#1  
قديم 24/08/2006, 09:07 PM
زعيــم مميــز
تاريخ التسجيل: 26/07/2005
مشاركات: 1,765
Talking قصتي ومافيا المصاقيل المقلعه

بسم الله الرحمن الرحيم

السلام عليكم ورحمة الله وبركاته

حيا الله المساطيل من اولهم الين نصهم ومن نصهم الين اخرهم .. <---- مسوي يتميلح

ولله اليوم سأسرد (اتقطع على الكلمه انا ) لكم قصتي اللي هي بمعلومات نادرهـ عن حياتي ..

.. المقدمه ..

لازم مقدمه لاني ما ادري وش معناها احسها شي ماله دخل بالعيارين خاشه غلط ولله لو اني كوندليزا رايس بقولكم خطط عن الحرب والحركتات ( اجل حركتات اقول اركد )

ولله وانا اتمشى في الرياض يوم من الايام وادور في شوارع الرياض البهيه والطيور تحلق فوقي والبحر والامواج تلعب وتتنكس بجانبي والجو الرائع والرياح العليله ترفرف شعري الناعم (معصي ناعم )ورذاذ المطر يهطل علينا بهدوء

والجميع يتطلع بالخضار والزراعة وانا قاعد

انصب عليكم .. ولا فيه امل يصير صدق

الحقيقه هي كذا .. ولله وانا قاعد اتمشى في الرياض يوم من الايام وادور في شوارع الرياض الحاره والطيور مدري وينها مزاعلتنا والبحر انســى يصير فيه والجو الحااار والرياح اللي ما تهز كشتي ولا مليمتر والغبار يهفنا والكل معاه بخاخ ا

لربو والشياب يتطلعون بالنخل يدورون تمر او رطب او

يعرفون نوعها وانا اقول لكم الصدق .. مافيه امل (ما) يصير صدق

(معلومات نادره عن حياتي)

يوم من الايام وانا قاعد اتمشى في ارجاء حارتنا الرائعه ( ايه يا حواري فرانكفورت .. حوطة خالد وتخب ) المهم والقى لي كم ولد يلعبون مصاقيل وقلت لهم ابلعب معكم ما القى الا اكبر مصقال في جبهتي المعروفه بكبرها وبعدها

اكيد جاوبت على وجهي

واقوم بحركه خنفشاريه وافقع للبيت اقوى فقعه ..

قولو ليه نسفوني او ليه فقعت .. قلتو ليه ؟؟ انا اقولكم ..لاني اول من يومني بزر .. كنت اشتري مسدسات خرز ومافيه غير تنتيف لا وانا ما انتفهم الا في راسهم وبالاخص العين <-- مرضعته يهوديه خخخخخخ

وكنت انتفهم وازبن في بيتنا اسبوع اسبوعين واذا كانت النتفه قويه توصل لحد شهر ما اطلع من البيت وكان بيتنا مؤلف من غرفه وحمام (الله يكرمكم ) وصاله 3 امتار في 2 ونص وكنا كلنا ننام في الغرفه كلنا = 17 واحد نايمين ..

لما الحين ما استوعبت شلون ننام ؟؟

بــس ولله الوضع ايام اول تمام التمام فله وهبال ومافيه غير دوران في الحاره واستهبال على العالم .. المهم مالكم بالطويله .. وبدينا نكبر (بالله تكبر )

وصار عمري 12 سنه وهذي السنوات كانت ازحف سنوات في حياتي العلميه (ايه هين) والمثقفه (معصي) (ا
كنت انواع الفله انا واولاد خوالي واولاد عماني كانت مع اولاد خوالي العلاقه اكثر وكنا حنا 4

انا عيارتي (شكسبير) عبيد عيارته (الدرج) عنبر عيارته (البثر) حميد عيارته (الفاهي)

وانقطعت العلاقه مع اللي كنت انسفهم .. كنت مع اولاد خوالي نركب السياره وناخذ بلونات نحط فيها مويه وانتف في الهنود وبعض الجاليات الاجنبيه(تبطون تجيبون زي الكلمه)

وكان حميد فاهي بزياده كان قمة السبك والفهاوه للاسف كان نشبه و24 ساعه معنا المهم طلعنا مره وحنا نتمشى ايضا في حارتنا وولد خالتي عنبر اللي عيارته (البثر )رجم حجر في راس باكستاني وتعرفون الباكستانيين عليهم اجسام تروع ..

الزبده الباكستاني التفت شفت وجهه انــا جتني قشعريره وولد خالتي الفاهي طقته ام الركب

ولا عاد تحرك وتشوف الباكستاني جاينا مجلعد مصفي الطبلون انا صرت اسرع واحد في العالم واقترحوا علي اولاد خالاتي اشترك في المارثون .. بس الفاهي ما تحرك جاه الباكستاني وسوا في اشكال غريبه يا هي تسديدات ورفس ولله يا

رجل الباكستاني

مهيب رجل صــاج قعد نص ساعه يمردغه وحنا قليلين خاتمه ساحبين عليه قاعدين نلعب اونو وبعد ساعه طلعنا نشوف وش صار له ؟؟

صار الولد رايح فيها ياهو متسطر الله لا يوريكم اخذناه للمستشفى قعد 4 شهور بعدين طلع وهو مجبس في كل مكان ولا من فهاوته بعد ما فك الجبس قعد يخاوينا معنا مره ثانيه (من جد فاهي ) وكبرنا مره ثانيه ( اقول لا يكثر )

وصار عمرنا 18 الا شوي ( لاعبه فيني المصداقيه ) سحبت على ام المدرسه او بالاحرى هم كرشوني لاني مسكت مدرسنا وسطرته اجل يقول الكره الارضيه دائريه .. و صرت احب التجاره و التفحيط ( وش جاب لوش جاب )

كنت اروح ابيع سهم بعدين اروح اخذ لي شوط تفحيط خخخخخخ لا واذا بعت بربح كبير اسوي حركات ما يسويها شوماخر ..

اقول لكم كيف صرت تاجر كنت ما غير ازرف من العالم واسرق بسرعه فائقه واسرق بنوك ومن اي شي في العالم حتى محل تصليح السياكل اللي جنب بيتنا سرقت منه سيكل بأربع كفرات

.. واصبحت سارق مأجور خخخخخخ( يقطع ابو التجاره اللي تعرفها ) وصرت مشهور بخفة اليد ..

ويسموني السبيكه ابو يد خفيفه (يا عليهم اسامي بعد ) وطلبتني المافيا اللي في الرياض اللي وكرهم في السويدي في براحه فاضيه (اجل براحه مبنيه)حافرين لهم حفره اقول لهم وراو حافرين حفره يقولون عشان نفكر بعمق بـسالموقع

جيد كانت على 3
شوارع ومنور الشارع

..(ايه هين مافيا .. اجل بعمق )

بــس انا رفضت ابي المافيا السيرلانكيه او الجيبوتيه اللي فاتحه ( ولا غامقه .. يا مصلك ) لها مقر في الرياض.. يقولون احسن ومميزاتها افضل والموقع افضل هم مستأجرين عزبة عمال في البطحه ..اجل حفرهـ ؟؟؟؟

وصرت رئيس المافيا الجيبوتيه السيرلاتكيه كرشوني يقولون شكلك سيبكه ما تصلح للمافيا .. بـــس الجيبوتيه قبلوني موب عشاني قوي ولا فنان بــس لانها فاشله ما فيها الا انا وواحد زلابه كل يوم اسطره وهو قمة الفهاوه مثل ولد خالتي

