مكعيل هذا رجل بسيط فقير رايح فيها
الناس هناك مسوين بسطات حول التجمعات والجوامع ويبيعون فيها خردوات وحاجات وسلع متنوعة وبسيطة
السيد مكعيل صف معاهم وحط بسطه مافيها شي .. ما غير علبتين مليانه تراب "قواطي متربه" ..!
الناس تروح وتجي وتبيع وتشتيري وذا المهبول كل يوم قاعد قدام ذا العلب ..
لا هو راضي يغير النشاط ولا احد حاول يشتري منه شي ..
هاك اليوم جا احد المحسنين .. وعطف عليه ،
قال له : مكعيل .. وش تبيع ؟
قال : علب "قواطي" قديمة ..
قال المحسن : وش فيها ؟ قال مكعيل : تراب ..!!
الصدق منجاة .. عطاه اياه على بلاطه .. يقول : فيها تراب
يعني بالعقل .. العلب من الشارع والتراب بالشارع ..
اندهش المحسن ..!
قال : طيب اللي يشتريها وش يستفيد ؟
قال مكعيل : لو ما حد شراها منك انا اشتريها ..!
استغرب اكثر المحسن وقال : والله هالمسيكين "شكله منسم" وما عنده غير هالعلبتين ..
ابي اتقرب الى الله وافك عقدته واشتريها منه وخلصنا .. والصدقة تجوز على الكلب..
قال له : بكم هالعلبتين اللي لها سنه عندك ما حد شراها ؟
قال مكعيل : الوحده بريال ..
قال المحسن وهذي ريالين .. يالله هاتهم ..
اخذها وراح البيت ونطلها يمين الباب قبل لا يدخل بيته ..
وتوه ما قعد والا الباب يطق : طقطق طق .. طقطق طق .. كع كع كع .. دجدج دج ..
بغى ينكسر الباب .. قام الرجال مفزوع وفتح الباب بسرعة .. الا مكعيل واقف ومعه حصاة بغى يهبد بها الباب لو ما فتح ...
قال المحسن : شفيك .. شفيك .. خير .. عسى ما شر .. مالك يا مكعييييييل ؟؟؟! "بلهجتهم"
قال مكعيل : العلب اللي شريتها مني ... ، قال المحسن : شفيها ؟
قال مكعيل : عندك ؟
ناظر المحسن يسار الباب .. شافها منطوله .. قال : ايه .. موجوده
قال مكعيل : تبيعها ؟
اندهش المحسن وفغر فاه .. قال : انا الحين مسوي فيك خير ومخلصك منها ..
تجي تشتري ثانية والله ما تلقى احد ياخذها منك بعدي ..
قال مكعيل : اخلص علي .. ابعطيك فيها ربح بس تكفى بعني اياها ..
قال المحسن : وبكم تشتريها ؟
قال مكعيل : بخمسة ريال ..!!!
جن جنون المحسن : وقال يعني دبل السعر وزيادة ..
قال : نعم واذا تبي زود عطيتك بس تكفى جبهم لي ..
قال : المحسن : لا لا كذا كفايه تفضل هاذي العلب لقطهم من عند رجليك وهات الخمسة ..
حط الخمسة بجيبة ومكعيل اخذ العلبتين وروح ..
يوم جا العصر والا هالرجال الطيب معلم جيرانه كلهم عن مكعيل وسوق مكعيل ..
قال لهم : مكعيل هذا يبيع قواطي ولو ما حد شراها منك يجي هو بنفسه ويشتريها منك بدبل السعر ..
اندهش الجميع وبدأ سوق مكعيل يثير فضول الجميع حتى التجار الشطار ..
جوا عنده اليوم الثاني والا هو صاف له 20 قوطي ومعبيهم تراب ...
الناس تطاقوا عنده .. كل واحد يبي يلحق له اكبر كمية قبل غيره ..
بكم يامكعيل ؟ قال : العلبة بخمسة ..!
ما كمل كلمته والا العالم ساحبين كل المعروض ..
اللي لحق علبتين واللي لحق علبه واللي ما لحق شي لانتهاء المعروض على البسطه ...
وما امداهم يدخلون بيوتهم والا مكعيل يطق عليهم الباب : طقطق طق .. دبدب دب .. دجدج دج
ويطلب منهم شراء القواطي بضعف قيمتها .. يعني العلبة بعشرة .. !!!!!
انتشر خبر مكعيل وسوقه ،
ويقوم مكعيل هاك الليلة ويدور بالديرة كلها ما خلى جرف ولا دحديره في قرية صعدة الا فتش فيها عن قواطي قديمة .. ادخلها بسطته بدون علاوة اصدار حتى ..
وعباها تراب وبسط فيها اليوم الثاني
صار اليوم هذا يوم جمعه .. يوم كثرة الناس واجتماعهم وتسوقهم ،
وهاليوم تحديدا جو الناس وهم متزهلين بالكاش طمعا في سوق مكعيل .
اللي باع ماشيته والا باع بسطة القات اللي تدخل عليه ذهب واللي باع سراويله ..
المهم كلهم وعقب صلاة الظهر اجتمعوا على بسطة مكعيل دون غيره وخلو السوق خاوي على عروشه ، وياتلحق يا ما تلحق
وتكفى يا مكعيل ، وبكم يامكعيل ؟ : قال العلبة بـ 95ريال ...!!!!!!!!
ما كمل كلمتة والا البسطة باللي عليها ممسوحه مسح .. مكعيل يالله امداه يتلاحق على حذيانه بغوا يشيلونها مع القواطي يحسبونها علب ..!
..والناس ما تميز وقت الزحمة ..
حتى اللي مالحق باقي مسوي زحمة ومطلع دراهم يبي يذبها على الرجال ..
وهو يقول : خلاص .. خلاااااص مافيش .. مافيش .. تعالوا بكره .. وتجمعت الطلبات ولكن بدون عروض ..
وبعضهم زاود بعض في القواطي اللي عنده بعشرة وعشرين طمعا في تدبيلة مكعيل ..
عقب هالطقاق وراتفاع اسعار القواطي الفارغة او المليانة تراب الى ارقام فلكية وغير منطقية
جا اليوم الثاني والثالث والرابع ما جا مكعيل ..
طبعا كل يوم يتأخر عليهم .. تفقد من قيمتها شي واجد .. مدري كم تعادل بالنسبة ومن اللي يحط النسبة بس كانت ماشية بالبركه .
راحوا اصحاب القواطي عنده .. قالوا شفيك .. عسى ما شر ما عاد جيت البسطة ولا عاد شريت
ولا شريت .. ولا .. ولا شريت يعني ..!!!!!!!! عسى ما شر .
قال : صحيح .. صحيح .. والله انا غيرت النشاط ...!!!!!!!!!
ولا عاد لي بها البضاعة مصلحة لكن اكيد بتلقون من يشتري منكم ..!!!!!!!!
صعق الجميع .. وعادوا الى قواطيهم لعلهم يجدون بداخلها ما يمنحهم شيء من الصبر
او يتعوضون به عن ما لحقهم من خسائر ..
فتحوها واذا هي مملوءه بالترااااااااااااب ... !!!!!!!!!!!!
فصار بعضهم يعرضها على بعض بنصف المشترى ..
اللي جوا في الاخير قالوا : يالله هات ، ويوم نشبت في حلوقهم عرضوها بنصف مشتراهم
وصارت ذا العلب مثل الجمرة في يد احدهم ويحاول يرميها على الثاني بأي شكل ،
وكل من بلش فيها عطاها غيره بنصف التكلفة الين تلاشت قيمتها وصارت ببلاش .. وصارت خساره محظه ..
المشكلة ان كلهم يوم فكروا لقوا انهم بلا عقول .. فأخذوا يتلاومون : وين عقولنا ؟!
عاد هذولي من جد يبي لهم من يأمر لهم بعقول ..
معقولة نشتري علبة مصدية وما فيها غير تراب بما يعادل قيمة بقره حلوب ..؟!!!!!!!!
طيب هالحين حنا يوم شرينا الاسماك بـ 400 ريال .. او بيشه بـ 280 ريال او الباحة بـ 220 جينا نناظر السهم مالقينا في بطنه ولا تراب حتى ؟ وش السواة فيه ؟؟ ..
عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
مشكور الذئب الأزرق ..
هالقصه نشرها البكر في مقاله اليومي في جريدة اليوم ..
الأسبوع اللي راح نشرها وكان مرسلها له واحد ..
يا انا تمزعت من الضحك عليه ..
والله يا هو خبل ولعب على العالم ..
وفعلاً هالقصه تسنها سوق الاسهم عندنا ..
حقيقة قصه ( مكعيل ) مع زبائنـه تنطبق تماما على مايحدث الان في سوق الاسهم السعوديه ,, ولربما الحديث يطول عن الاسهـم ولكن كلما استوقفت احدهم عن ذاكـَ العراكـَ الذي يحدث معه في سوق الاسهم يجاوبني ( والله تعلقنا ) وللاسف ان المكيال يزيد .. والربح يكون مثلما لون هذه ( الكلمه ) وتبقى المساله هي تقسيم ارزاق بغض النظر عن ذاكـَ المستفيد والاخر المتضرر جراء هذه القصة التي طالت ولم تكن لها الا نهاية مأساويه لـ الكثير .. لكـَ شكري وتقديري على هذه القصه .. وبـ الفعل تشبيه بليغ فـ كل الاماني لكـَ بـ التوفيق ولكل من ( تعلق ) في سوق الاسهم .. وحقيقة لا يسعنى الا انه حينما ارى معرفكـَ ينتابني شعور بـ ان الشمس حينما تشرق .. يعمُ الشموخ ارجاء السماء .. فـ هنيئا لـ الصفحات اشراقة قلمكـَ عليها ,,
بصراحه محتار مدري وين اودي موضوعك هل احطه بصيد النت
والا بالمنتدى الاقتصادي !! بس تدري خذ عندك هالقصه
إقتباس
سأل أحد الشباب واحداً من المستثمرين الأغنياء عن سبب ثروته الكبيرة وكيف حصل عليها فقال له: (لابد أن أقول أولاً أنه الصبر والمثابرة ولكني سأحكي لك قصتي: عندما كنت في سنك كنت فقيراً جداً حتى أنني كنت أوفر احتياجات أسرتي بصعوبة، وفي ذات يوم أعطاني أحدهم تفاحة لكي أقتات بها ولكني فكرت أن أبيعها فجلست طوال اليوم ألمع في التفاحة لكي يبدو شكلها جذاباً وفي نهاية اليوم بعتها بدولار. في اليوم الثاني اشتريت بالدولار تفاحتين وأخذت ألمعهما طوال اليوم وفي نهاية اليوم بعتهما بأربعة دولارات. وفي نهاية الشهر كان لدي 50 دولاراً). قال له الشاب معجباً بإصراره وصبره: (وماذا فعلت بعد ذلك) ،
..
..
..
..
..
..
..
..
..
..
..
..
..
..
..
..
..
..
..
..
..
..
فقال له الرجل: (بعدها مات والد زوجتي وترك لها 10 ملايين دولار بدأت بها حياتي).
..
الوضع العادي
