مجـــــد بعظمة ذاتها هنا يا هلاااااا بنور المدينة <<<لا يغرك ترى حتى أنا نور المدينة;)
الله يسامحك مجووود فضفضتي وشكلي بأفضفض معك<<ما راح انتظرك تضيّفيني;)
1-آآآآآه يا ليل ما أطولك لو حكيت لك مواقفي اللي مثل هالموقف ما قضيت بس يالله اذكر لك ما يحضرني حالياً <<<فقط لتعلمي أن كثيراً أولئك الذين يعيشون نفس تجاربك!!
دخلت المجلس في أول ظهور إعلامي((لا يا تيري هنري<<<أروح ملح على الذوق بس المهم دخلت المجلس.. من هذي اللي مع بنات.....!!! هذي بنت أخوهم اللي متزوج من......!! اهااا تصدقين حرام جرمها صغير يقولون انها مريضه بالــ.....!!! افاااا حرام شكلها ما تتحمل . . . . هذي قالت للي جنبها واللي بجنبها قالت للي بجنبها وهكذا.... . . . الحين أنت وش فيك صدق إنك مريضه بالــ الحمدلله كل شيء فيه خيرة بس يا حبة عين أمك صغيره وما تستاهلين . . . التزمت الصمت حتى لا اضطر لحبوب الضغط قالت: يا فلانه عاد تصدقين قبل يومين شفت بالاخباريه برنامج يحكي عن مثل هالأمراض يقولون إن علاجها صعب وإنها تبدأ خفيفه بعدين تصير تعطل الأعضاء الحيوية بالجسم ويصير الواحد بس ينتظر الموت يالله لا تورينا في حبيب . . . هنا تبدأ كل حاضره بإدلاء دلوها وقصص سمعتها في التلفاز أو في المدرسة أو عاصرتها ربما حقا عاصرتها وربما من نسج الخيال ومن يدري؟؟!!
((( إِذَا دَخَلْتُمْ عَلَى الْمَرِيضِ فَنَفِّسُوا لَهُ فِي أَجَلِهِ فَإِنَّ ذَلِكَ لا يَرُدُّ شَيْئًا وَيُطَيِّبُ نَفْسَهُ ))) الحديث وإن كان قد ضعفه الألباني في ضعيف الترمذي إلا وأن لمعناه شواهد فقوله صلى الله عليه وسلم(لا بأس طهور إن شاء الله)) يدل على أنه ينبغي أن يطيب خاطر المريض بالتنفيس وتقريب الأمل بالشفاء إلى نفسه<<<أحس إني قمت أتفلسف والسبب هالتخصص
عموما مجووووود أحس إني تعبت وأنا أكتب ولأني أعرف إنك عجازه ما أبي أطول عليك بالهرجه<<<<يا حبي للمدينة بس
نسيت... الله يبارك فيك والله يبلغنا إياه ويعيننا على صيامه وقيامه..
هذي دايم تصير حتى لما تكونين في عزيمه او حفله
مليون سؤال مفاجئ بعض الحريم فيه لقافه
الظاهره الثانيه
مره رحت المستشفى أعطاني حبوب قوتها 500 وأنواع كثير
من كلتها وأنا بغيت أموت ولما رجعنا للمستشفى
قال الطبيب الثاني أيه البنت عايزه تنتحر<<
وأنا مافيني من يجاوب لكن جالسه اتحسب عليه في نفسي
قاله ابوي الدوا هذا انتوا واصفينه لها<<ساعتها توهق
ولكن إذا اختفى الأدب وقلطوا يجب أن يكون هناك ذوق ..
مثل هؤلاء الأفضل أن يواجهون حتى لاتتكرر أخطائهم ..
فبعض الناس يتأثر بهم ويصدقهم وهنا تقبع المشكلة !!
الفضفضة نمبر 2..;)
إذا الفضفضة الاولى قلت عنها مصيبة فهنا سأقول طااامة كبرى ..
واتوقع مسل هزا دكتور ايبي إــلاج وعلى قول الشاعر :
طبيب يداوي الناس وهو عليل ...
بصراحة لو لقيت مثل ها الدكتور كان كمخته على دميجته ..
الطب أمانة ومسؤلية يجب ان لا ينالها الا من يستحقها !!
الفضفضة نمبر 3 ..
هذي الفضفضة ولا بلاش ...
الحمد لله على سلامتك مجد ...
أهم شي إن البزر اخذ كرت احمر بعد النطحة ..
والحمد لله انك ما صرت شهيدة الكتب ..;)
الا منهو اللي طاحت عليه كتبه ومااات ؟؟
فضفضة نمبر 4
وكل عام وأنت بخير ..
والله يبلغنا وإياك رمضان ويعيننا على صيامه وقيامه ..
مدري اقول فضفضي ولا لا تفضفضي .. انتي يبيلك احد يفتح لك مجال وخذ حكي .. يالله عاد فضفضي قبل يطق العرق الاخير ,,
الظاهره الاولى .. هذي الله يطول بعمرك تخصص نسائي بحت .. يعني الوحده لو ماسولفت ثمن سولفت ثمن سولفت يطق فيها عرق ههههههههه ..
وعلى شان اكون واقعي .. الشعب العربي فضولي بشكل يثير الاستهجان وبالعامي حنا شعب ملقوووف لابعد درجه وهذا اللي فلحنا فيه!!
في اي مكان واي زمان وتحت اي ظروف مستعدين نضحي باي شي مقابل لقافتنا ومن بعدها يبدا الحكي والتلميح ونقل الكلام !! وياليت نكتفي بالنقل فقط لكن لازم من البهارات والكذب وكاننا نلعب لعبة تلفون خربان ,,
الظاهره الثانيه .. معاناه بمعنى الكلمه .. وللاسف للاسف للاسف ان الضرر تعدى انتكاس الحاله واصبح فقدان للثقه في البحث عن العلاج والتفكير فيه!
وانتي مجد فاهمه قصدي زين من هالحكي !!
الظاهره الثالثه .. اول شي بصراحه هم بقوا ناس يقرون بالمكتبه!
