إقتباس الرسالة الأصلية كتبت بواسطة سندريلا الهلال وهذا وراه اربع وعشرين ساعه نايم توتي عسى مهب قارصته ذبانه تسي تسي اللي تنوم طول الوقت

الله يهديك بس انا نمت في الطياره ورحتوا وخليتوني وقفلتوا الطياره وجلست بالطياره يومين:sad: >>>انواع الوسوسه

الحين ابروح ارقد لي يومين في الطياره مانمت زين وانتم قاعدين في الفندق الي كنه متحف اثار

يالله عن اذنكم اذا بغيتوا ترجعون علموني عشان ماتنسون وتخلوني

الهنوف وش هالدكتاتوريه متى ماجانا النوم بنام تحسبين السفر كل شوي مره تراها بالسنه هي نبي ننبسط حنا ماجينا ننام جاااين للسياحه والله ماشفنا شي مغير اعلام واصباغ في وجيه هالالمانيين

أقول ترى انا ودي بثلج هذاك اللي ينقط تقل قطن ودي البس معطف مثل سالي وين فيها هالظاهره في اي دوله موجوده ودونا لها

بس عسى مانمرض ونتحسر ماتعودنا ثلج متعودين برد كل ست سنين لا ويصقع روسنا وصعارير ولا السيارات تروح فيها

وانتي وش يروحتس وراتس ماتكملين الرحله الله يصلحتس ماش ما ينغزا بتس انتي يارعبوبه

الهنوف لا عادي خوذي راحتس وانا اختتس بس لا اهم شي وديني الثلج بسوي منه ناطحة سحاب ثلجيه

عاد بحطها باسمتس احلىى املاكتس وصلت ألمانيا

ياعمري ياسنعه مالها حس مدري وش فيها شكل عزوز مفشلها هماها تخاف من المطبات الهوائيه وهو والله ماعنده باحد يفحط بين هالسحب يحسبها شوارع الرياض

سندريلا الهلال ياختي وش ذا الوصفه اللي عطيتيني اياها

الكمون اكله ولا احطه مع مويه

مقدر الهلال

الكمون على حسب ان كان ودك تحطه مع مويه وتشربه ولا تحط لك بملعقه وتاكله اللي يعجبك أهم شي انه يسكن الالم

الهنوف

حسبي الله على ابليستس ماخذتني طباخه اصلح جريش وقرصان في المانيا رايحين الجنادريه حنا

ولا عزوز عمره 60 وانا مدري جايبين شيّاب معنا نطبخ لهم جريش وقرصان

صح نطبخ رز خضار مكرونه يالله من فضلك مهب جريش وقرصان ترانا رايحين نستانس مهب ندهر ونتعب

الكلاسيكي

الواحد اذا جاء يصحي احد يسمي عليه قبل مهب انواع الارهاب روعتنا لا الحمد لله ماتروعنا متعودين نصحى كذا حنا نتروع اذا احد صحانا بهدوء نخاف فيه خبر شين هههههههههههههههههههههههههههههه

المفروض انك صبيت ببسي على راس الهنوف

عشان تعرف تصحى زي الناس عاد تطلع وشعرها مجعد وناااسه ههههههههههههههههههههه

رعبوبه سلميلي على السعوديه والله اشتقت لها اثرها غاليه وانا مدري الغربه شينه يالهنوف

إقتباس الله يهديك يا عزوز قفلت علي الطياره ورحت

ههههههه يقلع شرك .. ليييه رعبوبه ماقلت لك ...
انا قلت لها اثناء طيران الطائرة لما جابت لنا العصير ...
قولي لتوتي يقعد فالطائره يحرسها الين يجوووون الغسالين .. ويغسل معهم ...
وقلتلها اذا خلص يدق على جوالي وانا اقوله مكان المفتاح ..
الا على فكره الحمدلله انك قلت لي قبل مايخطفون طائرتنا .. كنت حاط المفتاح تحت الباب .. بس أنت ماتشوف اعمى ..

إقتباس عزوز انت المسؤول عن الطياره عشان كذا وافق اننا نجلس كم يوم بعد

اااااااااااااسف يغالي ... اشوا ان هالبنات وافقوا انا نحضر مباراة الارجنتين ..
لكن ان طلعت الارجنتين بالغش .. فراح اغادر على طووووول ولا رجعه الى المانيا ابدا ..اما اذا تاهلت الارجنتين .. يمكن نرجع يوم النهائي ...والتذاكر لاتشيل همها..
<<<<<<ديموقراطي ..خصوصا فالرحلات .. والا كيف حطوه طيار..

إقتباس عزوووز الظاهر مصادق له كابتن الماني يعلمه السواقه زين

يسير خير انتي ووجهك .. اللي مايفحط بكم المره الجايه ويخليكم طوابير عند الدورات ...انتظرونا فقط ,,

إقتباس غداااااااااا بنقلع الى دوولة اخرىىىى على حسب مايقرر عزووووووز

لأننا تونا فينا نشاط وحيويه وشباب .. فالى أرض الرومانسيه "فرنسا " سنغادر ..
وهنااااااك من ريد أن يصارح فليصارح ... ومن يبي يرقم بكيفه ..بس بأدب <<<< هو فيه ترقيم بأدب ؟؟!

إقتباس ولا عزوز عمره 60 وانا مدري جايبين شيّاب معنا نطبخ لهم جريش وقرصان

نعن أبو ابليسش من وين جبتي ... 40 سنه ؟؟ والا مجانا .. ياجدتو؟؟
على فكره ..لازم تسون لي عيد ميلاد..
بقي 5 أيام بس .. واكمل عامي العشرووووووووووون ..
لازم كل واحد يجب لي هديه .. والا ........"بدون تهديد"

على فكره سووا لي جريش..ترى ماقد ذقته ..من أيادي نجديه ..
الا مره وحده مدري مرتين زماااااااااااااااااااان قبل 6 سنين ممكن ..جابوا لي شيء كذا تقال فيه " العنقز " كللللله حبوب .. هو جريش ؟؟!


تحياتي للجميع /:
الكابتن طيار /:
عــ زـــ و ـــز الأزرق



سلامو ,,,

إقتباس عـــــــــزوز اذا من جدك تتكلم

لامن عمي .... ايه احكي جد <::::الله من الأسلوب..

إقتباس انا مستعده اسوي لك احلى بااااااااااااارتي

بس لاتعزمين احد .. ترا مافي اسلم عليهم كلهم ..
والا اعزميهم ..بس كل 100 يجي واحد بس يسلم علي.. والباقين يرسلون سلامهم معه..
<::::::: دايم يدعي للملك عبدالله ..الله يحفظه..

إقتباس كم عزوز عندنا

<<هذا بس..

إقتباس خلها مفاجــأهـ

ياحبي للمفاجأت ... بس تكفين قوووووووووووووولي الحين ..
ترى افكر وانا اصلي واقول .. وش هي ياربي .. وش هي ياربي <:عن الميانه عاد..

إقتباس وفرنسا ان شاء الله راح نحللها تحليل من لف ودوران

كفوووووو ..


تحياتي لك انتي فقط لاغير ... وجده غييييييييير <:::الله يرجعنا لها بالسلامه..

رعبوبه فقدها والله

سندريلا انتي الي مجننتنا بالجريش والقرصااان لاتورطيني
يالنذله تبينه يكب على شعري ببسي اووووووووووريك مارشيت على شعرك بنزين >>>>ماعندها حبه حبه

عزوووووووز
فرنساااااااا الله لايعوقنا بشر وش رانا
بترقموووون ماتستحون ترى معكم ماراح اخليكم تتنفسوون بفشلكم اهي اهي

بلاحفله بلاخرطي ان شاء الله تسك المائه وش علينا انا >>>>تبرت من ااخ

حرام الاحتفال بعد يومين بجيب لك هديه عن قوله ماجبت شي يعني


ودمتم

برووووووووووح اشبك النت شوووي مليت من حتسيكم

إقتباس بترقموووون ماتستحون ترى معكم ماراح اخليكم تتنفسوون بفشلكم اهي اهي

اجل مابنشيلك معنا .. خخخخخخخخخخخخ
<<<بدت الخيانه ..

إقتباس بلاحفله بلاخرطي ان شاء الله تسك المائه وش علينا انا

ااااامين يارب .. وانا بصحه وعافيه وقوة ونشاط ...ومسلم..
اما الحفله ... مانبيك تجينها ولانشوفك .. اصلا انتي معروفه ...
ماغير بتاخذين من الحلو و المكسرات وتسدين في جيبك ..مدري شنطتك..
بعدين انتي مو حافظه الانشوده .. توك صغيره ..

اقووول ترى في عرض لك اذا بتقعدين هنا "المانيا" ونرجع لك يوم النهائي ماعندنا مانع ...

بس هااااااااااه حسك عينك ...تدقين علينا ..

سمعتي زيييييييييين ؟؟!<::::::معصب تراه ..






هنوووووووووف ..."بتشديد النون" صدقيني ماحرك الطائره الين تطلعينها ..
مستحييييييييييل اسافر واخليك ..انا كم هيف عندي ؟؟!



<<<<لاتحسبونه يتدرب على جو فرنسا ...

لا لا لا .. انا ناوي افحط بها بالجو .. واخلي راسها يصق ..ويرجع ..ويصق ويرجع ..ثمن يصق .. ويرجع .. واخر مره جماعه قف ..


سلامو,,,