وصرت رئيس المافيا الجيبوتيه العام يعني الكل في الكل .. يوم صار عمري 20 .. وكل جيبوتي يهابني وحاولت اطور المافيا بـــس ماش فاشله ما قدرت وصرت كل يوم اقعد اخذ لي كم شوط في جيبوتي واسطر لي كم واحد انا ما اسطرهم بنفسي لان

معاي كم بودي قارد (لاني ابطي اطق لي واحد لحالي )

وجبت لي مستشار من اولاد خالاتي كان اسمه عبيد (الدرج) كان هو فاهي ايضا لكن لا يقل عن فاهاوة المذكور اعلاهـ بــس عليه طلعات وافكار جيده .. مره قال لي تبي تسيطر على العالم قلت له :ايه وشلون ؟.. قال : ما ادري .. وش رايكم ..

ولله الولد ذا عيونه ثاقبه ودمجته خنفشاريه .. وكنا نسميه درج انشتاين الفاضي اذا عطانا فكره

بــس ولله مره كان ممخمخ وعطاني فكره من جد تماااام وهي ايضا عن السيطره لكن على المافيا موب العالم كله .. وهي ان اشبك لي خوية كل رئيس مافيا في العالم وخطرت له هذه الفكره لاني اطخم ( اقول ارقد ولا يكثر )

وبقدرة قــادرضبطت الفكره وشبكت كم وحده بــس كانو خويات رئيس المافيا السوداني والهندي والصومالي ..

بــس وبطريقة ما توسع نفوذ مافيتي العزيزه وصارت تشمل السودان وبعدين الصومال وبعدين الهند والسعوديه حاولت بــس ما كانت عندهم خويات عشان كذا انكبت ورحت ودخلت او بالاحرى (طمرت )

على وكرهم النايم وقلت لهم وش رايكم تخلوني رئيس لكم قالوا ايه موافق موافق موافق كيــف <-- قوي ولا لا.. هم وافقو لان مافيتهم فاشله ومسمينها مافيا (الضب القوي مره مره) (بالله عليكم انتم واسمكم)

وسميت مافيتي بامافيا (المصاقيل المقلعه ) تيمنن بأصدقائي لاني مره وانا زاير الرياض اتمشى (ولله من الزين التمشي اللي تعرفه ) ولله والقى لي كم واحد ولله اشباههم مهيب غريبه وواحد منهم عينه رايحه فيها والثاني في دمجته كم صعرور واروح اقرب لهم

واحاول اتذكرهم

وبعدين تذكرت ان هذول اللي كنت انتفهم بالخرز وتوني بروح والقى واحد تلني تله بنت كلب وقالولي من انت كننا نعرفك قلت لالا مشبهين شكلكم واديور ابي انحاش ولا ابو عين مسكني وقال انت اللي كنت تنتفنا بالخرز وقول سم لا غلطان غلطان قال الا انت قلت لا يا شيخ ..

وتوني بتكلم الا وما القى الا تبقيس وتسديدات وتسطير وترفيس وقولهم بخليكم ذراعي اليمين في المافيا قالوا ولله قلت ولله قالوا حبك ماجد عبدالله وسطروني بعدين جو بوديقارداتي (فزعاتي ) وسطروهم وانا ما قصرت مدردغتهم (الحين تمردغهم)وقالوا وش

صرت انت ومين ذولي قلت ..

انا رئيس مافيا .. قالوا تكفى ..

حنا اسفين ومناب عايدينها قلت اتركوهم واسطرهم كفوف وقلت تيمنن بكم اختاروا اسم المافيا وسموها بالاسم المذكور اعلاه .. وصارو من افراد المافيا اللي في الرياض واصحاب مناصب عليا جدا جدا .. وصار عمري 30 سنه يعني بعد 10 سنوات

(احلف)خطبت الحمد لله وبعد كم شهر تزوجت ..

توسعت اكثر واكثر و بعد ما كانو الشعب الجيبوتي الزلايب يهابونني صار كل رئيس مافيا يحسب لي 1000 حساب ويطلبون مني مهمات وانا امشيها على هواي ولمصلحتي يعني مره طلب رئيس المافيا في لاس فيغاس ( اسمع فيها ولا ادري وين على ما اعتقد في اندونيسيا ولا)

اني اقتل رئيس المافيا في لندن انا اسجل المكالمه او الجلسه واوريها لرئيس المافيا في لندن

ورئيس لندن يعصب ويروح بيقتله وانا اقول لرئيس لاس فيغاس وارسل كم واحد من رجالي (بتعرفون ليه بعدين ) ويتقابلون الرئيسين ويتقاتلون في ارض المعركة ياهي معركه ما فيها طلق وطلق وانا زابن في بيتي من الخوف ويتفوق رئيس لاس فيغاس على رئيس لندن

وارسل لرجالي رساله مكتوب : (مردغو الباقي ) ويموتون رجالي الباقي وانا اطير بالهليكوبتر للاس فيغاس والدرج للندن ونسيطر على المافيتين كلها وبعدين ..

صرت رئيس كل مافيا في العالم وصارت كل مافيا في العالم اسمها (المصاقيل المقلعه ) وصرت بدال ما اخلي كل مافيا تتضارب مع الثانيه (وين عايشين اخلي رجالي يتضاربون ) صرت اخدم الفقراء والمساكين وصرت من الشوارع والطلق والسرقه من البنوك ..

الى الانترنت مع اني ما افقه شي في الانترنت واخلي ادرج يسوي اللي ابيه يعني اهكر على حسابات ومصارف العالم وازرف الفلوس الزايده واوزعها للفقراء وازبن البعض منها لي (البعض = كثير مرهـ ) وصرت اذا قفلت معي انزل للشارع وامسك اي واحد

واسطره وامردغه ولا يقدر يقول شي

وصارت لي نفوذ واللي يعرفني يصير اقوى واحد في حارتهم وصرت واسطه لا ترد والشرطه اللي هي الشرطه تهابني وتخاف مني وصرت ادخل اللي ابي السجن واطلع اللي ابي من السجن وصرت اطلع الجلوف والاقوياء والاذكياء في النت من السجن وادخل السبايك ..

والحين عمري 50 سنه وحتى الان وانا مستولي على العالم وما ادري وشلون سويت ذا وما ادري وش السالفه وارشح ان يكون رئيس المافيا بعدي هو الدرج ..هو صح العالم بيروح في خرايطها لكن هو اللي اثق فيه وهو ذراعي اليمين..

وشكراااااااااااااااااااااااااااااااااااااااااااااا اااااااااااااااااااا واتمنى ان تحوز على رضاكم ..

هذي حياتي من(أ )الى (و )لاني سحبت على اشياء كثيرهـ في حياتي مالها داعي

ما يستفاد من القصه :

1_خلك قوي ولا تصير رخمه .. بالعربي (يعني خلك مثلي )

2_لا تسوي نفسك قوي الا اذا كان عندك اصدقاء اقوياء ولا تهايط على اللي اقوى منك .. (وهذي مهمه جداً )

-------------منقوووووووووووووووووووووووووووووووووووووووووووووووووووووووول----
اضافة رد مع اقتباس
  #2  
قديم 24/08/2006, 10:02 PM
زعيــم مميــز
تاريخ التسجيل: 16/10/2005
مشاركات: 15,355
بذمك تبين اقراه .. ؟!

الحين اذا جتنا دعوة لعرس اتكيسل اقرأ الكلام عشان اعرف ماكن القاعـة ..
اضافة رد مع اقتباس
  #3  
قديم 24/08/2006, 11:22 PM
موقوف
تاريخ التسجيل: 26/10/2005
المكان: في قلبه..
مشاركات: 1,475
ابقراه بس موذحين
لانه طويييييييييييييييييييللللللللل
يبي له وقت استنى ردي بعد القراه!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:53 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube