الله يعافيك يابعدي وتسلم على المشاركه

_______________________

سوف انكس لردود الغالين باذن الرحمن،،

إقتباس لا حول ولاقوه الا بالله ترى هذي ليست أول مره اللي تقولين ما فهمت تذكرين اذاني واذانك أربع

لحد يسمعك بس خليها مستوره

إقتباس هما صح اذا بدت الدراسة تطلب منكم أبلة العلوم تجيبون دفترين واحد للفصل وواحد للواجبات، واحد من الدفترين اذا فتحتيه تلقين بوسطه نوع من أنواع القراطيس ألا وهو الورق :::::::::::>>عسى فهمتي

والله مت ضحك عليها

اهاااا
عشان كذا يكتبون عالمكتبه قرطاسيه :p

>>>خلاص فهمت

تو ايفري بودي ،، نايس تو ميت يو أقين

______________________

الهنوووف

إقتباس عندما ااشاهد قراطيسي تطيب نفسي.... ولكن تنفقع تسبد ابي وامي

مادام الامر وصل الى انفقاع تسبد أمك وابوك اذاً اعقلي وافقعي تسبدكي وطيبي نفوسهم تراهم أغلى من أوراقك

إقتباس وعندي اوراق مثلا كتبوها صديقاتي ايام الدراسه اذا شفتها حنيت لذيك االايام وشوي وابتسي

والله يابنت الحلال الذكريات زينه لكن البتسي ذا ما له سنع يعني ابحثي عن الورق الوسيع الصدر

إقتباس اقول بيني وبينكـ من كثر كتابتنا ياليت الخط صار زين

أشوفك مستانسه على الكيبورد ألوان وخطوط مفرنكه ، أثرك من النوع اللي يكتب بالعبريه :::::::::::::>> ارحمتس

إقتباس الذكريات جميلــة ولو كانت على خربشة الورق والقرطاس ولكن له في القلب ذكرى قد تكون سعيدة وقد تكون حزينة وانما لها طعم اخـر >>>اعرف احتسي فصحى يالهاوي

اخس ٍ اخسًٌ ما هذا المكتوب أمامي، بدأتُ أحس أن أبو الاسود الدؤلي من جماعتكم
حوّم الله تسبدكي هذي دعاية سفن أب مهيب ذكريات
لكن بكل الاحوال أنت أجدع مني بالفصحى

إقتباس يعطيكـ العافيـة ايها الرجل صاحب العينان العسيلتان والشعر الاشقر

الله مير يعافيك وقولي ما شاء الله كي لا تنحتنينني فتسوّد عينياي ويتساقط شعري

تشكراتي لمشاركتك

______________________


سندريلا الهلال

إقتباس الناس تجمع أكياس كـرتون مثلي مهب قراطيس

أكياس كرتون ما هذا وأين حنا به؟؟
ما قد عمري خبرت أكياس كرتون الا ان كنتِ تقصدين أكياس المحلات الكشخه مثل مسيمو دوتي و قصيم غاليري هذولا أحسن ما عندهم أكياسهم، بالاضافة الى كيس "أهلا وسهلا" البنفسجي عند ابو ريالين

إقتباس اذا تبي تحتفظ بأغراضك .. جب لك صندووق حلوو شكله يعني ينبسط الواحد اذا شافه مهب صندووق حديد مصدي

الصندوق غير زين للحفظ ، لأن الواحد اذا بغى يتذكر لازم يطلع كل اللي بوسطه، أحسن شي الملفات بس لا تكون خضراء وما يمنع يكون الملف وردي وعليه صورة ساره اخت ليدي

إقتباس الا قراطيس الشاورما بعد تحتفظ فيها

شكلك ما قد جربتي الكتابة عليها، ميزتها هي والمناديل ان الخط فيه يطلع بشكل حلو ولو يزيدون سماكتها كان ألفت عليها كتاب بعنوان" الشاورما بين الوهم والحقيقه"

تشكرااتي على مشاركتك وتواصلك الدائم

______________________

هلاليه سنعه

إقتباس شف عاد تبي الصدز انا مثلك احب اجمع الاوراق مثلا طبخات ..حلى .. اوراق فيها اشعار وخواطر

..

طبخات وحلى تذكرت اختي كانت حاطه بالمطبخ منظر تلزق عليه مقادير الحلى والخرابيط حقاتكم وكل ما شفت ورقه جديده عدلت عليها عشان أحوس الوصفه لكن طلعت ذكيه وكشفت الموضوع بعد ثاني محاوله، وحلفت اني ما آكل من أي حلى تصلحه مستقبلاً

إقتباس مقالات عجبتني من الجريده ..

