هلا ،، مسيكم بالخير

مشكورين على التثبيت، وعسى الله يثبتنا عند الفتن<<<< أدري ان ماله دخل ..


ياجماعة جهازي رايح وطي صاير تقل ددسن 86 ما غير يتفتف من أمس أبرد وعجزت..

____________________________________________

فيغو 10

العفو ياغالي ،، وشكرا لمشاركتك


____________________________________________


iq1399

هلا فيك اخوي،،

إقتباس يوجد حي في الرياض أسمه حي النظيم أقصى شرق الرياض " بعد اكاديمية الامير نايف للعلوم الامنية " يوجد في ذاك الحي عوائل لا يوجد لديها دخل بتاتاً ويوجد هناك من يسكن في الخيام ويوجد من يجلس اليوم واليومين لايأكل شيئاً !!!

صدقت ياغالي، وان قد شفت بهالحي بيوت متهالكه الله أعلم بحال سكانها..
الله يرزقهم من فضله..

إقتباس قمة التناقض في الطرف الجنوبي هناك اناس لا يأكلون لانهم لا يشتهون صنفاً من اصناف الطعام , وفي الطرف الشمالي وعلى النقيض تماماً هناك من لايأكل لأانه وببساطة لايجد مايأكله ..

الشكوى لله يابعدي، ومنشان هيك قال بن دويرج ماسايل الشبعان عن بطن من جاع:sad:


الله يعطيك العافيه وشاكر لاضافتك

____________________________________________


الآن ابضغط على كز الرد قبل لا يطفى الددسن

هلا بكم نوبتن ثانيه،،

__________________________________

الهنوووف

الله يحييك ويسلمك،،

إقتباس لو نشــوووف هالفقراء اذا جا الواحد يوزع شي قامو يناقزون بوجه ماجا من فراغ هاالمطامر

اي والله صحيح، اذكر مره من المرامير كان عندنا عزيمة بمناسبة حصولي على درجة الدكتوراه في علم البكتيريا النافعة ، المهم ان العشا بقى منه شي كثير ، فأخذ أخي الباقي من العشاء وذهب به الى أحد مناطق حلة العبيد، ويوم رجع ولا عيونه طايره يقول ان الاوادم يتماعطون اللحم من صندوق السياره!!

إقتباس او تشتري كم شنطـــة وتحط مقاضي رمضاااان لو 3 شنط وتوزعهااا على الي محتااج لهاا بيكون لك اجر صدقه وافطار صائم ان شاء الله

اقتراح حلو بس مهوب لازم شنطه يحطهن بكيس

مشكلتنا اننا نعتمد بس على المؤسسات الخيرية، ياليت كل واحد منا يبحث عن المحتاجين ويقدم لهم الصدقات بنفسه

إقتباس ومفاتيح غرفتك شايفة عند الارشيف امس مفاتيح يمكن لك بس مدري وينهاا يمكن عند المشرفين

مره ثانيه اذا لقيتي مفاتيح طايحه بالمجلس خوذيهن وارفعيهن فوق دولاب التلفزيون



الله يعطيك العافيه، وتشكراات لمشاركتك


__________________________________


عاشقه الوطن

واياك اختي، ومبروك اليوم الوطني

تشكرات لمشاركتك،،

__________________________________

abu_riman

هلا ومسهلا بابوريمان ، الله يسلمك ياغالي،،

إقتباس و تتعبني أكثر عندما أسمع من يسأل عن جهات موثوقة للصرف !

ابوريمان ، أرى أن نبحث عن الفقراء بأنفسنا وسنجدهم، وهنا لا أقلل من دور هذه الجهات ولكن التقصير وراد في كل منظومة..

الله يعطيك العافيه،، وبانتظار عودتك

__________________________________



آآآي وِل كوم باك أقين ان الله أحيانا

هلا،،

والله يالجهاز اللي عندي انتهى موضوعه

من بكرا ابقول لبابا أو خالتي واحد منهم يشري لي جهاز جديد ولاّ أبزعل وأطق راسي بالكمدينه


________________________________________


...SoMe OnE...

الله يسلمك ياغالي،،

إقتباس تناقضات نجدها في العائله الواحده .. وفي الحي الواحد .. وفي الانسان نفسه .. فـ تارة حاله في اسمى حال .. وتارة تنحدر به الامور نحو اسفل السافلين فلا قاع يحتضنه .. ولا ايادي ترفعه .. سوى رحمة ربكـَ عز وجل ,,

ماشاء الله عليك يابعدي، اعجبني تعبيرك ، فعلاً الفقر قد يعكس صورة للتناقض حتى في البيت الواحد..


