برأيك من افضل لاعب في لقاء اليابان .....؟؟. - نادي الهلال السعودي - شبكة الزعيم

هلالي ملكي · #1 15/11/2006, 03:16 PM

السلام عليكم

بسم الله الرحمن الرحيم

حبايبي اليوم

المنتخب ظهر

بمستوى غير مشرف

ابدا وبان بان الجمهور الياباني

كان يتكلم على لاعبين المنتخب بكلمات لها معنى بالياباني

واود معرفة من افضل لاعب في هذا لقاء

وانا ادري انهم كلهم غير مميزين

لكن منهو الاعب المقبول لديك في هذا القاء

أنا عندي الفنان (ياسر القحطاني)

تحياتي

* سكوت ح نصور * · #2 15/11/2006, 03:19 PM

فنان ؟؟؟

الكل فاااااااشل وبلاش تطبيل

لايوجد الافضل
يوجد الاسوء ... وهم الجميع
والاتحاد السعودي بكبره اولهم

المصروع · #3 15/11/2006, 03:23 PM

ياسر القحطاني

ThE SpEcIaL OnE · #4 15/11/2006, 03:24 PM

والله انا ماشفت المبرات لاكن احس ان محد زين؟؟؟؟؟؟؟؟؟؟

ازرق دمي · #5 15/11/2006, 03:25 PM

اي افضل لاعب يارجااااال..

قسنب الله نظلمهم ونكذب عليهم وعلى انفسنا..لو قلنا ان فيه لاعب مميز في المباراة..باستثناء لاعبين المنتخب الياباني..؟؟

فعلا..شي غررررررررررريب؟؟

دفاع متهاااالك..وتضيع الكره من قدام المرمى بالبركه..
مافيه تخليص مدروس..
واللاعبين تمريراااتهم قصيره مره حتى اذا كان اللاعب جنبه ..
مافيه سيطره ابد على الكررررره...

بعكس الكمبيوتر الياباني..

وش اقول وش اخلي..

الف رحمه عليك..يالمنتخب السعودي(الأول)!!!!!!

رحــ هلالي ــال · #6 15/11/2006, 04:12 PM

ولا لاعب يستحق انه يكون افضل لاعب غير حسين عبد الغني

هلالي للدفنة · #7 15/11/2006, 04:17 PM

ولا واحد بلا مجاملة

أحبـ موت ـك · #8 15/11/2006, 04:19 PM

كلـــــــــــــــــــــهم فاشليين...من دووون أي مجامله...

============================

دروووش · #9 15/11/2006, 05:14 PM

كلهم فاشلين

سـيـف الـعـشـق · #10 15/11/2006, 05:19 PM

مهزومين بثلاثه وتقول من الافضل اليوم اللاعبين تنافسو على جائزهـ الاسواء !

والجميع سئ هلالي او غير هلالي

طاير الشوق · #11 15/11/2006, 05:25 PM

ياسر المسيليم : الدفاع خذلوه والمستوى يمشي الحال

رضا تكر : النكبة ووجوده عالة على الفريق وكثير التذمر من زملائه مسوي فيها كانافارو

حمد المنتشري : سبب الهدف الأول وقليل التركيز مسوي ثنائي ولا أسؤ مع تكر

صالح الصقري : عمري ما شفته يلعب مع الاتحاد والصراحة كان تكملة عدد

أحمد الدوخي : ما يحتاج من يمدحه بس اليوم كان مستواه أقرب إلى الجيد

خالد عزيز , عمر الغامدي : ما هو مستواههم

محمد أمين : ماخذ بنفسه ثقة أكثر من اللازم

حسين عبدالغني : أحسن لاعب في المباراة والكبير كبير يابوعمر

عيسى المحياني : ما يدري وين الله حاطه وكان عالة على الهجوم

ياسر القحطاني : أحسن لاعب بعد حسين ويعجبني فيه شعوره ببلده

محمد الشلهوب : ماشاء الله عليه الله يحفظه بس ماأخذ وقته الكافي

أحمد الصويلح : ارحم من المحياني

حسن معاذ : حاول يسوي أي شيء بس مافي وقت

باكيتا : فرحان بالسماعة اللي حاطها في أذنه وليتها نافعته تأخر كثير في التبديل

الملخص

أفضل لاعب : حسين عبدالغني
ثاني أفضل لاعب : ياسر القحطاني
أسؤا لاعب : رضا تكر ( الله يخارجنا )

طاير الشوق

a7b_yasser · #12 15/11/2006, 05:30 PM

الحكم

عاشق الفانيلة20! · #13 15/11/2006, 05:37 PM

الدوخي
وياسر القحطاني

هلالي حبيب · #14 15/11/2006, 05:46 PM

أفضل لاعب ياسر

لكن المستوى بشكل عام يفشل مافيه تكتيك ولا روح فيما يبدو فيه حساسيات مابين اللاعبين

اسوأ لاعب الدوخي كذا كورة لعبها كانت سيئة وكان الشلهوب فاتح معـــه المفروض يعطيها الشلهوب قبل التسرع

واتوقع والله اعلم انها مقصوده من الدوخي حتى الكل يلاحظ مافيه اي كورة اعطاها الدوخي للشلهوب نهائيا مع انه فاتح صح وكان المفروض على الدوخي التعاون وعدم ركل الكرة بشكل مستغرب وعشوائي ...

شوفو الحل تجديد خط الدفاع في المنتخب يعني إلى متى الاخطاء تتكرر وكل بطولة وكل مناسبة دائما هذي الاخطاء حتى الهند قامت تستفيد من اخطاءنا

الحل تجديد خط الدفاع وخط المنتصف مستحيل يقدم مستوى ولديه خط دفاع ضعيف جداً ...!!

الجبال الرواسي · #15 15/11/2006, 06:00 PM

يوسف جازع