بصراحه مستوى الهلال 100/100 خاصه الشوط الثاني ..
بس وين الجمهور بصراحه انا عتبان عليهم .. لو حضر جمهور الهلال اللي في حي الملز كان امتلأ الملعب ...
يا اعزائي وشلون نطالب بالبطولات وحنا ما نحضر ؟؟؟ تذكروا المباريات النهائيه على استاد الملك فهد كيف كان دور الجمهور ....
زياده على دعم الجمهور للآعبين فهو دعم للنادي صح والا انا غلطان ..
على العموم انا عاف ان جمهور الزعيم رح يملأ الملعب في النهائي سواء في جده والا الرياض .

انا معك ياموادع ان مستوى الهلال كان حلو والجمهور غايب بس لاحظ ان سبعة من نجوم الهلال مع المنتخب بالإظافة الى نواف المصاب وايقاف الثنيان والكاتو يعني ان الهلال قاعد يلعب بالصف الثاني فشيء طبيعي يؤثر على الحظور الجماهيري .

بصراحة الجمهور ماكان الي كنت متوقعه
ولا كان متاكد من الفوز
ممكن اذا كان فريقك الهلال;)

مساكم الله بالخير جميعاً ....

الجواب هو : ان اليوم (( الأحد )) ....

يعني الناس بكرة عندها مدارس ودوام والمباراة جت في وسط الأسبوع وانا متاكد لو ان المباراة كانت يوم الاربعاء او الخميس او الجمعة كان فيها كلام ثاني كان تشوفون جماهير الزعيم مغطية المدرجات من شرقها إلى غربها ....

لاكن خلاص شي صار وكان والنصيب كان للحبيب الزعيم ....

ولاكن الوعد قدام شوفوا جماهير الزعيم وش راح تسوي قدام الاهلي وانا واثق 1000،000 % من هالشي ....

(( والميدان بينا يا حميدان ))



والسلام ختام ،،،



>> مــالــهــا إلا هــلالــهــا <<

انا من الى حضروا المبارات امس وكان الحضور ضعيف

والذي يتعذر ان الهلال يلعب بالصف الثاني وهو سبب عدم حضوره للملعب
فهو غلطن بالعكس هذا الفريق لذي يلعب بين صفوفه مستقبل الهلال
هم من يحتاجون الدعم من الجمهور لبث الحماس فيهم فهم مستقبل الهلال


والذي لفت نظري اكثر عدم وجود رابطة مشجعين للهلال

واعتقد لو كان هناك رابطة مشجعين مثل رابطة مشجعين الاتحاد
لكان رايت الحضور اكثر ومشجع لهم وماهي فائدة الجمهور الذي يحضر وياكل فصفص وساكت طول المباراة ويقفز اذا احرز الهلال هدف ويسبون اذا غلط الاعب في تمرير كرة او اضاع فرصة يعني حضورهم مثل قلته

بس يمكن الواحد يعذرهم بعدم وجود رابطة مشجعين تحفزهم على ترديد الاهازيج


واسف على الاطالة

الصراحه الجمهور ما هوب اللي انت تبي ، لا من حيث عدد الجمهور ولا من حيث التفاعل ....
لذلك انا اوّل واحد ومن المباراة القادمه الى نهاية الدوري اباصير اوّل واحد يحظر مباريات الزعيم اللي في الرياض ....
امّا بالنسبه لفاعليّة الجمهور عندي سؤال واحد يا جماعه واتمنى الرد من اللي يقدر يرد :
وين ابوصهيلا اللي يشيل الجمهور فوق؟؟؟؟؟؟؟