الله يعطيك العافيه وشكرا لاضافتك المتميزه واسلوبك الراقي،،

________________________________________

سهل

ياهلا والله وغلا ،،

إقتباس قصيده للشاعر الكبير عبدالله بن دويرج (ت1365ه) رحمه الله

ابوك بالجنه تصدق ان اني ما قريت لابن دويرج الله يرحمه الا مره وحده وجازت لي قصايده وحفظت بعض الابيات منها..

ياليت كان عندك ديوان له تفيدني عنه وانا اخوك تراي من مدمني الشعر الشعبي أسأل الله العافيه

إقتباس وانظر لتاريخ زمنه وتاريخنا ( لم يتغير شئ ) ويبقى الحال على وضعه وعلى المتضرر اللجوء للقضاء

الله يرحم الحال الفقر شين والمذلة وسؤال الناس صعبة على النفس ، لكن ما نقول الا الله يرزقهم ويرفع قدرهم ويسخر لهم من يسد حاجتهم..


تسلم يالغالي ،، ولك مني ثلاث تشكرات ، على اضافتك، وعلى البرنامج ، وعلى التثبيت..


________________________________________

@@@نايف@@@


ياهلا بك يالغالي والمجلس منوّر بأصحابه..>>>>> اشتغلت المصريات

إقتباس من ناحية مقولة السعوديه أغنى بلد .. اعتقد انها جانبت الصواب كثيراً خصوصاً في هذه الايام ..

والله وانا اخوك الموضوع فيه نظر ، لكن خلنا الحين بهالفقراء المساكين وان بغوا يقولون السعودية أكثر بلدان العالم أمطاراً ما عندنا مانع..

إقتباس يوجد الكثييير وللأسف محتاجين وفقراء هنا في مملكتنا الحبيبه .. واكبر دليل .. زيارة خادم الحرمين الشريفين السابقه .. حيثُ كشفت المستور وبينت الحقيقه المرّه التي نعايشها ..

صدقت ، وأعتقد ان اللي يعيش بيننا ويقول ان ما عندنا فقراء هذا شخص جاهل وما يدري عن شي

إقتباس في شيطان خبيث براسي يقولك افلقني

يعني منتب مصدق اني وسيم وجذاب وكشخه ابرسل لك صورتي وانا توي قايم من النوم عشان تعرف ان شيطانك ما عنده سالفه


الله يعطيك العافيه وتشكراات لمشاركتك

________________________________________


آآآي وِل كوم باك أقين ان الله أحيانا

يرجال أقسم بالله فيه في بلدك فضايح تمسك راسك عليها !!
فيه ناس والله العظيم مادري كيف عايشه
فيه أحياء والله تمر من عندها وتشوف حالهم ماتصدق انك في أغنى دوله في العالم
الله يديمها نعمه ويسد حاجة كل محتاج ..

ياهلا
______________________________

الكناري الأزرق

ياهلا والله وغلا بالكناري، حتى أنا الاماكن كلها واحشني موت

إقتباس و نتمنى من ابو متعب ان يدفع عن اي شخص مبلغه قليل من الف الى 10 !

ابومتعب ما يقصر ، وانا سمعت ان الراجحي الله يجزاه خير حط له مكتب عند السجن مهمته تسديد ديون المسجونين اللي تقل عن 20 ألف ريال


الله يجزاك خير يالكناري على اضافتك عن المكاسب من الصدقات وأهمها البركه مثل ما تفضلت


يعطيك العافيه يابعدي بس ما قلت لي وش أخبار الضحك معك

______________________________

نـــــــ15ــــــمر

ياهلا بك ياغالي، وسلمت

إقتباس صحيح اننا من اغنى بلدان العالم ولكن لدينا فقر وان اردتو قصص سردتها لكم هنا

صدقت، وزي ما قلت قبل ما اعتقد انه فيه أحد ينكر وجود الفقراء بيننا..

الله يعطيك العافيه ، وشاكر لاضافتك

______________________________

جراح الهلالي


ياهلا فيك والله يسلمك ياغالي

إقتباس ( والصدقة تطفئ غضب الرب وتدفع ميتة السوء )

وهذي من مكاسب الصدقات المتعددة..

الله يعطيك العافيه ، وشاكر لاضافتك

______________________________



آآآي وِل كوم باك أقين ان الله أحيانا


سمبوسا

شكرا وموضوع حلوو واحنا والله لازم نتصدق ونتبرع للمساكين

يامرحبن بهم

__________________________

الذئـــ الأزرق ــــب

ياهلا بك ياغالي و لاتكثر لبن ترى نومك صاير واااجد

تشكرااات لحجزك;)

__________________________

متلثمة بشال الهلال

ياهلا ومسهلا،، واياك على هالمدح اللي ما أدري وشي يبي ، الشهر مبارك علينا وعليك..

