رابـطـة عـشـاق الـبـلـوز ..][.. تـشـيـلـسـي ..][.. 2006 - 2007 ..][.. - صفحة رقم 695 - نادي الهلال السعودي - شبكة الزعيم

C.H.E.L.S.E.A · #10411 26/04/2007, 07:50 AM

السلام عليكم

مبروووك الفوز شباب وان شاء الله نكملها بالانفيلد الصعب جدا

لكن مافي شي مستحيل وان شاء الله عيال موري قدها

بالنسبة لي انا ماشفت المباراة

لكن شفت الملخصات وشفت كورة باليد لأحد لاعبي ليفربول

في منطقة الجزاء وما احتسبت

على العموم يبدوا انها كانت مباراة حراس والكل قاعد يمزع في الثاني

وما قصروا الحراس جميع

مبروك الفوز لتشيلسي

وهاردلك لليفر

C.H.E.L.S.E.A · #10412 26/04/2007, 07:57 AM

حسام

بطلبك طلب وحيد بس

.... ياريت تجيب صورة متحركة لتسديدة جيرارد على تشيك في الدقيقة 52

وان شاء الله ماتقصر :p

ٍS7EVA · #10413 26/04/2007, 10:08 AM

ٍS7EVA · #10414 26/04/2007, 10:11 AM

^^^^^^^

تشكيلة الاسبوع للويفا شمبيوليق ..

---------------------------------------------------------------------------

دوسية يرى النهائي دوري الابطال بين الميلان وتشيلسي ..

http://www.uefa.com/competitions/ucl/news/kind=1/newsid=531240.html

---------------------------------------------------------------------------

شيفا لقاء الميلان بالنهائي دوري الابطال لقاء صعب وامر محزن ..

http://www.calciomercato.com/index.php?c=12&a=41043

والله ذيب يا سامي · #10415 26/04/2007, 10:53 AM

إقتباس

الرسالة الأصلية كتبت بواسطة abdlaziz هلالي


	اسئلة نقاشية 1\ ما رأيك بمستوى الفريق ؟؟ 2\هل استحق الفوز ؟؟ 3\ من هو نجم اللقاء ؟؟ 4\ هل انت راضي على الدفاع ؟؟

جـ1 / مستوى رائع للغاية , ولامبارد كان شعلة مضيئة بالإضافة إلى ميكيل كان وحش وتشيك ما أروعك

جـ2 / أكيد استحق الفوز وبصراحة كان على الأقل يقدر يجيب الثاني لكن قدر الله وما شاء فعل

جـ3 / DD

جـ4 / راضي وبس

, وشلون ما أرضى ؟ ما خلوا لاعب لحاله وبالذات كارفالهو وفيريرا كانوا نجوم بحق

يسلموا عالنقاش

والله ذيب يا سامي · #10416 26/04/2007, 11:11 AM

..][.. نقاش الـ (Week End) ..][..

س1 : بعد ضياع نقطتين مهمتين لتشلسي ضد نيوكاسل , هل تعتقد أن الفرصة مازالت سانحة للفريق بأن يحقق لقب الدوري الإنجليزي ؟

س2 : هل تعتقد أن التركيز على ثلاث بطولات يشتت تفكير الفريق مما يجعله يفقد بعض النقاط في الدوري ؟

س3 : هل تؤيد بقاء باولو فيريرا أساسيا في المباريات الهامة للفريق هذا الموسم ؟

س4 : ما هو المركز الذي يحتاج إلى استقطاب لاعبين للفريق ابتداء من الموسم القادم ؟

والله ذيب يا سامي · #10417 26/04/2007, 12:11 PM

..][.. تقييم اللاعبين من Sky Sports ..][..

تشيك : 7

تيري : 7

كارفالهو : 8

فيريرا : 7

آشلي : 6

ماكليلي : 7

أوبي ميكيل : 6

لامبارد : 6

شيفا : 5

جو كول: 6

دروغبا : 8

كالو : 5

رايت فيليبس : 5

والله ذيب يا سامي · #10418 26/04/2007, 12:33 PM

..][.. صور المباراة ..][..

ٍS7EVA · #10419 26/04/2007, 12:34 PM

إقتباس

الرسالة الأصلية كتبت بواسطة والله ذيب يا سامي


	..][.. نقاش الـ (Week End) ..][..