هذي ممتازه بالفتره الاخيره صرت يقالي مثقف وأجمع بعض المقالات التي تجوز لي واحط عليها التاريخ

إقتباس ورسايل منووول يومني صغيره انا والبنات رسايل الحب وقلب ابوو سهم واللي يقطر دم هههههههههههه

منّول أنا ووجهي أحسب القلب ابوسهم حب معناته مجرم وسفاح ، واستغرب دايم ألقى بجنبه كلام حلو؟!!

إقتباس اما الفواتير يوووه من العجز المحفظه حقتي ماتنصك منها

وش تبين بالفواتير؟؟ يقالتس تبي تستفيدن منهن؟؟
عندكم مشكله يالحريم مهنا أكثر من فواتير المحلات اللي عندكم واذا بغينا نرجع لكم شي قلتوا لا ندري وين أدعينا الفاتوره ( أدعينا = حطينا= وضعنا)


الله يعافيك وميرسي على المشاركه

______________________

ماجد مقبل

هلا وغلا بابومقبل،،

إقتباس اما قراطيسي فلن استغني عنها فهي ثمينة وقد جمعتها في مجلد باسم مالذ وطاب من قراطيسي مع الاحباب

أما اسم الجلد ملعوب أعطيك ملفي الاحضر وآخذ اللي معك راس براس

إقتباس وهناك شوارع في الرياض تدعى بالقراطيس لكثرة قراطيس الشورما والكباب فيها

والله انك صادز ، قبل كم يوم أبي اخوي الصغير يوصف لي أحد المستشفيات ، قال المستشفى على شارع القراطيس!!

إقتباس فلذلك انصحك بقرطسة قراطيسك في الكمبيوتر

ما ش يابومقبل التنكولوجيا ذي ما تصلح لي بهالامور اذا ما جتك الذكريات مكتوبه بقلم سايل أزرق وعلى ورقه رايحه وطي ولاّ ما صارت ذكريات ،تصير ريفريش

الله يعافيك ياغالي وتسلم على المشاركه

______________________

راااجع نوبتن أخرى للغالين،، ،،

هــــلا،،

______________________

الكــلاسيكي

ياهلا والله وغلا،، أما هاشنب ذا سوّا شغل، بديت أفكر جدياً بالموس

إقتباس ياحبني للاخوات متصلين مع بعض وصلة الرحم ماتقنطع لو تنقطع المويه < فسر عاد

خل عنك بيت أم محمد مقطوع عنهم الماء له ثلاث أيام ومع كذا واصله الله يجزاها خير كل يوم تجي لاستراحتنا تعبي ماء

تصدق يالكلاسيكي بعد ما قريت "صلة رحم" تذكرت اني مقصر بالحيل، لكن الله يصلح حالنا..

إقتباس وش ورانا والمكتبات تارسه الديره حتى في البر مكتبه <مايعف يبالغ ابد

اي والله صدقت ياكثر المكتبات عندنا وبعضهم يتميلح ويسميها قرطاسيه
حاول يا عادل انك تبتعد عن مجال المبالغه أجل البر به مكتبه

إقتباس سجله بالمسجله

صحيح هذي فكر حلوه، وعندي شريطين مسجل عليهن ربوع بلادي أنا واخواني وش اسمك ياشاطر؟؟ عندك انشوه؟؟ عطنا نكته..
كل ما راح فتره اسمعهن واستانس لأني كنت أنا الكبير وانا اللي أسوي المقابلات

إقتباس بس تصدق انك ذكرتني .. عندي اوراق لو اشعلت يها النار ما تطفي الا لما تتصل ع الدفاع المدني

وش رايك نجمع أوراقنا مع بعض ونحرقهن ، عشان تصير نارنا قويه وننور بعض القرى اللي ما عندهم كهرب قل تم


تسلم ياغالي وتشكرااتي لك

______________________

عاشق الإنتر&الهلال

يا هلا فيك ، ويلكم اني تايم

______________________

ياما وياما

!!!!!!

______________________


نـــــــ15ــــــمر

إقتباس ذكرني من زمان اذا دقه وحده بالتلفون تقولي قل امك تكلمني ولا تنسى وتسالاني مين انا

ترى بعض الحريم والعجز ملكعات
تقول لك من أنت عشان توهقك مع امك اذا نيست، زي ما حصل لك، و لو حنا ملكعين منّول كان نعطيهم اسماء مستعاره

إقتباس وعلى طاري الذكريات رح شف الشعب السعودي وش مسوي ما بفى جدار ما كتب فيه

يارجال هذولا مساكين ما عندهم فلوس يشترون دفتر يتقاطون ويشترون بخّاخ


يرحمك الله وتشكراات لمشاركتك

______________________

تغريد

إقتباس لحد يسمعك بس خليها مستوره

لا ما عليك ترى ما أحد درى

إقتباس عشان كذا يكتبون عالمكتبه قرطاسيه >>>خلاص فهمت

ماشاء الله تبارك الله واضح انك فهمتي بضمير

مرسي أووي

______________________