لا عادي هذي المشاكل

اللي يشتري مستعمل يتحمل ما يجيه

أما البي أم ولا الكامري
فما تصلح لي
أنا راعي بر ومزارع
والردمية ضروري كل يوم أمشي عليها

لا ما عندك سالفه
حي السفارات هو اللي ساكن جنبنا

وابشرك باقي بالطريق ثلاث سيارات أمريكيه مقابل يابانيتين وحده منها هي اللي ركبها البارق وله الشرف
يعني تونا ريضين

وعليكم السلام ورحمة الله وبركاته
الا والله احب الشيروكي
بس بدون قراند
لأني سقت وحده سبورت سياره محترمه جدا
يجي ذكرها وصورتها بالجاي ان شاء الله

انت اذا انقهرت تضرب راسك تسذا
اجل الله يعين المواصير اللي حولكم

من يقول
هذا وانت خبير بالسيارات تقول هالكلام
سيارة محترمة جدا
بس طلعها وكاله
مستعمل انس انه يبي يعيش معك بدون ورش

الله يهديك خربت المسلسل
بس توي أدري انك ما تفرق الجيوب
والا تبي تكشخ قدام ربعك انك تعرف سيارتي

لا وبعد تراه راكبها يا شباب

ثاني شيء أنا تسوله ( غاز الأولين ) مانيب دافور ومع ذلك ما رسبت
يعني أي واحد ما يرسب تسمونه دافور
بس تصدق اول ما قريت ردك
قلت انهبل البارق ودخلنا في السياسه
احسبك تقصد دار فور

اما يعني وشلون
17 + 22 = واضح الجواب 32 سنه
الله يهديك لازم الاحراج يعني
ولا صرت مشتاق ورا ما تسير نقهويك
خاصة دامنا برمضان والسمبوسه وافره

تسلم والله
انواع رفع المعنويات
وانت اللي كذا thumbup:

توقعك مهب يم سالفه
لا عمرك توقع نتيجه مباراة للهلال
شكللك بتوهقنا

يا هلا بك
لا ابشرك المعاناة كلها راحت بالجزءين الأولين
وجت السعاده عسى الله يديمها من نعمه
وخلك على حماسك على طول
على الأقل تذكرني بعزيز

توقع صايب
أهم شيء ما تكون غشيت من البارق
ولا تتهمون السواق
تعطونه سياره كسره وتقولون هو اللي خربها

الله يهديك يا ماجد
فتحت الموضوع وام العيال واقفه على راسي
واثرها تقرا معي الردود
فجأه اقرا ردك
اثر الملاس على جبهتي
تحسبني توي معرس
انتبه لا توهقنا مرة ثانيه

هلا بك
احساسك غلط
بس حلوه افغانستان
اخوك جبان
وافغانستان تبي قلوب

والله ما ضيعكم الا البارق
شكله ما يدري وشي سيارته هو
بس يبي يعلمكم انه يعرفني وقد ركب سيارتي

وعليكم السلام ورحمة الله وبركاته

السيارات هي صناديق بيضاء تسير على أربعة كفرات
وبعض المرات على كفرين
وبعض المرات على التندة