الله يرجك ،،،
شكلك مكثر (؟؟؟) آخر الليل

اتنبه لعمرك لروح الحين واستدعي ولي امرك

عموما يعطيك العافية وسعت صدورنا على هالظهريه البارده

تقبل مروري

إقتباس مع التقدم التقني في الحياة وتواصل التقدم التقني << يرحم امك اسكت << يا شين اللي ما يعرف يكتب مقدمات قلت لكم مع التقدم التقني في الحياة وتواصل التقدم التقني وتطور التقدم التقني وازدهار التقدم التقني << يا شين اللي تورط

حلوهـ المقدمه .. بس كمل

إقتباس اي تقدم تقني عندنا !! والا فرحانين بالجيل الثالث !! والا فرحانين بالتقدم ان الـ dsl عندنا في عام 2009 اذا الله احيانا بيوصل سرعة 1 ميغا !! عام 2009 ويقولون تقدم !! والا فرحانين بالتقدم ان الاتصالات عندنا نار !! والا فرحانين بالتقدم وبعض المناطق وحنا في عام 2006 مافيها شبكة !! والا فرحانين بالتقدم ان التقرير للرسايل بـ 10 هللات !! وش اقول ووش اخلي !! ما اقول الا مالت علينا وعلى تقدمنا !! والله يا حنا نسمع بالتقدم ولا ندري وينه فيه !!

شف .. لو يبون ربعنا يكون عندنا تقدم وتطور كان تقدمنا على أمريكا وطقته
بس ربعك يحبون البقاء في التقدم اللا متقدم ..

إقتباس المهم اقولكم الحين صارت الدعوة خرابيط وسواليف وقلة حيا :sad: كل من هب ودب فتح له قناة وحط رقم للرسايل ويالله يالعالم المخفات تدهر وترسل للقنوات سواليف ومسخرة وقلة حيا :sad: !! رأس مالها مليون وتحجز لك قناة وادهر من هالأغاني من طقة البرتقالة << والله يا انت قديم شكلك ما سمعت بـ الواوا !! وخل اول اسبوعين الترقيم مفتوح شوي يعني لا تدقق والاسبوعين الثانيات خفف شوي وبعدها رجعت المليون بمليونين ووش لك بالأسهم والخرابيط ونزل المؤشر وما نزل ارتفع السوق والا ماارتفع متعلق بكم شركة وخرابيط ثانية !! وحط لك بالكنترول واحد فاهم يرسل بـ أسامي بنات وشف بعض التماسيح المخفات يجونك ركض ولا يهون بعض امهات الركب السود !! اجل ارسل اسمك واسم حبيبتك عشان تشوفون التوافق بينكم طيب لو واحد عنده حبيب مهوب حبيبه ووحده عندها حبيبه مهوب حبيب وش يصلحووون !! << لا تقولون وش تبي ترى هالحركات كثيرة ;) وخصوصا في هالوقت التالي كثرت عند البنات بشكل كبير ;) ..

أفكارك خطيرهـ ..
الأسهم مامنها الا الغثا والتعب والقهر .. ورفع الضغط بعد ..
الحين صاروا يحطون قنوات خاصه بالشات .. والله من خف العقل .. مدري وش الفايدهـ شات بالتلفزيون !
والأغبياء يكتبون .. ويرسلون وأحسبي ياحسابه :p

إقتباس المهم الحين القنوات صرنا ما نشوف منها شي كلها يا شريط إخباري والا اسعار الاسهم والا سواليف وتشات !! طيب وبعدين والى متى وحنا كذا ؟؟ << اسكت بس اشوى انك 24 ساعة مسنتر وتدهر بالرسايل

يفتح لك قناة .. تحت شات ماخذ ربع الشاشه .. وعلى اليمين صورهـ لواحد أو وحدهـ .. وفوق الشات حقت أرسل أسمك وشف التوافق ..
وصار الواحد مايشوف شي ..

إقتباس خلونا نمر على بعض الرسايل عند بعض الناس .. واحد كل اخوياه طفرانين .. ×× كلها الرجاء الاتصال بي << طبعا بالانقلش وتعرفون ثقافتي فرنسية انا

أنا إذا ماجتن باليوم مرتين أو ثلاث تصير معجزهـ :p
همن أرسل للي مرسل لي كول مي أقول جوالي مفصول .. ماأعرف أتسذب المشكله

إقتباس واحد توه صاير مغفل يعني توه متزوج ×× اول سنة كلها رسايل حب وغرام .. ×× ثاني سنة رسايل شوق ووله << كل واحد بدأ يمل من الثاني ويصرفها بالشوق يا مسكين يهالشوق ملعوب(ن) في حسبته ×× السنة الثالثة جب خبز معك وجب غداء ما طبخت !! ×× لا تنسى تجيب بامبرز للعيال !! ×× نبي سيريلاك ونيدو ما عندنا !! ×× نبي طماط وبصل عشان الغداء تسانك تبين اطبخ ولو تجيب من المطعم يكون احسن !!

