26/10/2001, 05:12 PM
|
زعيــم فعــال | | تاريخ التسجيل: 17/12/2000 المكان: الرياض
مشاركات: 466
| |
البحريني محمد حسين..نبيه بالهلال من كم سنه والهلال عنده مشكله عويصه مع الظهير الايسر..
ومن عقب اعتزال الحبشي بدت مشكلة هالمركز بالضبط..صحيح خالد الرشيد كان جيّد بس ان القدر ما كتب له الأستمرار بسبب مرض القلب..ويوم رجع الى الحين ما قدر يرجع لمستواه المعروف..
وخسروا لاعب كمحمد لطف اللي كان من افضل صنّاع اللعب عشان يغطي هالخانه..ما قصّر هو والله بس عاد تخبرون مشاكله..
غير اللعيبه اللي خسر الهلال عليهم القروش على الفاضي ولا فادوا الهلال ولا بعود!!!
أنا ما اشوف انها مشكله يعني لو دوّر الهلال على محترف يغطي هالخانه بدل الركض ورى المهاجمين الفاشلين!!!
مدري هو الهلال ما يشوف ان هالخانه مهمه يعني؟؟
اغلب مشاكل الهلال بسبب هالخانه اللي دايم ماتكلف الهلال نقاط كثيره..
طيب الحين بعد التصفيات الاسيويه المؤهله لكاس العالم شفنا الظهير الايسر البحريني محمد حسين اللي لابس رقم(2)..لاعب بمواصفات جسمانيه جيّده.. لاعب صلب ..لاعب رجولي..ذو نزعه هجوميه..يملك يساريه قويّه جدا جدا جدا..وحنا شفنا كيف شق الحارس الايراني ;)
هذا اللاعب باذن الله بيده حل مشكلة الظهير الايسر للهلال..وصدقوني انه بينجح ان شاءالله..
واعتقد انه ماراح يكلف الهلال مبلغ ضخم.. ;)
ياليت ادارة الهلال تفكر مليا بهالموضوع..
والا وش رايكم يالهلاليين؟؟
وسلامتكم.. |