إقتباس من المعجبين بورق العنب اصلا فيه وحده بالعالم يقال لها أنتي حواء ماتحب ورق العنب

عز الله ماكذبتي ههههههههههههههههههه

إقتباس ليه حنا الله يصلحنا نفتقد أبسط الملعومات عن الاسعافات الأولية

إسئلي الجهات المسئولة عن ذلك بالسنة دورة إسعافية أو اثنين وبالطقاق يحطونها المفروض إلزامي على طلاب المدارس بدل التسكع في الشوارع المغرب يجون للمدرسة دورات إسعافية مدة ساعه فقط .


أنا بالنسبة لي والحمدلله ماخذ دورة إسعافية بس برى السعودية لأن هنا مافي دورات إلا نادرا مدتها شهر . والحمدلله خمسة ماتوا على إيدي يوم أسعفتهم خخخخخخخخ " امزح "

وفعلا استفدت منها .

مشكوره على موضوعك الجميل . وتستاهلين نص كيلوا ورق عنب

هامور البورصه..

الله يعطيك العافية ..

ماشاء الله تبارك الله تتعب وعلى طوول عصير .. طيب افرض ان اللي عطيته عصير عنده ارتفاع

انا ما اقول ادخلوا دورات انا اقول تثقفوا فقط اسألوا استفسسروا .. لابد نحتاج .. والله يبعد عنا وعنكم كل مكرووه ..

والف شكر لك

هلالي وشقاوي

الله يعطيك ألف عافية ..

بصراحة معك كل الحق المفروض .. التوعيه مطلوبه وياليت بالترغيب لان الشيء اللي بالغصب صعب يثمر عن شيء مقبول ..

لابد من تكثيف الوعي وخصوصا مع كثرة مانعانيه من انتشار الاوبئه .. الله يكفينا الشر ..

كل الشكر لتواجدك..

هــلا بكـ سندريلا الابداع ..
ماشاء الله عليكـ مواضيعك رائعه واجتماعيه بحته .. صدق من سماك باحثه اجتماعيه ..

اختي سندريلا ..
هذي الاشياء صحيح انها مو من أساسيات الحياة اللي يجب ان الانسان يتعلمها .. لكنها من الاشياء
المكمله .. وشي طيب أن الانسان ياخذ من كل علم شي .. وهذا شي قبل كل شي يزيد من ثقافة
الشخص ويعدد من معلوماته ..

اما من ناحية الاسعافات .. الحمد لله انا ملم تماماً بالاسعافات لعدة اسباب ..
اولاً لاني من سنتين وانا كل موسم حج اروح لمكه للعمل في احدى المستشفيات <تراك استقبال
واختلاطي مع الاطباء والممرضين خلاني اعرف كثير من امور الاسعاف وخاصه ان تجينا حالات مستعصيه
وقويه وكل الامراض تمر علينا .. وصرت خبير احيانا على بالي اسعف <بيودي المرضى في داهيه ..

عموماً لك الف شكر .. وذكرتيني ودي اروح السنه هذي انتدب للحج ..ممممم بفكر ..

شكرا لك ..دمتي لنا قلماً نيّراً

سندريلا

انتي عايشة معنا بالبيت

يوم الاربعاء الماضي تعبت الوالدة شوي جاها انخفاض بالسكر بيني وبينك انا ماكنت اعرف اعراض الانخفاض من تعرق وخفقان بالقلب وغيرها لذلك كنت اتوقع ان كان السبب من السكر فهو ارتفاع ومو انخفاض ( لان الوالدة معها سكر )

لكن لما سألت وقتها عرفت انه انخفاض ومو ارتفاع

الله يجزاه خير اللي ارشدني للمعلومة الصح

المفترض بالفعل يكون عندنا على الاقل اساسيات التعامل مع مثل هالحالات ولا يمنع يكون عندك معلومات بسيطة عن الامراض الموجودة بالبيت اللي عايش فيه علشان تعرف تواجهه اي حالة ممكن تقابل >> مو مثلي

سندريلا

ان كان للابداع موطن فهو انتي وان كان للتألق عنوان فعنوانه ( سندريلا الهلال )

دمتي لنا مبدعة ودمتي لنا متألقة

هلا بمشرفتنا صاحبة المواضيع المميزه

كأنك داريه عني اني جالسه اتعلم عن الاسعافات وخاصه حقت الاطفال لاني عانيت مع اخواني بالتشنج مع الحراره كثير

بس السكر والضغط الحمدلله ماعندي اشخاص كبار بالسن يعانون منه الله يبعده عننا وعنكم

ومعلومات الاسعافات بسيطه جدا بس لازم تاخذينها بالطريقه الصحيحه

أنا عندي الوالده عملها قريب من القطاع الطبي فعندها شوية معلومات تفيدنا

مشكووره على المواضيع الي تفيد والله يبعد عننا وعنكم كل مكروه

إقتباس الرسالة الأصلية كتبت بواسطة سندريلا الهلال اصلا فيه وحده بالعالم يقال لها أنتي حواء ماتحب ورق العنب

لاتعقديني زيادة

انا مااحب ورق العنب من دون البيت كله ومن بين كل صديقاتي


ومشكووووورة على الموضوع

ياهلا بذا الطله ..بس ليتها بدون ورق عنب (بسم الله ع النعمه )

موضوع خطييييير...

كنت افكر .. اني ادخل مثل ذا الدورة .. لكن للأسف على قد ماسمعت بدورات بجامعتي العزيزة .. ذا الدوره ماقد شفت لها اعلان ...


دورة الاسعافات الاولية مهمة للغاية .. الكثير منا يطلع رحلات .. الكثير من يتفاجأ بحوادث.. الكثير يحتاج هذه الدورة .. واساسياتها ..




معلومة ع الطاير /: اذا كان احدهم في حالة اللاوعي <<مغما عليه يعني>> او خارج من حادث .. ابدا لاتقرب منه الماء << طلع العامي هنا >> كما يقول احد الدكاتره .
وعلل رحمه الله حيا اوميتا .. بان القلب يكون في حالة استنفار .. وان شرب الماء في ذلك الوقت بالذات قد يؤدي الى الوفاة .. ومن خبرتي انا اضيف ..ان من خرج من حادث قد يكون عنده نزيف داخلي ومعروف ان الماء يزيد النزيف..





انتهى , , ,

ياحلوووك وياحلوو مواضيعك ..ياسن سن الرمادية..

وحشتيني يالقطووووع ...

إقتباس اصلا فيه وحده بالعالم يقال لها أنتي حواء ماتحب ورق العنب

انا اقول فيه شي شدني من شوشتي للموضوع كله بسبب ورق العنب :p

إقتباس طبعاً لازم تكون تعرف تستخدم أجهزة قياس السكر والضغط .. مهب يصير منخفض وتقول مرتفع او العكس بدل ماتصير عون تصير فرعون >>>>>> والله مدري هو المثل هنا صح ولالا بس يفي بالغرض

هههههههههههههههههههههههههههههههههههههه
ومن قال اصلا انه يفي بالغرض... >>تحطيييييييم

لاصدق اموت واعرف كيف اقيس بجهاز الضغط ..!!
خاصه اني اعاني من انخفاض الضغط دايم...

ولسبب ثاني مره رحت مستشفى زياره,, وكان موجود جهاز الضغط.
وقلت يالله خليني اقيس ضغطي...,,>> مصدقه نفسها .. :p
وربطته بيدي وجلست اختي تضغط تضغط والمدرج على الصفر ما ارتفع ابد ..

ويدي تعورت وصارت حمررررا قليل و تنفجر,,.
حاولنا مافي امل وبسرعه فكيته من يدي بالقوووه...
وفشلت للاسف..


بصراحه موضوع مميزه فكرته حلوه واسلوب احلى ,,,

يسلمو سندريلا على الموضوع دمتي لنا

دلع20

الله يعطيك العافية .. والله يزيدك ياارب

بنت الزعيم

معقوله ماتحبين ورق العنب أجل محرومة على قولة أمي

عزوز الأزرق

الله يجزاك خير على هالمعلومات اللي بتفيدنا..وجعلنا ان شاء الله مانحتاجها..

الوردة الزرقاء

هلا وغلا بالواصلة .. شفتي وشلون ما اتهتمك ..بأنك قاطعه

بسم الله على يدك ...اقول والله تسمعين بالاسعافات الاولية ..

مشكووورة يالغالية الله لايحرمنا من طلتك ..