احس هالشي انقرض من زمان .. استعيري الكتب اللي تبينها واقريها بالمكان اللي يحلالك بدون ازعاج وبالجو اللي يعجبك .. فيه حل اخر وهو المكتبات التابعه للجامعه اتوقع مازال للهدوء فيها مكان .. شخصيا احيانا اخذ كتبي واطلع المكتبه اذاكر بحثا عن الهدوء والتركيز والتفرغ ..
اما هالمبزره معذورين اهاليهم وين يودونهم طيب .. لو فكروا يصرفونهم تبدا مشكله جديده فمن الافضل ياخذونهم معهم ويزعجونك احسن من مصايب ثانيه .. بعدين شرهتك على اللي اوزانهم بوزن الريشه ,,
يعطيك العافيه مجد .. والله يكتبلك العافيه والسلامه وطهور باذن الله ,,
برايفت ابو راس .. كنت في طريقي لتجاهل ردك تماما لكن قلت ابي اعلق عليه واخليك بالصوره..
ياأخي كنت ابي اخذ تعقيبك بحسن نيه لكن للاسف عجزت! يعني اذا كنت تمدح وتساند مثل ماتنتقد كان بامكاني تقبل نقدك لكن انك ماتظهر معي الا اذا عندك انتقاد والوقت اللي استحق فيه مسانده او كلمة شكر تختفي هنا اسمحلي اقولك انك لاقمت ولاقعدت معي !!
بصريح العباره اذا صادفت شخص يتواجد فقط لانتقادي والتصيد لزلاتي - ان وجدت- ويركز عليها ويضخمها ويتجاهل كل شيء اخر باعتبر انه تعدى مرحلة النقد ووصلت لمرحلة الاستقعاد وبهالحاله صاحب الكلام لاهمني هو ولا نقده!!
ثانيا.. يارجل خاف ربك!! اي اسفاف بالكلام واي الفاظ سوقيه يارجل!!!!
اذا كلمة تنوره قصيره او من غير هدوم الفاظ سوقيه وتجرح الذوق العام فانا راضي اني اكون سوقي وقليل ذوق ..
انا حافظت على احترام الجميع بمن فيهم كاتبة الموضوع وحافظت على احترام نفسي قبل ذلك وانا واثق تماما ..
اخيرا .. صدقني مارديت الا لاجل اوضح لك ما التبس عليك انت فقط (نصيحه..حاول ان تعرف ليه دائما انت ترى امور لايراها غيرك؟وان عرفت لاتنسى تشكرني على النصيحه).. اما عن شخصي فلله الحمد واثق مما اكتب واين اكتب .. الحمدلله لي اربع سنين بالمنتديات واعرف افرق وايش اللي اكتبه هنا وايش اللي اكتبه بالاقلاع او اي مكان اخر وطول هالفتره ما انحذف او اغلق لي موضوع ,,
مجد .. اعتذر عني وعن ابو راس عن التداخل اللي صار بموضوعك .. فقط احببت اوضح وارد بنفس المكان مع قناعتي بانه ليس بالمكان المناسب ولهذا لزم الاعتذار,,
بعد السلام و السؤال عن الحال و الأحوال,و الشكر لمن مر و أنار,أقدم باقاتٍ من الاعتذار فقد بلغتُ من الكبر عتيا,فنسيت كيف للرد أن يكون مقضياً,حيث و أنني منذ زمن لم أكتب موضوعاً سويا,فـ خلتُ في فترة مضت أنني رومانسية و ملأت دفاتري بكلماتٍ شجية أو على الأصح خربوطية,فاعذروا قلمي عندما يعجز عن مجاراة أقلامكم و اغفروا لكلماتي زلاتها,و إن لم ترق لكم امحوا آثارها من الوجود ذلك أسلم لي و لكم
أبو راس
حياك الله أخوي,و صدقني لو أبفضفض ما فيه مكان يتسع لهذرتي:p ,فلذلك قررت أروح لطبيبة نفسية أو أدرعم للبر و أعيش وحدانية ,أما مرحلة الانفجار نفسي أوصل لها بسرعة كود إني أرتاح بعدها بس أهم شيء ما يكون فيه خساير
إقتباس
الظاهرة 1
يا شين اللقااااااااافة
خصوصا اذا كل واحد عامل فيها دختوووووور زمانه
للأسف البعض يعتبرها شيء أساسي عشان تكون فاهم الدنيا و الناس عدل,هو صح دختوووووووور لكن يختلف تخصصه
إقتباس
الظاهرة 2
دول نوعية دكاترة اسميهم دكاترة مقاااااااااااولات
عندنا واحد أنا مسميته سباااااااااااااكـ ,الله يسامحه على اللي سواه فيني
إقتباس
الظاهرة 3
قلة ذوق يشوفون عيالهم همج قدامهم ولا ينطقون بكلمة
ولو احد هاوش عيالهم يجون يتحدون ويعابطون
بقاحة بقد
للأسف بعضهم يقعد يضحك و يحسب عياله خفيفين دم,عبد الله يمه خلااااااص اجلس,و الله ذا شيطان,يمه عبودي عيب>>الله لا يهينها تكلفت صكي الورع كف خليه يعرف إن الله حق
قواك الله أبو راس و الله لا يوريك مكروه في نفسك أو عزيز..
شكـراً لمرورك
الكناري الأزرق
و عليكم السلام و رحمة الله و بركاته
الله يبقيك يا الكناري,بس صحح معلوماتك أنا CNN الجامعة و هالمستوى صرت الإخبارية
إقتباس
خذ راحتك و فضفضي لين ترتتاحين قبل ما يطق بتس عرق ,,
كل واحـد مهبله بـه الدراسـه الله يقلعها ..
حرام عليك و الله الدراسة روعة,للأسف كلها كم شهر و ألحق بركب العاطلين,تصدق لو بكيفي>>الله يذكرها بالخير رجعت أدرس من جديد
إقتباس
و وش هالاسئلة اللي تقل داخلن من سيربح المليون .. ؟! << تراهـا صارت من سيربح المليونين يالمغبر !
الله يعيينتس و يعين الجميع و انا اولهم ,,
هم و قرف دراسـه جابت لي احباط خاصة اني تعودت على العطلة و السهر و الفلة ..
من سيربح المليون وراها فلوس لكن هالأسئلة ما وراها إلا الهم,أنا نفسي أعرف ليه الخلق تكره الدراسة و الله فيها متعة مش طبيعية و راح تفقد هالمتعة إن صرت عاطل.
