وظائف للسعودين فقط ... فوري ..!! - نادي الهلال السعودي - شبكة الزعيم

هلالي وشقاوي · #1 19/11/2006, 04:01 PM

مطلوب كاشير سعودي .

الشروط :

شهادة الثانوية كحد أدنى .
إيجادة التعامل مع الحاسب الآلي .
لدية القدرة على التعامل مع الآخرين .

رواتب مغرية ـ بدل سكن ـ بدل نقل ـ
للإستفسار الإتصال على الرقم 454.......

بعد الإتصال . الراتب 1700 ريال .
_ _ _ _ _ _ _ _ _ _ _ _ _ _ _ _ _ _ _ _ _ _ _

مطلوب فورا لأدى كبرى الشركات في الرياض .

" كاتب "
الشروط :
شهادة جامعية .

إيجادة الحاسب الآلي والطباعة بالغتين العربية والإنجليزية ويفضل من لديه فرنسي أيضا .
خبرة في مجال العمل مدة عشر سنوات .

رواتب مغرية ـ بدل سكن ـ عمولات .
الرجاء الاتصال على الرقم 857 ....

بعد الإتصال : 2100 ريال
_ _ _ _ __ _ _ _ _ _ _ _ _ _ _ _ _ _ _ _ _ _ _ _

مطلوب لدى شركة ........
مندوب مبيعات للسعوديين فقط

الشروط :

شهادة جامعية على الأيقل التقدير عن جيد .
إيجادة اللغة الإنجليزية كتابة وتحدث
التعامل مع الحاسب الآلي والقدرة على التصميم .
خبرة في مجال العمل لاتقل عن عشر سنوات .

ملاحظة : إقامة قابلة للتحويل .

بعد الإتصال : آسفين أخوي سعودي أنت . ...!!

_ _ _ _ _ _ _ _ _ _ _ _ _ _ _ _ _ _ _ _ _ _ _ _

مطلوب سكرتير تنفيذي لدى شركة وطنية . "لسعوديين فقط "

المطلوب :

شهادة سكرتارية بتقدير لايقل عن جيد جدا .
إيجادة اللغة الإنجليزية تحدثا وكتابة .
دبلوم حاسب الآلي من مكان معتمد .
خبرة في مجال العمل عشرين سنة .
القدرة على مراجعة الدوائر الحكومية .
يعرف الملك عبدالله معرفة تامة ويمون على الأمير سلطان .

الراتب مغري جدا 2500 ريال سعودي .

إقامة قابل للتحويل

_ _ _ _ _ _ _ _ _ _ _ _ _ _ _ _ _ _ __ _ _ _ _ _ _ _ _ _ _ _ ..

يوجد وظائف في وزارة .... . . . . . . . .

المطلوب :

شهادة جامعية .
التفرغ التام للعمل .
إيجادة التعامل مع الحاسب الآلي .

التقديم على الوظائف يوم السبت من الساعة 8 ص حتى الساعة 2ظ .

عدد الوظائف : 12 وظيفة .

ـ ـ ـ ـ ـ ـ يوم الجمعة ـ ـ ـ ـ ـ ــ ـ ـ ـ ـ ..

المدير العام في الوزارة يتلقى اتصال من ابو فلان رجل الأعمال أو قريبه .

المدير العام : الووو
احم احم : السلام عليكم هلا ابو فلان وش الوظائف الي أعلنتوها .
المدير العام : والله وظائف محترمة ليه . ؟
احم احم : ولدي فلان معه الثانوية وتقديره مقبول ولاحد قبله
المدير العام : احناء طالبين جامعي .
احم احم : يابن الحلال أنت حاول بس واذا قدرت زين على زين .
المدير العام : ابشر ياعم بحاول .
احم احم : على فكرة شفت الأرض الفلانية ترى كلمة راعيها اللي قيمتها مليونين ترى وافق يعطيك الأرض ويخصم منها مائة الف ريال .
المدير العام : صحيح متى نروح له .
احم احم : قريب إن شاء الله بعد مايتوظف الولد .

ويتلقى المدير ونائب المدير والوزير لايهون عاد هو حبيب الكل .

اتصالات وتطير الوظائف لي . " من قدهم عندهم واسطة بس عند رب العالمين مين يتوسط لهم

شهادة ثانوي ليلي .

شهادة متوسط من أهلية .
خريج مهني .

يوم السبت : الساعة 8ص .

صالح : يكلم والدته إدعي لي ربي يوفقني ويوظفوني وعد منى اذا وظفوني اعطيك من الراتب الف ريال شهريا .

محمد : يكلم اهله أول مااتوظف إنشالله بتزوج واستقر .

ماجد : يايمه هانت إنشاالله بيروح الفقر اللي إحناء فيه كل الشروط منطبقة علي . بتوظف وبيصير لنا بيت ونقدر نسدد الإيجار وخواني يبي يلبسون زين ولا عاد أحد يتصدق علينا هانت بس ادعلي ونفتك من الفقر اللي احناء فيه .

;)

ناصر : يارب أتوفق وأتوظف وش ناقصني أنا كل المطلوب فيني وبعدين انا ذكي وماراح يفوتني شي .

يتميزون : بشهادة جامعية : دبلوم حاسب آلي . التحدث اللغة الإنجليزية . وأخذوا كلهم بإختبار القدرات . ممتاز والمقابلة الشخصية كلهم ممتاز .:p :p

__________ بعد إسبوع

ولا واحد منهم _____________

أترك لكم التعليق .

O V E R · #2 19/11/2006, 04:06 PM

ســــ 9 ـــــام · #3 19/11/2006, 04:24 PM

الله يصلح الحال بس ..
في الرياضيه امس برنامج أنواع المهاوش مع حقين الصحه يبون وظايف ..

مشكور اخوي ..
وقل " إن شاء الله " ..
بدل " إنشاء الله " ..

بيجي الكناري يوضحها بإذن الله

يعطيك العافيه يالغالي،،

الكناري الأزرق · #4 19/11/2006, 04:54 PM

[ السلام عليكم و رحمة الله و بركاتهـ ] ,,

لا حــول و لا قـوة الا بـالله ..
الله يرزق هالشباب وظائف تسترهم ..

ما عنــده لا شغلة و لا مشغلة و ما غير تسربت بالشوارع و تفحيط ..
لو عنده وظيفة و تـزوج كان ما صار كـذا ..

الله يستر الحال بس .. !
الاخ ابو ضلع مكسور ســ 9 ــام

انا من زمان صاير ما اعدل لانها يـوم فكرت فيها طلعت خرابيط و مـُــجرد بدعة ..
يعني لو نطقت الكلمة نفس الشي كأنك تقول [ إنشاء الله ] ..

و المهم النية ,,
لان " الأعمال بالنيات " ..

جزاك الله خير على كــُــل حال ,,
و انتبه قبل لا تعطس ثاني مره لا ينكسر ضلعك الثاني

تحياتي و السلام ,,

نـــــــ15ــــــمر · #5 19/11/2006, 09:31 PM

الله يرزق الشباب
وتكون الرواتب فوق 6000 ريال

بس هذي حال الدنيا

ولازم الواحد بعد يفكر لابعيد ...........................بعييييييييييييييييييييييييييييييييد

تشـــــــــــــــــــاو

LBa your heart · #6 19/11/2006, 09:36 PM

اييييييييييييييه هذي حال الدنيا

المهم بس ادعو لي بكره تطلع النتائج :p

G o L d E s T · #7 19/11/2006, 09:55 PM

الله يعين الشباب

والله كثير منهم يعانون معاناة كبيرة

هو يلقاها من الوظيفة ولا من الزواج ولا من وين

بس انا اقول الواحد يدور له شغل حر ازين له من هالشغلات

سوق الخضار ما يقول لا ومكاسبه ذهب حسب ما سمعت

وسيم والقلب خالي · #8 19/11/2006, 11:50 PM

الوضع متردي

والله يصلح الحال

*************************
يا شباب انا اخوي متخرج من الكلية التقنية بكلريوس مكانيكا سيارات

والتخصص مطلوبة في سوق العمل على قولتهم ومعدلة حلو لكن جلس 9شهور ما توضف

*****************************

والف شكر لك هلالي وشقاوي على طرح الموضوووع

لولوة الزعيم · #9 20/11/2006, 02:27 AM

إقتباس

الرسالة الأصلية كتبت بواسطة نـــــــ15ــــــمر


	الله يرزق الشباب وتكون الرواتب فوق 6000 ريال بس هذي حال الدنيا ولازم الواحد بعد يفكر لابعيد ...........................بعييييييييييييييييييييييييييييييييد تشـــــــــــــــــــاو

6000 مرة وحدة ..