يعطيك العافية سن سن على مواضيعك المهمه والمتألقة كعادتك

من المهم أن الكل يكون عندة خلفية عن الإسعافات الأوليه

كثير مانروح إستراحات وأكاد أجزم أن معضمها مافيها تعليمات عن إنقاذ الغرقى
ناهيك عن وجود صيدلية للإسعافات تحتوي على أدوات متكامله

انا أطلعت على مجموعة من كتب أبوي<<<من باب اللقافة لاأكثر وأستفدت منها كثير

مثلاً التنفس الصناعي دايم نسمع عن طريقة الفم للفم وياكثر مافيها من القرف
أنا عن نفسي ما اتخيل نفسي أنقذ أحد بها <<<مصدقة أني بأنقذ أحد

فيه عمليات أفضل وأسهل من هالطريقة وأبعد عن نقل العدوى

لكن المهم أنتقاء مايناسب المصاب

مثل طريقة سلفستر: يكون المصاب مستلقي على ظهره وتحت كتفة وسادة
ويكون المسعف عند راس المصاب ويمسك بكل يديه مرفقي المصاب ويكون
إبهامه على المفصل وباقي اليد على الوجة الأمامي للمفصل يعدين يرفع اليدين
بالتدريج لما توصل أعلى رأس المصاب وبكذا يتسع صدرة ويدخله الهواء للشهيق
يرجع اليدين للصدر ويضغط بها عليه للزفير وكأنه حاضن نفسه ويكرر العمليه 15الى18 مره
طبعاً هالطريقه إذا مافيه كسور لليدين أو الصدر.

طريقة هوفارد: يكون المصاب على ظهره بوضع مريح ويكون المسعف بجنبه ويضع
راحة يديه المبسوطتين على جانبي القفص الصدري ويضغط تدريجياً لأخراج الهواء
ثم يرفعها بهدوء لدخول الهواء ويكررها 15الى18مره لكنها ماتنفع لكسور الصدر

طريقة شيفر : يوضع المصاب على بطنه ويوضع وجه على أحد الجوانب ويسنده بيد المصاب
اللي باتجاه الوجه ويكون المسعف فوق المصاب بشكل نصف سجود ويكون الفخذ ملاصق
لفخذ المصاب ويحط إبهامه على جنب المصاب وباقي يده على القفص الصدري ويضغط
المسعف بثقل جسمه بالتدريج للزفير ويبتعد بالتدريج للشهيق وتنفع الطريقه للغرقى إذا مافيه كسور

وعشان ينجح التنفس الصناعي لازم ماتكون حركة القلب متوقفه نهائياً
ومايكون في مجرى الهواء شي يمنع مرور الهواء فيه ومايكون الشخص متسمم
ويكون مبكر في إجراء التنفس ومستمر حتى لو وصل ساعتين
لكن مايتوقف قبل لايتأكد أن النفس رجع لووضعه الطبيعي

بعد كذا يدلك جسم المصاب بمناشف جافه ويدفئ باكياس ماء حار
وما يعطى سوائل او طعام عشان مايسد مجرى الهوى


طبعاً فيه عمليات تنفس أخرى الوقت يمنعني من إضافتها

وحتى الإصابات اللي فيها كسور من المفترض عدم تحريك المصاب
وإذا حرك يكون بوضعية خاصة عشان مايتضاعف الكسر

وحالات النزيف
مثلاً لوكان النزيف في راحة اليد <<ياكثر ماتصير لما نطبخ بدل مانطقع الطماطم نقطع اليد<<تكلمي عن نفسك
نرفع اليد للأعلى ويضع المسعف إبهامه على راحة اليد ويضعط عليه ويضع شاش معقم ويسكر اليد بقووووه

على فكره إذا استمر الضغط ممكن يموت العضو بسبب توف الدوره الدمويه عشان كذا يكون الضغط لما يوقف الدم

طبعاً فيه حالات كثير لكن الوقت مايسمح لأستعراضها


وأهم حاجة لما ترتفع الحرارة لازم تنخفض إما بخافض حراره او إستحمام عشان ما يصير تشنج
وإذا حصل تشنج تخفض الحراره ويكون في مكان جيد التهويه وفتح الملابس الضيقه حول الرقبه والصدر والبطن

يعطيك العافية سن سن

ننتظر روائعك القادمة

بالحب والإشراق