العطلة مرت لكن وش استفدنا منها السهر و الفلة مجرد متعة وقتية-لحظية- فقط,المتعة بالدراسة في الصيف..
شكراً يا الكناري الأزرق على مرورك
هلاليه من الرياض
حياك الله أختي,و يا هلا بالرياض و أهلها
إقتباس
الظاهرة الأولى للأسف منتشره وبكــثره والمشكلة انهم مايقدرون الحالة الي الواحد فيها يعني تعبانه وجايه من الجامعه على المستشفى المفروض يخفون عليك شوي......
للأسف هالظاهرة ياما صادفتني في الجامعة و في المطار و في المستشفى و في السوق,صرت و الله العظيم مستعدة أوقف 5 ساعات و لا أجلس حنب حرمة >>صابتني عقدة منهن
إقتباس
الظاهرة الثالثه ياهي ظاهرة من جد ق ل ق هالبزران بس وش نقول يمكن أهلهم جايبينهم عشان يتثقفون>>>>ايه هيييين...
صح يتثقفون الولد يفحط و يردس و البنت تحرّش عليه,و عاد هنا يعلمون الناس طريقة تربية البزران حياً على الهواء
كل عام و أنت بألف ألف صحة و سلامة,اللهم آمين
عافاك ربي أختي هلالية على المرور..
فتى المدينه
حيا الله ولدنا>>كل أهل المدينة عيالنا
إقتباس
فنسيت ماكنت اود كتابته
هههههههه أنا جبت العيد يوم قريتها:p ,بس و لو مرورك يكفي يا فتى;)
إقتباس
الله يرحمه .. ويمتعك بالصحه .. ولايلام البعض فـ الجهل له دور .. بس تراها كانت بترفع المعنويات وانتِ فهمتِ خطأ
اللهم آمين,صح بترفعها :p و الدليل إنها كانت بتخليني أستعد للموت في أي لحظة و حتى ما أصاب بصدمة نفسية عند بلوغ الأجل
إقتباس
سبحان الله ..فتى المدينه كان يتجول اليوم بين ردهات مكتبة جرير (احلى صار عندنا فرع ) ومن ثم اتجه للعبيكان .. ولكن لم ينطح احدآ .. طلعنا براءهـ .. بس والله وانا في المكتبه سمعت الاسعاف قريب منّا لايكون جايين عشانك ..
لا أنا اتجاه سيري كان عكسك ابتداءً بالعبيكان مروراً بجرير انتهاءً بدار الزمان و البكاء على الأطلال .
طيب أي مكتبة؟؟بعدين لا الحمد لله ما حاشنا شيء,كملنا المشاوير و الاسعاف يمكن جايبينها للولد أنا توقعت إن بيصيبه ارتجاج
كل عام وانتِ والجميع بألف خير .. وآه يا السوبيا ..
وأنت بصحة و سلامة.و آآآآآه يا السمبوسة
قواك الله فتى على هالمشاركة و الله لا يوريك مكروه في نفسك أو قريب
عزوز الأزرق
هلا بطلاب جامعتي القديمة
إقتباس
سلااااااااااااااااااامات ...
الله يسلمك ,
إقتباس
عاجبني هالبزر .. مايضمونه للمنتحب ؟؟!
بس في أي رياضة؟؟كرة قدم,مصارعة,ردس و نطح:p ,و لا انبراش؟؟
إقتباس
اهلا باطلالتك المشرقة اختي مجد ...
البسك الله لباس العافية ... ورفع عنك وعن المسلمين ...
فموضوع تكتبه مجــــــد .. لابد أن يكون عندي ..
من الأهمية بمكان .. حتى لو اختلف الزمان .. و ..
... المكان ! <=== يا شين الفلسفة
أما بعد :
( ف 1 ) بصراحه افضل حل لتلك المشكلة هو أن تكون إجابة السؤال .. بسؤال ؟!
مثلاً : لو سألتك إحداهن - ببراءة - وش جابك هنيّا ؟ يكون الجواب .. اللي جابك
هنيّا هو اللي جابني هنيا ولو سألتكِ : كم عمرك ؟ يكون الجواب .. كم
تعطيني !! وهكذا .. حتى تطفش ( السائلة ) وتتجه الى ضحية أخرى .. على
بال ما يجي السرا
( ف 2 ) الله يعينك يا مجــــــد .. على الدكاترة والمرض ، وكله بأجره
ان شاء الله ، وكثّر الله خير وزارة الصحة .. يكفي انها وفرت ( دوا الكحة ) <=== انجاز
( ف3 ) الظاهره هذه ينبغي محاربتها كما تفعل قصور الافراح التي تشترط
عدم حضور الاطفال و ..
.. والى هنا نكون قد وصلنا الى نهاية الرد .. وشكراً لك يا مجـــــــــــــد ،،
عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
هلا مجد ..
قبل كل شئ الله يشفيك ومرضى المسلمين اجمعين يارب ..
ويجعلها لك تكفير وتطهير من الذنوب ..
إقتباس
ظـــاهــ,,ـــــــــرة
مشكلتنا الأزلية اللقافة !!
لازم نعرف كل شئ يصير !!
ولازم نعرف كل شخص حولنا !!
ولازم نعرف كل سبب !!
ولازم نتدخل في كل شئ مالنا دخل فيه !!
متى يجي اليوم اللي نترك فيه اللقافة ؟؟
انا اقولكم .. اذا حجت البقر على قرونها !!
إقتباس
صورة مع التحية لـــ.....
مستشفيات المدينة حكاية ما بعدها حكاية للأسف !!
واحد من الأخوان صرفوا له علاج خطأ والى هاليوم وهو يعاني بسبب هالشئ !!
علاج ماله اي دخل بحالته !! علاج لحاله ثانية وغير في كل شئ !!
مع هذا صرفوه له وبالأخير اكلها هو !!
وبرضوه واحد من الأخوان انا حاضرها .. وبـ ابو عيوني شايفها مهوب بس بأم عيني
الرجال تعبان ويبون يسحبون منه دم عشان الفحص ..
الدم اللي طلع من يده اكثر من اللي سحبوه بـ 20 مره !!
ثايبه تسبحت دم والسرير بعد كل هذا عشان الممرض ما عرف يسحب ولا عرف يطلع الابره بعد ما خلص من السحب !!
ونفس الرجال كان تعبان ويراجع اكثر من شهر يبي يعرف وش فيه يقولون مافيك الا العافية !!
وبالأخير طلعت عنده حصوة وعرفنا هالشئ من مستشفى اهلي !!
يعني اذا تبي تعرف وش فيك مالك الا المستشفيات الأهلية اللي تبي تأخذ منك اكثر من ما تعطيك ..
بس الواحد وش يسوي اهم ما عليه الصحه !!
إقتباس
مكتبات الملاهي..
مع الأسف كل الأسف يا زماني ..
بعض الأهل ودك تصفقه كف عشان يعلم عياله الأدب !!
وعشان هو يرجع ويصفقهم كف عشان يتأدبون !!
مشكلة البعض انه يترك عياله على كيفهم !!
لا فيه لا احترام للمكان ولا الزمان ولا الاشخاص اللي متواجدين حوله !!
يعني ما تقدر تمسك عيالكم !! هم شياطين هم مهبل هم مجانين !!
خلهم في البيت يحوسون ويصلحون على كيفهم ولا يبهذلون العالم !!
على الاقل يبهذلونكم انتم بكيفم انتم اهلهم اما الناس الثانية وش دخلهم ؟؟
قلة حيا وناس ما تستحي << صدى ذات إنفعال
إقتباس
و الله إن هالبزر- ما شاء الله- نطحته أقوى من نطحة زيدان
قلوووووووووب من هنا لين باريس !!
إقتباس
كل عام و أنتم بخير قبل الزحمة..
و الله يبلغنا رمضان و يرزقنا بطاعته و غفرانه
وانتي بخير وصحه وسلامه ومن العايدين الفايزين << عشان يرتاح
1 / " من حسن إسلام المرء تركه ما لا يعنيه " و " قل خيراً أو فاصمت " .
ربما-أقول ربما- عند البعض أصبحت من الثقافة العامة ألا تترك ما لا يعنيك
إقتباس
2 / إن كان مرضك شفاك الله نادراً ابحثي عن واسطة كي تدخلي مستشفى التخصصي ! و حتى ذلك الوقت يمكنني أن " أغثك " بأسلوبي في موضوع بمعرفي في صفحة المنتدى الأولى .
للأسف لا تخصصي و لا غيره في أنحاء العالم,أنا مؤمنة بما أصابني و سيصيبني و لكلٍ أجل و الحمد لله أنا أفضل حالاً من غيري,
أبا ريمان أنا من المتابعين لقلمك بصمت,و كل كلمة يكتبها abu_riman تأكد أنني من قرائها و لو بعد حين
إقتباس
3 / المكتبة ! باختصار هي المشكلة ! لو عرفنا قدر المكتبة لما كان هذا حالنا !
للأسف لم تقتصر على المكتبة بل تعدتها إلى المستشفى و الأسواق,و جميع الأماكن (تهون) عند المستشفى
أبو ريمان شكراً لك بحجم كرمك
الذئـــ الأزرق ــــب
حياك الله أخوي,الفضفضة أحياناً تكون راحة للواحد و بنفس الوقت تسبب له الألم ,فضفض و إن سكروا الموقع افتح لك موقع خاص فيك :p و فضفض,بس غالباً أنا أتبع ( خلّــها في القلب تجرح و لا تطلع و تفضح )
إقتباس
الأولى / اللقـــافة ماخلت احد!
للأسف البعض ماخذها تسلية
إقتباس
الثانية / ماتشوفين شر ; إهمال المستشفياات تعدى الحـدوود , فكل يوم نسمع عن خبــــر وفاة في الجريدة سببها انه في المستشفىالفلانـــي في المدينة الفلانيــة , نسى دكتور جواله ! ; ولا نسى دكتور ممرضــة ! أشيـــــاء لاتعقل تحصل من اهمال المستــــــشفيات !!
ما يجيك إن شاء الله,صورة مع التحية لأهــــــلي و لمن يهمهـ/ـا أمري..;)
إقتباس
الثـالثة / هذي ظاهره معرووفه جداً بيننا نحن الســعوديين .,, بأنــه أي مكان نذهب اليه نأخذ معنــا أبنائنا
وكما قال ابا ريمان لو يعرفوون قيمة المكتبة ماتــركوا أبنــائهم يلعبون داخلها او ما (جابـوا ) أبنـائهم إليها ..
و فيه سعوديين ما يسوونها,و فيه سعوديين عيالهم مؤدبين,و فيه من هالصنف خذ عيالك ما قلنا شيء بس لا تخليهم يزعجون الخلق..
الله يعافيك يـا الذئـــ الأزرق ــــب و شكراً على المرور..
بطل الفيلم
هلا برئيس التحرير المجلة الـ ضعف سنوية
و أنا أنتظر و حتى لو لم تعد فيكفي أن البطل حضر;)
هلالي الظهران
إقتباس
هييييه كيف الحال ..
هيييييييه و أنا أكتب الرد عليك قاعدة أسمع شيلة لسلطان أولها هييييه:p تمام الحمد لله
إقتباس
مجد بالله وش رايك بظاهرة اللي يقول بحجز بمكان ولي عوده وماتشوفين الا غباره .. ماتحسين انهم يشلون تفكير الواحد ويبعثرون اوراقه وينسفون مخططاته ..
هم من ناحية يشلون يشلون يخلون الواحد يفكر مليون مرة برده كيف بيكون؟وش بيكتب؟؟و عاد حنا الحمد لله ما فينا لقافة أبد
بس يختلف الوضع يمكن يكون عنده ظروف ما قدر يدخل,لكن إن كان يدخل بس يرد على المواضيع الثانية فيمكن عجز إنه يرد على الموضوع و ما حصل شيء يكتبه,و إن كانت كل مشاركاته بهالطريقة يحجز و يفرك فهو بيزيد مشاركاته>>تحليل تفصيلي
إقتباس
موضوع تكتبه مجد والله وبالله وتالله علينا فصفصته من بعد الفضفضه اذا ربي كتب لنا عمر ..
