السلام عليكم ورحمة الله وبركاته ...
أخواني الزعماء في منتدانا الغالي ..
قبل كم سنه كنت اقرأ جريدة الرياضيه وطبعاً يوجد عمود بالصفحة الاخيرة كان يكتب فيه جستنيه وكانت أغلب مواضيعه مالها علاقه بالكورة ابد على ما أذكر والله وكنت اكره اقراها لانها ماتفيد ثقافتي الكرويه شي بس كانو مخصصين له يوم لمقاله واذكر كانت على أيام خالد قاضي والفالح .
معليش شكلي طولت في المقدمه .
وش اللي خلا عدنان جستنية يصير يكتب عن الكورة وينتقد ويحلل فنياً للمباريات ويحط خطط ويتلزق في بعض القضايا اللي ما تخصه ( سبحان مغير الاحوال ) وش اللي قلب كيانه كذا .
والله ما عرفت انه اتحادي يوم كنت أقرأ مقالاته الا في هالسنوات الاخيره هذي يوم صار يتناقر هو وأحمد الشمراني الله يمسيه بالخير .
المشكله اسلوبه باللمز والغمز يذكرني بمدرسيننا في الابتدائي يوم كنا نشاغب .
واللي دابل كبدي انه صار يهدد ويتوعد ( يطهبل ) والله اني ارحمه لاني احس انه دخل في معمعه ما هو قدها ولا هي على باله مع فطاحلة القلم الملكعين اللي يبون يسوون فيه العجايب بس المهم ونصيحتي لكل هلالي ان لانعطيه اكبر من حجمه ونغض الطرف عن تحرشاته فينا وفي ابو عبدالله لانه احس انه اشتهر على اكتافنا والله .
مدري احس هذي نهايته
وأحس أنه كل يوم يصحى من النوم يقول كذا
لكن لو سكتنا لاشكاله تطاول غيره..
الوضع العادي
