هموم هلاليه
بسم الله الرحمن الرحيم

الكل سعيد باجتماع اعضاء الشرف
الكل يترقب النتائج
الكل يتمنى الافضل
الكل يتمنى وجودالاعضاء جمعهم
كلنا نحب الهلال
لا احد يختلف على ذلك .. ولكن

الى متى ونحن نسمع بالاجتماعات وبالوعود وبالاخير ما يطبق الا 30%
من الاجتماع والقرارت.
نفرح لاجتماعهم ونبط بافعالهم ...!!!!!

وجودهم شئ ضروري ولكن التطبيق شئ اهم
التوقيع مع احمد الدوخي احد المطالب .. ولان الجميع يعرف الدوخي فالجميع مهتم بامره .. ولا غرابه في ذلك
ونتمى توقيعه باقرب فرصة وسنقول لكم شكرا وما قصرتو
لكن
الظهير الايسر يعاني منه الهلال من اكثر من اربع سنوات .. وكل رئيس يجي يعرف ان الجهه اليسرى فيها خلل ويوعدنا بخير ولا نشوف شئ من لطف الى الجوير الى النزهان وياقلبي لاتحزن
لاعبين الهلال في كل المراكز في المنتخب من الحراسه الى الهجوم ولكن الظهير الايسر (no way)
المولد له شهرين يتمرن والكل شاهد على جدارته بملء المركز ولكن 200000 الف موقفه الصفقه !!!!!!
لكن لما طلب ارثر ادميلسون وقعوا معه حتى من غير ما يشوفونه!!!
@@@@@@@@@@@@@@@@@@@@@@@@@@@@@@@@@@@@@@@@@@@@@

الاجانب وما ادراك ما الاجانب .. مع ان وجهة نظري بلا اجانب احسن واوفر والله!!!!
كل موسم نسمع بالاعب العالمي .. ووعود وصفقات نسمع عنها ولا نشوفها واخرتها ( رونالدوا)
طيب انا ما نبي رونالدو .. ياناس نبي واحد بس يعرف يلعب كورة من لازار الى ادميلسون وياقلبي لاتحزن
حتى سيرجيو الي ما يختلف عليه اثنين ( يفهمون كوره) فرطوا فيه بسبب مبلغ ما راح اقول قليل ولكنه يدفع في شئ ماله سنع!!!!
نتمنى يا اجنبي صح ولا تراه مو لازم .. والله مو لازم.

@@@@@@@@@@@@@@@@@@@@@@@@@@@@@@@@@@@@@@@@@@@@@

يوسف الثنيان
الحروف تخجل عندما تكتب عن هذا المرعب .. هذا الفن السعودي الي والله ما راح نشوفه عقبك يا ابو ناصر
بكل سهوله تنازلوا عنك .. وكالعاده وعود .. ونتمنى اننا نشوف شئ على الواقع .. لاعب بتاريخ الثنيان ومهارة الثنيان وذكاء ودهاء الثنيان يترك موضوعه ويجمد ... يكفي انه يوسف الثنيان لكي ندافع عنه .. وضد مين !! ضد اتحاد اسيوي لا يعرف يمينه من يساره واعضاء همهم الوحيد كيفية اسقاط الكرة السعودية وما االومهم اذا كانوا اصحاب الحق ساكتين .
لابد من تحرك عملي .. ولنا في لاعب عمان اكبر دليل.. ضربوا بقرارات الاتحاد الاسيوي عرض الحائط واستجاب لهم الاتحاد لان ما بيده حيله .. اما احنا يالضعوف .. ما ورانا الا الحكي اما الفعل والله ياقلييييييييييل ما نشوفه.

@@@@@@@@@@@@@@@@@@@@@@@@@@@@@@@@@@@@@@@@@@@@@@

جنيات....

* الله يشفي والد الذيب بالسلامه يارب
* التوقيع ( ان حصل) مع ابراهيم ماطر قبل المولد فالدعوه قلبت تحديات وتركوا المصلحة.
* رجوع ( بعض) اعضاء الشرف بداية الطريق الصحيح.
* المسعري , الشهراني , القحطاني , الشايع..الخ !!! الى متى ؟؟
* ناشئين وشباب الهلال !!!!!!!!!!!!!!!!!!!!!
* ما حصل في الفترة الاخيرة من هرج ومرج نسميه فعلا كثير ومركز وعلى قولة ( المغاربة) بالزاف بالزاف.

ولكم تحياتي .. وان كلامي صحيح فهو من عند الله وان كان فيه غلط فهو مني.
اخوكم
الجن الازرق

سلمت يمينك اخوي الجن الأزرق
انا ما اقول الا الله يستر من اجتماعات الذبايح والعزايم هذي اللي طايحين فيها

وش فيه النادي؟
ليه ما يجتمعون فيه؟
ما في قاعة اجتماعات؟
ولا موب قد المقام ان الاعضاء يقعدون فيه؟

والله العظيم انه شي يرفع الضغط وآخرتها النتيجة صفر , ليتهم يطلعون بنتيجة 30 % (على قولتك ) كان صرنا بخير بس حنا مالنا الا ننتظرهم يتكرّمون علينا ويحلون مشاكلهم الشخصية اللي مالها دخل في مصلحة النادي لا من قريب ولا من بعيد عشان يلتفتون للنادي بعد كذا
الله يعين بس