هلالي القرعاء

السـلامـ عليكـمـ ورحمة الله وبركاته ..

صباح المسك والعنبر يا أعضــاء منتدانا الغالي ..

قبل كل شيء ..

رسالة عامة لـ جميع الأعضــاء: كل عامـ وأنتم بـ خير وصحة وعافية ..

من العايدين الفايزين ..

راااح شهر رمضان بـ سرعه ..

قبل فترة نهني بعض بـ دخول شهر رمضان والحين حان وقت الفراق ..

لا تنسون الـ 6 أيام من شوال ..

أحسن شي الواحد يصومها بدري لأنه يكون متعود على الصيام ..

بس مب يجي أحد يصوم أول أيام العيد



بعد هـ المقدمه اللي أتعقد منها دايم ..

ندخل في اليوميات ..

اليوم كما تعرفون يبدأ من الساعه 12 ..

الساعه 12 كنت نايم .. على غير العادة ..

نومتي كانت من 9 بالليل .. مرورًا بـ 12 ووقوفـًا عند الساعه الـ خامسه الا عشر صباحًا ..



شفت الساعه .. قلت زين توهـ ما أذن ..
أروح أشرب لي كاس ماء قبل الآذان .. بدون لا سحور ولا فطور حتى ..
لأني أول ماأذن المغرب يوم الخميس أفطرت تمرتين وعلى الطيارة على طول .. وصلت جدة وغطيت في نومة مثل ماقلت لكم ..
عمومًا .. أذن الفجر وقد حان وقت الإمساك .. صليت بـ مسجدنا اللي جنبنا ورجعت للبيت ..
ما أدري أنام عشان أقوم لـ صلاة الجمعة أو أجلس إلى وقت الصلاة أو ... أو ... أو ... قلت أجلس أزين ..
لأني خزنت نوم مرهـ .. جلست وبـ صراحه ما كان لي خلق أبد أبد أبد أبد أبد أبد .....إلخ .. الساعه وصلت إلى 6 ..
دخلت على النت -الزعيم - المجلس العام - يوميات الأعضاء اللي ما قريتها .. مرورًا بـ موضوع عزوز (بسم و باسم) ..
وصالح اللي مشتغل لنا مصحح إملائي وخذ تعديل بـ ردود الأعضاء .. ومواضيعهم .. ولا زال الطفش يتمسك وبـ شدة بي ..
الله يقلع أبليس .. الساعه وصلت لـ السابعة والنصف .. قمت قلت أبروح أشتري جرايد خل أشوف أخبار العالم .. رحت وأشتريت الرياضيه - الإقتصاديه - عكاظ .
فصفصتهن ولا زال الطفش (يتشبث) بي <<<خطيرة والله قمت توضيت ومسكت المصحف وجلست أقرا قرابة النصف ساعه وقمت رجعت عند النت ..



الساعه التاسعة الا ربع .. أهون شوي .. أخوي الصغير صاحي قلت أمش نلعب بلايستيشن .. قال يولانادا تبي تجي الحين الظاهر يقصد أفلام كرتون ..
قلت الشرهة على اللي يجي يقول لك ألعب .. وأروح وألعب ضد الكمبيوتر وبعد أول مباراة قفلت البلايستيشن ..
رجعت على النت ولقيت نايف الله يجزاهـ خير سولف علي وسولفت عليه وأستانست شوي ..

الساعه 11 تقريبًا قررت أنام .. باقي على الآذان شوي .. قلت يكفي الوقت ان شاء الله .. حطيت راسي ونمت شوي وأنا في عز نومتي أسمعهم محمد قم راحت الصلاة بـ صوت حاد وعالي كادت أن تكسّر جدران الغرفة <<<صيغة مبالغة ..
أخوكم قام للصلاة شغلت السيارة وأنتظرهـ تحتمي وهي مطوله .. قلت عمرك ماأحتميتي وأمشي (مشكلتي إذا عصبت ماأرحم)


وأمشي رحت صليت وأنا أنود (النوم لاعب بـ عيوني) رجعت البيت على طووووول على السرير .. نمت وقمت لـ صلاة العصر ..

