انـــا وأبــــله سعـــاد والحـــظ الـــردي!! يا أمة الله اذا سألوك .. وهل تقبلين بزوج يلبس نظارات؟؟!!:d اقول تلايطي ولايكثر !!يعني من جدكم تشرطون هو فيه رجال علشان تقولون يلبس نظارات او لا؟! العوض ولاالقطيعه ولايكثر واحمدوا ربكم و اول واحد يطق الباب قولي موافقه وماجاكم علي :d .. يا عبد الله اذا سألوك.. وهل تقبل ان تتزوج امرأه لاتعرف عنها شيء؟؟!!:rolleyes: اقول لا تكثر بربستك!! يعني تبي تقنعني انك بتتزوج وحده تعرفها ! الله يطول باعمار اميماتكم وادعوا ان الله يبارك وتطلع المره نقوه زينه:d .. تمهيد .. ختاما وقبل سرد التفاصيل اتمنى اتباع الاتي للاستمتاع بالقصه لاخر وهله .. 1- حاول تصرف اي واحد جالس جنبك وفي حالة كان اللي جنبك اكبر منك اغلق النافذه حالا:sleep: .. 2- يمنع تناول المأكولات والمشروبات منعا باتا .. كما ان التدخين مسموح بجميع انواعه وحبذا لو كانت الغرفه مقفله حتى تعجعج زين:d .. 3- حاول ان تبتعد عن الشاشه قدر الامكان وفي حالة الطوارئ ستسقط عليكم اكياس الاوكسجين اجحدوها ولا تخافون حتى لو انكتمتوا عادي مافيه طلعه الين تكملوا القصه:razz: 4- نتمنى لكم اسعد الاوقات برعاية بسكوت ابو ولد فخر الصناعه اليمنيه :d .. 5- مافي شي بس تلايط انت وياها خلاص بنبدأ:d .. نبذه سريعه.. اخوكم ابو لمخه .. شاب عشريني العمر .. توني خارج من فترة مراهقه .. وكأي شاب توه طالع من تلك الفتره وتشوهاتها ..الخشم منتفخ على مصرعية تقل شكامين همر و حبوب الشباب لاعبة في الوجة صح والجسم ما تدري وش يبي ! اليد اليمنى اطول من اليسرا والركب كلها جايه يمين!!:d ابو لمخه انسان خجول وحياوي وفي حاله عايش .. حياته مقضيها بين الكليه والبيت والاستراحه:yes: .. في الكليه .. ابو لمخه ماشي في حال سبيله لايعرف شلل ولا قروبات ومعروف بالكليه باسم الوحش لانه مشعر بطريقه عجيبه تخليه يطق لسيد زيان باصبع:d .. في البيت .. حياته هادئه جدا مع اسرته الصغيره المكونه من ابوه مدرس الرياضيات وأمه مدرسة العلوم واخته الصغيره .. ابو لمخه جديد على الاستراحه ومازال في طور تلقي اصول البلوت وحركات الشباب .. في الاستراحه ماينادونه الا العجل لانه كلما جاء الا ستراحه يقعد على المركى ويقول اناعجل ودايم هو آخر من يمشي:d :d .. حــــــياة الشـــــــــــقا.. كعادة خويكم ابو لمخه تعشى مع اهله وطلع لاخوياه بالاستراحه .. دخل ابو لمخه الاستراحه والشباب ملتفين حول ناصر وهو يسولف.. ناصر.. تصدقون ياشباب اليوم الهيئه بغت تقفطني وانا مطلع خويتي بس ربك ستر وانحشت منهم.. خالد يقاطعه .. بلاك غشيم والا احد يدور مع خويته بالسياره شوفني انا ازبن في ملحق بيتنا ولا احد درى :sleep: .. ويدخل معه راشد ..تصدقون شباب انا مره واقف عند الصراف يوم صرفت وجيت امشي..اللين ذيك البنت اللي عليها عبايه فراشه ومخصره جايه تمشي من بعيد ومسرعه قلت وشفي ذا البنت؟:sleep: يمكنها توها شارية ذا العبايه وتجربها ..ومادريت الا وهي فاتحة باب سيارتي وراكبه:d .. المهم يوم توني ماشي بالسياره يوم طلعت ذاك المسدس وقالت اطلع للبر ..قلت نعم !1قالت البر:razz: المهم طلعتها للبر في مكان مافيه الا انا وهي والمسدس بينا ..