يبه الله يسلمك ان شاء الله خالي نجيه مره ثانيه بس الحين الله يطول عمرك الشباب متفقين ومابقى الا أعطيهم الموافقه الله يسلمك ,, وش رايك يبه ؟
والله شف مع اني مانب متطمن للطلعه لكن ماودي أردك رح ياولدي وانتبه على نفسك ولا تسرعون بالخط وأنا أبوك ,, المهم اذا بتطلعون لا تطلعون الا النهار الليل الخط ماهب زين ,,أبشر يابوي بس كذا ماعليك ماراح نطلع الا عقب صلاة الفجر ,,يبه ,, بس بغيت الله يسلمك دراهم لوازم الطلعه ,,أي أي ,, مايخالف ,, عطني بوكي ,, تكفيك هذه ياولدي ؟ يبه الله يسلمك ميتين ريال ماتكفينا تعرف الحين صيف والأسعار مرتفعه بالحيل يعني الله يسلمك لو تزيد عليهن 800 ريال !!! :
ياولدي الأسعار نار هذاك عند أوروبا ومصر ولبنان مهب في عرعر وتبوك !! اللي تشوفه طال عمرك طيب عن أذنك أبوي بطلع الاستراحه عند الشباب الحين علشان نشوف وش ناقصن علينا نشتريه ,,
أقول وأنا أبوك ,, خذ هذه 500 ريال وغيرهن مافيه ,
الله يخليك يابوي مشكوور الله يعطيك العافيه ,,بعد يومين ,, يالله يبوي أنا بمشي الحين الشباب بره يحتروني ,,أنتبهوا وأنا أبوك من السرعه وعطني تلفون يوم توصل هناك ,, أبشر يبوي ,, فمان الله ,,
وبدأت الرحله ,,, وبعد رحله أستمرت يوم ونص من الرياض الى !!!! :sad: :sad:
وبعد رحله أستمرت يوم ونص من الرياض الى نقطة الحدوود ,, كانت مليئه بالنقاشات ( الجاده ) بين أفراد ( الجمس ) وكان أغلب الحديث يدور حول ,,
بالله أبيك تقولي بالظبط شلون عرفت مكان الجواز !!
وبين ,,
ياخوي ماني مصدق انت بالله عندك نسخه من مفتاح صندوق الحديد حق أبوك !!! وبين ,,
قسم بالله أخوك الصغير طلع ذيب ,, جاب اللي انت عاجز تجيبه ,, ( الجواز )
وبين
أجل قايل لبوووك رايحين مخيم صيفي انت ووجهك !! : : و ياجماعه تأكدوا بالله كل واحد يتأكد انه معمم جواله مانبي وجع راس :N: :N: ,, واللي أخذ أكثر الوقت هو ,,
طيب شف هذي 700 مع الـ500 حقتي ,, مع الألف هذي ,, مع 1400 اللي محوشها من أول ,, مع الفيزا حقتي فيها أظن مبلغ !!! ,, مع شف هذي 300 دولار صارفها من الرياض أيام الحج يوم كنا بنطلع ,, مع هذي أمس جدي معطيني هي عقب صلاة المغرب ,, مع ,, مع ,, (himo) ان شاء الله تكفينا أسبوع ,, بالـــراحه,,
**
وبعد ساعات من الوصول الى الحدوود مروورا بالجوازات والجمرك و و و ,,
الحمدلله عالسلامه
[ بيروت تحييكم ]
أقوول حمود أفتح الدفتر هذا وشف اسم الشقق المفرووشه اللي دلنا عليها ذاك اللي شغال في عصيرات الفاكهه اللبنانيه وبأي منطقه تصير وكم رقمهم لأن حاس ان بنضيع ,,
طيب طيب انت بس سق وماعليك ,, شف ياخووك الشقق يقول أسمها شقق ( جوهرة دينا ) للشقق المفروشه وبمنطقه اسمها الرابيه وزين معطينا رقم واحد أسمه غسان طولوس مدري طولوص ,, يقوول سواء ضيعتوا أوماضيعتوا دقوا عليه وقولوله انتم من طرفي ,,,, وما راح يقصر
طيب زين
**
وبهذا الوقت الجمس كمل ساعه ونص وهو يلفلف في شوارع بيرووت بين دلالة هذا وتضييع هذاك
وبعد جهد طويل ,,, توصلوا الى منطقة الرابيه ,, وشقق ( جوهرة دينا ) أصبحت على بعد أمتار من الجمس ,,,
وهنا توقف سائق السياره خلف مواقف الشقق يتفق مع الشباب ,,, ** ,, شفوا ,, مانبي ناخذ غرفه كبيره ,, نبي ناخذ غرفه حقت شخصين بتكون أوفر كثيير ,, وعلشان كذا انا وحمود بندخل على أساس بس حنى ,, وبعدين بس ناخذ المفاتيح انتم تلحقونا كنكم ضيووف ,, (rambo)
وتم الاتفاق ,, وأنتهت المهمه على خير وتسلموا المفاتيح وضبطوا شنطهم وكلش على مايرام الا بعض العوائق من ناحية الشبكه حيث ان شركة الاتصالات ما نفذت طلبات ثلاثه منهم الى الان وجوالهم ماهوب معمم وما اكتشفوا هالشي الا تو ,, الله يستر !!!
وبعد ساعات ,, أصبح الجميع جاهز لبدء ,,,, ليالي بيروت ,,
ما شاء الله بعض الابستامات ما طلعت لانها من حقت شبكـة الهلال , على العموم يا هلا و الله و نورت المنتدى ..!!
و ننتظر صياعة هالداجين , و عسا ما قامت الحرب عليهم و هم بـلبنان ؟! <<----- شكل امهاتهم يبون يدعون على السواق ليش ما جاب خبز راحوا دعوا على عيالهم بالغلط