أهلين فيلسوفه..كيفك؟؟

يله أبدأ أعرفكم بي ..

أسمي: متلثمه بشال الهلال..<<< أحلفي..
طالبه باحدى المراحل الدراسيه بس ماراح أعلمكم ..أو تدرون بس أبعلمكم رحمتكم..
هي وحده من الاربع يا أما أنا طالبه في ( الابتدائي أو المتوسط أو الثانوي أو الجامعه) حلوها عاد أنتم ..
عندي 3 أخوان وأختين..ترتيبي الرابعة في العائلة الثانيه في البنات..
فهمتوا ولا أعيد ..أعيد طيب..
(يعني أول شيء أمي جابت ولد (اللي هو أخوي الكبير لا تحسبونه أحد غريب ) بعدين أختي الكبيرة بعدين ولد بعدين جيت أنا (وأخيرا مابغيت أجي )بعدين أختي الصغيره..بعدين أخوي الصغير.).<<<<<أحس أني مملة ودلخه..

أنا مزعجه وبرباره كلامي كثير .. لساني طويل مشكلجيه أحب الهواش..
ماأحب الجد مأخذة الدنيا لعب.. أحب أزعل الناس أفرح اذا أحد زعل مني..
متسلطه.. مايضيع حقي أحب أحارش البزران وأخليهم يصيحون عشان يزعجون أمهاتهم .. دايم أمهاتهم يقولون لي خلي يجون بزرانك وتشوفين وش نسوي بهم..
<<<<<حشاا ارهابيه مو بنت..
بس تراي طيبه وحبوبه وأحب المزح..
أكره شيء أسمه النظام أحب الفوضى..
أحب الرقص <<<وش جاب طاري الرقص ألحين..
أحب أروح للاسواق حتى لو كان مالي حاجه في السوق..أبقولكم شيء مضيق صدري.. أمس أنا في السوق وجوالي جاه فايروس..
تهي تهي تهي .. أصبروا أبمسح دموعي...


بس صرت ذكيه وما ثبته..هههههاي..

أحب أحضر الزواجات والعزايم.. حتى لو ماعزموني الناس رايحه رايحه الله لايعوق بشر..<<<أرحم رحمتني..

أعشق الهلال لحد الجنون ..يعجبني رئيس الهلال محمد بن فيصل،، وسامي الجابر،،
وياسر القحطاني،،وياسر الياس،،(ليش طارت عيونكم ..عادي خلوني أعبر عن مشاعري ..)
أكره شيء أسمه الاتحاد والنصر..كرهي يزيد لهم يوم عن يوم ..
أحب اللون الازرق أكره اللون الاصفر.. في حياتي كلها مالبست لون أصفر..
لو يعجبني اللبس ويصير مافيه الا لون أصفر ما خذتة<<متعصبة وبقوة.

حكمتي في الحياة: اللي ماله لسان يأكله الخنفسان..

ومشكورة حبيبتي فيلسوفه..قصدي سويـــــــرة<<مطيحه
الميانه..
وأسفه على الاطاله..

انتي منزلة سيرتك الذاتية.. اقول ماودك نجيب لك عرسان..

ماشالله بنت وجريئة ..
بس تراك ما قلتي لنا من وين؟؟

عالعموم.. انا مااحب اقول اسمي لاحد لانه اسمي نادر مرة يعني قليلين اساميهم زي اسمي..
اما بالنسبة للي يبي يتعرف علي.. انا انسان بسيط.. طالب جامعي.. تخصص علم المعلومات.. اول سنة ان شاء الله وبعد 3 سنوات باذن الله اتخرج.. وباذن الله اكمل ماجستير بره ان اراد الله وان كان لي نفس بعد.. عمري 21 داخل على 22

ما أؤمن بشي اسمه تعارف نتي.. شدة على التاء لاني سبق وتعرفت على وحدة الله يستر عليها واكلت على راسي خخخخخخخخخخخخ بس ياهي ايام فعلا حب صادق.. وبكا ودموع.. << ما ينسى ابد دموع الفراق..

صراحة احب سوالف البنات.. مافيه منتدى مايحلو الا بوجودهن.. واي موضوع لبنت تلقووني دغري راد عليه.. خخخخ لان بنظري كل بنت اسلوبها يشوق.. حتى لو من جنبها.. هبال البنت بحد ذاته حلوووو

هذا انا بطبيعتي ببساطتي.. ورقم جوالي 052 والباقي بعدين ههههه لا يغركم الاثنين ترا مو سوا بس لوزن البيت .. الا انا رقمي مميز 0500 والباقي غير جائز

سلملم

ايه نسيت اقول لكم انا مو الدافور الدااافور. بس من جد خربتها في الثانوية العامة..

بس الحمدلله مشي الحال والا انا من صغري معدلي فوق 90 % << بيقول لكم انه مجتهد

<< اثقل ياولد

إقتباس قلت خلونا نتعرف على بعض اكثر , ميولنا و نشأتنا ووضعنا في البيت و المجتمع و حالتنا الاجتماعيه ومغامراتنا و هوايتنا

يسلمووو موضوعكــ.... حلو.. .


اولا اسمي هنادي ...

عمري....على رقم اللاعب كريستيانو رونالدو ...ههههههههههه

عدد الاخوان 3 ....بنتين وولد ...ترتيبي فيهم 2....
احب الدراسة >>>>من زين المناهج ....والثقافة ا

انا هادئه في الجو الهادي ومزعجة في الجو المزعج يعمي زي ماتقولون متأقلمه مع المناخ ههههههه

احب الموضة كثير واحب السوق .....
احب المجلات والاغاني الاجنبية .>>>>> تموت فيها ...

الهوايه ....جمع صور الفنانين ...الرسم... ومشاهدة الافلام بكل الانواع والتفاعل معهاه>>>>حلوه ذي ..والسفر ...

احب اناظر لقدام وما ارجع ورى في التفكير...

اما عن حالتي في البيت .....ما احب المشاكل مع اخواني >>>>>قال يعني اخوانها هاديين .......
احسن شي في بيتنا ..غرفتي...لانها على مزاجي >>>>عالمها الخاااص. .
احب اللون الاحمر والبنفسجي ...
اما عن الناس....
احب الناس الي ماتلعب علي ....
تكون واضحه وصريحه ...
صادقة ...................

اكره الناس الكذابة الي تلعب وبس

أما عن الزووج ....


اتمنى امنيه وحده بس ....

تكون اخلاقه راقية وفيه نوع من الرومنسية .....

اتمنى اني وفيت وكفيت ....

إقتباس الرسالة الأصلية كتبت بواسطة هلالي الظهران ماشاء الله فاتحين مكتب خطابه هنا .. اذا فيه صور علموني بجيكم ,, ويابخت من جمع راسين بالحلال,,

ههههههه

لا والله احنا قاعدين نتعرف على حياة بعض , وبس ..

عاد نبيك تعرفنا بنفسك ...

بسم الله ماشاء الله عليكم ..

والله ماني قادره امسك كل عضو و اعلق عليه ..

تعرفون انتم كثار ماشاء الله ..

الله يكثر ويبارك

بس عموماً مشكووورين حبايب قلبي على الردود والتفاعل ..



*
*
*
*
اما متلثمه بشال الهلال ,, شكلك منتي من كوكب الارض ..

خخخخخـ

*
*
*
*
اما مصفق ابلييييس ,, ماشاء الله على السيره و اللي يدللك على انه ولد مفهي

انه قاعد يحط لنا رقمه :p بروح اعلم المشرفين ...

<<< مسويه انها ما تدري انه مجرد بدايه رقم

خخخخخخخـ
*
*
*
*
وعلى فكره اكتشفت ان الأخت ( هنادي ) تصلح تسافر معنا ..

انا وهلالي الماسي و هلالي القرعااااء .. وش رأيك يا هنادي ؟؟

بسرعة لا تطولين في الرد قبل ما يهون اخونا عدووول ( الهلالي الماسي) ..

*
*
*
*
لي عودة مع البقيه ...

البالووووووووووون ..

اسعدني تواجدك ,, وكلامك ,,

*
*
*
*
جراح الهلالي .. اما عليك مشكله كبييييره يا اخي , وين الامم المتحده ما يحلونها ؟؟

المفروض نرسل لهم برقيه عشان يصلحون لك توقيعك ..

خخخخخخـ
والطامه الكبرى ان التوقيه طالع ..!!!!!!

*
*
*
*
هلا بإبن التويجري ,,
هههههه ضحكتني انت عندك لاند كروزر مرصع بالألماس!!

ما شفت سيارتي اجل مرسيدس مرصعه بالذهب و الاحجار الكريمه ..

هع هع هع

*
*
*
*
شرفتوني ونروتوا المجلس ...