صليت بعدين أخذت جوالي جلست أقرا رسايل العيد وأرسل لـ فلان وعلان .. وكانت الساعة قد قاربت الـ خامسة مساءًا .. وأنا جعت جدًا لأول مرهـ ..
وما أدري وش أسوي .. النت ماأحب أدخله العصر مالي خلق .. أروح أشوف السمبوسه وهم يسوونه .. قلت أسوي وحدة وأصورهـا وأحطها هنا في اليوميات ..
بعدين قلت لا هها بس وش سمبوسته اللي بـ سويها .. وأمسك مصحفي وأقرا لي ربع ساعه .. ولا زال الوقت مبكرًا على الآذان .. قلت أروح أنام شوي .. <<<مصخها مع النوم



وبالفعل نمت وجت أختي الصغيرة الساعه 5 ونص تقول قم جب فيمتو خلص وجب قشطة المراعي مافيه الا التاج وقيمر .. قلت أحمدي ربك مب لازم المراعي ولا تجين مرهـ ثانيه لا أوريك شغلك .. ياحليلي وأنا معصب
وصحيت قبل الآذان بـ ربع ساعه .. تربعت على السرير .. إلى وقت الآذان الساعه 6 أذن رحت أفطر .. الفطور: تمر - قشطة - قهوة - سمبوسة جبنة - سمبوسة لحم - وبيبسي وميرندا وشاني وتانج <<لعدم وجود الفيمتو ..
أفطرت رحنا نصلي المغرب .. رجعنا وأحط mbc ألقى حلقة طاش حقت هـ السنة .. غيرت القناة .. حطيت LBC نتظر حيلهم بينهم .. لقيت الصيرفي اللي تعامل بـ كل برود ولا تنرفز ..
وحطوا العشاء عاد سمبوسة - لقيمات - أصابع الدجاج <<هذا الأسم اللي أعرفه لها - شوربة ومشروبات .. بس ...

بعدين حطيت الراي شفت الإمبراتورة ..



خلصت وأذن العشاء رحت صليت ورجعت جلست أسولف مع الوالد والوالدة وأخوي وخالي .. ونسولف عن العيد وتجهيزات العيد ..
بعدين قلت لـ أخوي الصغير أمش نروح لـ الحلاق <<<يوم السعد عند أخوي ..
يحب الحلاق بـ شكل غير طبيعي رحنا جزرنا شعورنا وجيت أخذتلي دش وجلست عند التلفزيون شوي .. بعدين إتجهت إلى النت ... وسولفت مع العيال على الماسنجر ..
بعدين قلت أكتب يومي .. وهذا أنا جالس أكتبه .. تخلل هذهـ الكتابة بعض الوقفات الإضطرارية حيث إمتدت الكتابة إلى قرابة الساعتين مع الوقفات

لو تلاحظون كل الوجوهـ التعبيرية اللي حطيتها أو السمايلات هـ الإبتسامة ( ) السبب أني حاولت أحط أشياء بس ما قدرت ..
إذا ضغطت عليها ما تجي (وجه متنرفز وحواجبه حاكّه في خشمه)





في الأخير ..
كل الشكر لـ سندريلا على مجهوداتها ..
وآسف على الإطاله ان كنت طولت ..
وعلى الإختصار ان كنت أختصرت <<<ما الظاهر ..

والله يعطيكم العافيه جميعًا جميعًا ..

..
مصححين الإملاء .. لا تدققون الظاهر أني مكثـّر أخطاء ..

تحيتي



ـــــــــــــــــــــــــــــــــــــــــــ

الله يعطــيك العافية هلالي القـرعاء على اليوم الرائع والشيّق وزين ماشاء الله عليك وديت أخوك للحلاق استوعبتوا درس الزحمة

وتتواصل يوميات اعضائنا ولا ندري هل هو ختام يومياتنا اللتي أتمنى أن حازت على رضاكم وكنا فيها على الموعد معكم فهي منكم واليكم وغداً باءذن الله يوميات العضو الفعّال خفايا الهلال

يــــــــوم جميــــل ..

شُــكراً لك يالغـــــــــــالي لكتــابته لنـــا لنستمتع .. ..

وبإنتــظـــار يوم خفايا الهلال بفـــــارغ الصبــــــــر ....

شــــاكر لسنـــدريــــلا مجهوداتها ...

هلالي القرعاء وش هالنــوم خف على نفسك شوي منتب صاحي
خالفت توقعات نايف نمبر تو وخفايا يقولون انك بتاكل كثير

وحرام عليك روعت هالصغيره
وش ذنبها صارخ على الي قالو لها >>>محاوله للفساد وعق الوالدين

اما ببسي وشاني على الفطوور عليكم حركات
اعجبني اخوك الصغير جحدك اجل

يومك احس انه قصــير مرة كله نوووم طالع علي انتم مثلنا 24 ساعه

إقتباس وتتواصل يوميات اعضائنا ولا ندري هل هو ختام يومياتنا اللتي أتمنى أن حازت على رضاكم وكنا فيها على الموعد معكم فهي منكم واليكم وغداً باءذن الله يوميات العضو الفعّال خفايا الهلال

سبحان الله امس كنا نقرا يوميات سندريلا وبكره خفايا تجاوزنا 30 عضو بدون مانحس
ختامها مسك مع المتالق خفايا بالانتظار


احس اني بكرة بصيح على اخر يوم لليوميات

يوميات رااائعه مشكور أخوي......
هع هع هع


يوميات طغى عليها النوم هع هع هع....((وش الطاري صايره أعرابيه))هع هع هع

خخخخخخخخخ
هلالي القرعاء
النوم صاير عندك مثل المويه بعد كل ساعه غفوة
<<ودي بس بغفوة والله النوم مفارقني له كم يوم!!

عبدالرحمن ..

إقتباس اشتقنا لك يا نفر .. يومك جميل مثل خط كتابتك .. والوانك .. وتنسيقك

الشكر لـ سندريلا على جهودها الرائعه ..

أستاذة الذوق

ونحن كذلك مشتاقون .. الأجمل مرورك ..

إقتباس عُدت وكتبت لنا يومك ,, ما تمزح ابداً الله يعطيك العافيه والحمد لله على السلامه

الله يعافيك ..
و..
الله يسلمك ..

أنار الله دربك بالإيمان ..

.
.

أحـــــمـــــد ..

إقتباس يــــــــوم جميــــل .. شُــكراً لك يالغـــــــــــالي لكتــابته لنـــا لنستمتع .. .. وبإنتــظـــار يوم خفايا الهلال بفـــــارغ الصبــــــــر .... شــــاكر لسنـــدريــــلا مجهوداتها ...

الأجمل مرورك ..

العفو أخوي ..

إستمتعت بـ كلماتك ..

يعطيك العافيه

.
.

الهنوووف ..

إقتباس هلالي القرعاء وش هالنــوم خف على نفسك شوي منتب صاحي

وأسفاهـ ..
نوم غريب يستهويني في كل وقت ..
وبـ شكل غييييير طبيعي ..
والسبب غير معروف ..

إقتباس خالفت توقعات نايف نمبر تو وخفايا يقولون انك بتاكل كثير

آخر واحد يتكلم عن الأكل نايف ..

لأنه أستاذ في هذهـ الأشيــاء ..

أما عبدالرحمن .. كلامه عسل على قلبي ..

نايف تحس أني جحدتك !

إقتباس وحرام عليك روعت هالصغيره وش ذنبها صارخ على الي قالو لها >>>محاوله للفساد وعق الوالدين

لا الوالدين مالهم دخل ..

هي اللي تدبر وتحوس بالمطبخ تشوف وش ناقص وتجي تقول لي جبه ..

إقتباس اما ببسي وشاني على الفطوور عليكم حركات

البيبسي والشاني قام خالي يجيبهم ..

وهي أول مرهـ تصير بـ صراحه ..

من يوم عرفت الصيام .. لكن الأخ لازم يشرب شي بارد .. وبالتالي جاب اللي جابه ..

.
.

لـي
ع
و
د
هـ

ماشاء الله عليك نص يومك راح نوم

اما اخوك اللي سحب عليك خوش سحبه يعجبني

بس ماقلتلي كم صكوك الكمبيوتر والابلاش فضايح

إقتباس يوم رائع جداً وللأسف لن أرى يوم خفايا لأني بسافر

تروح وترجع بالسلامه ولاتنسى دعاء السفر ياخوك

هلالي القرعاء اختك اللي هي انا المصون مثلك اعز النوم معزه محد يتصورها



ابوي يقلي من كثر النوم لو تحسبين عمرك عدد الساعات اللي نمتيها اكثر من اللي جلستي فيها
يعني اكثر من نص عمري نووووووووووووم قولوا ما شاء الله


هههههههههههههههههههههههههه

يقولون لي البنات اني لا صار ونمتي ما تقومين ولا قمتي معد تنامين

فرجاء خاص قلل من نومك وسلفني ياخي عندي هالايام زحمه في الجدول وما صرت انام مثل قبل



عموما يومك من جد سريع وسلملي على اخوك الصغير يعجبني حلال



تحياتي

صـالــح

إقتباس يوم رائع جداً وللأسف لن أرى يوم خفايا لأني بسافر

لا ان شاء الله بـ تشوفها ..

.
.

وعد أنا هلاليه للأبد

إقتباس يوميات رااائعه مشكور أخوي...... هع هع هع

الأروع مرورك أختي ..
العفو ..

إقتباس يوميات طغى عليها النوم هع هع هع....((وش الطاري صايره أعرابيه))هع هع هع

نوم شفتات
هع هع
هع
يعطيك العافيه ..

.
.

صاحبة المجد الهلالي ..

إقتباس ماشاءالله ماقمت ابد

النوم ذبحنا .. وش نسوي عاد ..

إقتباس ياعمري يالاخوات المفروض يوم جتك اختك تقول جب توت طمرررت تجيب لهم

وراهـ جشيم على غفله <<<اقصد السواق

ياختي تقومني من نومتي وأنا في قمة جوعي عشان اجيب لهم فيمتو ..

صح انه شي اساسي مع الفطور .. لكن ندبر نفسنا بـ هاليوم

إقتباس يومياتك جداُ رائعه تسلم القرعاء

الأروع مرورك أختي ..

يعطيكِ العافيه ..

.
.

سوسو الهلاليه ..

إقتباس خخخخخخخخخ هلالي القرعاء النوم صاير عندك مثل المويه بعد كل ساعه غفوة <<ودي بس بغفوة والله النوم مفارقني له كم يوم!!

هلا سوسو ..

ماشاء الله ..

والله أني بالعادة اقعد ساعه اتقلب بالسرير عشان انام .. لكن هـ اليومين في شي متغير ..

لو عطيتك اللي فيني من نوم .. صدقيني بـ تنامين بالقليل 12 إلى 13 ساعه ..

أنورت هذهـ الصفحة بـ تواجدكِ سوسو ..

يعطيكِ العافيه ..

.
.

عنفوان الإبــ 15 ــداع ..

إقتباس ماشاء الله عليك نص يومك راح نوم

للأسف أيه

إقتباس اما اخوك اللي سحب عليك خوش سحبه يعجبني

خله بـ ردها له ان شاء الله .. شغله عندي

إقتباس بس ماقلتلي كم صكوك الكمبيوتر والابلاش فضايح

لا هيّن مايقدرون يفوزون .. بس فازوا بعد طرد لاعبين <<<<

يعطيك العافيه أخوي ..

..
.

الكلاسيكي ..

إقتباس هلا فيك خيووو هلالي القرعاء ... مشكله انت وانا اقول من شافط مني النوم .. اثاريه انت .. وكويس اخوك يحب الحلاق بعض الناس اللي عندي يقول بحلق القصه الفلانيه وعند الحلاق الفلاني <شفت التشرط .. كرم اخوك تراه نعمه .. وماشاء الله يومك رائع جداً .. دمت بخير

أهلين ..
هلا وغلا عادل ..
النوم سلطان .. أما عن أخوي الحمد لله تغير 180 درجة مع الحلاقين من كرهـ لـ حب ..
سبحان اللي يغير ومايتغير ..
الأروع مرورك .. حياك ربي ..

.
.

عاشقة البطولات ..

إقتباس هلالي القرعاء اختك اللي هي انا المصون مثلك اعز النوم معزه محد يتصورها

نعزهـ بـس بـ حدود المعقول ..

أنا اليوم بالذات فجرت رقم قياسي في النوم في رمضان ..

إقتباس ابوي يقلي من كثر النوم لو تحسبين عمرك عدد الساعات اللي نمتيها اكثر من اللي جلستي فيها يعني اكثر من نص عمري نووووووووووووم قولوا ما شاء الله

ماشاء الله ..
بس خفي عليه شوي ..
ذبحتي النوم

إقتباس يقولون لي البنات اني لا صار ونمتي ما تقومين ولا قمتي معد تنامين فرجاء خاص قلل من نومك وسلفني ياخي عندي هالايام زحمه في الجدول وما صرت انام مثل قبل

خوذي نومي كله ..

ودي أضبط مواعيدي .. عشان العيد والدراسه الله يعين بس ..

إقتباس عموما يومك من جد سريع وسلملي على اخوك الصغير يعجبني حلال

السرعه من متطلبات العصر <<<وش دخلها بالسالفه ..

يبلغ إن شاء الله ..

يعطيكِ العافيه على الرد الجميل ..

.
.

MeToOo

يا هلا والله نايف ..

تدري .. أحسن شي فيك أنك تكتب اسمك تحت يعني مايحتاج أكتبه .. نسخ لصق

إقتباس يوميآآت رووعه مثل كآتبها ..

ورد أروع مثل صاحبه ..

إقتباس شف صح أنت استأنست ع قولتك .. بس أنت الله يقلع بلييسك لحستني طلعت منك وانا موسوس رحت أصلي الجمعه وأنا أكلم نفسي

أنت ما كنت مركز ..

أجل أسولف لك عن سالفة ومتعمق ومتحمس بالسالفه .. وتجي تسألني عن سالفه ثانيه .. ماهذا يارجل

إقتباس محمد ؟؟ نسينا ما كلينا اذا انا استآذ < < أشك أنت دكتوور خصوصاً في الاكل ,

نايف يرحم أمك لا تشوهـ السمعه ..

والله لو تعديت الـ 55 لكل عضو بالزعيم ريال ..

طبعًا بتشوفونها قليله ..

لكن لو شفتوا الأعضاء يعني بـ دفع 120 ألف تقريبًا هع هع ..

إقتباس يآ شبآب أكييد انتم مستغربيين ليش يوم محمد كله نووم .. أنا اقولكم ليييش .. صح ان محمد بيشوتني اليوم في المسن .. بس معلييش أقرب بلووك محمد الله يصلحه .. طوول وقته أكل من زمآن بس يوم صآر علييه اليوميآت قال خل انآم أحسن .. لانه ما يعرف يقعد بدوون أكل وتشووفوونه الحين محلل اليوم هذا اللي ما أكل فييه شئ .. بكرره ما راح يدخل النت .. وبيقعد مسنتر عند المطبخ < < يا ويييله

يووه يا ظالمني ..
على قولة ولد خالتي الصغير نانم نانم نانمني
والله كل كلامك عار من الصحة ..

أما عن البلوك .. ما تقدر <<<ميانه زايدهـ ..

إقتباس ننتظر يوميآت دحووم ع أحر من الجمر

بالتأكيد ..

يعطيكم العافيه ..

سهل وبقية المشرفين .. ظلمتوني والله

يعطيكم العافيه جميعـًا ،،