السلام عليكم ورحمة الله وبركاته

قبل كل شي هذا الموضوع للفاضين فقط .. نقدر نعطيه عنوان " الفراغ وماأدراك ما الفراغ "

ودنا ندردش عن الانتقالات ..

على غرار وراه وَ وشوله وَ ليه وَ لو وَ المفروض

يعني ماطرا شي جديد .. نفس الكلام اللي نقوله نعيده ..

نصيحة لا تقرا الموضوع .. ترا يبي ينلحس راسك ..

" كاثرات المواضيع المغلقه هالايام ملاحظين معي انتم "

بسم الله الرحمن الرحيم ..

ودنا نبدا ببطل دوري الأبطال .. النادي الذي امتع العالم خلال سنتين ونصف كان المسيطر على الساحة الرياضية برشلونه ورنالدينهو وميسي وايتو وديكو رباعي الاستعراض والامتاع .. اجبروا العالم على متابعتهم حتى المدريديون كانوا هم اول من يجلس امام التلفاز .. ( < -- مبطي ماانطرد )

ولكن الفرشا ( < -- قلبها مسبه )
ولكن البرسا انحرج كثير الموسم الماضي وعاش اوقات صعبه جداً .. مشكلته انه مايقدر يحول سيطرته إلى أهداف .. وتتحول سيطرته إلى عقم هجومي واضح في الفريق .. عندما "ينام" ايتو .. ويعجز رونالدينهو وديكو وميسي عن التسجيل ..

بدون لف ودوران .. برشلونه يحتاج إلى مهاجم يفك شفرة المدافعين .. يحتاج راس حربه من الطراز النادر .. واهم شي يجيد الكرات الهوائية ..

لن أطرح أسماء .. لان كل شي واضح وكاتلونيا تنادي " توني ياتوني "

بينما مدريد تعيش احلام اليقظه مع " أدريانو "

<< -- ضمنت الـ Banded

بعدين اليوفي المتنيل بستين نيله .. والآهات المتوزعه في زوايا المنتدى ..
ومدري ليه الزعل ؟
والله انا متشوق لتجربة رائعه لنادي كبير في دوري الدرجة الثانيه الإيطالية ..
واكيد فيه نتايج تبي تعجبكم ياعشاق اليوفي ..
أكيد راح يكون هناك " 6/0 و 4/0 " يعني وسعوا صدوركم ..
وماراح تطولون .. بس عساكم تحصلون نجوم اذا رجعتوا .. لانهم طاروا وطارت الطيور بارزاقها ..

الغريبه ان اليوفي يسمعون باعتزال زيدان ولا يحركون ساكناً ..
ليه مايرجع زيدان للعجوز ويقود اليوفي في دوري الدرجة الثانيه ..
ماأظن ان زيدان يبي يتكلف أو يبي يتعب في دوري الثانيه ..
معقولة ماطرت على بالهم بعد عروض زيدان في كاس العالم ..
صراحه المستوى اللي قدمه زيدان يطير العقل .. قهر لاعب بهالمستوى وبهالفنيات والمهارات يعتزل .. اقل شي موسم واحد يازيزو ..
رجع اليوفي السيريا A وروح وروح ابعد بدنياك .. " سلام لبيسوتو والله اني حاسن بك ياخلفهم وحاسن بالندم اللي تعيشه على ماضيك "

اما سالفة انتقالات اليوفي " كانافارو وتورام وزامبروتا وايمرسون "

واوه يااوه .. اليوفي شلحوه

الفالح فيرجسون والصفقات ..

مدري هالشايب وش بلاه .. مدري هو تشبع من البطولات .. أو انه يستخدم وسيلة " التطفيش " لادارة مانشستر لين تخقله .. أو انه عنده شيخوخة مبكره وبدا يخرف ابو الشباب .. ولا انه اخذ العدوة من مساعده البرتغالي الفاشل كيروش فبعد بربسته الشهيرة في مدريد هاهو يواصل تخصصه ..