وكنت توي شاري جوال n73 جديد.. المهم قالت لي فصخ ملابسك!!. قلت اكيد ناويه تسرقين الجوال:sleep: :d .. ويدخل عليهم ياسر بسالفه ثانيه وخويكم ابو لمخه يسمع سوالف الشباب ولاهي بعالم ثاااااااني وكل من قال سالفه يقول ياحظك والله :razz: .. رجعت البيت ودخلت غرفتي وانا بس افكر بكلام الشباب والعن بحظي الردي اللي ماخلاني اعرف ولا بنت .. قمت افكر بالمنتدى واتحسف انا اللي ذابح نفسي تميلح عند البنات ومافي الخاص إلا رسالة واحدة من بنت :d .. وما صدقت يوم شفتها ..بغى يغمى علي .. وبدون تفكير فتحت الرساله …تقول البنت في الرسالة : " ياملحك وياملح سواليفك … يابخت الي بتاخذك … والله اني ما استانس الا اذا شفت موضوع لك … وبصراحه انا ودي اشوف صورتك احس انك رومانسي وحبوب وو...و ما اقول الا ياحبي لك وبس " قريت الرسالة وانا ابتشقق وتسندت على الكرسي وقعدت اتخيل انا اصيح وينك يابعد عمري ارجوك تعالي ارجوك ردي علي بسرعه بسرعه ماعاد اتحمل انا احبك بعد:d .. وبعد ماعشت هالحلم الرومانسي الجميل … قلت يابوكمخه كمل الرساله يمكن تلقاها مرسله رقمها ولا ايميلها!! وياليتني ما كملت الرساله ياليتني مت وانا اعيش حلمي الجميل..شوفوا تكملة رسالة بنت الذين:upset: .. " انتظر ردك بفارغ الصبر حبيبي ابو ساره ":d آآآآه يابو كمخه انت وحظك الردي .. بس خلاص من بكره يابو كمخه تطلع الراشد وبترقم بالطيب ولا بالغصب .. ومن بكره قمت وتكشخت على سنقة عشره ..ودخلت السوق يوم دخلت الين ذيك البنت الي تشق شق الجبهة قاعدة في مدخل السوق جسم وعيون مكحله ناعسه :yes: .. عاد هذي النوعيه ماتلقاها دايم هي حبه وحده تجي في كل كرتون:d .. وكان قريب من عند البنت صندوق تبرعات .. قلت زين يابوكمخه توك مستلم المكافأه خل أكشخ عندها :d .. وطلعت ذيك ام لون موفي وحطيتها في الصندوق وهي تناظرني ومستغربة !! الظاهر اول مره في حياتها تشوف ولد نعمه :d … بس الوضع صار غير طبيعي البنت قامت تضحك بصوت عالي ..والناس الي جنبها قامو يضحكون واناظر وش السالفة وش صاير:razz: … يوم ناظرت الا وانا حاط الخمسمية في صندوق مسابقات:d :d .. طلعت من السوق بسرعه وانا متفشل ومطنقر على الاخر .. اول مانزلت من السوق الا وذيك البنت تناديني!! التفت عليها واِشرتلي! والشباب اللي حولي يناظروني بحقد ليه هو بالذات؟! وانا اضحك في نفسي واخيرا ضبطت معك يابو لمخه :razz: .. ويوم قربت من البنت .. قالت اسفه انا غلطانه كنت احسبك السواق :wallbash: :razz: .. ضحكوا علي الشباب وطقتني البكوه وانا ناصي سيارتي والا اشوف ذيك المره اللي عمرها هه بين الخمس واربعين هه والخمس والاربعين وواقفه بالشارع وسياره رايحه باتجاها .. وتنغزني النخوه وانقز لها بانقذها وادفها بعيد عن السياره .. لكن ما امداني ادفها الا والسياره خابطتني :mad: .. اخر شي اذكره صدام الكابريس موديل 79 ومع الصدمه طار الباقي:d .. صحيت والناس حولي يصفقوني ويتكلمون عند راسي اللي يقول هذا مات واللي يقول يحتضر.. فتحت عيني ولقيت امم كانهم ماقد شافوا سوبرمان وهو ينقذ البنات :d .. ولقيت المره اللي دفيتها تضغط على صدري وتسويلي تنفس اصطناعي وتسمي علي .. وصراحه حسيت بحنان اول مره احسه بحياتي وطقيتها بكوه:d ..واصرت هالمره الا تاخذني المستشفى مع سواقها تطمن علي .. ماقصرت والله دخلتني الطوارئ واخذت معلوماتي علشان تطمن علي:sleep: .. حيــــاة الهـــــنا جلست في المستشفى يومين وطلعت بصحه وعافيه تامه ولله الحمد..