^^ بلـــوت في بلـــوت ^^ - صفحة رقم 3 - نادي الهلال السعودي - شبكة الزعيم

الكلاسيكي · #31 09/11/2006, 03:46 AM

هلاليه سنعه ..
اهلا فيك اختي هلاليه سنعه ..
مو كل الشباب يقدرون الورقه .. بالعكس فيه ناس ينقهرون لما يشوفون الشباب يلعبونها ..
بس الغالبيه انا معك .. وماشاء الله عليك شكل فنانة اونو .. اجل اسحبي اربع ..
واحنا والله مو مقصرين مع خواتنا .. بالعكس نتشرف بخدمتكم <واضح ..
ولك الف شكر اختي المبدعه السنعه ..
ودمت بخير

رائدة الزعيم

هلا وسهلا بجدتي .
واتفق معك ان الامر حريه شخصيه ..وصدق عزوز في سالفة اختك .. (ان كيدكن عظيم )
بس مشكله اذا تكين اذا انهزمتي .. شكلك حنونه في اللعبه .. يعني ماتصلحين ..
مع ان الحظ دايم مع اللي مالهم دخل باللعيه .. <<بينطق ..
بعدين اول مره اشوف لعبه مافيها خساره او هزيمه .. الا اذا كنتي مخترعه لنفسك ..
واتفق معك اختي ان الاكثار من الشي يصير ادمان والادمان امر غير حضاري ول طيب للشخص ..
فالامر لابد انه يكون وسطيه بين اللعب والاستراحه وبين الوظيفه والعائله ..
اشكرك جدتي العزيزه على المرور والمشاركه العطره ..

كلي هلالي ..
اهلا وسهلا فيك ..
واللي مثلك ياكثرهم .. يعني يجي ولا يبغى البلوت ويضيق صدره ويطلع ..
وهذي مشكله اذا كان كل يوم بلوت .. لانه بكذا يصير ادمان .. والادمان مضر بالصحه وهدر للوقت
ما اتمنى انك تتعلمها .. بس اتمنى انك تروح وتلاقي ناس تجلس معهم ..
ولك الف شكر على المرور العطر ..

النــادر .. الــرايق ..iq1399 .. عزوز الازرق ..
لكم الف شكر اخواني على المرور العطر والمشاركه ..
ودمت لنا بخير ..

فرصه ضايعه ..
هلا فيك خيتووو ..
اجل انا قلبت المواجع .. وذكرت بذكرى نسييها .. يعني ينقال لي جبتها ع الجرح وكنك مادريت
وكويس ان البلوت عندكم يلم شملكم .. الله لا يفرقكم .. حتى وان كان هواش اقل شي جمعه ..
وماشاء الله .. دين ودنيا .. تلعبون وتصلون ..شي اجثر من رائع ..جزا اهلك الف خير ..
يعني الحين بعد ماهجرتي البلوت صرتي تحبين السوق !!!

شكراً لك اختي فرصه .. اتمنى لك قضاء وقت جميل ..
ودمت بخير على هالطله والمشاركه ..

حبي تيماوي ..
اهلا بمشرفنا وحبيبنا ابو اسامه .. شرفتنا ..
تصدق عاد اني نسيت اكتب يمنع منعاً باتاً اصطياد الاخطاء ..
وصدقت اخوي هيّا زينه شينه .. بكل اللي قلت .. بس ان شاء الله تطغى الايجابيه على السلبيه ..
وانا مثلك .. رغم معرفتي وجلوسي مع حريفيها .. الا اني ما تعلمتها ..
لك الف شكر اخوي على المرور العطر والمشاركه الرائعه ..
دمت لنا بخير ..

alhawey
اهــلا بالغلا .. شنبوووو <مانسي ..
ماشاء الله عليك شكلك مبدّع فيها وحرّيف ..
بس حلوه كل فوائدك .. واتفق معك بانها اللعبه الاكثر شعبيه بين الشباب ..
رياضه .. ونشاط .. ومنها بعد تشغيل مخك بالتفكير ..
وصدقت اخوي انها تلهي الشباب عن المسلسلات الساقطه والافلام ..
ولك الف شكر على المرور الرائع والجميل والعطر .. والمشاركه الحلوه ..
دمت بخير

ماجد مقبل
هلا وغلا بالغالي ماجد ..
والله هذي مشكله بعد اذا بيسحبون لاطبخ ولا نفخ ..
اجل لازم نسوي بنود لشروط لعب المرأه للبلوت ..
وأختك ماشاء الله عليها شكلها ادمنت لعب ورق ..
خلها تاخذ راحتها بس لاتدمن ولا تأثر على دراستها ..
يووووووووووووووووووووه تصدق ذكرتني بلعبه المونوبولي بس والله حلوه ومتعه ..

لك الف شكر اخوي ماجد علىا لمرور العطر والمشاركه الرائعه ..
دمت لنا بالف صحه وخير ..

الكلاسيكي · #32 09/11/2006, 04:26 AM

أبو ياسر
هلا فيك اخوي ..
والكثره والادمان عليها مو كويس ولا من صالح الشخص ..
يعني الوسطيه والتنويع شي طيب ..
واشكرك على المرور والمشاركه العطره ..
دمت بخير ..

مالكه السعوديه ..
لعبة البلوت اذا ماتعرفينها وحابه تعرفينها علشان ماتروحين الاسواق
مستعدين نوريك طريقة اللعبه .. بس ودنا نعلمك شي افود لك .. ومو لازم تقطعين
الاسواق رايحه جايه ..
مشكور اختي على المرور العطر ..

الذئب الازرق , الرايق , عاشق الزعيم, راشد , ســـ9ـــام , saUdi-4-EvEr

لكم لاف شكر على المرور العطر .. والمشاركه الطيبه ..
دمتم لنا بالف صحه وخير ..

الكناري الازرق ..
هلا بك خيووو ..
وكويس انك ماتعلمتها .. لانها ادمان .. مع اني مثلك ادربي راسي بس اشوف اللي
تعلموها ادمنوا عليها .. وبعدين عز نفسك .. لانهم بيعلمونك كتكملة عدد .. بلاش منها ..
على قولتهم بتصير لاعب طوارئ ..

ومن رأيك .. اذا بيسببون مشاكل في الطبخ والنفخ بلاش بعد منه ..
اهم شي البطن .. الله لا يخلين ..
اشكرك اخوي الكناري الازرق على المرور العطر والمشاركه الطيبه ..
دمت بالف صحه وخير ..

عــز الهلال
هلا بعز الهــلال .. شاعر البلوت .. وعاشق فريق الحوت ..
والله انا معك .. خلك كذا مادامك ماتعلمت مثلي .. بس علق على اللي ينهزمون ترا وناسه ..
والكيرم عشقي الاول والاخير .. واحسن وقت لما تدخل ام خمسين <ياقدمك بعد ..
ولك الف شكر على المرور العطر والمشاركه برأيك ..
دمت لنا بخير ..

ولد وايل ..
هلا وغلا بهلالي سمعاً وطاعه <<معزم ع القديم ..
والله تخيلت كلامك بس معاد استوعبت .. يوووووووه انواع السب بينهم ..
وانت عاد باين انك حرّيف .. بس احيانا يتفقع وجهك ..
المهم اشكرك على المرور العطر .. والمشاركه لاظريفه الحلوه ..
بس بيع ماراح ابيع الا بـ زياده 35 ألف ..
ولك الشكر .. ودمت بخير .. ياسعّودي ..

هلالي الظهران ..
هلا بالغلا الحاضر الغايب ..
ماتقولي وينك .. مخنفي لاحس ولا خبر.. ماغير هجهجه في هالظهران !!
والله من خلال الفوائد اللي ذكرت عرفت ان البلوت ماوراها اللي الخرطي ..
احسن فائده انك تهمز رجول الوالده . . فايده انما ايه .. والباقي كثر لي منها ..
اللي بتتعرف عليهم مصبرين من المقهى الجلسه خخخخخ

.. عموماً مشاركه حلوه .. اشكرك على المرور والمشاركه ..
دمت لنا بخير ..

لميس الهلاليه ..
هلا فيك اختي لميس ..
والله مشكله اذا حتى اللعب مايخليكم تنسون الاسواق .. هذي مشكله ..
بس اتوقع حتى لو لعبتوا اول ماتنتهون بتروحون بعد ..
ويعني حنا يالاولاد الضحيه .. فينا فينا .. الله يكون في عوننا بس ..
ومادام ان السوالف احلى واسهل لك خلك عليها .. لان البلوت ادمان ..
ولك الف شكر اختي على المرور العطر والمشاركه ..
دمتي لنا بخير

تغريد ..هلا فيك اختي تغريد ..
اجل خلك مرتاحه ولا تعوري راسك وراس اللي بيعلمك .. كذا اريح لك ..
وعلى فكره هذا السؤال اللي قلتي معقدك مار علي العام الماضي في مادة الاحصاء ..
وانا مثلك متعقد منه .. بس الحمد لله عديت .. واتفق معك الكيرم غير ..
لك الف شكر على المرور العطر ..
ودمتي بخير

ولكم ارق التحايا

مالكه السعوديه · #33 09/11/2006, 12:13 PM

يلكلاسيكي انا مستعده اتعلمها

وعلا سالفه السوق انا ماالف كل الاسواق بس احب الاسواق عشان بس كذا احبها مو عشان الملابس بس كذا احبها يمكن عشاني مااحب اقعد في البيت بس

~بنت الزعيم~ · #34 10/11/2006, 02:20 AM

وعليكم السلام ورحمه الله وبركاته
اهلا وسهلا بك اخي الكلاسيكي

البلوت لعبه قد تكون مسليه ومحببه لمن يلعبها
ولكن ليس في جميع الاوقات وينسى اموره الحياتيه والدينيه ايضاً
اعتقد بان كل شي له حد والشي اذا زاد عن حده ينقلب ضده
صح انها لها فوائد وانت ذكرتها بس انا احس الشباب لو لعبوها ينسون نفسهم
وعلى ذكر البلوت انا كنت اسمع عنها ولا اعرف كيف يلعبونها
جاء اخوي ذاك الليله وقالي تعالي تلعبين معي بلوت<< بيخربني
قلت له ما اعرف<< بريئه
قال لي عادي اعلمك وقعد يفهمني ويفهمني لين ما راح كل ابو الليله بالتعليم
وانــا ميـــح ما فهمت والله ولا شي وهو ما استفاد شي
اللعبه معقده وما اعتقد البنات بقبلون عليها البنات يحبون الاونو <<خبره
احسها تصلح للشباب اكثر من البنات

ومشكور اخوي على ابداعك المتواصل بمواضيعك القيمه
خالص التحيه لك

عاشقه الوطن · #35 10/11/2006, 04:46 AM

8
8
مستغربه الرد

الكلاسيكي
أعذرني كلامي بيكون مكرر
يعني كوتيل الردود إللي قبل << فماله داعي أعيد
ويعطيك العافيه على هالطرح
<< حاسه كأنكم متبهذلين من الأسواق

وسوري على هالرد بس ممسكه معاي لازم أرد
خربت كم موضووع برد زي كذا بس أستحملوا معليش

abu_riman · #36 10/11/2006, 02:18 PM

متى آخر مرة لعبت بلوت ؟!
تصدق والله ما أذكر !

إذا هو لمجرد التغيير و ما يشغل عن أهم أعتقد .. لكن ما أدري عن الناحية الشرعية ؟!

" يجينا شايب في المجلس عمره فوق الستين إذا لعبنا معه و بقى مع كل واحد فينا ثلاث ورقات علمنا عن الورق اللي بيدينا !
غالباً غالباً صح أما إذا باقي مع كل واحد ورقتين فوالله يعلمنا عنها "

شكراً عادل ..

الكلاسيكي · #37 11/11/2006, 02:01 PM

مالكه السعوديه
طيب اوكي تعلمي .. ومو لازم تروحي الاسواق علشان تغيري جو روحي
نادي رياضي او زي كذا يعني استفيدي ..
ومشكوراه اختي على المرور العطر ..

بنت الزعيم ..
اتفق معك ان الشي اذا زاد عن حده انقلب ضده ..
بس الوسطيه في الشي هي الافضل . .
واشوف ان كل البنات مادحين الاونو .. بس انتس ماقلتي بعد الكيرم ..
وهي صح للشباب محبوبه للشباب بس فيه بنات ماشاء الله حريفات ..
وكويس انك ماتعلمتيها لانها بتشغلك .. ان شاء الله بس ماتكوني من اللي كل يوم في اسواق ..
عموماً .. لك الشكر على المرور العطر والمشاركه ..
دمت بخير ..

عاشقة الوطن
]لك الف شكر على المرور العطر .. وتشريفك يكفي ..
دمتي لنا بخير ..

أبو ريمان ..
هلا ابو ريمان .. يعني اول خطير فيها ..
واتفق معك ان الشياب خطيرين فيها .. ولهم صولات وجولات فيها ..
والناحيه الشرعيه سمعت بانها اذا لم تشغل الشخص عن واجباته
الدينيه والحياتيه فهي جائزه .. وبشرط ان لاتختلط بالقمار ..

لك الشكر على المرور العطر والمشاركه ..

مقدر الهلال · #38 11/11/2006, 03:18 PM

آخ يالـــــــــــــبــــــــــــــــــلوت بس

ازين مافي البلوت تشوف زملائك متحمسين وياخذنا الجو الرائع
وتسلم يالكلاسيكي على الموضوع الرائع

مالكه السعوديه · #39 11/11/2006, 06:32 PM

هههههه يلكلاسيكي

شدعوه انااروح نادي(القولدز قيم) وسوق في نفس الوقت يلا علمني

ياما وياما · #40 12/11/2006, 02:36 PM

والله ياناس ياعالم البلوت فللللللللللللللللللللللللللللللله بمعنى الكلمه
وبعدين فيها منافسه وتشغل مخك وتخليك تحسب ألف حساب،،،

بس عندي سؤال مطير وشرة راسي......!!!!!!
من اللي مخترع البلوت......؟؟؟؟
والله أمنيه أعرف منهو....؟؟؟؟