النهضة المعلوماتية .. هل يتغير الواقع؟ <<"صورة">> - نادي الهلال السعودي - شبكة الزعيم

ولد وايل · #1 10/11/2006, 05:34 PM

إقتباس


	البارق ## ولد وايل .. والله شر البرية ما يضحك ..!! أتفق معك أن الدرج درج حتى وإن جته التقنية ..لكن خل تفكيرك للأجيال القادمة وإلا اللي موجودين الله يخلف عليهم ويتمم عليهم ويتقاعدون ..الأمل بالشباب الجديد ..

اي والله صدقت ان الدرج درج ولو كثرت مفاتيحه

إقتباس


	فرصه ضايعه معقوله فيه ناس كذا من جدك ولا تستهبل .... ياخي قويه أبو شاشه مخلصه ألوانها

اعرفكم عشان استهبل

لا جد والله وهذي حصلت معي وفيه مواقف كثيره حدثي ولاحرج
مره رحت لاحد الموظفين وكان عنده مشكله وهي ان الجهاز مفصول عنه الشبكة
طبعا هي مشكله بسيطه جدا لكن انها عجزتني وطفشت وحقدت على الموظف ومكتبه
الموظف واضح من شكلة انه فاهم يعني اهون من اللي قبل عساس كذا انا شلت من راسي ان الكيبل مفصول من الجهاز
يوم التفت الين الكيبل ماهوب فيه خير شر سألته وين الكيبل قال اني فاصله قلت له ليه طيب
قال مضايقني كل ماجيت اقرب الجهاز عشان ادخل سي دي علق من الكيبل

بغيت اسوي به سبلكس خلفي من القهر

<< هذي لشياب المصارعه
ومن زود الفهاوه انه يشكي لي يقول ياخي وشلون انقطعت غريبه اول مره
يعني هذا من النوع اللي نتعشم فيه وانه فاهم شوي اجل مانشره على اللي قبله بالرد السابق

إقتباس


	الجاحظ اتصل احدهم على خدمة العملاء واخبرهم ان الشاشة سوداء، قال الموظف: تأكد من توصيل الكابلات في الخلف رد الزبون: لا استطيع .. لان المكان مظلم رد الموظف: شغل النور الزبون: ما اقدر .. الكهرباء انقطعت!!!! الموظف طلب من الزبون ارجاع الجهاز للمحل واخبارهم انه لا يستحق امتلاك جهاز كمبيوتر طبعا في النهاية، تم فصل الموظف لأن الزبون دوما على حق..

والله يالجاحظ خوينا ارحم من ذا وانا عندي تسجيل مكالمة خوينا عن الشاشه
وعلى حسب كلام واحد من ربعي ان السالفه كلها خلفيه سطح المكتب مهيب ملونه واللي يغبنك انه هو اللي حاطها

إقتباس


	على أية حال، أمية هذا العصر ليست بالقراءة والكتابة وانما بجهل استخدام الكمبيوتر الدورات التعليمية والتثقيفية مهمة والحرص على مناهج الكمبيوتر في المدارس ضروري.

صح لسانك ولا تنسى اللغه الانجليزيه لكن للاسف حن دايما متاخرين
يعني بدال مايدرسون هالعجز الكتابه والقرايه وهي مامنها فايده مع احترامي

يحطون ثقلهم في تدريب هالموظفين العلل

إقتباس


	اما كبار السن فلا يلامون، لكن على رؤوسائهم باعتقادي أن يراعوا ذلك بالتدريب او باسنادهم لأعمال لاتتطلب استخدام مباشر للكمبيوتر خصوصا ان كان هناك احتكاك مع المراجعين

كلامك هذا يالجاحظ فقط يوجه للدوائر الحكوميه والوزارات او اي شي باستثناء القطاع الخاص واللي والله شهادتي فيه مجروحه
يعني خذلك في شركة الاتصالات مثلا دورات بالهبل للموظفين طابعات وفاكسات حتى اجهزة التلفون من احدث ماصدر
الموظفين لهم خلفية ماهي قليله عن الاجهزه
وان بغيت تقدم اجازه او تستأذن او تقص لك تذاكر او خروج وعوده للاجانب اللي تحت كفالة الشركة
كلها بالايميلات وموجود لهم رابط فيه جميع الفورمات اللي تحتاجها فقط ماعليك الا تمليها وترسلها لصاحب الشأن
وانت جالس بمحلك
لدرجة انه فيه فرع للبنك الفرنسي تحت ادارة من ادارات الشركه
باحتصار شغل احترافي 100 %
وهذا مثال واحد كافي لتقدم القطاع الخاص ولاحد يحسبني اسوي دعايه

تحيه للجميع

سهل · #2 10/11/2006, 06:36 PM

اعرف شخصاً وضعوه مشرف على قسم الحاسب بأحدى الدوائر الحكوميه
يسمي السي دي ( دي سي ) ويسمي اللاب توب ( هارتوب )

عموماً الذي نسمعه ان الجهات العليا مهتمه جداً بتشغيل الحاسب بمؤسسات الدوله
وعليها متابعه دائمه .. نتمنى الخير وكل الازدهار لهذه البلاد الطيبه .