انـــا وأبــــله سعـــاد والحـــظ الـــردي!! - نادي الهلال السعودي - شبكة الزعيم

هلالي الظهران · #31 13/11/2006, 02:18 PM

العذر والسموحه على التاخير .. وهاكم ردودكم وقراشيعكم .. والصور امسحوها والرسايل قطعوها والدبدوب خلوه لكم ما ابيه

,,

بسم الله نبدأ << تحسون انه داخل اختبار

فرصه ضايعه

الله يقلع ابليسك .. هو صدق ردك طويل ولا البدايات دايما صعبه

..

إقتباس


	اولي .... <<< حركات بزران ايه يازين العودة اللي زي كذا .....

من جد يازينها خصوصا اذا كان الذهاب كعابي

إقتباس


	بــــــــــــــــــــــــــاك ,, ياخي كل ذا قوة داخل لا سلام ولا كلام مب عادتك السلام عليكم ورحمة الله وبركاته

هذا ستايل جديد .. وش اسوي عاد فيه مدخل وفيه مقدنه وفيه نبذه يعني لو بسلم وارحب زش تبيني اسمي الهيدينق ؟

إقتباس


	طيب بشويش لا تدف .... من قاله أننا نمانع من النظارات لا يكثر بس .... بالعكس يمكن يكون من طلباتنا حنا نمانع من التدخين وبشده يعني نعنس أحسن من نتزوج واحد يدخن

يعني اذا قلتي انه من طلباتكم ع بالك ترقعين كذا عقدتيها ياالخبله

.. بس اذا انتي ماتمانعين فيه غيرك يمانع

إقتباس


	ممكن ليش لا .... إذا صارت من أقاربه

بطلوه زواج الاقارب .. انواع الجينات المتخلفه ولازم نحسن النسل;) ,,

إقتباس


	لو تقللون من طلباتكم كان ربي رزقكم بالزين من دون شروط .... واحد من أقاربي كان يتشرط على أهله ماخلى شرط ماقاله وكل مازاد عمره تخلى عن شرط الين وصل عمره خمس وثلاثين ولا بعد تزوج وقال أريدها أنثى بس وهذا شرطه الوحيد والحين ماشاء الله عليه معه بزر الله يخليه له ....

هذا يدور العذر بس وخذيها مني ..

إقتباس


	لحووووووووووووووول جمبي أمي مايصلح اقرأ وهي جمبي

الله اكبر .. امك عاد مره وحده ههههههههه .. طيب وش ردة فعلها اذا قرت الموضوع عساها بس قلت ياحليله .. اما ان هزئتك فاعرفي اني امك متشدده << بيشبها بين البنت والام

إقتباس


	ياحبك للفساااااااااااااااااد

الله يسامجك بس جرحتيني

.. ع فكره ما اداني الزقاير ولاريحتها ,,

إقتباس


	فيه من ذا النوعيه الله لا يبلانا أجل أم داقه على فوزيه الدريع وهي تصيح تقول ولدي مايبي يتزوج عشان معه حرمه دايم يجيبها للبيت والشي اللي يقهر أنها متزوجه وتقول أن لها ولد من ولدي قالت لها وش دراك أنه ولد ولدك قالت الشبه والمشكله زوجها مايدري عنها تقول أنه يجيبها للبيت عندي وأنا مقدر اسوي شي .... انهبلت عليها فوزيه الدريع تقول يصير الشي عندك ولا تقدرين تردينه معقوله قالت لها كلمي الحرمه وهاوشيها وهدديها أنك بتعلمين رجلها

لاحول ولا قوة الا بالله ..
هذا من عنده خوف ولا حيا خير شر .. ولاحط اي تقدير لأمه ولبيته .. يعني على الاقل سوها بس بدون ماتدري امك نمشيها <<لاعاد تنصح

إقتباس


	وذي بعد صايرة مع رجل خالتي نازل للصيدليه ولا قفل السيارة ناسي بس طفى المحرك ... ويوم طلع ويروح لسيارته ويشوف ذا الحرمه اللي راكبه ... قالها خير وش تبين .... قالت مب أنت فلان (( قالت اسمه )) ولاها قازته من كتاب كان حاطه بالسيارة قالها إيه وش تبين قالت أبيك .... عاد هو راح ولا رجع لسيارته إلا لما ملت هي وتركتها

ماشاء الله ياكثرك انتي وهلك وسواليفكم اللي ماتخلص ,,

هذي لو كانت اجمل الجميلات بشوتها من سيارتي وبافشلها لان هالنوعيات يخوفن وماتدري وش البلا اللي وراهن

إقتباس


	عليك تفكير بعد داشر ماعليك شرهه

وش قصدك هاه؟!

إقتباس


	ههههههههههههههههههههههههههههههههههههههههههههههههههه عاد من جد ماوصلتك زي ذا الاشكال

الخير عندنا وعندكم ههههههههههههههههههههه
بس اطنشهم بزعم اني ثقيل بس هم ماعرفولها

إقتباس


	وش تطلع أم موفي لا تكون خمسه اريل <<<< تحطيم لا صدق الخمسميه لونها موف بروح اتأكد <<< ماعندها خبرة تدفع بالبطاقه على طول الله يخلي الوالد مرة تهاوشنا بالعيد على الصور اللي على الفلوس .... اللي تقول العشرين عليها صورة مين من الملوك واللي تقول طيب الميتين ... وصار كلنا ماعندنا سالفه الين رحنا وجبناهن على الطبيعه نقارن

ههههههههههههههههههههههههههههههههه

اكيد انتم وجه فقر ولا وش عرفكم بالعملات الصعبه .. اقول عندك سلف

إقتباس


	هههههههههههههههههههههههههههههههههههه وش ماكل عشاء اعترف .....الله يرجك ... اجل شكلك تقل راجو الهندي

ابد ماتعشيت بس شربت شاهي عند واحد صاحبي من ينبع

إقتباس


	ههههههههههههههههههههههههه قويه ..... شكلك ماودك تقوم أبد على ذا التنفس الصناعي

ههههههههههههههه
والله يا انكم فاهمين غلط .. ع فكره التنفس الصناعي الان فقط يشمل انعاش القلب بالضغط ع الصدر وغير كذا بطلوووووووه ;)

إقتباس


	كنها نغمة جوالي تراها بدون موسيقى

يعني تبين تقنعيني انك ماتسمعين اغاني

.. انا اقدر هالاغنيه وخصوصا لاغناها رابح بجلسه

,,

إقتباس


	قويه الله يرجك قايله لك احذفها

وليش احذفها!! هذي سنة الله في الكون بعدين الحمل والولاده لاهو عيب ولاغلط

,,

إقتباس


	مسكيييييييييييييييييييييين ..... قاعد تستدرجها كم يوم عشان تمطخها بس بالتلفون <<<< تفكير وصخ

خلينا نلاقي اللي بالتلفون اول وعقبها يصير خير

إقتباس


	ياشين نهايتك ..... طيب ليه كذا كمّل قصتك نبيكم تعرسون وتدهرون وتطلعون لنا أجيال المستقبل

المخرج عاوز كده

..
الموضوع الحين لو سدحته بالشارع كان وصل الخفجي شلون لو كملت

..

إقتباس


	واللي ماتقدم لها ولا واحد وش تسوي >> كني أشوفكم ترحموني مب أنا لا والله بس فيه بنات كذا وش السواة والله أن شروطنا مب تعجيزيه أهم شي الصلاة في المسجد والأخلاق الزينه وحالته الماديه ميسورة ومايدخن بس 88 8 بالله عليكم ذي تعجيزيه

الصراحه .. والله العظيم ماطلبتوا شي وهذي اساسيات لكن ان كانت هي كلها عيوب من يقبل بها؟!

إقتباس


	هههههههههههههههههههههههه اصلا سمعتك متشوهه عقب التوقيف يعطيك العافيه هلالي الظهران كفيت ووفيت وصلت الفايدة من الموضوع تسلم

التوقيف للرجال ,,

الله يعافيك ويكبر مافيك

..

فرصه ربي يهد ابليسك كنت ناوي اخلص مجموعة ردود بس من جد انهارت قواي .. طيب فرصه بعرض عليك عرض جدي .. وش رايك تردين على الاعضاء بدالي؟

بالانتظار,,

عزوز الازرق

هلا والله بالجداوي .. هلا بريحة الحبايب

,,

إقتباس


	اهم نقطه ذي... كثير يبن يكملن دراستهن ... والا يبن واحد مكتوب على جبهته ( خالي من العيوب ) او ( منزوع السلبيات ) حتى يفوتهن القطار اللي فات ابلتك سعاد ... وهذا امر واقع .. وملاحظ بقوة ... مثلا .. جامعاتنا .. تزخم باعضاء هيئة التدريس (العواااااانس) كل هذا لانها لم تعرف ترتب الأوليات ..

والمشكله الاكبر انهم الان يكابرون ويزاعطون ويقولون مانبي نتزوج ومن هالحكي وبعد كم سنه شووف الكلام كيف بينقلب !!

إقتباس


	مابدي منهم ولا شيء ... مشكووووووووووورين .. بس يعطوني الشيء الأخير

انا عكسك تماما .. من سابع المستحيل اني ارضى ان احد من هلي يحط ريال واحد بمصاريف عرسي! بالرغم ان الوالد الله يطول بعمره عرض علي انه يزوجني من بعد تخرجي من الثانويه لكن رفضت وبشده;) ,,

إقتباس


	مايهم ( بنات افكارك ) ( بنات الشياطين) كله محصل بعضه .. اهم شيء فيه بنات .. هع في امان الذي لاتنام عينه ..

ههههههههههههههههههههههههه
ياشين الحرمان

,,

حياك الله عزوز وفي حفظ الله,,

الهلالي النايم

ياخي من عرفتك وانت كل مره ترد علي وتقول لي عوده ولا اشوفك!!

يكفي 7 ردود الحين << حاسب رد فرصه بخمس ردود

لي عوده قريبه باذن الله.. اذن العصر هالحين ..