بسم الله الرحمن الرحيم

بعد التحيه المعطره التي وبعون الله لن يعكر صفوها من جندوا انفسهم لمس كرامه زعيمهم وكاسر خشومهم الواحد تلو الاخر
ابن همام وماادراك ماابن همام ( وفي روايه : خمام او قمام ) اختر ماشئت من مصادر العفن..

تفائلت كغيري عند تنصيبه على رأس الهرم الاسيوي .. قلت في بالي اخيرا جا اللي بيصلح حال اسيا وينفعنا وينفع المنتخبات الخليجيه !!

لكن........

طلع ( مهوب كفو)

حتى ماكلف على نفسه يكرم المنتخب السعودي الحاصل على كأس العالم لذوي الاحتياجات الخاصه !!!
يعني بالله من متى لمتى تلقى منتخب اسيوي يفوز بكأس عالم !! حتى لو كأس عالم (كيرم) !!!! عجبي

وليش ماكرمت المنتخب البحريني للشواطئ اللي شارك مؤخرا في كأس العالم للشواطئ !!!
وللمعلوميه .. البحرين شاركت لآول مره وهزمت ايطاليا المرشحه وتأهلت للدور الثاني ....




ماراح ازيد عن ماكتب في المنتدى من مواقف ( الشخص المذكور اعلاه) ... فالمواضيع الموجوده كفت ووفت في وصف هذه ( الافه) التي ابتلانا الله فيها...

كثير من الجماهير الهلاليه توقعت تتويج خلفان على حساب استاذه الشلهوب.. وانا اولهم ... يعني بالله وش تتوقعون من ( الشخص مذكور اعلاه ) !! يعني تبون يشرهون عليه جماعته ويقولون مانفعت ولد عمك !!

والله ياهي مطبووووووخه !!! يعني من يوم تشوف القائمه الاوليه اللي نزلت وانت تعرف ان خلفان بيفوز !!

اعجبتني الاراء اللي تطالب بتكريم نجمهم في المطار عند عودته..

تألق الشلهوب بأذن الله في مباره النصر القادمه امر مفروغ منه .. هو بس يحط في باله انه يرد على من سلبوا منه جائزته !!

اهم شي ان الشلهوب نفسيته ما تتأثر من هالسالفه .. مع ثقتي التامه ان الشلهوب اكبر من هالامور.. خصوصا وهو يعرف مكانته في اسيـــا ... وبعدين ماينخاف عليه دام وراه سامي وهو اللي ذاق مع الاسف نفس الكأس مسبقا...


مايحتاج نوصيكم ياجماهير الرياض على مباره النصر القادمه ( الحضور الحضور) صدقوني ماراح يرفع معنويات الشلهوب الا حبكم له وتواجدكم من اجل الزعيم ومن اجله ...



ودمتم سالمين...