يووووه ياكحيلة ذكرتينا بما مضى الله يذكر أيام أول بخير

أما أنا فصارلي موقف ياهو موقف نحس من جد كلما أتذكره أقول أهل العقول براحه

موقف يدل دلاله واضحة على عمق الدلاخة وجذورها المتأصله فيني , ماودي أبرد السالفه راح أدخل دغري أقولها لكم بكل بساطه كنت نايم في وقت متأخر من الظهر وماقمت إلا تقريبا الساعه 6 ونص على عز المغرب موقت بالضبط للقهوة والسبه بطني يقرقعني مشتهي تمر هالحزه عالعموم قمت غسلت لكن يعلم الله أنا مايفيد فيني إلا السباحه حتى أصحصح ولا نص ساعه من القومه حتى أستجمع كامل قواي العقلية والجسميه ,
عالعموم كنت مستعجل مدري وش فيني هالمره مطفوق على القهوة وجمعة الأهل فنزلت تحت في الصاله وجلست وقبالي أهلي واللي يقولي منهم هش هش مدري شايفيني خاروف ولاماعز يهشوني ,
وأنا محذا أقول الحمد لله والشكر على نعمة العقل أضحك عليهم لا ومن البجاحة قلت لهم أشوفكم مسوين لوبي نساء وين أخواني والله إني على نياتي بلاي مادريت إلا أشوف أشكال غريبه جالسين أول مره أشوفهم عليهم سواد وأنا أقول في نفسي ياولد منهم هذولا ؟
والمشكله محذا أحاول أقز أعرف منهم ماعرفت الولد مستنكر اللي هو أنا طبعا ,
وأجيك أفرك عيوني فرك جاب أبوها مادريت أول ماوخرت يدي إلا وشوف إلا والله هذي خالتي وبجنبها بناتها الثلاثه , ياويلي وش ذي البلوى والله اني متمني مانزلت يدي من تفريكت عيوني من الموقف المحرج , عاد من زين الشكل شكل الوجه نايم وشعر منفوش وثوب نوم مانكوى

عاد هنا الموقف الأسطوري ومن لخمة الموقف تحسبوني شقيت بخفي حنين لا والله حتى تدرون بس إلى أي مدى وصلت دلاختي في ذلك الوقت فقط رحت أسلم على خالتي وأحب راسها بكل براءه ثمين طلعت :p ياعيني على الإحترام بس أذكر وقتها أن عيوني مدقره على بنات الخاله على قولة المثل شين وقوي عين

بس ياهو موقف لن أنساه , حتى الله يذكرها بالخير خالتي تقول مملوح لما طلعت أي مملوح معه ياكبرها والله من مجامله

هذا الجيل الثالث اللي يقولونه ماراح يتغطى أحد عن أحد <--قل والله



بس حلوه المواقف

إقتباس الرسالة الأصلية كتبت بواسطة ღكلي هلاليღ هذا الجيل الثالث اللي يقولونه ماراح يتغطى أحد عن أحد <--قل والله بس حلوه المواقف

ابشركم تغطيت==== خذت بنصيحتكم
امزح عليكم
احسن انكم ودكم تكفخوني
انشاء الله ربي يهديني واتغطى منهم
===
عندي ولد خالتي مطوع بالعربي امام مسجد
وقالي تغطي مننا وهاك من الكلام
قلت له طيب بكره بتغطى
المهم جا بكره وجيت عندهم لقيته في وجهي قلت له خلاص اليوم ما قدرت بكره بتغطى وكل يوم يا حمد باكر
في الاخير تغظى مني
ههههههههههه
وبعده شهر شفته فجأه عند المطبخ طلعت مستحيه منه عشان تغطى صرت انا الولد
تخيلو وش قال لي
قال من زمان ما شفتك هداك الله وضحكت وبعدها تغطيت منه بس
اما البقيه لا
=====
ترقبوا عيون الزعيم متغطيه من عيال عماتها وعمانها وخوالها وخالاتها
قريبا بالاسواق

انا عن نفسي انحرج

ووجهي ينقلب احمر في هاذي المواقف


لاني اخاف يقولون هذا مايستحي ولا من هذا الكلام



والمواقف هاذي ما صارت عندي الا كم مرة


بعدين خلاص الحين اذا دخلت الصالة او المجلس واشك ان في احد


اتحمحم اذا في احد رجعت
واذا ما احد


درعمت

إقتباس اقووول القوي .. دامك تعرفهم كلهم ,, مابتتعب الوالدة في مهمة البحث عن عروس

ههههههههههههه صادقة .. بس المشكلة ما ابي اتزوج من بنات خالي او عمي ..
ابي وحده ما تقربلي مرررره .

إقتباس الرسالة الأصلية كتبت بواسطة قوي الباس ههههههههههههه صادقة .. بس المشكلة ما ابي اتزوج من بنات خالي او عمي .. ابي وحده ما تقربلي مرررره .

اضحك الله سنونكم .. لالا تونا علــى التغطــي

إقتباس الرسالة الأصلية كتبت بواسطة الذئـــ الأزرق ــــب اضحك الله سنونكم .. لالا تونا علــى التغطــي

هلا كحيله
هذا موقف صارلي امس يعني طازج
عماتي عندنا
وكان اخوي قاعد يكلم ولد عمتي بالماسنجر فديو وجيت طاااااااايره وقعدت جنب اخوي وهذر وما ادري إلا صوت ولد عمتي وهو يقول (واااخزياه)