أخوي محمد .. بس لو أخرت النقاش الاسبوع لما بعد نقاش المبارة ;)

والله ذيب يا سامي · #10420 26/04/2007, 12:38 PM

^^^^^^^^
صراحة مالقيت تفاعل مع نقاش المباراة إلا من 3 أو أربعة أعضاء

عموما النقاش مفتوح إلى الأربعاء القادم

8_LAMPARD_8 · #10421 26/04/2007, 01:26 PM

إقتباس

الرسالة الأصلية كتبت بواسطة hilalemooot


	شباب الموسم الماضي ..في مبااراة بين المان و البلوز اعتقد .. مورينهو اعطى تيري ورقة في آخر المباراة اعتقد مكتوب فيها .. اذا لم تسجل يا تيري فسأشتري فيرديناند .. ياليت اللي عنده صورة الورقة يجيبها واللي يجيبها له يوزري يومين هديّة

لقيت هذا الفديو ... ؟؟

http://youtube.com/watch?v=8gRIr48fsyY

أسيــ الزعيم ــر · #10422 26/04/2007, 02:24 PM

السلام عليكم

ألف ألف ألف مبروووووك الفوز .. تشائمت شوي لكن والله بيضوها الخوال

وكفو يا كول .. اقسم بالله انك بطل .. من اللحين ماعاد فيه احتياط .. يكفي انه فك النحس .. 4 مباريات أوروبية ماسجلنا في مرماهم

ياناس آشلي هذا وش جنسه .. آشلي هذا وش طينته .. من وين يجيب كل هالحماس .. متحمس أكثر من تيري ولامبارد بالرغم من انه ماجا الا هالموسم وهم عششوا في النادي

من جد أفضل صفقة لـ تشيلسي هالموسم .. من اول كنت محتار بينه وبين بريدج وكنت افضل بريدج لكن مع هالحماس يا اشلي والله مايطقها غيرك أساسي .. انت لدوري الأبطال وبريدج للدوري

وكيفنا عندنا فريقين

كلود نعنبوا ابليسك وش سويت في جيرارد .. تقعيدة من بداية المباراة .. للي بيشوف الاعادة يشوف الدقيقة 7 وبضعا ً من الثواني

بطل يا كلود بطل قدمت أداء أكثر من رائع .. الا يقولون انك شايب .. صدز هالحتسي

....!!

تشيك مدري ليه ماكتبتك اول واحد .. لكن تعال هنا ابي اعرف فيه أحد يقول ان فيه حارس أفضل منك .. ابي اعرف منهو بس .. مورينهو وجيرارد منهبلين على هالكورة .. من جد وشلون صديتها .. انا قلبي وقف وانا اشوفها رايحة للباب مادريت الا وذيبان قاطع الدرب ويقول لـ جيرارد وخر وراك

أسد في الحراسة .. الا من جد فيه احد احسن منك وانا مدري

تيري تيري تيري .. شباب فيه سؤال بيلامي وكويت لعبوا اليوم ...!!

كارفا .. آآآآآه بس آآآه أقسم بالله لاعب غير طبيعي .. أحيانا ً أحسه مهوب مدافع وهو ينطلق من الدفاع للهجوم .. اخترق هجومهم

ومرر تمريرة مايمررها لامبارد نفسه

وفيلان ( على وزن ذيبان

) يرقص أجير ويقول لـ كول أنت وضميرك .. ولبى هالخشة حتى واللي وراك يسحبك سجلته غصب

فيريرا .. يلوموني في حب ياسر الياس .. عشان فيريرا احبه .. نفس الاسلوب .. مافيه الا تخليص .. فلسفة وكلام فاضي ماعنده وابن امه يمر من عنده .. ويازينك يا اللي حطيته في التشكيلة :p

أوبي ميكيل .. رفسوك شوتوك ومع هذا مستمر ومقدم أداء رااائع .. بيومي ورؤوف منهبلين عليه .. يقولون من مكاسب اللقاء .. ميكيل من مكاسب لقائات سابقة مو هالمباراة وان شاالله يستمر على هالاداء الرائع ويطوره .. بس سؤال إيسيان غايب اليوم ...!

شيفا الشوط الأول اشتغل وكان ناوي على شي ولو انه ركز في التسديدة الولبية مع لامبارد

وحطوها في زاوية كان يحلم رينا انه يجيبها الا من الباب

دروجبا .. ماراح اقول شي

لامبارد .. يازينك ويازين خشتك .. ليتك مصعت رينا أرضية بدال ماحطيتها عالية .. مااقول ماراح يجيبها لكن بتكون صعبة جدا ً .. رينا أبدع لكن كان بإمكاننا زيادة النتيجة .. وهالشي بيصير في الانفيلد ;)

مباراة كانت جميلة جدا ً جدا ً جدا ً من الطرفين .. كراوتش رغم هالطول الا انه مايعرف يرتقي الا على اللاعبين

معلومة للجميع .. ترى ماسكيرانو كان موجود امس

تحيتي للجميع ؛ ؛ ؛

والله ذيب يا سامي · #10423 26/04/2007, 04:25 PM

إضافة لصور المباراة

والله ذيب يا سامي · #10424 26/04/2007, 04:29 PM

..][.. TEAM OF THE WEEK ..][..

أصيلة · #10425 26/04/2007, 04:35 PM

مبروووووووووووووك الفوز ...بس وش سالفة شبكة الزعيم من أمس مارضى يفتح معي ...قهرررررررررررررررر..