لكن فيه تغير في حياتي اني بديت احب .. حبي الجديد كانت اللي انقذتني من الموت اللي ضحيت بروحي علشانها وطلعت هي اللي موقفه قدام السياره علشان تركب مع سايقها وانا اللي احسبها بتصدمها السياره وهان علي اموت معها ولا تموت قدامي..:d عشت حياة ميب طبيعيه .. لا من جد حياة مختلفه صرت اروح عند البحر واتهيض وانا اسمع الحريبي وهو يقول.."جبتها على الجرح وكنك مادريت ..." وفي احد تهيضاتي دق الجوال.. قلت الوووو بصوت ناااعم (تاثير الاغنيه:razz: ) ..وقفل الخط بوجهي ..واتصل مره ثانيه .. ورديت باقل نعومه من المره الاولى .. جاء الصوت من سماعة الهاتف (لاياشيخ:d ) ..قال(ت) من معي؟! قلت انت اللي متصل ياحمار .. ضحكت ضحكه ينقصها الدلع (طلعت بنيه )..ضحكت معها شوي وقلت من انتي وايش تبين؟! قالت خليني احزر من انت من صوتك واسلوبك(ابو الذكاء:d ) .. انت ابو لمخه .. هنا ضحكت بعنف وبصوت عالي (خلاص تعرفني ولازم ابين اني رجال:d ).. رجعت وقالت ابو لمخه ماعرفتيني؟! قلت تصدقين يوم قلت انك حمار تحسفت بس الحين اكيد انتي بغله شلون اعرفك من صوتك وانا ما اشوفك:d .. قالت .. انا ابله سعاد .. اللي شلتك للمستشفى .. قلت .. اهاااااا انتي اللي انقذتك من قدام السياره (<<مازال مقتنع انه هو اللي انقذها :d ) .. تصدقين توني افكر فيك واتذكر الموقف واتخيلك .. تعرفين اني حسيت بحنان عمري ماحسيته وانتي تنقذيني .. ماتتخيلين وش كثر حبيتك .. تعرفين اني كنت اسمع بالحب لكن الحين عرفت طعمه .. سعاد انتي اللي قلبي حبها واختارك .. سعاد انا كلي لك .. سع.... بس يابو لمخه كافي .. قطعت قلبي .. ما اقدر اتحمل هالكلام اللي عمري ماسمعته زيه .. ابو لمخه وانا بعد من هذاك اليوم وانا معجبه في شجاعتك وفي وسامتك .. ابو لمخه ممكن تسمع هالاهداء.. كذاا من ربي حبيته بسرعه يوم لاقيته حبيبي اللي تمنيته اخيرا صار محبوبي ابو لمخه : ابله سعاد .. ابله سعاد: لاعاد تقول ابله ناديني باسمي .. ابو لمخه: سعاد .. انا احبك:razz: .. . . . (مافي رد .. الظاهر انها فطست :d ) .. استمرت العلاقه بيني انا ابو لمخه وبين الابله سعاد .. وكبر حبنا مع الايام وتعلقنا في بعض اكثر .. ابو لمخه: حبيتي انتي عمرك خمس واربعين سنه ليه ماتزوجتي؟ ابله سعاد: اييييييييه ياقليبي .. تقدمولي واجد لكن كل مره كنت ارفض لسبب .. مره اقول هذا شكله يبي راتبي ومره اقول هذا شكله ماعجبني ومره اقول انا مدرسه وكلن يبيني وارفض واحيانا اقول هذا مدخن وهذا يلبس نظارات اليين فاتني الئطر (لاتدققون امها مصريه :d ).. ابو لمخه: احسن ياعمري لو مارفضتيهم كان ماعرفتك .. سعسوعتي .. وش تتمنين؟ ابله سعاد: كنت اتمنى ياخذني واحد جيزاني!! والله الوناسه وسعة الصدر كان ما ادوام ابد بتصير حياتي كلها اجازة امومه :d :d .. بس الحين مابيك الا انت لموختي.. طيب انت وش رايك بالمرأه؟ ابو لمخه: بصراحه المرأه عندي كالجزمه في بستان مليء بالشوك..فالجزمه تجعلك تتجاهل وجود الشوك (<< ابو اللي يسألك مرتن ثانيه:d ).. المرأه هي نصف المجتمع هي امي واختي وزوجتي والمرأه يجب ان تختار صديقاتها جيدا علشان مايخربونها وعلشان سمعتها ترا البنت مالها الا سمعتها وبدون سمعتها والله ماحد يتقدملها (ويقولون مااعرف اعبر ;) ).. دارت الايام واستمرت علاقتنا..وصرت اقولها مره بطني يعورني ومره ضرسي يالمني ومره خدي.. وهي تققولي روح للدكتور!! وانا اقولها انتي ماتفهمين! قلت طيب قولي انتي بطني يعورني !:d قالت.. لا انا بطني مايعورني.. قلت.. انتي قولي بس ومايصير لك شي.. قالت.. لا الفال شين ويجي مع الطاري .. جلست اقنع فيها اسبوعين بدون فايده .. الين جاء ذاك اليوم وقالت بطني يعورني وهو صدق يعورها:d .. قلت..اموووووووووووووووووووووووه على بطنك على شان يطيب:d .. قالت هذي وشي!! قلت بوسه! قامت سفلت فيني وقالت هذي اخرتها ياقليل الحيا تقول لي كلام وصخ وقفلت بوجهه وقاطعتني اسبوعين.. بعد اسبوعين دقت علي وقالت.. قلبي ماطاوعني ابعد عنك.. وانا اقول.. سامحيني والله ما اعودها وما عاد اقول كلام وصخ:razz: .. قالت.. احلف انك تتوب قل قسم .. وانا اطق ذيك الايمان واتوسلها تسامحني وقلتلها..ما عاد اقوى على فراقك خلاص اليوم العصر امي بتجي تخطبك!! وهي اللي تتقطع من الفرحه وتقول .. خلاص سامحتك وانا بانتظرك انت وخالتي ( مسرع يا المشفوحه :d ).. ابو لمخه : يمه انا خلاص قررت ابي اخطب وأتزوج .. امي: الساعه المباركه ياولدي.. تبيني ادور لك؟!:sleep: ابو لمخه: لا يمه .. انا خلاص حطيت عيني على البنت وهي مدرسه .. ام ابو لمخه: ماشاء الله مدرسه(ايه متعصبين لبعضهم المدرسات:d ) .. اجل زين مااخترت.. ابو لمخه: خلاص يمه عقب صلاة العصر بنمر انا وياك نشوف البنت واذا اعجبتك نخطبها.. ام ابو لمخه: زين ياولدي.. ومن عقب صلاة العصر تسنع خويكم ابو لمخه على سنقة عشره وازعج امه الين جهزت ورواحوا يخطبون ابله سعاد اللي تجهزت من عقب صلاة الظهر للزياره .. دخلوا ابو لمخه وامه للمقلط بانتظار دخول العروس .. ابله سعاد وبعد عدة محاولات دخلت الغرفه وبيدها العصير .. وفجأه:rolleyes: .. جات عينها بعين ام ابو لمخه ويطيح من يدها تبسي العصير !! أم ابو لمخه وبعد صراااخ وسب وتهزيء قالت .. مابقى الا هي ولدي يتزوج مديرة المدرسه اللي ادرس فيها :d .. مايستفاد من القصه .. 1- يابنات تلاحقوا على اعماركم ولا تشرطون واجد وحتى لو طلع اللي تقدم مامعه الا رابع ابتدائي وافقوا تراه ازين من العنوسه:d .. 2- ياشباب ارفقوا على نفسكم يعني مو بلازم تصير لك خويه:d .. وارفقوا على اهاليكم بعد مايكفي انك تبيهم يدخلونك مدرسه اهليه ويطلعلون لك سياره وفوق هذا تبيهم يزوجونك:d .. 3- ليه كأس العالم مايصير كل سنتين!! 4- هالقصه كلها من بنات افكاري يعني لاحد ينضرب بمخه ويصدق وتتشوه السمعه عقبها تروا اهم شي السمعه بعدين محد يزوجني:d .. |
اولي:p .... <<< حركات بزران:d :d ايه يازين العودة اللي زي كذا s60s ..... عائده بقوة بعد الفصفصه والتنبيش:d :d ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـ بــــــــــــــــــــــــــاك ,, ياخي كل ذا قوة داخل لا سلام ولا كلام:nono: مب عادتك:) السلام عليكم ورحمة الله وبركاته إقتباس:
طيب بشويش لا تدف :d .... من قاله أننا نمانع من النظارات:wallbash: لا يكثر بس:razz: .... بالعكس يمكن يكون من طلباتنا:D :d حنا نمانع من التدخين وبشده:yes: يعني نعنس أحسن من نتزوج واحد يدخن:sleep: إقتباس:
بنشوف وش آخرتها:razz: إقتباس:
إذا صارت من أقاربه:laugh: إقتباس:
لو تقللون من طلباتكم كان ربي رزقكم بالزين من دون شروط :yes: .... واحد من أقاربي كان يتشرط على أهله:upset: ماخلى شرط ماقاله:d وكل مازاد عمره تخلى عن شرط:d الين وصل عمره خمس وثلاثين:eek: ولا بعد تزوج وقال أريدها أنثى بس :D :D وهذا شرطه الوحيد والحين ماشاء الله عليه معه بزر:) الله يخليه له .... إقتباس:
إقتباس:
إقتباس:
ياحبك للفساااااااااااااااااد:D إقتباس:
كلن يحط اللي يعرفه من ذا الاشياء القديمه:D :D إقتباس:
أجل أم داقه على فوزيه الدريع وهي تصيح تقول ولدي مايبي يتزوج :sad: عشان معه حرمه دايم يجيبها للبيت:cry: والشي اللي يقهر أنها متزوجه:confused: وتقول أن لها ولد من ولدي:eek: قالت لها وش دراك أنه ولد ولدك:rolleyes: قالت الشبه :cry: والمشكله زوجها مايدري عنها:no: تقول أنه يجيبها للبيت عندي وأنا مقدر اسوي شي:sad: .... انهبلت عليها فوزيه الدريع تقول يصير الشي عندك ولا تقدرين تردينه معقوله:eek: :confused: قالت لها كلمي الحرمه وهاوشيها وهدديها أنك بتعلمين رجلها:wallbash: إقتباس:
نازل للصيدليه ولا قفل السيارة ناسي بس طفى المحرك:yes: ... ويوم طلع ويروح لسيارته ويشوف ذا الحرمه اللي راكبه:eek: ... قالها خير وش تبين:confused: .... قالت مب أنت فلان:eek: (( قالت اسمه )) ولاها قازته من كتاب كان حاطه بالسيارة:sad: قالها إيه وش تبين:mad: قالت أبيك:bigeek: .... عاد هو راح ولا رجع لسيارته:D إلا لما ملت هي وتركتها:upset: إقتباس:
داشر ماعليك شرهه:D :D إقتباس:
ههههههههههههههههههههههههههههههههههههههههههههههههههه عاد من جد ماوصلتك زي ذا الاشكال:D :D إقتباس:
إيه يستاهل أبو سارة :D طيب مافكرت تكني نفسك بأبو سارة مثلاً :D لتعيش حلمك الجميل:d :d إقتباس:
لا صدق الخمسميه لونها موف بروح اتأكد :D :D <<< ماعندها خبرة تدفع بالبطاقه على طول:D :D الله يخلي الوالد:) مرة تهاوشنا بالعيد على الصور اللي على الفلوس:D :D .... اللي تقول العشرين عليها صورة مين من الملوك:confused: واللي تقول طيب الميتين :D :D ... وصار كلنا ماعندنا سالفه:laugh: الين رحنا وجبناهن على الطبيعه نقارن:D :D إقتباس:
هههههههههههههههههههههههههههههههههههههههههه يقلع أبو الفشيله:d .... أجل قعدت تلقط وجهك المتناثر:d :d إقتباس:
وش ماكل عشاء اعترف:D :D .....الله يرجك ... اجل شكلك تقل راجو الهندي :D :D إقتباس:
قويه :p ..... شكلك ماودك تقوم أبد على ذا التنفس الصناعي:D :D إقتباس:
إقتباس:
إقتباس:
تراها بدون موسيقى;) إقتباس:
إقتباس:
بس على الأقل الاسلوب معبر وبليغ:) إقتباس:
إقتباس:
قاعد تستدرجها كم يوم عشان تمطخها بس بالتلفون :D :D <<<< تفكير وصخ:no: إقتباس:
إقتباس:
طيب ليه كذا :no: كمّل قصتك:sad: نبيكم تعرسون وتدهرون وتطلعون لنا أجيال المستقبل:thumbup: إقتباس:
>> كني أشوفكم ترحموني :nono: مب أنا لا والله:no: بس فيه بنات كذا وش السواة:cry: والله أن شروطنا مب تعجيزيه أهم شي الصلاة في المسجد:yes: والأخلاق الزينه:) وحالته الماديه ميسورة:) ومايدخن بس:D 88 8 بالله عليكم ذي تعجيزيه:no: إقتباس:
إقتباس:
اصلا سمعتك متشوهه عقب التوقيف:D :D يعطيك العافيه هلالي الظهران كفيت ووفيت:yes: وصلت الفايدة من الموضوع تسلم :) سلااااااااااااااااااااااااااااااااااام ,, |
هلا و غلا .. دعني اناقش.. إقتباس:
اهم نقطه ذي... كثير يبن يكملن دراستهن ... والا يبن واحد مكتوب على جبهته ( خالي من العيوب ) او ( منزوع السلبيات ) حتى يفوتهن القطار اللي فات ابلتك سعاد ... وهذا امر واقع .. وملاحظ بقوة ... مثلا .. جامعاتنا .. تزخم باعضاء هيئة التدريس (العواااااانس) كل هذا لانها لم تعرف ترتب الأوليات .. إقتباس:
إقتباس:
وعلشان .. دجاجنا ماتكثر فضايحهم... هع.. إقتباس:
ملاحظة قبل الوداع ... ( هذا الرد يحمل في طياته الجد و الهزل .. فليفهم على حسن نيه ) في امان الذي لاتنام عينه .. |
موضوووع طوويل عريض يبيله ووقت لي عووده بس تصدق .. شكله فله |
الله يعطيك العافية هلالي الظهران إقتباس:
.. الزواج ...للبنات والشباب الان اختلف عن اول بكثيير الطلبات تنوعت والشروط انتشرت .. الذكي هو اللي بينجح والناجح هو الي بيستمر .. وبنات أفكـارك مدري حفيداتها جداً مفيدة نتمنى تكراراها.. والله يوفق الجميع |
هلا والله بولد الظهران الشقيقه :d يا اخوووي والله ما عرفنا للبنات و لا للعيال انواع الشرووط و التشرط و في الاخير الواحد ما يدري عن عمره الا وهو فوق ال40 :d بعدين على طاري الخويات وش تبي فيهم تراهم يجيبون لك المرض و الطفره يعني ما يمديك تستلم المكافأة الا و هي طارت للخويه :D <<<<<<رصيده من البنات صفر كبر وجهه :d زي ابو لمخه :d المشكله تشوف هالاشكال اللي عندنا تغسل يدك على طوووول :d بس في الاخير جانا شغل كويس من فرنسا :thumbup: من كثر التميلح عند واحد لبس طقم فرنسا و المشكله تقلييييد :d و الله تشوف الشباب عندنا انواع الطيب و الحركات في الجل و الشعر يعني بالعربي حووووسه بعدين ليش ما فيه حصة تعبير في ثاني و ثالث ثانوي :d |
هلا وغلا بالغلا عمر .. حيا الله من كتب موضوع .. والله وانا اخوك البنت اللحين كويس تحصل رجال .. لان البنات والله مالين البيوت .. واتوقع ان زواج المسيار فتح المجال لكثير من البنات او بالاحرى الحريم للزواج .. اما على سالفتك والله سالفه .. مسكين انت حضك ردي في كل شي .. حتى في الترقيم . . انا خابر ان المجال الوحيد اللي مافيه رده الترقيم .. بس كويس ان عندك ايثار على روحك وتضحيه من اجل فتاة اربعينيه .. الله يكثر من امثالك .. ولو اني داري انه في الحقيقه ماعندك ماعند جدتي بس بنمشي على حسب القصه .. بس تبي الصراحه المدرسه سقها ماشي ولو تلبس نظارات .. هي الوحيده اللي مستحيل انها تعنس الا في حاله وحده .. اذا كانت تحب الفلوس .. بس لوني من ام لمخه انها تزوجه المديره وش فيها مادامهم صالحين لبعض ويحبون بعض .. ولاتتعودها تبوس مره ثانيه .. هذي المره عدت المره الثانيه ماسك كورنر في زاوية الاحداث <يخوفك .. بس ماقلت لي وش صار على الخمسميه رجعت تآخذها ولا ماقدرت ؟ احس فايده استفدت منها في الموضوع ان البنت لازم تلحق على نفسها ولاتتشرط .. وبهذي صدقت .. يعني الرجال مايعيبه الا جيبه على ماقالوا .. يعني مادام انه قادر على تكاليف الزواج مافيه اي شي يخلي البنت ترده .. سواء نظارات او نحيف او سمين او اوا او من الاعذار .. لان البنت في الاخر راح تتندم على كل رجال ردته لاي سبب الا اذا كان سبب مقنع .. عموماً اسال الله انها يزوج البنات .. ويرزق الاولاد الوظايف .. وفي الختام اشكرك على الموضوع .. ولو ان خيالك يجيب الهم والغم بس مقبول اذا فيه نقد ونصح .. ولك الف شكر .. ودمت بخير .. ياواسع الخيال .. ولاتدقق املائياً .. |
خخخخخخخخخخخخـ الله يقطع أبليسك يا هلالي الظهران قطعت مصراني من الضحك على أبو كمخه و ابله سعاد و من زين حظه الأقشر طاح على مديرة المدرسه الي تدرسه فيها أمه القصه رائع و أعجبتي و أكثر شي اعجبني الشباب الي يشلخون على بعض في الإستراحات :sleep: و ياكثرها لا تنعد ولا تحصى و كل واحد يجيك بكذبه قوى من الثاني ه بس علشان يواكب العصر :d أما أبو كمخصه هذا مشكلته مشكله مع البنات لا يعرف يغازل ولا يعرف يدبر وضعه و من زين نفسه مصدق نفسه أن الفارس النبيل الي بينقذ وحده تستنى السواق مسوي :d نفسه البطل الهمام على غفله .. بس لو تبس الصدق أخاف ان الكابرس 79 هو الي تكسر لما صدم أبو كمخه أخاف أن الكابرس راح لتشليح :razz: |