إقتباس الواحد مايحس باللي هو فيه الا الين يفقدة.. اللهم ادم هذه النعمه واحفظها من الزوال

..

اللهم آمين،، وصدقتِ مانعرف قدر النعمه الا اذا فقدناها، واالله لا يورينا ضعفنا..

إقتباس ما قالوا لك يا ابو سكسوكه ..

الله يرحم حالي يوم سافرت حلقت الشنب والسكسوكه وكان ودي أحلق حواجبي بس أمي حلفت علي ما أقربهن تقول ياوليدي كلك ملح يحروسك من العين ياضنايا

إقتباس انا شايفتهن مع المشرف سهل.. بس لاتعلمه انه انا اللي معلمتك انهن معه .. اخاف يوقفوني

يامال العافيه،، أجل مع سهل عز الله انه انتهى موضوعهن ، و لاتخافين مناااب معلمه واذا سألن وشلون عرفت أبقول ، احساسي مرهف بالحيل مره وحلتيته


الله يسلمك،، وتشكراات لمشاركتك الخفيفه

__________________________

ماجد مقبل

ياهلا والله غلا بابومقبل وانت بخير ياغالي

الله يسلمك يابعدي وانا مثل، والله توحشني انك وأنت منتب بجنبي

إقتباس والمشكلة ان بعض منا يصدق هذه المقوله ويروج لها وهذه مصيبة بحد ذاتها ...

يارجال اللي برا ما نلومهم لكن بلاك من اللي عايش معنا ويقول حنا أغنى شعب


يامال العافيه يابومقبل،، وتشكراات لمشاركتك

__________________________


آآآي وِل كوم باك أقين ان الله أحيانا

يهلا بكم نوبتن أخرى

_______________________


الكلاسيكي

ياهلا والله وغلا فيك يابعدي، والله يسلمك ، وراك شاب على المدرسين بعضهم يشكي منك

إقتباس اما المفاتيح احس انها ضايعه بجيبك من كثر الفلوس !!<< مابعد جاه شي ..

!! كثر فلوس !! ، تصدق من كثر فلوسي ولله الحمد وما شاء الله علي ودي يصير الدخول لمنتدى الزعيم بـ14 ريال للمره الواحده
الكلاسيكي عندك سلف مليونين ريال وارجعهن لك ليلة العيد

إقتباس انا شفت حالة ناس احياناً ينامون بدون أكل .. وكل يوم صاحب البيت جاي بالشرطه يطلعونهم من بيتهم .. والله حالتهم تكسر الخاطر .. الله يرزقهم ..

لاحول ولاقوة الا بالله، والله ياخي ان اللي مثل هذولا أحق بالصدقه من غيرهم..

إقتباس ولو ان اهل الخير ماقصروا ممع الكثير من الناس الا ان فيه ناس مجهولين مايلعمبهم الله ربك ..

صدقت، فيه من الفقراء من يرفض انه يروح ويسجل اسمه عند المؤسسات والجمعيات الخيريه لانه يحس بالذله، ومثل هذا يبقى من المجهولين اللي ما يعلم بحالهم الا خالقهم..


وانت بخير يابعدي وتشكراات لمشاركتك

_______________________

دبــل كيــك

ياهلا والله مسهلا، الله يسلمك ياغالي ، والشهر مبارك علينا وعليك..

إقتباس غـيـر هـااالألـمـااانـي الـلـي قـااابـلـتـه مـااخـذ فـكـرة عـن سـئوديا أربيـااا كـل سـعـوودي بـحـووشـه بـيـر بـتـروول وواايـت وخـزاان أرضـي وتـيـدريـن

اي والله انك صادز هالاجانب ذولا دماااار ، وبعضهم يحسبون اننا نقدع تمر ونتقهوى ديزل واذا قضينا نغسل ببنزين مفلتر

إقتباس دعـوااتـنـااا فـي هـذا الـشـهـر الـفـضـيـل أن يـسـأل كـل شـبـعـااان عـن بـطـن مـن جـاااع ...

آآآآآمين ، وياليت كان تلقى ابن ديويرج الله يرحمه فال حجاجه ..


العفو ياغالي،، وتشكرااتي لمشاركتك

_______________________

ســــ 9 ـــــام

إقتباس يرجال أقسم بالله فيه في بلدك فضايح تمسك راسك عليها !!

الشكوى لله وانا اخوك،، وما نقول الا الله يرحم الحال

إقتباس الله يديمها نعمه ويسد حاجة كل محتاج ..

آآآآآآآمين،،

يعطيك العافيه،، وشاكر لمشاركتك

_______________________

عاشقه الهلال موت

العفو اختي،، وشاكر لمشاركتك

_______________________

آآآي وِل كوم باك أقين ان الله أحيانا

والله يانا عطشاااان بعد الله يكتب لنا الاجر