|
عرض ألماني للجابر عرض ألماني للجابر بواسطة مدرب قدم ناد ألماني ضمن أندية "البندسليجا" عرضا لسامي الجابر قائد المنتخب السعودي الكروي، للاحتراف في صفوفه الموسم المقبل مقابل ثلاثة ملايين يورو وذلك بعد مطالبه مدرب الفريق بجلبه إثر متابعته عن كثب خلال لقاءي الأخضر الماضيين أمام تونس وأوكرانيا ضمن المجموعة الثامنة لمونديال 2006 التي تدور رحاها حاليا في ألمانيا. من جانبه، أكد سامي الجابر ، أنه لم يتلق شيئا رسميا بالنسبة للعرض الألماني، وقال "نقل لي صحافي الألماني الأمر، وأن الفريق في (البندسليجا) وأن مدرب الفريق طالب بي بشكل محدد، ولكن لم يكن هناك أي شيء رسمي وعند حدوث ذلك سيكون لكل حادث حديث". وعن لقاء الغد أمام إسبانيا في ختام مواجهات الأخضر ضمن المجموعة الثامنة للمونديال, أوضح أن ما حذر منه قبل مباراة أوكرانيا قد وقع، وقال "عندما قلت إن خسارة لقاء أوكرانيا بالنسبة لنا تعنى الشيء الكثير لأنها ألغت جميع ما تحقق في مباراة تونس، ولكن هذه كبوة جواد وسنقدم إن شاء الله ما يرضي جماهيرنا في السعودية ويعوضهم عن إخفاق أوكرانيا، وأن نكون في مستوى الحدث". وأشار الجابر إلى أن الفريق كله جاهز للعب لقاء إسبانيا وليس هو وحده، وقال "الكل جاهز لخوض اللقاء وليس أنا فقط، ويجب علينا أن نبذل المستحيل للحفاظ على أملنا في التأهل لأنه ليس هناك مستحيل في كرة القدم". وحذر سامي من منتخب إسبانيا القوي، وقال"من سينزل لأرض الملعب، سيلعب باسم إسبانيا وليس احتياط إسبانيا، والمنتخب الإسباني كله نجوم ومن الصعب التغلب عليه فهناك فبريجاس، وانطونيو لويس، ورؤول". يُذكر أن سامي الجابر سبق له الاحتراف في الدوري الإنجليز للدرجة الثانية قبل عدة مواسم، ولكن تجربته لم تستمر طويلا بسبب الإصابة. |
الله يكتب اللي فيه الخير للاسطورة |
3 ملايين يورو ؟؟؟؟؟؟؟؟ خلهم ينقلعون .. يجلس عندنا ونعطيه اكثر ابرك له ولنا ، اذا كان ياسر القحطاني اشتريناه ب 25 مليون ريال وحنا بالسعودية ، واندية اوروبا دخلها عالي جدا .. الاخوان فرحانين ب 3 ملايين يورو = 13 مليون ريال تقريبا .. قليل جدا بالنسبة لسامي ، اذا للجمعان موافقين .. اخوكم ماجد الشمري |
الله يوفق سامي والاخضر يارب .. |
اعود واقولها يأبى المتخلفون في هذه البلاد الا ان يظهروا انفسهم بين الحين والاخر وهاهو يأتي ( الله يخليه لامه ) ويعترض على عقد قيمته 3 مليون يورو للاعب سيعتزل بعد عام بعض الأراء الغريبه قد تدخل في نفسك الشك هل هذا هلالي هل هذا يريد مصلحة الهلال ؟؟؟؟؟ الصويلح بكم راح 300 الف , لكن عندما تتكلم عن 3 مليون يورو ما اعرفه ان اليورو يساوي 7 ريال بمعنى اننا نتحدث هنا عن 21 مليون ريال سعودي تجيب لك افضل اللاعبين سامي مهما كان سيعطينا لعام واحد فقط بينما هناك ربما واقول ربما مع الاحتراف الصحيح والتنظيم الغذائي والبدني الذي نفتقر اليه بسبب احترافنا الاعرج ربما يتجاوز العامين فما الافضل تضيع لاعب لن يلعب معك الا عام واحد ام تقبل عرض ب21 مليون ريال سعودي سبحان مقسم العقول |
توفيق والعرض المادي موب مهم فكرو سامي بالمانيا بينقل اشياء كثير تنقص الاعب السعودي والله فرصه وسامي لا يقدر بثمن سامي كنز واذا راح بيفيد الاعبين الصغار اذا رجع وانا ما اقلل من سامي بدون احتراف سامي اسطوره ونجم ومن افضل 3لاعبين بتاريخ المنديال |
الاعب منتهي ... وثلاث مليون يورو.. تعالوا تفلوا بوجهي لو لاعب سعودي احترف. |
إقتباس:
هل الهلال قادر بعد شراؤه لسامي ان يدفع راتب شهري 150 ولا 200 الف ريال ؟؟ انت تعرف ان لاعب بالدرجة الثانية بالدوري الانجليزي يأخذ 44 الف يورو بالاسبوع ؟؟ = 200 الف ريال اسبوعيا تقريبا ، ولانادي سعودي يقدر يدفع هذا المبلغ .. وبعدين لاتنعت غيرك بالجهل ، انا الحمدلله متعلم ومعاي ماجستير من جامعه هالل ببريطانيا ، واليورو ان كنت قد سمعت فيه او شفته هو 4 ريال وكسور مهوب 7 ريال ، هذاك الباوند اللي ب 7 ريال .. بعدين مهوب انت ولا 10 منك يشككون في انتمائي ، ان هلالي حتى النخاع ، والله امرنا بالحكم بالظاهر على الدين وهو اهم شئ بالوجود فمابالك بإنتمائي لنادي ؟؟ لكن التفكير العاطفي ما يودي ولايجيب ، اذا عندي فكرة تفيد فريقي اطرحها وحتى لو كانت جريئة ، فإن اصبت كان لي فيها اجرين وان اخطأت فلي اجر ... ولو تشوف في لاعبين يستاهلون الاحتراف اكثر من سامي ، يكفي ياسر القحطاني ، صغير وموهوب جدا وممكن يحترف 3 او 4 سنين ويحتك باللاعبين الاوروبيين ويرجع وبيكون وقتها مازال قادر على اللعب 5 سنين على الاقل ... واخيرا اقول لك انا ما اعرفك ولا انت تعرفني فخلك محترم وخل عنك حركات الوراعين والعبند .. اخوكم ماجد الشمري |
ان شاء اللة يطلع الكلام صحيح وينتقل الذيب يارب |
الله يوفق الذيب أن شاء الله يكون الخبر صحيح |
إقتباس:
اهم شئ يحترف سامي .. سامي قال امنيتي انهي حياتي الرياضيه وانا محترف في الخارج ! وبعدين لعلنا نتطور ويغير سامي نظره الغرب للسعوديين ياشيخ ! |
تشكر لو سمحت المصدر |
إقتباس:
انا اكثر شي مخوفني ان يصير مثال ماصار اول وما ابي سامي يكون الضحية .. لو تذكر سامي احترف 5 اشهر بالنادي الانجليزي بنظام الاعارة ، ما خلوه يلعب كثير مع اني شفت مباراه وحده له دخلوه بالشوط الثاني وصنع هدف بطريقة حلوة ، مبلغ 3 مليون يورو يعتبر بالنسبة لهم مبلغ تافه واغلب الظن انهم بياخذونه ويخلونه احتياط مثل ماصار معاه اول ، للاسف سمعة اللاعب السعودي والفكره عنه عالميا تعتبر غير كاملة ، نحتاج الى سنين عشان نبني صورة مشرفة لنا وسامي مابقاله كثير ، يلعب هنا بيننا ويبدع وعلى الاقل نشوفه ، افضل برأيي من الجلسة على الاحتياط في المانيا ، وانت تعرف ان سامي كبر بالسن ولياقته اضعف من اول والاوروبيين لعبهم خشن ، بالتالي فرصة تعرضه للاصابة كبيره .... الشئ الوحيد اللي يشجعني اقول لسامي احترف هو اخلاقه واسلوبه للتحدث مع وسائل الاعلام وهي الشئ اللي ممكن يعطي صورة ايجابيه على السعوديه .. اعتقد لو نرسل شباب موهوبين اعمارهم صغيره لمدة 4 او 5 سنين في اوروبا ممكن نبني فريق رائع .. واخير الاختلاف لايفسد للود قضية وانت لك رأي واحترمه وانا لي رأيي والاهم هو مصلحة الهلال والكرة السعودية والله يكتب اللي فيه الخير .. اخوكم ماجد الشمري |
الله يكتب اللي فيه الخير للاسطورة |
إقتباس:
وحبيت اصحح لك اليورو يساوي 4.7 تقريبا مو سبعه انت رحت بعيد |
| الوقت المعتمد في المنتدى بتوقيت جرينتش +3.
الوقت الان » 11:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd