أهــلاً وسهـــلاً بكـــم
اخواني الأعضـــاء .. اخواتي العضوات ..
مســائكم خيراً لكم .. وصباحكمـ رزقاً لكم ..
اتمنى بأنكم تكــونــوا بــأتمـ صحه وعافيــه ..

:: مدخــل ::
لا يخفى عليكم اخواني أن شبابنا وشيابنا ايضاً :p يقضون جُــل أوقاتهم في الاستراحات ..
منهم من يجلس على خير ومنهم غير ذلك .. فأوضاعهم في الاستراحه مختلفه تماماً ومتنوعه ..
فهد/ يستمتع بمشاهدة التلفاز .. بدر / يقرأ في صحف اليوم ويعلق على مايقرأ ان رأي من يسمعه ..
محمد & ماجد = قمة الثوران امام شاشة البلاي ستيشن;) .. , واثنان منهم قضوا وقتهم في اكل لحوم
الناس بالحش والغيبه اللا منتهيه .. !! ..,, واربعه آخرون تعالت اصواتهم في لعب* البلــوت *<<هنا مربط الفرس

وحسب رؤيتي أن ثلاثة أرباع الاستراحات لا تخلوا من البلوت وعشاقها .. إلا ماندر !!
تعالوا معي نفصفص ونتكلم عن البلوت .. على طاري البلوت تذكرت الاخ العضو ورقة بلوت ماله حس !!

// المــوضوع \\

البلوت لعبه شعبيه انجرف فيها الشباب تعلماً من آبائهم واجدادهم ..
فالشياب مآخذين نصيبهم من لعبة البلوت وزياده .. وعلموا ابنائهم ليرثوها <<امحق من علم ..

البلوت لها فوائد كما ايضاً لها مضار ..
وللمعلوميه لست من هواة البلوت ولكن احياناً اتحمس شوي .. شوي ويطق فيني عرق :p
ولست محامي للبلوت .. ولا عاشقاً لها .. ولا كارهاً لها .. فقط احببت اطلاعكم ..

*من اضرار لعبة البلوت اعتقد انها لاتخفى عليكم وهي اضاعة أوقات طويله فيها وفي اغلب الاحيان
تُنسى الواجبات اليوميه والأسريه مع الحماس ..واحياناً فوات الدوام (وياويلك من المدير )

*ضياع بعض أوقات الصلوات وبالاخص صلاة الفجر .. بالاضافه الى انها تلهيهم عن طاعة الرحمن والدعاء
في هذا الوقت الذي يكون فيه الرب قريب من عبده ..

* ايضــاً ومن دون مبالغه هي احدى اسباب التفرقه بين الشباب والشلليه .. وايضاً قد تسبب بعضاً من
العداوه والبغضاء فيما بينهم وكل هذا بسبب خطأ او اختلاف في أمر ما يخص اللعبه ..

* خروج البعض عن صوابه وعن طوره وبذلك تعلوا الاصوات والشتائم ولو انها نادره ولله الحمد ..

@@@@@@@@@@@@@@@@@@@@@@

أمــا أهم الفوائد التي نجنيها من لعبة البلوت ..

* انشغال من يلعب البلوت عن الغيبه (والحش في الناس ) لانه يكون منشغلاً بتفكيره ..

* الحفاظ على الشباب من الخروج والتسكع في الشوارع والاسواق ..

* اشغال الشباب عن بعض الالعاب المحرمه كالقمار وغيره ..

* احيـــاء روح التنــافس الشريف بين الشباب في اللعبه ...

* الحفاظ على تراث الشيّاب:p << بالقوه يحط فايده

@@@@@@@@@@@@@@@@@@@@@

*الآن عرضت عليكم بعض ايجابيات وسلبيات اللعبه ..
ولا تكن سلبياً واضف مابخاطركـ من ايجابيه او سبيه ..

ولكــن !!

تخيلوا لو انجرفوا البنات في لعبة البلوت كحال الشباب .. وكانت البلوت اللعبه الاولى المحببه لديهم ..
انا من وجهة نظري الشخصيه ان هذا الشي جميل .. لاننا راح نفتك من كلمة (بروح السوق ) او بروح النادي
وايضاً بتكون ايجابيه للحريم لان هذا الشي بيشغلهم عن كلمة (فلانه تطلقت وفلانه تزوجت وفلانه لابسه لبس يلوع التسبد)

انتــم وش رايكم في الوضع !! < بس وش رايكم خيالي يسبب مشاكل احياناً ويقلب الامور راساً على عقب ..

^ قفله ^

في الختام اتمنى أن أرى ارائكم .. وان أرى البلوت اللعبه المحببه لدى النساء ..
واتمنى من كل هاوي للبلوت ان ينتبه من سلبياتها ويهتم بايجابياتها ..

واعذروني على أي خطأ املائي .. وقت كتابة الموضوع ثلاث إلا ربع صباحاً

ولكم مني أرق وأعــذب تحيه ..
ودمت أحبتي بكل الــود وعبـير الورد ..

أخــوكمـ / كلاسيكو *عــادل*

هلا بوليدي بصراحة الأمر حرية شخصية
مثلاً أختي تعلمت اللعبة عشان زوجها مايسهر برا وفعلاً صار يسهر بالبيت
وعلمت ولدها البليستيشن عشان يلعب مع ابوة كله ولا يطلع عاد الحريم وتفكيرهم

أنا نشبت بأخوي أبي العب لما شفتهم يلعبون" لعبة كين كان "أن كان اسمها كذا
المشكلة أنا ما اعرف العب ولو انهزمت بأصيح وأزعل اخوي خاف لأني موب ثقة ولي سوابق
أغريتة بشغلة ووافق عشان يفتك من وجهي وزعوا الورق وأنا حطني تلقاني ما ادري وش السالفة
جا دوري قال العبي المهم مادري وش حطيت شوي وقال وريني الورق لما وريتة
نزل كل الورق اللي معي وقال فزتي يالله ضفي وجهس طبعاً عصبت
شلون افوز مابعد امداني كلهم استغربوا صار المسألة حظ وحلفت ما اتعودها

من وجهة نظري لأني ما اعرف العب اشوفها سخيفة لكن اللي يلعبون يشوفونها متعة
أنا احب العب سوليتر كلاسيك او الخلية الحرة عشان افوز اما لعبة فيها هزيمة ما العب


اللعب شي جميل لكن المفترض ما يصير إدمان أو يشغل عن الأمور الأساسية
لأن البعض عايش كل حياتة بالإستراحة ومهمل بيتة وأولادة
متناسي أنه محاسب عن وقتة وعن أولادة يوم القيامة


يعطيك العافية عدوووول ولاتكثر بلوت


بالحب والإشراق

صراحه


لو تعلموا البنات البلوووت راح نفتك من اشياء واااااجده

زي روحت السوق و روحت الصديقات

بس الله يوفقهم و يخليهم يتعلمووون

تصدقون اني ما اعرف من البلوت الا اسمها

انا _ ياحبي لي _ ماني راعي هالخرابيط , لكن مدمن بلاي ستيشن

عادل عليك مقدمة انما ايه

دمت بسعادة

اما لو البنات يتعلمون البلوت كان كلام وكلام

اما لو البنات يتعلمون البلوت كان كلام وكلام

إقتباس بدر / يقرأ في صحف اليوم ويعلق على مياقرأ ان رأي من يسمعه ..

@ أخت فياقراء من الرضاع ...

إقتباس * اشغال الشباب عن بعض الالعاب المرحمه كالقمار وغيره ..

@ الله يرحمنا برحمته وليه تسذا!!! المرحمه من التراحم والتراحم مطلوب ....;)



@ الجد أخي الغالي البلوت شينة زينه ...
زينه يوم تشغل البعض عن الغيبه والنميمة التى اصبحت ملازمة لكل المجالس وقتنا الحالي .. وشينة يوم ينشغلون فيها عن أوقات الصلاة وتأخيرها عن وقتها ..

@ الحمد لله رغم متابعتي لِهوات البلوت والجلوس معهم الا أن الله رحمني من تعلمها ...

@ يعطيك الف عافية ..

إقتباس مثلاً أختي تعلمت اللعبة عشان زوجها مايسهر برا وفعلاً صار يسهر بالبيت وعلمت ولدها البليستيشن عشان يلعب مع ابوة كله ولا يطلع عاد الحريم وتفكيرهم

ههههههههههه... (ان مكركن عظيم )

هههههههههه <<< يتخيل بنات يلعبون بالوت ..

<<<< الشخص اعلاه .. لايجيد البالوت ولم يحاول ذلك...


في أمان الله ,,

هلا بالكلاسيكي

شف يابعدي البلوت هذي أطلق لعبه في التاريخ وسوف اذكر لك بعض فوائدها اضافة الى الفوائد اللي أنت ذكرتها ليش

توزيع الورق : رياضه وتمارين لليدين..

ونتعلم منها فن التوزيع والتسويق..

الحكم:

احساس الفرد بالسيطره على اللعب يعطيه الخبره في كيفية التعامل مع المناصب الاداريه واتخاذ القرار المناسب في الوقت المناسب

الصن:

أفضل طريقه لتعويد النفس على تحمل المسؤوليه..فالصن أمره مهوب سهل ، وخسارة صن تعني أنك رائح الى وطي


والصدق انها أحد أهم وسائل التسلية عند الشباب والكبار ، وان كان بعض الناس فاهم البلوت غلط ، يعني يتحمس بزياده ، وهذا اللي يسبب مشاكل بين شلل البلوت، والا هي بالاساس سعة صدر ، وأحسن من مقابل هالمسلسلات الداجه..



عوافي عادل

صبـاحكـ عـسل كلاسـيكـو

البـلوت لعـبة أصبحـت من التـراث وبيخصص لهـا جـناح خـاص بالجـنادريـة

السـوق على البلايسـتيشن الله لايخلينا :p