أنت تحلم .. ولا اش قصتك؟؟
ياخوي 3000 ها الأيام زينة

الخواف · #10 20/11/2006, 03:30 AM

الله يستربس
2000 ريال وش تسوي
كل سنه يحطون عقده جديده
وسلمني على الخبره اللي يقولون
10 سنوات

بكل فخر هلاليه · #11 20/11/2006, 03:45 AM

أنا دخله محمسه أبي وظيفه

بس الله يرزقني وياكم ..

Turki(الرايق)Turk · #12 20/11/2006, 05:55 AM

ما يمشي هالايام الي الي معه فيتامين ((و))

هلالي وشقاوي · #13 21/11/2006, 12:43 PM

إقتباس

أخوي اوفر مشكور على مرورك ويعطيك الصحة شكلك متعقد .

إقتباس


	الله يصلح الحال بس .. في الرياضيه امس برنامج أنواع المهاوش مع حقين الصحه يبون وظايف ..

آآمين الله يصلح الحال ولو على الطقاق على الوظائف شوف الأمنية والناس تقدم عليها شوف الطقاق من جد ومشكور على مروورك سام 9

إقتباس


	ما عنــده لا شغلة و لا مشغلة و ما غير تسربت بالشوارع و تفحيط .. لو عنده وظيفة و تـزوج كان ما صار كـذا ..

الكناري ياليتها على تفحيط وسربته كان الوضع تمام كثرت السرقات وكثر الإرهاب وكثر كل شي ياخي الفراااغ ذبح الشباب طيب أنا عندي سؤال وش الفايده مثلا أدرس علمي واتعب وآخرتها أشتغل مثلا كاشير في مطعم ..؟

إقتباس


	الله يرزق الشباب وتكون الرواتب فوق 6000 ريال

مانبي رواتب 6000 كثيرة نبي أربع الآف ونعمة ومشكور على مرورك نمر 15

إقتباس


	أنت تحلم .. ولا اش قصتك؟؟ ياخوي 3000 ها الأيام زينة

لولوة الزعيم لا ثلاث الآف ماتكفي الأيام هاذي من قال شوفي الأسعار غااالية مرة يكفي ان ايجار الشقق الآن في السنة 18000 الى عشرين الف ريال في السنه .

إقتباس


	اييييييييييييييه هذي حال الدنيا المهم بس ادعو لي بكره تطلع النتائج :p

الله يوفقك ان شاء الله مشكور على مرورك كلي هلالي وإنشاء تطلع دكتور بيطري قد الدنيا .

إقتباس


	هو يلقاها من الوظيفة ولا من الزواج ولا من وين بس انا اقول الواحد يدور له شغل حر ازين له من هالشغلات

المشكلة لو تشتغل شغل حر على قولتك وين تسلم من البلدية اللي ماورها الا قطع رزق خلق الله رووح شوف المطاردات ولافلم إمريكي وآخرتها يلحقون واحد معه بطيخ .

إقتباس


	يا شباب انا اخوي متخرج من الكلية التقنية بكلريوس مكانيكا سيارات والتخصص مطلوبة في سوق العمل على قولتهم ومعدلة حلو لكن جلس 9شهور ما توضف

كويس تسع شهور يعني واحصل وظيفه واااجد أعرفهم متخرجين من الجامعه ويهشون ذبان في بيوتهم لهم أكثر من اربع سنوااات .

إقتباس


	الله يستربس 2000 ريال وش تسوي كل سنه يحطون عقده جديده وسلمني على الخبره اللي يقولون 10 سنوات

اللي يقولون خبرة عشر سنوات تسكيت لمكتب العمل والعمال إننا طلبنا موظفين سعوديين وماحد جانا ولاحظ آخر شي يكتبون اقامة قابلة للتحويل يعني افهموها نبي مصري والا هندي والا سوري ياسعوديين .

هامور البورصه · #14 23/11/2006, 04:08 AM

الله يعطييك العاافيه بس تقول رواتب مغريه بالله الف وسبع مية تفتح بيت ؟ الله يكون بالعوون انشاءالله

هلاليه من الرياض · #15 23/11/2006, 04:23 AM

الله يرزقكم وين ماوجهتوا ومعليش اقبلوا بالرواتب القليله شيء أحسن من لاشيء.....