إقتباس وعلى فكره اكتشفت ان الأخت ( هنادي ) تصلح تسافر معنا .. انا وهلالي الماسي و هلالي القرعااااء .. وش رأيك يا هنادي ؟؟

لا وش دعوا اسافر مع تماسيح ....عشان نقلب السفره مشاكل ههههههههههه

اما انا وانتي ما فيه مانع .....

هههههههه

لييييه ؟؟

لا مشاكل ولا ما يحزنون , اذا صاروا ضدنا قبينا عليهم , وطلبنا نجدة من بنات الزعيييم ..

خخخخـ تلاقين ( رعبوبة , الهنوووف , قائدة الزعيم , متلثمة بشال الهلال, سوسو

الهلاليه ووووو) ترا عادي نطلبهم حالات طوارئ اذا صارت مشاكل فيما بيننا

هاااااااااه وش رأيك ؟؟

إقتباس ( رعبوبة , الهنوووف , قائدة الزعيم , متلثمة بشال الهلال, سوسو الهلاليه ووووو) ترا عادي نطلبهم حالات طوارئ اذا صارت مشاكل فيما بيننا

والنعم فيهم ....
خلاص اوكي بس باقي التذاكر مين يحجزها >>>>>الله يخلي التماسيح هم يحجزون

ايييييييييييييه اجل مين اللي يحجز ..

قايله لك اخونا الكريم ( هلالي ماسي ) هو المتكفل بكلللل شييييء

خخخخـ يا ويلي عاد منه ما يدري انه عزمت الناس , وهو آخر واحد يدري ..

خخخخـ

إقتباس هههههههه لييييه ؟؟ لا مشاكل ولا ما يحزنون , اذا صاروا ضدنا قبينا عليهم , وطلبنا نجدة من بنات الزعيييم .. خخخخـ تلاقين ( رعبوبة , الهنوووف , قائدة الزعيم , متلثمة بشال الهلال, سوسو الهلاليه ووووو) ترا عادي نطلبهم حالات طوارئ اذا صارت مشاكل فيما بيننا هاااااااااه وش رأيك ؟؟

انا ابنصفكم سواء ظالمين او مظلومين!!

صــباح الخير فيلسوفه
]أول شي أعرفك على نفسي معاك الأنسه ((هيـونه))
طبعا طالبه السنه اللي ألحين بتجي رايحـه ثالث ثانوي بعد 3 ايام عيد ميلادي
سوي لي حفــله لاتنسيييييييين
عمري 16 و11 شهر
طبعا أنا ((أدبـي))
ماني متزوجه
أحب أشوف المباريات اكتب خواطر كثير
مرهفة الاحساس رومنسيه أحيانا
أحب الضحك والوناسه واحب جمعات البنات احب أطلع كثير
بعض الاحيان أكون خجوله وبعض الأحيان أصير عاديه
لساني طويل على قولت أبوي يبيله قص
رتبتي الثالثه بين اخواني واخواتي عندي اخو اسمه محمد مثل ابوي تماما
اللي ابيه يعطيني
ماأحب أحد يقيدني أحب أسوي كل شي على هواي ومزاجي لكن بحدود
مدمنة ببسي
أمنيتي اني أصير مهندسه معماريه بس صعب حييل(( تنازلت عن هالأمنيه))
كانت عندي امنيه بكاس العالم وتحققت وهي أني أشوف سامي الجابر مسجل هدف
بكاس العام والحمد لله الذيب مايصعب عليه شي
أحب أسولف كثير
اشكي همومي لخواطري وصديقاتي
احب النت مره مثل مايقولون ادمان نت
كل اللي يشوفوني دايم يقولولي انتي مغروره مدري ليش مع اني قسم بالله ماني مغروره
هذي الشي اللي يزعجني
أحــب منتدى الزعيم موت بالنسبه لي إذا تركته الله لايقوله ماادري وش يجيني
احب اذا خطـأت أحد ينصحني أتقبل النصيحه بكل راااحه ماازعل ولا شي
نقطة ضعفي واكيد كل البنات هي اني دمووعي على الباب على اتفه الأسباب
مااقدر امسكها
احب زووجي يكون رومنسي مره مره مره
مشكتي بااارده كثير احب النوم
وســلامتك
أحس اني تكلمت كثييير
هذي كل شي عن رعبوبة يعني مو كل شي كل شي بس اللي تذكرته قلته

وتسلمين سااره على الموضوع الروعه
والله لايحرمنــا من مواضيعك..