هلا بالشيخ هلالي الظهران .. الله يعطيك العافية على حروفك .. طبعاً ما لي في سواليفكم ما شاء الله عليكم ما نقدر نجاريكم .. لكن عندي تساؤل ! كثيراً ما يتردد مصطلح " عباية الفراشة " في البيت و في غيره .. سألت إحدى الأخوات ذات مرة فأجابت و النتيجة " انقلب رأسي ! ما فهمت شي ! " لكن إذا المسألة و صلت إن الشباب يعرفونها بعد ودنا نعرف كيف " عباية الفراشة " ؟! و هل تختلف عن بقية " العبايات " ؟! مرةً أخرى شكراً لك و بقيت للمنتدى .. |
,,, ,, , هلالي الظهران ياهلا والله فيكـ .. وكل عام وانت بخير يارب ,,:) صح ان المساله بدت تتعقد .. الا ان المفروض ان الشباب هم اللي يشرطون :p وبيني وبينكـ رابع ابتدائي ذي الايام جامده ,, على الاقل دارس جغرافيا يعني البنت تضمن شهر عسل في حدود الخرائط المدروسه في المرحله هذي :d موضوع متعوب عليه والف شكر لكـ وماقصرت s60s امنياتي لكـ بدوام التوفيق ,, **** كن بخير ...SoMe OnE... |
هههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههه << يسمع بالمقدمة للرد :D إقتباس:
يارجال وش لك بالزواج وجع رأس وهم وقرف :D خلك عزوبي طول عمرك :thumbup: إقتباس:
احسن شرط وياليت تكثرون من التفاحتين لانه شئ خيالي :D إقتباس:
ما ظنتي يمشي الا عقب اسبوع :D إقتباس:
ههههههههههههههههههههههههههههههههههههههههههههههه ياحول يالمسيكين حتى بالمنتدى مسحوب(ن) عليه ههههههههههههههههههههههههه ماله الا انه يخربها مع شغالتهم ويحبها ويصارحها بهالشئ وتسودها ترضى بعد :D << يا انت حاقد على الشغالة ليش تبي تبتليها بواحد مثل ابو لمخه :D إقتباس:
ههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههه ينعن ابليس باعشن تسانه يبي يدمرك تسذا هههههههههههههههههههههههههههههههههههههههه اتخيل شكله وهو راز بعمره ومسوي فيها وآخرتها في صندوق مسابقاااااااات ههههههههههههههههههه إقتباس:
مسيكينه خقت بسرعه هههههههههههههههههههههههههههههههههههههههههه إقتباس:
ههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههههه إقتباس:
يعني بالكثير سنتين ثلاث سنين ويخرب الاثاث قصدي المرأة :D .. وبكذا لازم تغيره .. ;) :D .. إقتباس:
هههههههههههههههههههههههههههههههههههههههههههههههههههههههههههههههههههههههه يالمارج ههههههههههههههههههههههههههههههههههههههههههههههههههههههههههه كل هالمده عشان تقولها هالشئ لا يالداشر صدز هههههههههههههههههههههههههههههههههه إقتباس:
مايبيلها شي على طوووول تخق بسرعه اللي من كلمة احبك اغمى عليها اجل وشلون وهو بيتزوجها :D إقتباس:
هههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههههههههههههههههههه إقتباس:
يا مال العافية والله يا هلالي الظهران تكفى كثر من باعشن مخلوط وصافي وكل شئ دامك تبي تتحفنها بهالمواضيع :thumbup: تحياتي لك يالداشر :D |
ما شاء الله عليك :yes: والله انك رائع رائع رائع الله يعطيك العافيه القصه اخذت من وقتي حدود الساعه لاني والله ما قدرت اواصل من الضحك :clap: عموماً قصه رائعه وكتير كتير مهظومهs60s |
عذراً لتدخلي ....بس حسيت أن هذا من أختصاصنا:d عشان أبو ريمان وغيرة من اللي مايعرفون العبايه الفراشه:d الله يزيدهم جهل بها:yes: بنزل صورة قريبه لها بس من دون التطريز اللي بالنص:wallbash: 77777 7777 777 77 7 http://hawaaworld.net/files/34551/m_10.jpg ادعو لي بالصلاح أجل ناه الساعه كم ولا بعد نمت :( |
