الهلالvsالاتشاد * محمد الهلالي بطل حركات البايخه (( عوده للبربسه من جديد )) - صفحة رقم 2 - نادي الهلال السعودي - شبكة الزعيم

maanmaan · #1 29/10/2006, 09:39 AM

من العايدين الفايزين ان شاء الله وكل عام وانتم بخير

بابداء ببيتين شعر من تأليفي على لسان لاعب هلالي للاعب اتشادي

لاتطري التحدي وانت عزمك ضعيف

والوعد الميدان كانك قدها

انا لعبي مهاره وفن ماله وصيف

وانت لعبك كله هاتها وردها

صح لساني

اليوم

اليوم

ومباراة تحمل في طياتها الكثير

هي في الحقيقه لاتعدوا كونها مباراة دوريه اي مباراة من ثلاث نقاط

ولاكن المباراة مع المنافس الحقيقي لنا

هي ليست مع الفيصلي او النصر او الحزم يعني الانديه الضعيفه

هي مع الاتحاد

نادي مهما اختلفنا معهم فنعترف بقوته وامكاناته الكبيره

ولاكن هو يقابل من

يقابل زعيم الانديه الاسيويه
يقابل فرقة الرعب الزرقاء
يقابل كتيبة الاعدام الهلاليه

فموعدنا الليله والفوز بإذن رب السماوات والأراضين مجير لصالح زعيمنا

المهم تراي طفشت من الفصحى

يقولون ان النصراويين متأذين من الهلالي محمد أو محمد الهلالي

والله مالك داعي يابو حميد برضوا ذولي اوادم

يعني كل يومين طالع لي بموضوع يوديهم للعنايه المركزه

ماتخاف الله فيهم

ياخي ارفق شوي خلها كل اسبوع موضوع

والله من جد صاروا يهذرون ويحلمون بك

صاروا يدققون في اخطاء الحكام اللي لصالحهم اكثر من اللي ضدهم

عشان اذا قروا موضوع لك قالوا قديمه دارين ان الحكم ذا مجاملنا

بس ولو والله اني مستانس معد اتعب زي اول وانا اتجادل مع النصراويين الحين اذا بغيت اتهاوش انا وياه اعطيه كم رابط لمواضيعك واريح لساني

مع اني ما احب جريدة الرياضيه ولا اقدر اقراها واجد لاكن اعجبني مقال للكاتب سعد المطرفي

ذاك اللي يجي في اخر صفحه اقروه وبتعرفون ليه اعجبني مشوار اكتبه لكم

في الصميم

* القناة الرياضيه بتنقل مباراة الهلال والاتحاد

تبغون الصدق ماتوقعت انها بتنقلها يعني متوقع يجيبون مباراة الهند وبنقلاديش عام 1945 مسجلة لا والتعليق هندي

* برضوا في القناة الرياضيه

سمعت ان بتال القوس بيرجع للقناة

والله ان كانه صدق فالله يعين يعني بنرجع نناظر القناة لمدة ساعه وحده اسبوعياً وبعدين بنحذفها

* يقول واحد ثقه ويشتغل بالقناة الرياضيه ان بتال بيرجع بفكره جديده لاكن وش الله العالم

* ديل بييرو سجل الهدف رقم 200 مع اليوفي والله ونعم القائد دل دل

وبإذن الله راجعين راجعين

وبهذي المناسبه اقول للأنتر افرحوا بذا الموسم لانكم بتكون عشر مواسم قدام تتفرجون على اليوفي

* يقولون الانتر فاز على الميلان :sad:

والله دنيا الحين الميلان يخسر من الانتر

هزلت والله بس افرح يبو سعد اليوفي مهوب فيه انت وخشتك ولا الحين ماشفناك طاب الاستراحه

على العموم ياشباب تراي زهقت وانا اكتب

والمدير يبيني وانا ساحب عليه

بس اللي ماعنده شغل ولا فيه ظروف تمنعه انه يحظر تكفون احظروا

بلا حركات زوله (( يعني سودانيين لغير الناطقين باللغه العربيه )) مشوار وقلق وازعاج وماني عارف ايش

احظروا وخل عنكم الحركات اللي مالها داعي

ولا بكره تبونهم يقولن ان جماهير الفقر ازين مننا

والله معصي

طيب طيب

جاي الحين

<=== ( قاعد اكلم المدير )

يالله فتكوا بعافيه