بسم الله الرحمن الرحيم


اي والله سرقني مجرماً يوم الخميس , كنت في شارع العروبه قاعد اكلم واحد من الزملاء بالجوال فجأه حسيت جوالي يتحرك من يدي بقوه الى مانسحب والا واحد ماخذجوالي وراح للسياره كان معاهم كامري سماوي فيها ثلاثة اشخاص واول ماتحركوا آخذ موتري ووراهم وراهم وافيه اشاره الا قطعتها ومافيه مخالفه الا خالفتها والل وانا قاعد الحقهم واحلى سفتي وراي وانا لازلت ورى الكامري وصعبه اماطل بالمرور واوقف وطبعاً الكامري ماشفنا الا غبارها ولاادري عنهم ونزلت وبدون تفاهم راعي الشرطه قالي يله على الحجز .. يابن الحلال خلني افهمك السالفه قالي: فهمني في القسم ونروح للقسم يوم وصلنا حطوني في التوقيف لمدة يوم وطلعت بكفاله وطبعاً قلت للضابط السالفه كلها لكن طلع رده قاسي قالي: ( مزدي فيك ) مادامك لاحقته وقطعت اشارتين وفي شوارع مهمه لو انك رايح لاقرب مركز شرطه وبلغت كانت انت مرتاح من البهذله اللي انت فيها الحين .. اي والله انه صادق ياليتني مالحقتهم .. واقولكم ايها بصراحه يوم الخميس والجمعه من اسوء ايام حياتي..



حسيت اني غلطان يوم رحت وراهم وهدفي من طرح قصتي آخذ آرائكم من تصرفي هل كان صح او خطأ ؟؟

واللي صار له موقف مثل كذا ياليت يذكره علشان نضحك

بالعكس تصرفك تمام
بس لو انك تعرف اللوحة صح لا تطرد وراهم
اما كذا على عماها بتبلغ مافيه امل يحصلونهم
لانه ماكثر الكوامري اللي في الرياض

اما سالفتي انا ياطويل العمر
كان معي كامري 2000 وكانت نظيفة
المهم كنت في الشقة عند ربع لي
مادرينا الانسمع صوت قبعة
نزلنا على طول الا موتري الشنطة رايحة في الرحلة
واقز لوحة اللي قبعني لان موتره بعد ماقبعني بالملعنة يمشي
واروح ابلغ

لي سنتين وانا اطارد ورا ذي الاقسام
واعطيهم رقم اللوحة
لاكن ماعندك احد ماجابوه مع اني معطيهم رقم اللوحة
جيت بصلح الموتر قالوا لي بــ10000 تكلف!!!!!!
واروح ابيعه بالتشليح بــ 12000
والى اللحين وانا ادعي عليه ليل نهار

إقتباس الرسالة الأصلية كتبت بواسطة ابوندى الهلالي بالعكس تصرفك تمام بس لو انك تعرف اللوحة صح لا تطرد وراهم اما كذا على عماها بتبلغ مافيه امل يحصلونهم لانه ماكثر الكوامري اللي في الرياض اما سالفتي انا ياطويل العمر كان معي كامري 2000 وكانت نظيفة المهم كنت في الشقة عند ربع لي مادرينا الانسمع صوت قبعة نزلنا على طول الا موتري الشنطة رايحة في الرحلة واقز لوحة اللي قبعني لان موتره بعد ماقبعني بالملعنة يمشي واروح ابلغ لي سنتين وانا اطارد ورا ذي الاقسام واعطيهم رقم اللوحة لاكن ماعندك احد ماجابوه مع اني معطيهم رقم اللوحة جيت بصلح الموتر قالوا لي بــ10000 تكلف!!!!!! واروح ابيعه بالتشليح بــ 12000 والى اللحين وانا ادعي عليه ليل نهار

والله انك صادق يابو ندى تقعد تطارد ورى هالشرطه الى ماربك يفرجها

إقتباس الرسالة الأصلية كتبت بواسطة ماجد مقبل هلا بك اخوي الغالي مقدر الهلال ... احسن الله عزائك في جوالك ... عليه العوض ومنه العوض ... بصراحة ماتنلام والقهر يسوي اكثر من هيك .. اما انك اذا بلغت عنهم فمنت محصل لا حق ولا بطال ... وافضل شي في هذه الحالة انك تقول ... ((حسبنا الله ونعم الوكيل )) لكن عسى جوالك ماهو غالي واجد دمت بخير اخي الحبيب ابو ليان سلااامي ,,,

جزاك الله خير والله جاني قهر غير طبيعي انا مانقهرت الا من سحبت الجوال قدام الله وخلقه

وابشرك الجوال n 73 شاريه ب1835

يابن الحلال وسع صدرك المرور هذولي على مزاجهم الله يدمر كل حاقد وظالم

ياهلا والله باخونا الغالي ابوليان

وينك ياخوي من كم يوم ماشفناااك ؟... ايه صح في التوقيف


ياخي اشتقنا لك والله

>>> الله لايعيده جوال اللي يحرمنا منك<<<<


المهم ماعلينا

اهم شي سلامتك يالغالي عقب هالمطارده ;)

اما على طاري تصرفك والله بيني وبينك لو كنت مكانك ان كان سويت مثلك واردى بعد


انا ابقولك قصة واحد يمكن تخفف من معاناتك شوي

هذا الله يسلمك واحد يكلم بجواله مثلك ... المهم ذا الرجال ابو40 (ابو عيال) جاه واحد من الشباب قال الله لايهينك جوالك ودي اكلم اشوي ... مارد عليه اللي يكلم (ابو40 سنه ) ... مادرى الا وجواله يطلع من بين ايديه ..

ويقوم الرجال ( ابو40 سنه )ويلحقه رجليه ومن شارع الى شارع الين تعبوا يوم قرب له ... وابو الشباب والحرامي تعبو من الركض جاء فاعل خير يوم سمع ابو الشبااب يقول امسكوا ذا الحرامي ويجيك مهدي ويقول وين الحرامي ... ويشر لم الحرامي ويقول هذاا ...قال ابو الشبااب ايه ويروح لمه راعي السياره وابو الشباب يوم شافهم رايحين لمه خفف سرعته (قال انهم ان شاء الله يمسكونه ) ويجون جنبه ويفتحون له الباب ويركب وينحاااشون




(للمعلوميه ابو الشباب اللي عمره 40 ترا تقريبي لبيااان انه كبير في السن (


وسلام عليكم

يعطيك العافيه اخوي والله يعوضك خير ان شاء الله

فيه سالفة صارت لواحد من الشباب

يقول كنت امشي في الحارة الا وجاني كم واحد وقالولي يابو الشباب طلع جوالك

يقول انا طلعته ورميته على طول في بيت جيراننا اهم شي انهم مايسرقونه حتى لو تكسر قطعه قطعه

يقول بعد مارميته في البيت الجيران جاني طق الله لا يوريكم خخخخخخخخخخ

وبعدها يقول طقيت على الجيران واخذت جوالي..

اسف عالاطالة ولكم خالص تحياتي،،،

إقتباس الرسالة الأصلية كتبت بواسطة عابر القارات بالريوس يابن الحلال وسع صدرك المرور هذولي على مزاجهم الله يدمر كل حاقد وظالم

اي والله عليهم مزاج مدري وش يبي

إقتباس الرسالة الأصلية كتبت بواسطة سهل الحمد لله على السلامه وطالع من الشر ورى ما قلت لنا نجيب لك بخاري الله يعوض عليك بجوالك وخطأ كبير قيامك بمطاردة هؤلاء العابثين المستهترين الزم ما عليك صحتك وروحك ولا يمكنك بأن تتنبأ بما سيفعلونه قد يتوقفون ويتمشكلون معك وقد تتعرض للضرب او غيره وانت في غني اهم شئ ن تأخذ رقم لوحة السياره والشرطه لديهم من البلاغات الشئ الكثير ومتى ما وقعوا في قبضتهم سيعترفون بالمسروقات انتبه على نفسك ولا تتعودها .. كم مقدر عندنا واحد الله يحفظه

اي والله انت صادق اخوي سهل بس اللحظه اللي انسرق جوالي فيها فقدت اعصابي
والله يعوض

إقتباس الرسالة الأصلية كتبت بواسطة البارق الشكوى لغير الله مذلة ..!! والله يا أخوي أعتبر تصرفك غير سليم لكن في حالة إنك مروق وجالس عند مكيف يعني في ذيك اللحظة ما راح تستمع لرأي العقل ..لأن اللي سووه شيء يقهر من قلب .. صادق سهل .. ألزم ما عليك صحتك في حالة إن جوالك طار ..!! ------------ بالنسبة للسرقات ..والله يا أخوي أكثر من مرة سمعت مثل هالخبر جوال يسرق من واحد وهو يكلم فيه !!! وثاني سرق من الطاولة اللي جالس فيها في محل كوفي شوب قدام الله وخلقه ..!! غالبا .. تكون السيارة مسروقة ..وإنسى موضوع إنهم يجيبونهم الشرطة !!! لذلك الشكوى لغير الله مذلة مثل ما قالت قبل شوي .. يعني مسروق وحجزوك ..والله قمة القهر !!! لكن عاد وش نسوي هذي الشرطة جودها على الضعيف واللي ياقف !!! أما مسألة إنهم ماهوب عارفينه ولا يدرون منهو ..بسأل : لو كان أحد المطلوبين أو أحد الإرهابيين ما راح يجيبونه ؟!! مانيب أقلل من أهمية مسكل المطلوبين أمنياً لكن أبي الشرطة ما ينسون بعد إن سرقة السيارات والجوالات إخلال في الأمن ..والحين بصراحة صارت الرياض تخوف !!! يعني معك فورد تأكد إن السيارة بتكسر قزازتها وبتنسرق ..!!! معك جوال ما أظن يكمل شهر ويروح !!! معني ما فيه حل ؟!! معليش أخوي طولت بالكلام لكن والله شاركتك الشعور .. وما قهرني إلا الضابط يوم يقول ( مزدي فيك ) يعني عاقبني بس عاد بدون استهتار وخصوصا وأنا في الحالة ذي ..!! الله يعينك ويعوضك خير ونصيحة خل معك جوال الرهيب عشان ما ينسرق .. تحياتي لك ،،،

خلها على ربك وانا اخوك عادة السرق صارت عاده عندنا ومسالة جوال الرهيب شكلها بنسري عليه

إقتباس الرسالة الأصلية كتبت بواسطة الهلال موتي أخي الغـــالي ... انا لا أعتبــر تصرفك خــاطىء ( في تلك اللحظه ) .. أنت ما فكرت ( بعقل ) .. وكـُـل همك كـان ( التلفون ) .. ! ما تنــلام .. لكن لو كـان في أحد معكـ كـان يمكن ( يفكر صح ) .. ويقول لك باللي كـان لازم تسويه .. الف حمدلله على سـلامتكـ .. وعظم الله أجرك في جوالكـ ..

الله يسلمك يالغالي وجزاك الله خير

مانقول الا حسبنا الله ونعم الوكيل

إقتباس الرسالة الأصلية كتبت بواسطة ღكلي هلاليღ طيب ونقول انك رحت لمركز الشرطه وش بتقول لهم؟! بتقول كامري سماويه بس!! لو قلت لهم ماراح يجيبون لك الحراميه اللي سويته صح لو أنا بمكانك طردتهم حتى اذا كانت الدوريه وراي ... وسالفة الجوال صارت لي بس ماانسرق جوالي طبو علي خمس اشخاص وانا رايح المسجد وربي ضربوني ضرب بس الحمدلله ..الله معي...مااخذو مني الجوال <--ذيبان ... الله يعوضك بجوال ثاني

هلا اخوي كلي هلالي ياخوي قنصت اللوحه وعطيتهم البينات لكن دون فائده
الحمدلله على سلامتك انا اشهد انك ذيب

إقتباس الرسالة الأصلية كتبت بواسطة الكــلاسيكي اهلا بامقدر .. اخوي والله سرقة الجوالات عينك عينك .. صارت زي شرب الماء .. بس انت غلطان .. لان المفروض انك تاخذ رم اللوحه ووتبلغ عليه .. لانك الحين دخلت التوقيف وخسرت الجوال .. ولا استفدت شي .. عموماً الله يخلف لك جوال .. ولك ارق التحايا .. دمت بخير

اي والله انك صدقت يابو كلاسك والله خذيتها وصدقت ماستفدت ولا شي

إقتباس الرسالة الأصلية كتبت بواسطة هلاليه سنعه تصرفك طبيعي .. والجوال عليه العوض ومنه العووض .. ياكثر سراقين الجوالات لا وانتشرو بالاسواق .. امي وخالتي انسرقت جوالاتهم بدون مايحسوون الله يصلحهم يمونوون حاطينهن فووق طاولة المحل وقاعدين يتفرجون على الملابس وبلمح البصر اختفن ..فص وملح وداب ولا من شاف ولا من دري .. انت لحقت الحرميه لكن هن مايدروون من اللي سرقهن .. حسبي الله على كل من تسوول له نفسه السرقه

شاكر لك على المواساة والله الحراميه صاروا مايستحوون حتى الحريم يسرقون منهم

وعلى الله العوض