الـسلام عليكم و رحمة الله و بركاته <<------- خلك شاطر زيي موب على طول داخل لا سلام و لا كلام و لا تنحنح ,, لعنبو ابليسك لو عند امك حريم بالمجلس شكلك تبي تدخل عليهم مدرعم <<------------ شكلك تبي تستانس رب صدفة خير من الف ميعاد لانه ممكن تشوف ابلة سعاد عند امك :D هلا و الله بالدب اللي صادني بفقرة المجاهيل .. اجل انا اجوبتي به لف و دوران ! بيني و بينك رحمتك ,, و لا السؤال حق الصورة الشخصية كنت ابقولك لاعب من لاعبين الزعـيمـ ,, لكن رحمتك و قلت الكابتن ,, قلت ذا هدر و قديم اذا الشبكـة على باله انها متأسسه عام 99 فالكابتن اتوقع راح يكون على باله صالح النعيمة :D المهم منب طالع عن الموضوع .. و نرجع لمحور حديثنا .. الان ابفهم وش تبي بالبنات تركض وراهن و انت عــارف انك تحوم التسبد و و لا فيه وحده تعطيك وجـه ,, الا اللهم كم وحده تبي تجيك تعطيك ريال على بالهم انك عامل البلدية :D و بعدين على كلام ابو سوير ان عليك جبهة كبر جبهتي قصدي كبر الامـة الاسـلامية كل ابوهـا ,, يعني الامة الاسلامية = جبهة الظهراني :d " الا وينه ابو سوير ماله حس و لا خبر ! " .. الا تعال لقيت لك بنت تلبق لك .. البنت بإختصار و انا اخـوك شغالتكم .. ايه نعم شغالتكم .. انا عـارف انها بالبداية تبي تقول اعـوذ بـالله و الله لو اخاوي محمد نور ابرك منك :D لكن انت اقعد نظف المواعين بداله و اغسل الملابس بداله بعدين تحبك <<------ ما ظنتي حبـ (ن ) من قلب :d إقتباس:
لكن اكتشفت انك تحبن بـالله تبين اصوم الست ,, لاني قعدت اقرآ الموضوع الظهر و ما قضيت الا المغرب و بالتالي طلعت صايم الله يجزاك خير :D إقتباس:
نبي نشوفه وش لون صاير ساحة تفحيط من كثر ما تلعب به بالمووس تبيه يطلع بسرعة :D لكن اذا تبيه يطلع بسرعة عندي لك وصفة سحرية جب بصل و زيتون و زيت فرامل و حطهم مع بعض بقدر همن حطهن بالنار لين يغلن .. يعني فترة خمس دقايق .. و طلعهن و بعدين حطه بالثلاجـة لفترة ساعتين <<----- قاعد اسوي كريم كراميل انا :D و بعدين طلعه و امسح به شنبك لين تطلع ريحته ,, تعال بعد يومين .. و ان شـاء الله تلقاه صاير تقل شنب " ارثر جورج " مدرب النصر السابق :D إقتباس:
إقتباس:
خمسمية ريال اوووه ,, فله ,, لكن اللي محيرني وش لون طلعت منك ؟! إقتباس:
اجل مرة كبر امك تسو معها صداقـات ,, و الله ما يصير .. شكلها كانت رايحة دار العجزة لكن انت لعبت براسها و خليتها تروح معك الشقه .. شباب شوفوا الحرمة و هي مع الظهراني بالشقه .. لعنبو ابليسه خربها بنص ساعـة خلاها تدخن ! http://reeemany./1.jpg لا تعليق فشلتنا يالظهراني إقتباس:
شكلك من بعدها صـرت كل ما شفت بنت جايها السواق رحت نقزت و دفيتها و خليت السيارة تصدمك :D الا على فكرة ما جتكم الهيآة :D ؟! اقول ,, سلام ابصلي .. امتعتنا يا دب الله يجزاكـ خير ,, و السلام عليكم و رحمة الله و بركاتـــه ,, |
:upset: والله انا الي الحظ الردي اجل اكتب رد طوويل واقتباسات >>>>كله هذي الصوره اصلا>>>:laugh: وبالاخير احط استعراض يروح كل شي:wallbash: خلاص اوف مني راده:mad: >>>عصبت :razz: باي:( |
الوقت المعتمد في المنتدى بتوقيت جرينتش +3.
الوقت الان » 02:52 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd