|
ياحكم والله من ( البربســــه ) وياهلال تكفى اسمعني,,!!! السلام عليكم ورحمه الله وبركاته,, عندما تكون الحروف تبكي فحتما أنك تعاني,, سواءا وطنيا أو دوليا لكن أن يأتي ( حكم يشتغل ) ملطشه قوانين يخترعها من مزاجــه,, وعندما ينتثر حلم تأهل سواءا قدمنا أم لم نقدم بخطأ ونحن بكل برود نبتسم ونصافح,,!! حتى تسجيل موقف لم نسجل ,,!! ليـــه ياهلال,, ليه ليه ليه,,!! نجدها من مسؤولينا أم من تحكيم ( غبي ) أم روح لاعبين مفقوده ,,!! أين المارد الأزرق عندما يحترق بجسد وفنايل,, هل تشبعنا يالاعبين وهل ( نتفلسف ) يابسيرو,,,,!!! ياحكـــــم : تلغي ضربة جزاء نقول تقدير من شخصك ,, لكن أن تضيع مجهود فريق بهدف لو وضعنا ( الحق ) لصفعك بكلمات تاريخيه تقول : حسبي الله عليك من حكم ( سكــــه ),,!! لم يلتئم جرحنا من اتحادنا الموقر وهو ( يفرد عضلاته ) على الهلال في كل مشاركــة,, ثم تأتي أنت ياصاحب البدله السوداء ( ملبسا ) وقلبا أسود مليء بكل العار من امكانيات وحتى حضور لتواصل طعن الزعيم,, آآآه ياهلال لم أشأ أن اضع اللوم كله على حكم ( فاشل ) لكن لم أجد روحا من بداية اللقاءات ,, نعم لم أجد روحا لكن حتى البطولة لم تدع لنا فرصة في مراسلة الزعماء المسؤولين ,, بطولة تلعب في 5 أيام بمشاركة 4 فرق,,؟؟ تقول أننا ( سنظل متخلفين ) وعسى ماشر يامنظمين ,, إنتهينا منكم يا مسيرين الرياضة بكلمات تتكرر,, لكن سآتي للقمصان السوداء من ( الحكـــام ): وأقول خساره فيكم ريال واحد كمكافأة,, نشاهد الغرب حتى اسير وأطبق افعالهم على كل من يدخل سلك الرياضه من مسؤول الى حكم الى مسيرين بطولات وأجدهم ( ماعندك أحد ),, مادعاني على الظهور بهذا الكلام ( الجارح ) للتحكيم لأننا من سنوات أخيرة نظل نعاني من مثالية اصبح كل همنــا نتجرع الطعنات فالحروف لاتبكي فالعيون هي من تبكي فلتقفون يا أصحاب البدل السوداء في الجحيم ( كحضور ) سيرفع كل منتمي أزرق يده ليقول لكم رب سيحاسبكم ..!! البطولات الخليجية أصبحت مملة بعقمها من طرق بدائية لكل الفرق تذكرني بأول ابتدائي كل طلاب الفصل يبحثون عن الكره ولكن هؤلاء الأطفال يخرجون من مراكزهم لكن بعض ربعنا الخليجيين ما ادري من قال لهم كيف يلعبون اسلوب عقيم يوتر الحاضر والمشاهد فأصبحنا لانشاهد سوى الملل ولاغيره,, فما فائدة بطولات تجدول دون امكانيات وصدقوني رحمتها في انها تجمعنا,,!! فلنبدلها ان كانت بتحكيم سيء وبتنظيم للجداول والوقت بهذا السوء ( بمكاشيت في البر ) لانها صرف فلوس ويأتي حكم من ( الفلسفه ) فيه يطلق صافرته بدون وجه حق ليلغي هدف بدعم من حكم راية ( سؤالي ) كيف رفع الرايه وعلى اي اساس,,!! لكن قانونيا ياهلال ويامسؤوليه المتواجدين في الملعب : أن توقفوا اللعب وتتحدثوا مع الحكم فالقانون لايجيز للحكم يشتغل ( بربسة ) دون مناقشته فقد يعود الضمير لقلب الحكم الفاشل ويصحح الهدف لإن الأنظمة تعدلت حتى لو اطلق صافرته كهدف ملغي,, طارت الطيور بأرزاقها وياحكم ( الله لايبيحك ),,!! يالاعبينا الأفاضل : صحيح نجد لكم العذر لكنكم لم تقدموا روحا فدعونا من المستوى,, اعرف الفنايل الزرقاء كيف تحترق فكيف ان كانت ترتديها أجساد,, يامدربنا الفاضل : لم أنتقد مدربا في بدايه عمله لإن من الظلم أن انتقدك,, لكن يامترجم الهلال أوصل له رسالتي وقل له : كيف يضع خالد عزيز بجانبه والهليل من البدايه يسرح في المحور,, ثم قل له تحتاج فوز لاتخرج مهاجم ثم تبدله بمهاجم ثم تقدم مدافع هذا عار,,!! العار أن توزع دور الدفاع بين الهجوم وتترك خطوطك الدفاعيه مرة واحده فالمفروض ابقيت الخراشي ودعمت الوسط بنواف وأخرجت البرقان ليكون عزيز من البدايه في منطقته ولانخسر تغيير فالشغل الذي تم ( يبعث التساؤل ),, فقل له نحن الهلال يامترجم,,!! أبو سلطان أبعثها لك صادقة ونظرة قادمــة : تكفى لاتضيع حقوقنا انتهينا من مسؤولين رياضة,, ثم يأتون ( حكام من غابه ) فيها كل شيء الا كرة القدم,, مرورا بموسم اراه صعب جدا فالغابه اتسعت ووحوشها من كل جانب,, للكل ممن يسمعني ويستطيع أن لا يبكي على الزعيـــم : جسد الزعيم ينهشه الضعيف والقوي ,, والله مهزلـــة عندما يتفنن في طعننا كل من اراد,,!! عيب ياحكم عيب عيب عيب,,!! وأنتم ياهلال من كل رجاله تكفون الهلال لم ينقصه بعثرة اتحاد محلي ليأتي البعيد ويمارس ( بلهاته العقيمة ) في ملاعبنا,, فقط ماحز في الخاطر : كيف يلغى هدف ونحن نواصل ركضنا اين تسجيل الموقف,,!! مشكلتنا للأسف أننا عرب بعد أن كنا في المقدمة اصبحنا بفكر غريب نتأخر,,!! والله حالة,,!! وعلى دروب الخير نلتقي أحبــه الســـامي كسمـــو الهـــلال1982 |
حجز :d |
يا اخوااااااااااااااااااان قدر الله وماشاء فعل |
يا رجال الحكم معرض للخطأ .. يجب أن لا نلوم الحكام على الطالعة والنازلة .. فهل الجمعان و نواف وتفاريس في مستواهم !! اليوم ما فيه الا العتيبي فقط |
قبل الحكم شف الهجوم العقيم |
يرجال دج وفلها وربك يحلها |
والله انك قلت كل اللي في قلبي |
ااااااااااه والله ياناس هدف صحيح ميه بالميه ليش الحكم الغاة حرام عليك ياحكم إقتباس:
|
مبدع كالعادة و الحكم الله يهديه |
والله قهر نحاول نبلع مشكله الاتحاد السعودي وهو ياخذ لاعبينا ونجي لم مشكله جديده وهو حكم يضيع مجهود فريق يعطيك العافيه |
الف شكر بس الحكم مكان سي بهذي الدرجه؟ صح انه الغى هدف صحييح بس الحقيقه فرريقك ماايستااهل التعاادل الهلال اليوم مدري وش فيه لا هجوم ولا دفاع ولا وسط ولا مدرب وايضا للاسف مااجووا جمااهير المفروض ننااقش اخطا فرريقنا وانتم تررجعوون وتقوولوون حكم وحكم؟؟ الف شكرر |
ليه نتخبى تحت مظلة التحكيم؟؟؟؟ هل انت مقتنع باللي قدمة لاعبي الهلال اليوم؟؟؟؟ ولا هجمة خطرة!ولا كورة منقولة صح!مافيه صانع لعب! مراكض مراكض و كننا في سباق جري و تقول الحكم اي حكم الله يسعدك..... اي حكم واي تحكيم قل ليه ياجمعان , ليه ياخراشي ليه يامدرب تحرق اعصابنا بأرباع اللاعبين (4/1) مايجون حتى انصاف |
والله صادق يالسامي زمن المثاليه ولت وانتهى زمنها ويجب ان تحتج الاداره على الهدف الملغي وياجمهووور الزعيم سجلواااا موقف لنكون خير سند للاداره والاعبين اما فرقنا الخليجيه والله خوش فرق دافع وكسر في الارجل وظيع الوقت ولك الشرف بنقطه من زعيم زعماء آسيا |
يعطيك العاافيه كلامك رااائع وليته يحرك دم من قصدت فيه ومايقهرني الا اذا قالوو الزعيم مايفوز الا بمساعده الحكااام !!!!!!!!! مانبيلهم مسااعداات بس نبي حقناا وبس وكثر الله خيرهم الف شكر فمان الكريم |
علي راسي اخوي وما قصرت وانشالله يحتج نادينا علي الهدف الملغي |
حسبي الله عليه من حكم فاشل وينك يابو سلطان تجي تشوف الهلال من بعدك (ماشبعت اجازة)خلاص ارجع الهلال يحتاجك |
مشكور اخوي السامي كسمو الهلال... . فعلا الهلال ينهش في جسده الضعيف قبل القوي... . و المشكله أن 90% من البطولات التي يخسرها الهلال هي بسبب التحكيم...ولكن لاحياة لمن تنادي . حتى البطولات العربيه و الخليجيه أصبحت تتطاير من الهلال و "عيوننا طايره"..بمعنى آخر الحكام يتخبطون و لجنة . التحكيم تتفرج و الإتحاد السعودي لامن شاف ولا من درى ....لكن لله شكوانا و الله يعيننا كهلاليين لأننا أصبحنا منبوذين . و كأننا قادمون ليس من دوله أخرى ...بل من كوكب آخر..... . تحياتي لك يابطل... |
صحيح ان الحكم اخطا لكن هذا مو عذر فريق يلعب بدون روح وبدون مهاجمين ما فيه الا الصويلح |
خيره ان شاء الله |
يعطيك العافيه |
يعطيك العافية طلعت كل اللي في قلبي |
يا جماعة هل الفريق اللي لعب اليوم الهلال او فريق حواري هجوم عقيم جدا جدا بقيادة الجمعان والصويلح اللي شغلته المطامر على كتوف المدافعين بكل ثواره اما الدفاع فحدث ولاحرج شوارع رئيسية الحمد لله ان المباراه انتهت بالتعادل بعد الهجمات الخطره اللي ضيعوها مهاجمين فريق مسقط اما عن هدف المباراة الملغي فلانقول غير حسبنا الله ونعم الوكيل فالهدف صحيح 100% |
نتمنى ان تقد الاداره الهلاليه باحتجاج لمعاقبت الحكم |
خلك من الحكم الحين السالمية جايبة 5 وهجومنا ما قدر يجيب هدف !!!!!!!!!! كل الضغط ما شفنا هجمةةةة زي هجمات مسقط |
مشكوور اخوي على الموضوع والهدف صحيح ميه بالميه لكن وش نقوووول حسبي الله ونعم الوكيل |
اجتمعت الظروف على الهلال من هنا اتحادنا الموقر المبعثر ومن هنا التحكيم المرستك والمحكور من العبدالهادي اللي يترزز في المنصه ومن هنا بسيرو مدربنا الغبي مدري اللي يستغبي علينا ومن هنا لاعبينا اللي شايفين حالهم على اندية الخليج وكأنهم ضامنين الفوز قبل تبدأ المباراه ومن هنا ادارتنا الموقره التي وقعت مع التايب قبل 1 شهر ولاهي قادره تجيب بطاقته الدوليه ومن هنا اللاعب المحترف المسمى رودريقو اللي مدري من وين جايبه السلومي شكله كان فراش عنده في المكتب قالوا يشبه كماتشو ايش جاب لجاب ياجماعة الخير محترف ولايقدر يمرر كوره صح وش فايدته جاي يترز وياكل فلوسنا اذا استمر الحال على ماهو عليه رددوا معي ( وعلى الهلال السلاااااااااااااااااااااام ) والله قهررررررررررر بطوله وخليجيه وبعد على ارضنا ويحسم التأهل من الجوله قبل الاخيره وللسالميه والله كبيييييييييييييره ياهلال اهااااااااااااااااااااااانه ياجمهور الهلال الهلال اتهزأ يارجااااااااااااااله على قولت عادل امام الله يصلح الحال بس قبل ماتجي الطامه الكبرى تحركوا يارجال الهلال تحركوا يامن يغار على سمعة الهلال قبل فوات الاوان دمتم دمتم |
آآآآه جبتها ع الجرح .. يالـسامي !! |
والله مــعــاك حــق اخــــوي ولكــن نـرجــع إلى المــدرب إلــي مـاااااااادري وش يبــي بـالضبــط كــل مبـارة لـه تشكليــه نـرى الجمعـان أساسي ومبارة اليــوم احتيـاط وايضاً خـالد عزيز ونواف التميــاط الذي من المفترض يلعـب اساسي لأنـه لاعب الخبــره و صانع العـب في الفريـق ولا ننســى ايضاً اشـارك تفاريــس مهاجمـاً على حساب الدفـاع وغيرها من الاختـراعــــــات الذي يقوم بها المدرب بصراحـه الـمـدرب هـو الذي يضـع بــريــق الزعيـــم في هــذه البـطولـــه |
خلها على ربك بس |
العيب مو في لاعبيك ولا الحكم العيب في إتحادك الموقر |
والله سبب الى حصل كله هو بربست المدرب http://www.gn4me.com/gn4me/content_img/sports61531.jpg الى يذكرني اسلوبه باا=====> |
الزعيم اليوم ليس الزعيم لاعبين بلا روح مدرب بلاخطه لايوجد في الفريق سوى أحمد الصويلح اللاعب الوحيد الذي كان يلعب بجدية وكملها الحكم حسبي الله عليه هدف صيح 100% |
مبدع كالعادة و الحكم الله يهديه |
اذا استمر الحال كذا قل على الهلال السلام |
والله لا لعب زين .. ولاخطه زي الناس ولا روح تقول والله بنفوز ان شاء الله تقل داخلين وكن المباراة ماتهم .. ياخي قسم بالله شئ يقهر ويحز في النفس .. وهالمدرب مهوب بعيد عن كاندينو عشقه ان يخسر التغيرات اثناء المباراة .. وش الحكمه ماندري .. مافيه الا العتيبي الي تحس انه في جو المباراة اما الهجوم فسواليف .. يله كل ( طقه بتعليمه ) وما نبيها تزود هالطقات .. متفائلين خير ان شاء الله في القادم من المباريات ... مشكور اخوي السامي ... كفيت ووفيت كالعاده فمان الله ... |
الهلال يتجاوز ظلم ذو القربى ... بصعوبه..... ويتفاجاء بصعوبه اقوى تحكيم عقيم يحرق جماهير وكيان الزعيم ولك اجمل تحيه بس ... تبي الجد كلامك عن المدرب من جد طلعت كل اللي في صدري وليت المترجم يوصلها له من جد واتحدى اي مدررب في العالم يقول اللي قلته غير صحيح ... واتحداهم .. وبلا فلسفة تدريب غبيه جداً المفروض يلعب بعشرة مهاجمين مو ينقص مهاجم ويدخل مهاجم ....؟؟؟ والمحور في افضل من خالد عزيز .... اتحدى .. ليه مايلعب اساسي ؟؟؟ ويريح الهليل قلب الدفاع وغير كذا مايصلح |
ابـــدعـــت كالعـــاده ؛؛ وكذلــك اللاعبيـــن يلعــبون بلا (روح) والمدرب لا تعــليـــق !! الحـــــكم ! وش اقول هدف صحيح قدام عينك تلغيه !!! ويــا قلـــب لاتحزن ؛! |
قهر هالهدف الملغى قهر |
بـ التوفيق لـ زعيم نصف الارض... يعطيك العافية تحياتي |
قبل الحكم شف الهجوم العقيم |
يعطيك العافية أتمنى مانبرر عدم تقديم الهلال لمستوى في التحكيم اليوم الهلال ليس هلال العام الماضي اللاعبين يلعبون بلا روح ماعدا نواف والصويلح والعتيبي أبو سلطان مايستاهل الي يحصل لكن أتمنى من المدرب واللاعبين مراجعة حساباتهم وفي الاخير هذا مجرد وجهة نظر |
مبداعناا الغالي صدقت في كل حروفك يعطيك الف عافيه |
:no: مشكووووووور اخوي والله كلامكم من قلب واقل السبب الرئيسي الاتحاد السعودي يقالهم يباروت البرازيل واخرتها الهند وعيال عمها |
الحمك واللاعبين كلهم سيئين والمفروض يتحاسبون ... |
تبوووني العنه على اي اساس يلغيه |
الحمد لله وقدر الله وماشاء فعل |
لاعبين بلا روح مدرب مدري وش يبي .. وزاد على كذا حكم ... حسبي الله ونعم الوكيل ...:wallbash: الشكوى لله ..:cry: الحمد لله على كل حال .. والله يوفق الزعيم .. يااارب |
واللـّــه بـردت قلـوبنـــا .. واللـّــه مثــل مــاقلــت ياليــت المتـرجـم يقــول أن مكــان الهليــل غلـــط xغلـــط.. وليــش ينــزل التميــاط وعـزيـز بـدايــة الشـوط الثــانــي مـو بــدايـة المُبــاراة ..؟! ولاعبيـــــن المُـنتخــب قهــر طيــب هـذي وديـة وش الفـايــدة ..؟ والحـكــم رفـع ضـغطــي يعنـي الهـدف المُلغـى لاهـو بـداعـي التسلـل لأن عـزيـز كـان وراه مُـدافـــع ولا لمســة اليــد أن الصـويلـح أو المــرشــدي لمـســوا الكــورة بيــديهــم ولا أنــه دفــع أحــد لاعبيننــا أحــد مــن لاعبيظتن مسقــط .. وحسبـــي اللـّــه علــى الحكـــم .. ومُبــدع كعــادتــك أيهــا الســامــي ..! |
صدقت انه حكم سكه |
يعطيك العافيه أخوي السامي لكن أنا عندي وجهة نظر معينه أن أداء الهلال السئ هو من أوقعنا تحت رحمة الحكم وهذا لا يعني أن الحكم بريئ لكن عودنا الزعيم يخلصهااا من بدري تحياتي أخوي السامي |
الحكم الغى هدف واحد بس وين نجوم الهلال طووووووووووول شوطين المباراة؟؟؟؟؟؟؟ ما عندك احد ...... لعيبة دخلوا المباراة بغرور وثقة بالنفس زايدة وكأنهم فايزين على الرفاع الله يستر علينا من السالمية |
والله يا ليت يحتج النادي على الهدف ومشكوور على الكلام الكبير اللي ما يطلع من كبير |
إقتباس:
|
يعطيك العاافيه كلامك رااائع وليته يحرك دم من قصدت فيه ومايقهرني الا اذا قالوو الزعيم مايفوز الا بمساعده الحكااام !!!!!!!!! |
ماقصرت يالسامي ,, والله يستر على الهلال من أتحادنا الموقر ومن الحكام :) |
الله يعطيك العافيه يالسامي صحيح ان مستوى التحكيم كان ضعيف اليوم بس الاعبين اليوم ماعندك احد . |
تسلم على الابداع وبالفعل حرام نسميهم حكام |
والله قهر قهر قهر والمشلكه الي متي يا زعيم وانت كذا ووين وعد التعويض حتي الروح القتاليه ما شفناها وتحياتي لك يالسامي فكم احبب كلامك |
يعطيك العافيه على كل كلمه قلتها... قسم بالله حرام كل اللي يسوون بالزعيم..مايكفي ان اللاعبين بالمنتخب جاي الحكم يزيد الطين بله.. :cry: :cry: :cry: :cry: |
حسبي الله ونعم الوكيل |
| الوقت المعتمد في المنتدى بتوقيت جرينتش +3.
الوقت الان » 09:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd