15/10/2001, 02:31 PM
|
| زعيــم نشيــط | | تاريخ التسجيل: 23/06/2001 المكان: الرياض
مشاركات: 867
| |
|
طق 000 اللطمة 0000 قبل تدخل
كنت متكي ومستاسعا صدري اتنقل من موقع الى موقع قلت يا ولد لو تقوم بجولة في منتديات بعض الربع وترددت كثير لانني عارف تفكيرهم رابع ابتدائي وتخب عليهم قلت ما بدهاش توكل على الله بس لازم تأخذ الاجراءات اللازمة والاحتياطات الضرورية في مثل هالامور لاني مقبل على مخاطرة غير محسوبة 0 اتصلت على حماية البيئه وطلبت الشروط قالوا لازم تعلمنا وين بتروح لان كل دولة لها تطعيم خاص 00 قلت يا خوي انا ما نيب مسافر قالو ضروري تعلمنا 0 قلت الشكوى على الله انا بروح لمنتدى نادي الفقر قالوا هذا اخطر وباء وش اللي حادك يا رجال تعوذ من ابليس واغنم العافية واقضب ارضك 00 قلت انا معزم قالوا حيل الله اقوى اجل تحمل ما جاءك واول شي تسويه طق اللطمة استعدادا للرياح القادمة منهم وأتبك الشماغ مضبوط لا تبين الا عيونك وان حصل تغمض قلت وشلون اشوف قال لان ريحتهم مثل غاز الخردل مبيد للاعصاب 0
قلت انشاءالله وطقينا اللطمة وثانيا قال ما عاد اسمع صوتك فك اللطمة مهوب اللحين تطقها 0 وبعدين طعم ضد الحمى القلاعية قلت لها تطعيم قال ما ندري بس لازم تطعم ولا تنسى تطعم عن الجمرة الخبيثة قلت ايه عاد هذي حقتهم لانه يجب الحذر من الجماعة اياهم 00 ثالثا ما ادري رابعا اترك عقلك برا وغيبه بالمرة لانك اذا استعملته عندهم ترا مخك بينفضخ وراسك بينفقع0 قلت هذا لستك مهوب راس قال لاتقاطعني خلني اكمل هذا كل اللي عندنا 0 وهذه اقصى الاجراءا ت الصادرة من منظمة الصحة العالمية وعساها تنفع 0 ولاتنسى اللين طلعت تطمنا على نفسك 0قلت الى هالدرجة قالوا حقك علينا نقول ربنا معك والله يعينك ونحن بإنتظارك وخلنا على اتصال قلت يشتغل الجوال عندهم خذوا الرقم وخلونا على اتصال 0قلت ياولد درعم واقرا المعوذات وادخل يوم وصلت الله لايوريك بسم الله علي وعلى من يحبني وعلى الهلاليين كل ابوهم وش لقيت 00 لقيت واحدا فاقا كشرته تشوف اللوز وواحد لابس كوت في الصيف (( دعابة )) قال لي كش قلت كش عليكم كلكم 0000 ووجيه كالحة ما حلاها ربي يعني (( خم وطري )) قلت ما عليش هذا مهوب ذنبهم وما عليك انزل تحت وش تشوف مجموعة كديش ما لهم هم الا الهلال ولو ناقشوا امور ناديهم كان صلح منذ مبطي واكثر كتاباتهم عن الهلال ويعرفون الزعيم وتاريخه وبطولاته ومبارياته ولاعبيه اكثر ما يعرفون عن ناديهم المخنز والمشكلة ان كومة هالقواطي تأكد وتأيد وتخترع وتفسر الامور على كيفها0 حتى سيارة الاسعاف اللي ما كانت موجودة في مباراتهم الاخيرة سببها الهلال 0 وكن الهلال هو اللي يشغل الونان او السفتي حق الاسعاف 0 المهم وانا اقرا واتحمد الله اسلوب سوقي واخطاء املائية كن الواحد يكتب برجله وفكر خاوي ومواضيعهم سطحيه مثل عقولهم 0 ولا تلقى للواحد راي ثابت مرة ايه ومرة لا 0 يعني (( طقطق رقص )) 0 ما دريت الا والجوال يرن والرقم ما اعرفه قلت آلو قال معك هيئة الحماية الفطرية قلت بسم الله الرحمن الرحيم وش تبون قالوا حماية البيئه معطينا خبر عنك وينك فيه اللحين قلت انا في المخربة قالوا الا هالحين وانت عندهم تبغانا نجي نرشهم 0 وكم لك من الوقت عندهم قلت سبع دقايق قالوا اعقب والله انك قوي واعصابك حديد وشلون تحملت 0 اطلع من الخرابة والا مسئوليتنا انتهت 00 قلت دق الفركة يا ولد 00(( الزبنة خشم طيب )) والنحشه نص المرجله 0 وانا اللي اعط ما دريت الا انا زالق وماحط على الارض وتفرط النعله عزكم الله وأكيد بيأخذونها ويدنبوشونها في مباراة 000المهم ويوم اني طلعت اللين راسي يطقطق وحامت كبدي وانتك خلقي وجاني امساك في المخ0وقعدت اسمي على نفسي واقرا واتعوذ وقلت كش عليكم وعلى ناديكم وعليكم كلكم 0
قلت يا ولد رفه عن نفسك ورح لمنتدى الفريق الاول تأسيسا في المملكة يمكن تلقى شي ينسيك الخرابة --- والله لا يوركم يوم اني دخلت كني داخل مغارة والا سجن -- والا ذلك الواحد اللي مقبل طاير يركض وزالقا علي واناظر مين ابوميمون بس كاد الشعر0 والتفت يسار الا ابوخرش يتكنبس 0 قلت يا الله سكنهم مساكنهم 0 وين طلعوا منه وش اللي جابني 0 واناظر الا الحال من بعضه مثل ربع المخربه اللي قبلهم ولا هناك فرق كل همهم الهلال يعني (( جح يدربي قرع0 )) ويشتركون في نفس المواصفات وكتاباتهم عن الهلال اكثر من كتاباتهم عن منافسهم وكل مصايبهم سببها الهلال0 قلت هذا اول فريق في المملكة الله يخلف ويوم ذكرت انهم مختارين اللون الاسود والاصفر ومخلين الالوان الزينه الازرق والابيض والاحمر والابيض والاحمر والاسود ومختارين شعار الارصفة دريت انه ما في الحمض احد يعني سرج فعلا0 واتحمدالله انهم ما قربوا الازرق والابيض والا كان اللحين حنا رايحين في خرايطها0 قلت الطقق يالله ابن فركان وانا اللي اقحص من النوم كني مقروص واطمراسحب فيش الكهرب مرة وحدة وحقدت على الانترنت وجلست ثلاثة ايام اخثرق وتجيني فزات وروعات قلت ما اعاد اتعودها ومالك الا منتدى الزعيم الله لا يخلينا يوم اني دخلت وينشرح صدري الالوان الزينه الي تفتح النفس والمواضيع اللي تشرح الخاطر والاسلوب المنطقي والاحترام المتبادل وكل همهم الزعيم وبس 000 بس لا اوصيكم حيلكم في اللي يتعرض الهلال او لاعبيه لا تسكتون عنه 000 والله يخلي لنا الزعيم والقائمين على مواقعه 0 |
الوضع العادي
