البارحه من ضيق بيّحت السـدود

00000 والعيـن غفوتهـا بَعَـدْ ماجاتهـا

أتابـع الأخباروالعـالـم رقــود

00000 واعيـد بـثًّ بثّتـه موجاتـهـا

وعلمٍ مثبّـت بالدلايـل والشهـود

00000 يوقض قلوب ( ن ) طوّلَت بسباتها

وردّيت ردٍّ غير عن كـل الـردود

00000 يحمل رسالـه والخبـر بابياتهـا

ويالبابه اللي جِعل عمرك مايـزود

00000 هات العلوم اللي بصـدرك هاتهـا

أنته تجرّيـت وتعدّيـت الحـدود

00000 وبيّنْت نيّـة مِـن خَفَـت نيّاتهـا

وخاطبت بخطابك ملايين الحشـود

00000 وانكرت حاجات ( ن) تِعَرْفِ اثباتها

مطْمَعْك منها ترضي احزاب اللكود

00000 وتِشْبِع بتصريحك بعض رغباتهـا

لكنّ يالجاحد بعـد بـان الجحـود

00000 الله ولانـاسٍ دَنَــتْ غاياتـهـا

حنّا هل الإسـلام وافيـن العهـود

00000 قومٍ على الحـق اعتلـت راياتهـا

مانَعْبـد الاّ الله ومرقانـا سنـود

00000 ونكبح جماح النّفْس عـن لذّاتهـا

ولانارد الا فوق صافيـة العـدود

00000 ولْنا شريعة حـق حنّـا حْماتهـا

ولْنـا نبـيٍّ كمّلـه رب الوجـود

00000 بايات حـق ومِـن قـرى آياتهـا

يومن بأنّ الله هو الـرب الـودود

00000 محيي النفوس وجابـرٍ عثراتهـا

المنعم اللي يَدْه مِنْ فضلـه تجـود

00000 ولاتنحصـر بأيـة عـدد مداتهـا

وشرعه يسود وغيرشرعه مايسود

00000 وبامره جَرَت لافْلاك في دوراتهـا

ويالله ياللي بامرك تـدنّ الرعـود

00000 ياقاصمِ شْـرار البشـر وطغاتهـا

ياللي عبادك فالركوع وفالسجـود

00000 تسألك وتناجيـك فـي دعواتهـا

نسألك فالبابات واربـاب اليهـود

00000 اللـي علينـا وجهـت غاراتهـا

نكّلْ بهم واخسف بهم خسفة ثمود

00000 فـي ليلـة ماتنومـن غِرّاتـهـا

وانصر هل التوحيد وافين العهـود

00000 قومٍ على الحـق اعتلـت راياتهـا

**************





على مَدّ النظر مِدّ النظر واطلق بنات الريح

00000 وِسِقْها من جنوب المملكه لحدود حايلها

وعلّمْني عن ديارٍ نِفلها مِخْتلط بالشيح

00000 بعد عدّة ليالي يبْرق الخير بمخايلها

عساني لاجلست بها وشاهدت الدلال تفيح

00000 أسج عن الهموم اللي على المتنين شايلها

واعيش الوقت وانسى الجرح واهل الجرح والتجريح

00000 واسمّعْك البيوت اللي تبيّض وجه قايلها

أنا شاعر وانقّح ماكتبت من الشِّعِر تنقيح

00000 ولاعمري سَرَجْت من الخيول الا اصايلها

واهذّب كلمتي واعرف متى التصريح والتلميح

00000 واحضّر للمسائل حل يِقْنِع فِكْر سايلها

واخاف اللي خلقني واكثر التهليل والتسبيح

00000 واقول الله ولاناسٍ خبيثاتٍ عمايلها

غوت درب الصلاح ووضعها يحتاج له تصليح

00000 مَعاول هدم ويدلّك على ذلك فعايلها

تحاربنا وهي منّا وتندب حالنا وتصيح

00000 وتاخذ من دلايل شر خلق الله دلايلها

عقارب لدغها يذبح ومنهجها يبا تصحيح

00000 تِبِث سمومها وتغرّر الخلق بتحايلها

تسب اهل القيم تبغا قيمنا فالزمان تسيح

00000 وتستهزي بقومٍ جمّل الخالق خصايلها

هذولا ودهم صرح الفضيله ينهدم ويطيح

00000 ولايبقالها فالوقت مِن يبعث رسايلها

والا ياهل العقول الدين واضح مايبي توضيح

00000 شريعة حق تنبذ كَيْلة الذلّه وكايلها

وحنّا امّةٍ كانت وسيرتها بمِسْك تفيح

00000 ولابه خير في أمّه تناسى مَجْد اوايلها

أقوله وانقلي ماقلت عنّي يابنات الريح

00000 بعد ماضِقْت بوجيهٍ خبيثاتٍ عمايلها

(( محمد القثامي ))

صح السان قايلها وناقلها

لاهنت اخوي ومشكور وماقصرت

تحيتي لك