بعض الرجال هداهم الله , لا يعرف أن مناداة الزوجة بأسمها أو بأم فلان أو بتدليلها بأجمل الأسماء يؤثر إيجابياً على علاقتها به , ويديم المحبة والإحترام بينهما .
لكن البعض يناديها بصراخ وكأنه ينادي على خادمة ,,, فهل يحب أن تناديه زوجته بنفس الأسلوب وكأنها تنادي السائق
.
نعم له حقوق عليها ولكن بالمقابل لها أيضاً حقوق ولا يطلب الرجل من المرأة القيام بواجباته وينسى هو واجباته فالحياة أخذ وعطاء .
قصيدة لزوجة عانت من معاملة الزوج معاملة السيد للعبد , وانتقاصه من عقيلتها ,, واستخدامه لحديث (ناقصات عقل ودين) استخدام خاطئ وتفسير خاطئ , فقد أخذ الجملة ولم يبحث عن المعنى والمغزى منها .
ويخطيء من يهمل الجانب العاطفي في الزوجة ويدفن عواطفها بتصرفاته الغبية وينسى أنها في يوم من الأيام كانت شغله الشاغل وحبه العذب وبعد الزواج أهملها .
وجدتها في أحد المواقع وأعجبتني فنقلتها لكم .
تصيح تقول يا(حرمه)،تحسب إنك تعايرني!!
شنبك اللي تفاخربه..ترى اللي جابته حرمـه
تصدق كذبتك دايم ،، مبادئ حيـل تقهرنـي
(نقص عقلك مع دينك)،،ترى مليت هالكلمـه
ياجاهل فتح عيونك..ياويلك لـو تصاغرنـي
غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورنـي!!
أذا إني ناقصه بعينك،،وداعي منتهي الحكمه
تراني ساكته بكيفي ،، نصيحـه لاتفجرنـي
غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي
علي عكسي تجي قاسي وكلن راضي بسلمه
حسافه وقتي الفايت،،تذكّـر يـوم تِسهِرنـي
على قولة انا عاشق وحبك صابنـي سهمّـه
تذكّر يوم لي تركض ،، تقول يازين آمرنـي
علي سنة رسول الله أشيل الحمـل وآزمّـه
فرحت وقلت هذا اللي أبي في ظلّه يسترنـي
إذا ضاقت بي الدنيا،، مسح دمعاتـي بكمـه
أبي أنسى به الدنيا وابي بالحـب يشعرنـي
أبيه يكون لي فرحـه اذا زاد الزمـن همـه
لكن للاسف غلطه وهـم كـذاب ساورنـي
جزاتي والثمن عمري..وقتلت بخافقي حلمـه
اتمنى تعجبكم