مانشستر والسنين العجاف .. من زمان ماناقزنا .. من زمان ماهجتبنا الفرحة .. من زمان ومن زمان ومن زمان ..
" هلالي موت ابعد خشتك شوي "

تعجز الكلمات عن وصف الماساه والمعاناة .. والله ماصبرني عليكم إلا روني ورونالدو ولا كان سحبت عليكم وصرت مثل هاللي حولوا على تشلسي يوم شافوه كوش الاخضر واليابس ( < -- مايقصد احد )

نرجع لفيرجسون اللي شكله والله العالم انه يستهبل .. ( ديمبا ديمبا وبارك وكليبرسون وايفرا وميلر ) وحسبي الله ونعم الوكيل ..

صحيح انه هو اللي جاب كريستيانو رونالدو وروني وساها ونستلروي وهاينتز وسميث وقبلهم فريدناند .. لكن وين ؟ من كل عشر صفقات يجي نجم .. والباقي انصاف لاعبين يجلسون موسمين في النادي عالة عليه .. وينتقلون لاندية الوسط في إنجلترا موب لسواد عيونهم بس عشانهم مثلوا مانشستر ..

شف العالم وتعلم يافيرجسون .. شف فينجر اللي يصف لي هالدقر يتنقاهم تنقي وباقل الاسعار يجيبهم .. " رييس والكسندر هيلب وايبوي وتوري وسيندروس وفابريجاس حتى كليتشي الفرنسي الشاب جنان "

واخر صفقات الارسنال .. " روزيسكي " وانتم ماوراكم إلا المهايط ..

ليتني داري قبل انك يابو الريش تبي تسير على مانشستر .. كان وصيتك بفيرجسون بام صتمه مع كرشته

الصبر .. مالي أنا إلا الصبر ..ولقد أسمعت لو ناديت حياً .. تشرب شاهي وانت مشتهي سفن ( لازم مايباخ )

المشكلة هذا مهايط لا اكثر ولا اقل وينبح صوتي واحترق جنب الكيبورد وفيرجسون يشرب عصير قصب السكر

وحرام النوم ماقرب جفوني .. وانت للاسف مانت بداري وياقلبي روق بكرا شروق


تكفى ابتسامة صغننه يافيرجسون .. تبعث بصيص من الامل فينا ..

واغدينا نسير على وضع نستلروي خخخخ ينرحم ذا الادمي .. تدرون وش ذكرني فيه << -- متعوب عليها

ذكرني بالمعارض لا جيت تشري موتر "عربيه" .. وانت غايص في البحث يجيك شريطي يقولك الكامري الكامري

ابد ماأشبه الليلة بالبارحه << -- مالها دخل الوكاد ان الريال هو الكامري


وفالنسيا على طريقة خالف تعرف يبون رونالدو .. ويتشهوون على كريستيانو رونالدو ..

واتيلتكو مدريد شغااال طبخ طبخ في هالصفقات .. فبعد اوقييرو جاب كوستينها .. وتوريس للحين ماطلع .. يعني ممكن يسوي حاجه السنة الجايه .. شوفوا الاندية والله حرام

اما فييرا هو اللي سالفته سالفه ..

غريبة أسطورة خط الوسط للحين معلق .. مايصير يبه ..

وروما يسكت جماهيره بتريزيقية .. نفس الكلام اللي قلناه لمانشستر نقوله لروما ..

وش يبي يسوي تريزيقية .. صحيح انه مهاجم ممتاز .. بس ماهو مناسب لطريقة لعب روما اللي تعتمد على السرعه والمهاره بشكل كبير بلاعبين يمتلكون اسلوب مميز في تطبيق اي تكتيك " توتي ودي روسي وبيروتا ومانسيني واكويلاني والمغربي خرجه "

فيصير اوكاكا "دقرينهو" الشاب اطلق من تريزيقية .. إلا شعباني نوندا اطلق منه ...

والريال متوهق في كاكا .. ثاني غلطة في حياة كابيلو مسكته عليه بعد خيانته لروما انه يبي كاكا .. بالله وش شايفن فيه .. راس ماله قلبة البنات عليه ..