شكراً على الإطراء فصفص على راحتك بس لا تنسى ترمي القشر برا
إقتباس
اما الحين استأذنك علشان اجي بعدين .. قسما قسما احس اني شايل راسي على كتوفي تقول كني هذاك الدب اللي يذب عليه كل ابو دايم طارق العلي بمسرحياته .. استغفر الله استغفر الله بس ..
شعبان عباس ايه يالدنيا أيام ما كنت أتابع التلفزيون كنت أشوف صح لسانك كل يوم لين خرب الشريط.بعدها عاد أنا اعتزلت;)
إقتباس
هذا كله بس ابعلمك ان اي موضوع نشم فيه ريحة المدينه( قلب كبيييييييير خارمه سهم من البطين الى الاذين) لازم نعطيه حقه وزود ..
آه يالمدينة كلها كم شهر و أطلع منها أكيد أبحزن وقتها لكن أكيد بيجي اليوم اللي أفرح فيه, و أنسى المدينة باللي فيها
شكراً هلالي الظهران على المرور و الحمد لله على السلامة
أبو راس
كلامك على العين و الرأس,و لكن تأكد أخي الفاضل أن معايير القياس تختلف من شخص لآخر,فما تجده أنت غير محترم يجده آخر محترم و العكس,
أخي الكريم أنا هنا مسئولة عن ما يكتبه قلمي فقط,و لا شأن لي بغيره و لا يحق لي أن أملي شروطي على من أرادوا الرد,لكلٍ الحرية فيما يريد كتابته..
أبو راس
لتعلم أن فكرك يروق لي كثيراً –كثيراً جداً- و لكن حيناً يتمرد غضبك على فكرك فـ يُخيّل للآخرين أنك تستخدم مبدأ ( خالف تعرف )..
هي تنفيس عن الروح,و وفاءً بالوعد و الحنين لمكانٍ جميل
في الاولى ..
أواجهها عندما يناديني أحدهم لـ(يسلّمني) أوراقي,ما إن أعود مكاني حتى تخترق النظرات الأوراق,و إن كان هناك من لا يجيد القراءة تنهال الأسئلة..
في الثانيه
تلك أهون ما مر علي!!
في الثالثه ..
عذراً حقيقةً لم أفهم ما تعنيه;)
...SoMe OnE...
ازدانت صفحتي بحضورك,و توهجت كلماتي بنورك,كلماتك فخراً لي لا أستحقه
دمت للروعة
الكــلاسيكي
هلا بالاستشاري,صاحب اللون الرصاصي
إقتباس
الفضفضه احياناً بل دائماً تريح مافي القلب من هم وغم وتريح الاعصاب أيضاً,,
وبالاخص اذا كان الشخص المستمع ينصت اليك ويعلق عىل ماتقول <<قاريها بكتاب ..
و لكن حيناً تكون طريقاً لهلاك صاحبها>>عن تجربة;)
إقتباس
اما الظاهره الأولى في كل مكان ,, الكل يحاول التطفل على الآخر حتى وان كان ذلك مضيعه للوقت ,,
ويأتي كل هذا من باب حب الاستفسار ..وبالعربي حب اللقافه ,,
اعتقد ان مسمى اللقافه في مجتمعنا بدأ بالانتشار وبأشكال متفاوته ,, اما لقافه بالسؤال او بالنظر .. او بالتسمع ,,
للأسف أخذت في الانتشار و يا ليت هناك من استفاد؟؟
إقتباس
ومن ناحية الظاهر الثانيه ,, اقول من خلال هذا الموضوع ان الصحه في بلدنا من سوء الى أسوأ ,,
اطباء بلا انسانيه ,, ويحملون فقط مسمى طبيب ,, يعالجون دون اخلاص .. وبلا دقه ,,
سئمنا من الحديث على وزارةالصحه والاهمال في المستشفيات ,, ولكن لا حياة لمن تنادي ,,
الآن الشخص يدخل المستشفى وهو يخشى الوفاه بسبب تخبطات واخطاء الاطباء التي انتشر هذه اليومين ..
من المفروض ان الطبيب قبل ان يعالج الاعضاء يعالج الشخص نفسياً ,, ويرفع من معنوياته ,,
والله يلبسك ثوب العافيه ,, وبأذن الله ستعودي لصحتك كما كنتي ,,
بالرغم من التطور إلى أن الصحة للأسوأ,نفسية المريض هي الأهم و هذا ما يردده الأطباء على مسامعي كل حين,و مع مرور الزمن تهوي النفسية في الحضيض
شكراً لك و لا أراك الله مكروهاً.
إقتباس
اما الظاهره الثالثه ,, بالفعل اختي انا ملاحظ هاليومين ان المكتبات صارت ملاهي وتسوق
ولما تدخل المكتبه كانك داخل هايبر بنده ,, وكل هذا بسبب عدم احترامنا للكتبه وللكتب ,,
للأسف ما هو بس المكتبات إلا كل الأماكن صارت هايبر و اختلاطات.
إقتباس
والله يبارك لك في شعبان ويبلغك رمضان بأتم صحه وعافيه
اللهم آمين,و أنت بألف صحة و سلامة
الكــلاسيكي
شكراً لك أخوي على المرور
الهنوووف
سلامات,ما تشوفين شر,و يكفي الموضوع مرورك.
شكراً يـا الهنوووف
فرصه ضايعه
هلا أختي ,و خيرها بغيرها إن ضاعت مرة بتتحقق المرة اللي عقبها
إقتباس
هلا وغلا ... هلا بكل الحلا ... أما مجد وإلا بلا
لا فرصة أنا كذا أتحطم وش حلا الله يهديك إلا تعالي لا يكون قصدك بلا كلمة بلا اللي هي مأخوذة من بلاء
إقتباس
يختي عطيهم اشكل من البدايه ولا تعطينهم وجه كنك ماسمعتيهم وبيستحون على وجيههم ...
الصراحه الشفاحه في ذا الناس اللهم لا تبلانا صارت متأصله فيهم ...
عاد أنا أكره شي عندي وحده تسألني ...
صعب و خصوصاً إن فيه بعضهم كبر جدتي,بعدين لو سويت إني ما أسمعهم بيطلعون في مرض ثاني,و لا يقولون متكبرة,عاد أنا فيني اللي مكفيني
إقتباس
مين يسمع ...
الاطباء عندنا بعضهم يجي طبيب بشهاده ميكانيكي ...
الصحه بيلها مصفاة أو منخل عشان نطلع منها صفوة الأطباء;) ولو نعدهم ماجو ولا عُشر هالاطباء المنتشرين عندنا
اللي قاهرني إن و الله العظيم عندنا كفاءات,بس ما يعطونهم فرصة>>ما هو بأنت ,و يجيبون لنا من برا,ليه ما أدري؟؟!!
إقتباس
طيب من المسؤل ...
أكيد الأهل وشوله يجيبونهم ...
هم مب عارفين ياخذون راحتهم ولا مخلين خلق الله يركزون ...
منوّل كنت إذا رحت للمكتبه مأشوف أحد يهمس ...
بس الحين انواع الأستهبال ... وهاتك ياصراخ وتقليب في الكتب مب لم سنع ...
وياليتهم يستفيدون ... إلا مخلينها تقل منتزه:sad: ...
الله يهدي أهاليهم ولا عيالهم مالهم دخل ...
أكيد أهلهم,صراحةً أنا ما أحب أطلع إلا الصبح ما أحد يكون فيه,بس أحياناً العيال ما يكونون فاضين فنضطر إنا نروح من العصر و ورى>>شفت ردك الثاني و أنا أنسق الرد طلع اللي بالأحمر
إقتباس
سلامي لك غاليتي وماتشوفين شر
الله يسلمك فرصة,و ما يجيك إن شاء الله,
شكراً فرصة على المشاركة
سحرالشرق
الله يكفينا شر السحر ,هلا و الله أختي
إقتباس
مجـــــد بعظمة ذاتها هنا يا هلاااااا بنور المدينة <<<لا يغرك ترى حتى أنا نور المدينة;)
لا بس بعظمها بعدين لا تطلعين إشاعات وش نور المدينة؟؟الله يهديك شايفتنن شركة الكهرب على قول عمي-أها يعني الحين أنت تقولينها يعنني بتمدحين بنفسك و لا بتعلمينن إنك من المدينة
إقتباس
الله يسامحك مجووود فضفضتي وشكلي بأفضفض معك<<ما راح انتظرك تضيّفيني;)
و يسامحك بس رجاءً بلا تدليع ترى و الله الشكل ما يساعد
إقتباس
1-آآآآآه يا ليل ما أطولك لو حكيت لك مواقفي اللي مثل هالموقف ما قضيت بس يالله اذكر لك ما يحضرني حالياً <<<فقط لتعلمي أن كثيراً أولئك الذين يعيشون نفس تجاربك!!
لا تنسين تجربة عن تجربة تفرق,و النتائج تختلف;)
الله يعينك سحر و يشافيك و يعافيك..
إقتباس
عموما مجووووود أحس إني تعبت وأنا أكتب ولأني أعرف إنك عجازه ما أبي أطول عليك بالهرجه<<<<يا حبي للمدينة بس
ما شاء الله كل ذا و تعبت أجل لو ما تعبت وش بتكتبين .عجازة مجرد إشاعة.هرجه ههههههه حنا عندنا تعدد لهجات أتكلم ,أحكي,أسولف,أهرج,.....الخ الباقية نسيتها
إيه تذكرت
لاعاد تحتكين بالمدينة
مشكورة سحر على الفضفضة و الاختصار
رائدة الزعيم
هلا و الله برائدة>>يا حبي لهالاسم
إقتباس
هذي دايم تصير حتى لما تكونين في عزيمه او حفله
مليون سؤال مفاجئ بعض الحريم فيه لقافه
للأسف ما صارت تقتصر على الحريم,حتى الرجال انتقلت لهم,أجل ذاك اليوم واحد ماسك أخوي تحقيق من أول ما ركبنا معاه لين ما وصلنا للفندق
إقتباس
مره رحت المستشفى أعطاني حبوب قوتها 500 وأنواع كثير
من كلتها وأنا بغيت أموت ولما رجعنا للمستشفى
قال الطبيب الثاني أيه البنت عايزه تنتحر<<
وأنا مافيني من يجاوب لكن جالسه اتحسب عليه في نفسي
قاله ابوي الدوا هذا انتوا واصفينه لها<<ساعتها توهق
تدرين وش القهر إني رايحة له بكذا توصية,و انتبه لفلانة,شوف وش فيها؟؟لكن يا راعي الوصاة افـ فمك (....)!!
ولكن إذا اختفى الأدب وقلطوا يجب أن يكون هناك ذوق ..
مثل هؤلاء الأفضل أن يواجهون حتى لاتتكرر أخطائهم ..
فبعض الناس يتأثر بهم ويصدقهم وهنا تقبع المشكلة !!
للأسف حيناً تجد ذلك من الصعوبة بشيء,فـ (أبو طبيع ما يجوز عن طبعه).شخصياً لم أتأثر بما قالته لأنها في الوقت ذاته ناقضت نفسها...
إقتباس
إذا الفضفضة الاولى قلت عنها مصيبة فهنا سأقول طااامة كبرى ..
واتوقع مسل هزا دكتور ايبي إــلاج وعلى قول الشاعر :
طبيب يداوي الناس وهو عليل ...
بصراحة لو لقيت مثل ها الدكتور كان كمخته على دميجته ..
الطب أمانة ومسؤلية يجب ان لا ينالها الا من يستحقها !!
المصيبة ينفخ هو وجهه و الله لو كان(........) مداوم إنه ما يفتح فمه,بالنسبة للكمخ عندي لا لكن علي لسان الحمد الله بس ذاك اليوم ما في حيل أرد عليه..
المسئولة هنا وزارة الصحة,كيف لهم أن يأتون بمثل هؤلاء؟؟
إقتباس
هذي الفضفضة ولا بلاش ...
الحمد لله على سلامتك مجد ...
أهم شي إن البزر اخذ كرت احمر بعد النطحة ..
والحمد لله انك ما صرت شهيدة الكتب ..
الا منهو اللي طاحت عليه كتبه ومااات ؟؟
الله يسلمك ماجد,البزر و الله بعدها ما شفته,أنا فزيت على طول و أتلفت عسى ما أحد شافني >>هذا هو المهم عندي
الظاهر إنه الجاحظ
ماجد المبدع
مرورك شرفٌ لي و لكلماتي
دمت بهذه الروعة أيها الماجد
هلالي الظهران
هلا الظهراني,و خل عنك الإشاعات
إقتباس
مدري اقول فضفضي ولا لا تفضفضي .. انتي يبيلك احد يفتح لك مجال وخذ حكي .. يالله عاد فضفضي قبل يطق العرق الاخير ,,
هههههههه عاد أنا و الله لو آخذ سنة ما أحكي عادي,بس بعد السنة الله العالم وش بيصير
إقتباس
الظاهره الاولى .. هذي الله يطول بعمرك تخصص نسائي بحت .. يعني الوحده لو ماسولفت ثمن سولفت ثمن سولفت يطق فيها عرق ههههههههه ..
وعلى شان اكون واقعي .. الشعب العربي فضولي بشكل يثير الاستهجان وبالعامي حنا شعب ملقوووف لابعد درجه وهذا اللي فلحنا فيه!!
في اي مكان واي زمان وتحت اي ظروف مستعدين نضحي باي شي مقابل لقافتنا ومن بعدها يبدا الحكي والتلميح ونقل الكلام !! وياليت نكتفي بالنقل فقط لكن لازم من البهارات والكذب وكاننا نلعب لعبة تلفون خربان ,,
أنا معاك إن الحريم لها الحين ما أحد غطى عليهن بهالشيء ,بس ترى حتى الرجال انتقلت لهم العدوى,الله لا يهينك اركب مع واحد من هاللي عند المطار و شوف.
و الله ركبنا مع واحد من أهل المدينة تاركها من 35 سنة يسأل أخوي عن أشياء قبل لا يجي أخوي الكبير ما حاجة هاللي معاي,ما خلا شيء ما سألنا عنه,حتى بيتنا سألنا وينه فيه؟؟
الملح و البهارات غالباً ما تكون في الشيء اللي يتعلق بالعائلة,لكن بالأمراض ما عمري واجهتها
إقتباس
الظاهره الثانيه .. معاناه بمعنى الكلمه .. وللاسف للاسف للاسف ان الضرر تعدى انتكاس الحاله واصبح فقدان للثقه في البحث عن العلاج والتفكير فيه!
وانتي مجد فاهمه قصدي زين من هالحكي !!
هالفقدان ما هو من سنة و لا سنتين ؟؟تراكمات السنين و التجارب و الحكي يعدم الثقة بأي شيء حولك
لا تحرق النار إلا رجل واطيها;)
إقتباس
الظاهره الثالثه .. اول شي بصراحه هم بقوا ناس يقرون بالمكتبه!
احس هالشي انقرض من زمان .. استعيري الكتب اللي تبينها واقريها بالمكان اللي يحلالك بدون ازعاج وبالجو اللي يعجبك .. فيه حل اخر وهو المكتبات التابعه للجامعه اتوقع مازال للهدوء فيها مكان .. شخصيا احيانا اخذ كتبي واطلع المكتبه اذاكر بحثا عن الهدوء والتركيز والتفرغ ..
بس نروح نشتري,و بالنسبة للاستعارة ما هي عندنا,الظاهر فيه مكتبة للاستعارة بس ما أدري وش قصتها؟؟
المكتبات الكبرى عندنا تشتري و بس.مكتبة الجامعة الكتب فيها قديمة هذا أولاً ثانياً بالدور الثالث و من دون مصعد,ثالثاً ممنوع الوحدة تدخل أي شيء معاها حتى الجوال و المحفظة(البوك),بالله الواحد كيف بيجي له قلب يقرأ و أغراضه برا
إقتباس
بعدين شرهتك على اللي اوزانهم بوزن الريشه ,,
ذي و الله ما أدري عنها سبة و لا مدحة ,لأني ما أدري وش هو وزن الريشة
الله يعافيك هلالي الظهران و مشكور على المرور..
هلالي الظهران
التمس لأخيك سبعين عذراً,يمكن أبو راس خانته كلماته في توصيل اللي يبي لك,عموماً أقرأ كلامه بس شيل من بالك فكرة الاستقعاد
بطل
هلا بـ بطل حديثاً,و بطل الفيلم قديماً
بطل و الله أمس قبل لا أرد عليك شفت بطل من دون الفيلم فشكيت بجهازي إنه جوعان كالعادة و آكل الفيلم ,عاد الحمد لله جهازي طلع براءة
أما قبل :
سابقاً و لاحقاً تظل البطل,صاحب الحضور البديع,و السجع الجميل,مروّض الحرف,و ثنيان الكلمة
أما بعد :
( ف 1 ) فعلتها مرة فـ(حسيت )إن وجهي طاح,حلفت بعدها ما أسويها لا هنيّا و لا هناك
( ف 2 ) الله يعين الجميع,اللي يقهر يا بطل إن عندنا إمكانيات مادية و طاقات بشرية و عقول ذهبية
( ف3 ) بهالطريقة ما راح تستفيد المكتبات,افرض لو جاء واحد معاه كم بزر أكيد الأبو بـ يشري لهم و لا هو بمزعلهم
كل الشكر لك يا بطل (الفيلم) على المرور و الرد
صدى الامس
هلا بصدى الأمس
إقتباس
قبل كل شئ الله يشفيك ومرضى المسلمين اجمعين يارب ..
ويجعلها لك تكفير وتطهير من الذنوب ..
اللهم آمين, و لا أراك الله مكروهاً في نفسك أو عزيز
إقتباس
مشكلتنا الأزلية اللقافة !!
لازم نعرف كل شئ يصير !!
ولازم نعرف كل شخص حولنا !!
ولازم نعرف كل سبب !!
ولازم نتدخل في كل شئ مالنا دخل فيه !!
متى يجي اليوم اللي نترك فيه اللقافة ؟؟
انا اقولكم .. اذا حجت البقر على قرونها !!
و لازم نسوي فاهمين في كل شيء!!
و لازم نكون من السباقين لكل موضوع!!
و لازم ندخل عصّنا في شيء ما يخصنا !!
إقتباس
مستشفيات المدينة حكاية ما بعدها حكاية للأسف !!
اللي يرفع الضغط,واحد ذاك اليوم يحكيني يقول مستشفى الملك فهد فيها أجهزة ما هي موجودة بمستشفيات الرياض و يا ليتنا استفدنا منها
إقتباس
وبرضوه واحد من الأخوان انا حاضرها .. وبـ ابو عيوني شايفها مهوب بس بأم عيني
الرجال تعبان ويبون يسحبون منه دم عشان الفحص ..
الدم اللي طلع من يده اكثر من اللي سحبوه بـ 20 مره !!
ثايبه تسبحت دم والسرير بعد كل هذا عشان الممرض ما عرف يسحب ولا عرف يطلع الابره بعد ما خلص من السحب !!
ونفس الرجال كان تعبان ويراجع اكثر من شهر يبي يعرف وش فيه يقولون مافيك الا العافية !!
أنا صارت معاي,الممرضة تدخل الإبرة بيدي بتسحب دم,و أشوفها تلف الإبرة يمين و يسار قلت لها وش تسوين قالت أدور عرق مال أنت هو ما فيه واضح ,اللي قاهرني يقولون فيك فقر دم و هم بيسوون لي مزرعة دم لي نفسي أفهم هم وش يبون؟؟ و الله القصة لها أكثر من ست سنوات و لها الحين أثرها في يدي,عاد أذكر وقتها ما خليت أحد ما سبيته و لعنته حتى الدكتور يقول أنا مرسلني لك خالك قلت الله يلعنك أنت و خالي
إقتباس
يعني اذا تبي تعرف وش فيك مالك الا المستشفيات الأهلية اللي تبي تأخذ منك اكثر من ما تعطيك ..
بس الواحد وش يسوي اهم ما عليه الصحه !!
و الله فيه مستشفى أهلي معروف على مستوى المملكة و للأسف ما عنده ما عند جدتي,إذا إشاعة سويتها عندهم عرضتها على كم دكتور يقول وش ذا
أما الصدمة إن السعودي الألماني اللي عندنا ما هو مصرح من وزارة الصحة,و هو ملك لصاحب السمو الملكي الأمير................................. لكن كاتبه باسم,,,,,,,,,,,,,,,,,,,,,,,,,,,
بالله بعد هالشيء الواحد وش يترجى؟؟!!
إقتباس
مع الأسف كل الأسف يا زماني ..
بعض الأهل ودك تصفقه كف عشان يعلم عياله الأدب !!
وعشان هو يرجع ويصفقهم كف عشان يتأدبون !!
مشكلة البعض انه يترك عياله على كيفهم !!
لا فيه لا احترام للمكان ولا الزمان ولا الاشخاص اللي متواجدين حوله !!
يعني ما تقدر تمسك عيالكم !! هم شياطين هم مهبل هم مجانين !!
خلهم في البيت يحوسون ويصلحون على كيفهم ولا يبهذلون العالم !!
على الاقل يبهذلونكم انتم بكيفم انتم اهلهم اما الناس الثانية وش دخلهم ؟؟
إقتباس
قلة حيا وناس ما تستحي << صدى ذات إنفعال
بالله لا جيت المدينة مر المكتبات و انفعل عليهم
إقتباس
قلوووووووووب من هنا لين باريس !!
يا كرهي لها الزيدان,صح لاعب بس ما أطيقه,أبو يعقوب و بس
إقتباس
ومن العايدين الفايزين << عشان يرتاح
و عساك من عواده
عافاك ربي صدى على المشاركة
فرصه ضايعه
لكل جوادٍ كبوة,بعدين لو يدري صدى إنكم بتتشققون من الفرحة كان كل شوي نزل لكم أخطاء
مجد .. كلماتك ذي تيجان على راسي .. تشكرررراتي وبقوة
وبصراحة اشكرك على اسلوبك الراقي
=========
خيو هلالي ظهراني
مرحبتين طال عمرك
كيف حالك عساك بخير
نعود الى محور حديثنا
انت ردك يقوم على محورين ..
المحور الأول اني ماعمري مدحتك ونفخت راسك فكيف اجي فجأة واتجرأ انتقدك !!!
حبيب ألبي
المحور ذا من سطحيته ترددت ارد عليك فيه ولا لا ..
الحين طال عمرك مو الحكمة ضالة المؤمن
والكلام ان كان صحيح ناخذه حتى من يهودي و بوذي
هل لازم يكون بينا هرجه ومرجه من شان يكون من حقي انتقد شي اعتقد انه خاطيء
ما عمري شفت واحد يرد نصيحة "بسبب" ان الي جات منه ما قد دق حنك وياه
انت كلامك يعبر عن موقفك في تقبل النصيحة
لكنه لا يقلل من قيمة النصيحة نفسها .. ياليت تنتبه معاي للفرق طال عمرك
المحور الثاني
ذا ممكن اتقبله منك
لأنه ببساطة انت تعتقد ان كلامك ما فيه شي
واعتقادك من حقك وذا باب النقاش فيه مفتوح
لأنه "قد" يكون امر نسبي ومو حقيقة مطلقة
ورايي صحيح يحتمل الخطأ .. الخ
اما نقطتك الأخيرة فما كانت سنعة
انه انا الوحيد الي لي نظرات شاذة تختلف عن راي الباقين
واسمح لي اقول لك يو ار رونق
لأنه اعرف ناس اتفقوا معي في اللي قلته
فلا تحول المسألة من نقاش بيني وبينك الى مشكلة بيني وبين المجموعة ككل
انا احب النقاش بس اكره المشاكل ولا بعدين سهلوووووه يزعل علينا يا معود
<<<لا يغرك ترى حتى أنا نور المدينة;) 
<<<فقط لتعلمي أن كثيراً أولئك الذين يعيشون نفس تجاربك!!
(لا بأس طهور إن شاء الله))
.. الشعب العربي فضولي بشكل يثير الاستهجان وبالعامي حنا شعب ملقوووف لابعد درجه وهذا اللي فلحنا فيه!!
,,
.. بعدين شرهتك على اللي اوزانهم بوزن الريشه 
,,
,أما مرحلة الانفجار نفسي أوصل لها بسرعة كود إني أرتاح بعدها بس أهم شيء ما يكون فيه خساير
.. 
الوضع العادي
