على قولتكم مافي الا سامي وانا تاركيني على جنب ما حد يتكلم علي قال ايه قال سامي؟؟
شباب انا اتوقع انو بعد كم يوم بيقولون انو سامي اهو اسامة بن لادن بس متنكر
على العموم خلينا من السياسة؟؟
انا بقولكم قصة..
كان يا مكان في قديم الزمان؟؟
يالله بتكلم جد:
اتدكر انو بعد مبارتنا مع الاتحاد دخلت الفصل وباركت للبنات قالو ليش؟؟
قلت لهم الهلال فاز ومن داك اليوم والبنات ماينادوني الا الهلالية المهم لما فاز الاهلي علينا في النهائي دخلت الفصل ولا سلمت على البنات فالبنات استغربو ليش ما تكلمت؟؟
قالت لي وحدة شفيك يا ريد؟؟{ اكيد في الفصل تناديني باسمي بس حنا الحين في الانترنت}
قلت لها لا ولا شي بس ضاع علينا الكاس قالت لا ولا يهمك يتعوض مع انها ما تحب الكورة ولا تعرف شنو الهلال او الاهلي..
وبشوي دخلت وحدة تقول بنات مبروك مبروك قلت لها ليش؟؟
قالت الهلال خسر؟؟انا اتفاجئت ؟؟على علمي في السنة الماضية انها ما تحب الكورة؟
قلت لها مبروك يا الاهلاوي لاني توقعت دام انها فرحانة بخسارة الهلال اكيد اهي اهلاوية ..
قالت لي ومنو قال اني اهلاوية ؟؟
قلت لها اجل شنو؟؟
قالت انا نصراوية؟؟
انا عصبت بس مسكت اعصابي وقلت يا الله نصراوية ناخدها على قد عقلها
قلت لها وانتي بعد مبروك على خسارة النصر من الاهلي؟؟
سكتت ولا عرفت شتقول؟؟
وفجاءة قالت لي؟؟
روحي عني انتي ولاعبكم الغبي سامي الجابر ؟؟
انا في ديك الحزة وصلت حدي من الصبر خسارة كاس غالي وكان المنتخب يتخبط خلاص كملت وتجي هاذي ترفع ضغطي؟؟
قلت لها ليش سامي مو عاجبش؟؟على العموم انا ما ارد على المتعصبين مثلك؟؟{ اعجبكم انا}
قالت لي اصلا اهو مايعرف شنو الكورة واهو يلعب بس عشان الفلوس وانو دايم ياخد كروت لانو دايم يخانق في الملعب؟؟
قلتها هاي هاي وين قاعدين حنا ليش تصارخين حبيبتي تبي تحبين النصر حبية كيفش انتي مع ناديش اما انك تسبين الذيب لا عيوني انا ما ارضاها
وخديت كتابي وطلعت من الصف لاني خفت ارتكب فيها جريمة بس الله ستر وقفتني وقالت:
انا اصلا ماشجعت النصر الا لاني ما احب سامي ؟؟
{ شفتو كيف عقلياتهم}
قلت لها انااولا سامي مو محتاج لحبش او كرهش وثانيا بسالش سؤال منو من لاعبينكم معانا في المنتخب؟؟
اقولكم صار وجها احمر مثل الطماطم ولا عرفت تتكلم مسكينة تفاجئت بسؤال وقالت لي لا تغيرين الموضع؟؟
قلت لها انا ما غيرت الموضوع انتي اللي قاعدة تتهربين من السؤال
اذا انتي فعلا نصراوية جاوبيني؟؟
قالت:
وانا شعرفني؟؟
شفتو كيف انو في ناس تنحب بس عشان انها تكرة شخص واحد؟؟
يعني مسكينة مو اسمها محبة النصر اسمها كاره الذيب؟؟

ادري طولت بس هذا مثال على انو سامي حتى في مدارس البنات يكون موضوع حوار؟؟وخناقات بعد؟؟

مع تحياتي اختكم:
redheart