اما الانتر بعد رحيل فيرون فاكيد سيتاثر اكيد خط الوسط من ناحية التنظيم وتوزيع الكرات .. وبما ان الانتر يبي يفك عقدة الدوري والضغوط متزايده عليه هالسنة بعد الحكم على الاندية المتورطة في الفضيحه .. لابد على الانتر ان يكثف تحركاته .. ويعوض هالنقص .. كما ان الانتر يحتاج لمهاجم رابع مع ادريانو وكروز و مارتنيز .. واول حرف من اسم المهاجم " كاسانو "

والفريق البافاري " وش هالطمره " بعد رحيل بالاك .. ماأظن ان علي كريمي ودوس سانتوس وشول يقدرون يمسكون خط الوسط البافاري .. اختبار كبير للبايرن عليه ان يتجاوزه بعد رحيل بلاك وزي روبرتو هذه الدنيا جحدوك ونسوا ايامك ..

اما تشلسي وقصة الملايين التي لا تنتهي .. ومسكة روبرتو كارلوس وراؤول

فلا خوف على تشلسي .. دربه خضر مع شفشنكو وبالاك وكالو .. وبقاء جالاس اسد الدفاع ..

بس مدري وشلون يتخلى تشلسي عن دامين دف .. اللاعب اللي يدل طريق المرمى وصاحب المجهود الوافر .. يحرك الفريق باكمله .. غريب امرك ياتشلسي .. !
نفس الكلام لمانيش .. لاعب من ضمن أفضل 10 لاعبين في المونديال يلعب في الدوري الروسي .. كيف الحال ؟

ونيوكاستل ماشاء الله عليه بادي يضرب بالريال في الصفقات " ايمري و لوكي واوين وامس دامين داف "

بس ليتهم ينصفونك يادروجبا ويعرفون قدرك .. ويعاملونك صح .. بدال ماهم طابين في تيري ولامبارد ..

وثاني شي ماله داعي التمسك بكريسبو .. مادام انه يبي ميلان .. تبن بوجهه بداله عشره ياعمي

من بقى ؟ اها الارسنال .. وياعيني على الارسنال .. 100 % بوجود فينجر ويامرحبا تراحيب المطر ياروزيسكي .. الاوقات مع ارسنال غير .. مرتاح وضابط شغله .. وبقاء كبتن الغفله زين يعرف الوفاء .. لكنه فوت فرصة العمر باللعب للفرشا ..

ونختم بفريق البلوت ريال مدريد ..
همسة لكل مدريدي .. ابشر بالخير يالذيب ..
السنة الجاية سنة القطاف .. سنة الحصد .. سنة التكويش
مادام القمر "كابيلو" معكم .. مالكم ومال النجوم

وخلاص هيمنة البرشا خلاص بيباي .. والحين مدريد و برشلونه بالهوى سوى
وسنرى لمن الغلبة ؟ "ياهو ديربي متى يجي بس"

ماودي أطول عليكم .. <-- احلف ابد ماطولت

بس عندنا فاصل ..



يكفي " تعصب "

يالله سلام عليكم

^^
هههههههههههههههههههههههههههههههه عبدالله توقيعك خبل ياخي انت تذكرني باللي منقطع فيه الطريق ومن
زمان ماشرب مويه

ـــــــــــــــــــــــــــــــــــــــــــ

( ابراهيم )

أخوي ماتلاحظ انك ساحب على ميلان ؟!!

على العموم موضوعك حلو وصدقني مايصلح مكتوب ننتظره في FM مع الإهداءات العصر

مشكور

إقتباس ^^ هههههههههههههههههههههههههههههههه عبدالله توقيعك خبل ياخي انت تذكرني باللي منقطع فيه الطريق ومن زمان ماشرب مويه

انا معذور يا تركي وهو الي صبرناه شوي ..


^^GREAT INTER^^

^^

تستاهلون حبييبي ألف مبروك

موضوع اكثرر من رائع


بس ليش سحبت على ميلان وليفربول

إقتباس والريال متوهق في كاكا .. ثاني غلطة في حياة كابيلو مسكته عليه بعد خيانته لروما انه يبي كاكا .. بالله وش شايفن فيه .. راس ماله قلبة البنات عليه ..

يبدو انك ما شفت كاكا يلعب ابد

والله هو حسنة البرازيل الوحيده بالمونديال والباقين نايمين

إقتباس بس ليتهم ينصفونك يادروجبا ويعرفون قدرك .. ويعاملونك صح .. بدال ماهم طابين في تيري ولامبارد ..