ههههههههههههههه ..
ذكرتني بـ سالفه تحص الطماط والبصل ..
الله يصلح أم الشباب طماط وبصل ولك جائزهـ .. أدري مافهمتوا شي .. بس أزين لكم :p

إقتباس واحد صايع .. ×× كل رسايله مشفره ;) !! << مالها داعي نتوقف على آخر عمرنا وش يقولون عني !! وش عندنا غير السمعة الحسنة والذكر الطيب << يحلفون ان هالشي مستحيل

يووووهـ ذكرتني بأبو فهد الله يذكرهـ بالخير ..
الله يهديهم راعين التشفير ..

إقتباس ×× فاتس عرس نوير بنت جيراننا بتصل عليتس بعدين بقولتس كل السواليف الحين تعبانه وبنام !! << عاد ترد عليها وتقول تكفين لا تنسين شي ابي اعرف وش صار ووشلون لبسهم وعرسهم والطقاقة ومن رقص ومن ما رقص والعروس وشلون كان شكلها يعني بالتفصيل ابي برنت كامل عن كل شي !!

الله لا يوريك ..
بعد العروس تشوف الإجتماع .. كل أبوهـ حش ..
شفتي فلانه .. الله يفشله لافتـ(ن) الشعر بـ طريقه أثريه .. وهذيك ترقص تقل مشبوكة على كهرباء .. والثالثه والرابعه ..
ومايسكتن الا إذا نامن .. والصبح يكملون

إقتباس واحد يعرف له كم واحد بالمنتدى .. ×× فاتك صدى الامس منزل موضوع الحق لا يفوتك انواع التنسيم والضحك !! << راجع الصندوق الوارد اللي فوق وتعرف السبب ليش قلت هالكلام ×× تراي نزلت موضوع تكفى رد كثر الردود !! ×× فيه موضوع منزله الوصخ ****** خل نخربه عليه !! ×× فيه موضوع لخوينا ***** لاترد اليوم رد باتسر عشان يكون نزل شوي وانت ترفعه لان انا برد اليوم !! ×× لاتنسى تراي كلمت خوينا ونبي ننزل موضوع كبير ونبيه غصب يتثبت !! ×× شفت العضوة ****** شكلها خوية العضو ****** !! << يرد الثاني ويقول انا شاك من اول وقلت لك هالشئ !! ×× شكلي بشبك العضوة ****** وبجيبها للماسنجر غصب !!

إقتباس واحد حاط الحد الأئتماني 300 .. ×× لقد اوشكت على بلوغ حدك الائتماني !! ×× لقد اوشكت على بلوغ حدك الائتماني !! ×× لقد اوشكت على بلوغ حدك الائتماني !! ×× لقد اوشكت على بلوغ حدك الائتماني !! ×× لقد اوشكت على بلوغ حدك الائتماني !!

معاناة مع هالرسالــه ..

إقتباس لا جد اتركوا عنكم الرسايل حتى لو كانت لقناة الزعيم << مندس

تصدق .. مشترك بـ ALzaeem و ISLAMTODAY والجوال كل شوي رساله أزعجنا
بس الزعيم عشان يستفيدون .. تعرف القلب يهوى ومايطاوع أني ألغي إشتراكي مع الزعيم ;)


...............

في الختام .. مشكور على الموضوع الحلو والـ sms ..
يعطيك العافيه ..

من ناحيتي لم أفهم إلا ما قصدته أبا ريمان .

إقتباس من ناحيتي لم أفهم إلا ما قصدته أبا ريمان .

إقتباس و أعتقد أن هناك من فهمها كما أردت و يبدو أن أسيرة منهم .

وهو كذلك يا أبا ريمان

ويشهد الله أنه لم يخطر على بالي تفسير آخر ..
وجزاهم الله خير صدى وفيو على التنبيه ..
لانه قد يكون قد فهمها آخرون بمنحى آخر و سكتوا !

يالماسة .. تائك وش سوت فينا

مقدمه .. انما ايه .. مبدع يا بااشاا

شكراً للجميع ..
شكراً أسيرة على حسن ظن نتمنى أن يكون ميزة أعضاء هذا المنتدى و بالمناسبة " تاؤك " و ليس " تائك " .