بسم الله الرحمن الرحيم

السلام عليكم ورحمة الله وبركاته


ايها الاخوة الاعضاء اهلا وسهلا بكم في برنامج....وش تبغى تصير يا شاطر

في هذا البرنامج نقابل المواهب الصغيرة لنسالهم عن طموحاتهم

بداية ....نبدا معك يا شاطر ....
وش اسمك
اسمي برهوم الطاغية

في اي صف يا برهومي
سادس عبتدائي

قصدك ابتدائي....طيب وش تبغى تصير لا كبرت
ابغى اصير بدي قرد مثل جيليت لي

قصدك بودي قارد مثل جت لي....طيب عند نشيدة
انا في الروضة...و ايا اصحابي....ساعة اللعب و ساعة كتابي

شاطر.....طيب نشوف الولد الشاطر العاقل هذا
اش اسمك يا بابا
..........

عندك نشيدة
..........

الظاهر ما يبغى يتكلم.....نشوف الولد هذا
اش اسمك يا ولد
ولد في عينك.....انا اسمي عاشق النمر....يعيش النمر....و سام ستة...اموت في الهلال...ياروحي يا الدعيع...اروح انا يا شيخ.............

طيب خلاص...في اي صف
رابع بس ابوي يقول بنشوف لك واسطة عشان تصير عسكري

طيب انت تبغى تصير عسكري
ايه....ابغى اصير عسكري زي اللي اشوفهم في الشارع....

طيب شكرا....نشوف البنت هذي
اش اسمك
الوسال ((لاحظ الصاد صار سين))

في اي صف
اولى ابتدائي

اش تبغي تصيري لما تكبري
بابا يقول دكتورة...و ماما تقول ابله مثل المس اللي تدرسنا فرنسي

ما شاء الله....تدرسي فرنسي...طيب سمعينا نشيدة بالفرنسي
ميتغا و مغاتو...غكبوا البيجو....جنبيهم غينو....بنجوغ...بنسواغ...مسيو دانسيه فمو غيه

الله...حلوة شكرا يا وصال

نشوف الولد هذا...اش اسمك
جار القمر

اسمك حلو ....انت اسمك جار و ابوك القمر؟؟؟
اقول احترم نفسك ولا تغلط على الوالد ...كل شي الا ابوي...لا رفسك

طيب يا بابا...خلاص...لطيف جار القمر...طيب وش تبغى تصير لما تكبر
و انت وش دخلك...اصلا ابوي يقول لا تكلم اللي ما تعرفه...يمكن معاه حشيش و الا بلوة يبليك فيها...انت وش معاك...و الله شكلك ما يطمن

طيب خلاص...اف الشرهة موب عليك...نشوف غيره اعزائي المشاهدين
اش اسمك يا شاطر
الصبحي...ليه؟؟

ابد يا بابا ....بس نبي نسوي معاك مقابلة ونسالك سوال بسيط
طيب وش الجايزة؟؟؟

اي جايزة يا ابو الشباب...وش قالوا لك من سيربح المليون
نبي نسالك وش تبي تصير لا كبرت
ابغى اصير ذكي...عشان افوز اذا رحت عند جورج قرد احي

هههههههه....طيب نشوف غيره

اش اسمك يا شاطر
اسمي الاسطورة......اي خدمة لك يالحبيب

ابد سلامتك بس بغيت اعرف وش تبي تصير لا كبرت
ابي اصير مدير في الزعيم....و اذا بغيت خدمة و الا شيء قلي بس

يابن الحلال ما ابي شيء...نشوف غيرك بس

اش اسمك يا شاطر
ايوة....انا اسمي تلال ((لاحظ اللهجة ....ط ___>ت))

في اي صف
رابع....اش دخل اهلك

ابد يا بابا بس وش تبغى تصير اذا كبرت
اش قصدك انت هاه...يعني انا صغير...و الله لاعلم عليك ستي تجي تضربك...بلا ف شكلك

يا حبيبي لا تفهم غلط ولا تزعل انا بس ابغى اعرف طموحك
طموحك؟؟؟((ما فهم الكلمة)) احترم نفسك و بلا كلام وسخ..بلا ف شكلك

يا حبيبي يعني وش ودك تصير اذا توظفت
قول كذا من الصبح...بلا ف شكلك...انا ابغى اصير طيار..و الا اقولك بحار عشان عندنا بحر في جدة و الا اقولك مطرب زي محمد عبده اللي عندنا والا اقلك ابغى اصير زيك كذا
داشر يعني اتمشى في الشوارع و القح جتتي على خلق الله

داشر...الله يسامحك نشوف غيره

اش اسمك يا شاطر
انا اسمي الاسير الهلالي

وش تبغى تصير لا كبرت يا شاطر
ابغى اصير شاعر مثل خلف بن هذال

شاعر ...طيب عندك قصيدة يا شاعرنا
ايه عندي
يقول الشاعر
ارنب نط...جاب لي خط من يقراه..انا اقراه سبع سنين ما انساه


شاطر ....




ايها السيدات و السادة
بهذا نصل الى ختام حلقة اليوم

بالرغم من اننا كنا ننوي استضافة مواهب اخرى مثل جاج الداج و ابو سليمان و الشايب فهد

الا انهم رفضوا بحجة انهم شيبان على مثل هذه البرامج
نراكم في حلقة قادمة و السلام عليكم ورحمة الله وبركاته

عبود السليم
طش ام طش
ابتدائية الطاغية لمتد



هذا الموضوع للدعابة ليس الا...ترى ما باعرف انام و الله لو احد زعل مني