والله هالدروجبا ما عنده ما عند جدتي يمشي على الحظ

والله عليك دردشه

وانشالله الريال صج تكون سنة القطف مع الداهيه

هلا اخوي موضوع رائع على الاقل الواحد يغير جو شوي و يدردش

ـــــــــــــــــــــــــــــــــــــــــــــــــــــــــــــ

المهم ما علي غير باليوفي

إقتباس بعدين اليوفي المتنيل بستين نيله .. والآهات المتوزعه في زوايا المنتدى .. ومدري ليه الزعل ؟ والله انا متشوق لتجربة رائعه لنادي كبير في دوري الدرجة الثانيه الإيطالية .. واكيد فيه نتايج تبي تعجبكم ياعشاق اليوفي .. أكيد راح يكون هناك " 6/0 و 4/0 " يعني وسعوا صدوركم .. وماراح تطولون .. بس عساكم تحصلون نجوم اذا رجعتوا .. لانهم طاروا وطارت الطيور بارزاقها .. الغريبه ان اليوفي يسمعون باعتزال زيدان ولا يحركون ساكناً .. ليه مايرجع زيدان للعجوز ويقود اليوفي في دوري الدرجة الثانيه .. ماأظن ان زيدان يبي يتكلف أو يبي يتعب في دوري الثانيه .. معقولة ماطرت على بالهم بعد عروض زيدان في كاس العالم .. صراحه المستوى اللي قدمه زيدان يطير العقل .. قهر لاعب بهالمستوى وبهالفنيات والمهارات يعتزل .. اقل شي موسم واحد يازيزو .. رجع اليوفي السيريا A وروح وروح ابعد بدنياك .. " سلام لبيسوتو والله اني حاسن بك ياخلفهم وحاسن بالندم اللي تعيشه على ماضيك " اما سالفة انتقالات اليوفي " كانافارو وتورام وزامبروتا وايمرسون " واوه يااوه .. اليوفي شلحوه

خل اليوفي يجرب تجربه جديده بالسريا B تعرف علشان يغير جو و يعطي مجال لغيره علشان يتنافسون على الأسكديتو

اما بخصوص النجوم في كل وقت يخرج نجوم و اليوفي قادر و يكفي اللاعبين الي معه و غير الاعبين المعارين للانديه الاخرى و هم كثر و اليوفي كما جاب نجوم قبل يستطيع ان يأتي بنجوم بعد عودته لسريا A فلم يتأثر اليوفي فقد رحل من اليوفي بلاتيني و باجيو و دينو باجيو و فييري و ديشامب و انزاغي و زيدان و دفدز لكن ضل اليوفي هو اليوفي لم يتاثر بغياب احد ولما يغيب نجم يحضر بدل منه نجم اخر

أما بخصوص انتقال نجوم اليوفي فكلهم لاعبين محترفين و هذا حق مشروع و لكن الشخص الوحيد الذي غضبت لما انتقل هو جانلوكا زامبروتا فهو احد ابناء اليوفي و الذي عرف منهم طريقه للعالميه و توقعت انه سينتهج طريق دلبيرو و ندفد و أنه سيخلص لليوفي و سيبقى لكن كان قراره اشبه بالصدمه لعشاق اليوفي بانتقال للبرشا

اما زيدان الظاهر انك مضيع ولا فيك شيء
انا لا اقلل من قيمه زيدان فزيدان لاعب كبير و احد اساطير الكره ولاعب القرن في اوربا و له حضر لليوفي اكيد بكون سعيد لكن زيدان رفض أن يكمل مسيرته مع الريال بسبب ملله من كره القدم و لم يعد يتمتع بلعب كره القدم مثل السابق اضافه لأنه يريد ان يستقر بدل من السفر من دوله لاخرى (لو إنه بن بطوطه )

مشكور اخوي


والموضوع من جد متعوب عليه

من الموقع الرسمي للمان يونايتد

غداً المان يسكمل إجراءات إنتقال اللاعب الإنجليزي مايكل كاريك

تصدق يصلح يحطونك في CBM تكتب لهم


هههههههههههههههه
موضوع جميل

احلى مافيه انك شرشحت الشايب فريجسون

مشكووووووووور اخوي على الموضوع الرائع





والله كلامك كله صحيح

يعطيك العافيه .. موضوع متعوب عليه اشكرك ؛؛