|
عرض ألماني للجابر عرض ألماني للجابر بواسطة مدرب قدم ناد ألماني ضمن أندية "البندسليجا" عرضا لسامي الجابر قائد المنتخب السعودي الكروي، للاحتراف في صفوفه الموسم المقبل مقابل ثلاثة ملايين يورو وذلك بعد مطالبه مدرب الفريق بجلبه إثر متابعته عن كثب خلال لقاءي الأخضر الماضيين أمام تونس وأوكرانيا ضمن المجموعة الثامنة لمونديال 2006 التي تدور رحاها حاليا في ألمانيا. من جانبه، أكد سامي الجابر ، أنه لم يتلق شيئا رسميا بالنسبة للعرض الألماني، وقال "نقل لي صحافي الألماني الأمر، وأن الفريق في (البندسليجا) وأن مدرب الفريق طالب بي بشكل محدد، ولكن لم يكن هناك أي شيء رسمي وعند حدوث ذلك سيكون لكل حادث حديث". وعن لقاء الغد أمام إسبانيا في ختام مواجهات الأخضر ضمن المجموعة الثامنة للمونديال, أوضح أن ما حذر منه قبل مباراة أوكرانيا قد وقع، وقال "عندما قلت إن خسارة لقاء أوكرانيا بالنسبة لنا تعنى الشيء الكثير لأنها ألغت جميع ما تحقق في مباراة تونس، ولكن هذه كبوة جواد وسنقدم إن شاء الله ما يرضي جماهيرنا في السعودية ويعوضهم عن إخفاق أوكرانيا، وأن نكون في مستوى الحدث". وأشار الجابر إلى أن الفريق كله جاهز للعب لقاء إسبانيا وليس هو وحده، وقال "الكل جاهز لخوض اللقاء وليس أنا فقط، ويجب علينا أن نبذل المستحيل للحفاظ على أملنا في التأهل لأنه ليس هناك مستحيل في كرة القدم". وحذر سامي من منتخب إسبانيا القوي، وقال"من سينزل لأرض الملعب، سيلعب باسم إسبانيا وليس احتياط إسبانيا، والمنتخب الإسباني كله نجوم ومن الصعب التغلب عليه فهناك فبريجاس، وانطونيو لويس، ورؤول". يُذكر أن سامي الجابر سبق له الاحتراف في الدوري الإنجليز للدرجة الثانية قبل عدة مواسم، ولكن تجربته لم تستمر طويلا بسبب الإصابة. |
الله يكتب اللي فيه الخير للاسطورة |
3 ملايين يورو ؟؟؟؟؟؟؟؟ خلهم ينقلعون .. يجلس عندنا ونعطيه اكثر ابرك له ولنا ، اذا كان ياسر القحطاني اشتريناه ب 25 مليون ريال وحنا بالسعودية ، واندية اوروبا دخلها عالي جدا .. الاخوان فرحانين ب 3 ملايين يورو = 13 مليون ريال تقريبا .. قليل جدا بالنسبة لسامي ، اذا للجمعان موافقين .. اخوكم ماجد الشمري |
الله يوفق سامي والاخضر يارب .. |
اعود واقولها يأبى المتخلفون في هذه البلاد الا ان يظهروا انفسهم بين الحين والاخر وهاهو يأتي ( الله يخليه لامه ) ويعترض على عقد قيمته 3 مليون يورو للاعب سيعتزل بعد عام بعض الأراء الغريبه قد تدخل في نفسك الشك هل هذا هلالي هل هذا يريد مصلحة الهلال ؟؟؟؟؟ الصويلح بكم راح 300 الف , لكن عندما تتكلم عن 3 مليون يورو ما اعرفه ان اليورو يساوي 7 ريال بمعنى اننا نتحدث هنا عن 21 مليون ريال سعودي تجيب لك افضل اللاعبين سامي مهما كان سيعطينا لعام واحد فقط بينما هناك ربما واقول ربما مع الاحتراف الصحيح والتنظيم الغذائي والبدني الذي نفتقر اليه بسبب احترافنا الاعرج ربما يتجاوز العامين فما الافضل تضيع لاعب لن يلعب معك الا عام واحد ام تقبل عرض ب21 مليون ريال سعودي سبحان مقسم العقول |
توفيق والعرض المادي موب مهم فكرو سامي بالمانيا بينقل اشياء كثير تنقص الاعب السعودي والله فرصه وسامي لا يقدر بثمن سامي كنز واذا راح بيفيد الاعبين الصغار اذا رجع وانا ما اقلل من سامي بدون احتراف سامي اسطوره ونجم ومن افضل 3لاعبين بتاريخ المنديال |
الاعب منتهي ... وثلاث مليون يورو.. تعالوا تفلوا بوجهي لو لاعب سعودي احترف. |
إقتباس:
هل الهلال قادر بعد شراؤه لسامي ان يدفع راتب شهري 150 ولا 200 الف ريال ؟؟ انت تعرف ان لاعب بالدرجة الثانية بالدوري الانجليزي يأخذ 44 الف يورو بالاسبوع ؟؟ = 200 الف ريال اسبوعيا تقريبا ، ولانادي سعودي يقدر يدفع هذا المبلغ .. وبعدين لاتنعت غيرك بالجهل ، انا الحمدلله متعلم ومعاي ماجستير من جامعه هالل ببريطانيا ، واليورو ان كنت قد سمعت فيه او شفته هو 4 ريال وكسور مهوب 7 ريال ، هذاك الباوند اللي ب 7 ريال .. بعدين مهوب انت ولا 10 منك يشككون في انتمائي ، ان هلالي حتى النخاع ، والله امرنا بالحكم بالظاهر على الدين وهو اهم شئ بالوجود فمابالك بإنتمائي لنادي ؟؟ لكن التفكير العاطفي ما يودي ولايجيب ، اذا عندي فكرة تفيد فريقي اطرحها وحتى لو كانت جريئة ، فإن اصبت كان لي فيها اجرين وان اخطأت فلي اجر ... ولو تشوف في لاعبين يستاهلون الاحتراف اكثر من سامي ، يكفي ياسر القحطاني ، صغير وموهوب جدا وممكن يحترف 3 او 4 سنين ويحتك باللاعبين الاوروبيين ويرجع وبيكون وقتها مازال قادر على اللعب 5 سنين على الاقل ... واخيرا اقول لك انا ما اعرفك ولا انت تعرفني فخلك محترم وخل عنك حركات الوراعين والعبند .. اخوكم ماجد الشمري |
ان شاء اللة يطلع الكلام صحيح وينتقل الذيب يارب |
الله يوفق الذيب أن شاء الله يكون الخبر صحيح |
إقتباس:
اهم شئ يحترف سامي .. سامي قال امنيتي انهي حياتي الرياضيه وانا محترف في الخارج ! وبعدين لعلنا نتطور ويغير سامي نظره الغرب للسعوديين ياشيخ ! |
تشكر لو سمحت المصدر |
إقتباس:
انا اكثر شي مخوفني ان يصير مثال ماصار اول وما ابي سامي يكون الضحية .. لو تذكر سامي احترف 5 اشهر بالنادي الانجليزي بنظام الاعارة ، ما خلوه يلعب كثير مع اني شفت مباراه وحده له دخلوه بالشوط الثاني وصنع هدف بطريقة حلوة ، مبلغ 3 مليون يورو يعتبر بالنسبة لهم مبلغ تافه واغلب الظن انهم بياخذونه ويخلونه احتياط مثل ماصار معاه اول ، للاسف سمعة اللاعب السعودي والفكره عنه عالميا تعتبر غير كاملة ، نحتاج الى سنين عشان نبني صورة مشرفة لنا وسامي مابقاله كثير ، يلعب هنا بيننا ويبدع وعلى الاقل نشوفه ، افضل برأيي من الجلسة على الاحتياط في المانيا ، وانت تعرف ان سامي كبر بالسن ولياقته اضعف من اول والاوروبيين لعبهم خشن ، بالتالي فرصة تعرضه للاصابة كبيره .... الشئ الوحيد اللي يشجعني اقول لسامي احترف هو اخلاقه واسلوبه للتحدث مع وسائل الاعلام وهي الشئ اللي ممكن يعطي صورة ايجابيه على السعوديه .. اعتقد لو نرسل شباب موهوبين اعمارهم صغيره لمدة 4 او 5 سنين في اوروبا ممكن نبني فريق رائع .. واخير الاختلاف لايفسد للود قضية وانت لك رأي واحترمه وانا لي رأيي والاهم هو مصلحة الهلال والكرة السعودية والله يكتب اللي فيه الخير .. اخوكم ماجد الشمري |
الله يكتب اللي فيه الخير للاسطورة |
إقتباس:
وحبيت اصحح لك اليورو يساوي 4.7 تقريبا مو سبعه انت رحت بعيد |
أولا ً : ما هو المصدر الذي استقيت ( أخذت ) منه هذه المعلومة ؟ ثانيا ً : سامي لاعب كبير في السن وعامل السن مهم لدى الأوروبيين مهما كانت نجومية اللاعب ومهاراته ، وخصوصا ً إذا كان يلعب في مركز حساس جدا ً مثل المركز الذي يلعب فيه سامي ، وبالطبع سيخذل عامل السن سامي وسيحد من إبداعه . |
الله يكتب اللي فيه الخير للاسطورة |
إقتباس:
أخبار الصحف للمنتخب هو المصدر:clap: |
اتوقع اشاعه كل الموضوع |
لو كنت مكان سامى لاعتزلت الكره نهائياً واخذت راحه لمده سنتين وبعدها مدير كره اومدرب فى الزعيم... |
بالتوفيـــــــــق للكابتن سامــــــــــــــــــــــــــي .. |
ان شاء الله |
بصراحه ياحظهم لو وافق الذييب وقبل العرض. |
الله يوفق الجميع |
إقتباس:
أخوي لو راح راح لدوري الألماني مو الدوري السعودي وياليت يروح حتى لو مجانا وهيا من صالح الأعب السعودي |
خلااص الاعب كبر ما اتوقع يستفيدون شي منه |
مستحيييييييييييييل |
الله يوفقة |
إقتباس:
اخي العزيز ان كان هناك عتب او زعل بسبب كلامك فهو الان قد تضاعف اضعافاً اتعلم لماذا ؟؟؟؟؟؟ لأنك حامل ماجستير بمعنى انك انسان نفتخر بانتمائه لنا كسعودي كان واجهه مشرفه لنا في بريطانيا وايضاً كهلالي . عزيزي انتماء سامي لنا ما يحكمه عقد لكن احصي لي ماهي الفائده من ذهابه وما هي الفائده من بقائه (لاحظ ايها الهلالي ان الرئيس قال اننا لا نسعى للبطولات هذا الموسم ونريد اعداد جيل للمستقبل) فهو سيشغل مكان احد هؤلاء اللاعبين وهذا غلط او سيبقى احتياطي لتطبيق النظرية اعلاه وهذا غلط ايضاً لكن عندما يذهب لمكان (هو يتمنى الذهاب اليه) تكون اعطيته اكبر فرصة لتجهيزه كمدرب واعطيته رغبته باللعب في اوروبا , وحصلت منه على مبلغ كبير (حتى لو انني خربطة بين اليورو والباوند او الجنيه الاسترليني) ثم يا اخي سامي لو كمل عقده مع الالمان المقترح (كثر الله خيره) ما احد من اللاعبين وصل لما وصل له بالعمر هذا يعني اللاعب لياقياً لن يكمل لاكثر من عام او اثنين بالكثير وان كان هذا يبقى في علم الغيب اما كونه لاعب كبير فانا من اكبر المعجبين به يا عزيزي وحفل اعتزاله حق لا يضيع في الهلال وخصوصاً في الهلال يا عزيزي فلسنا كمن ينسى لاعبيه ويجحد فضل الاساطير التي خدمته عموماً افتخر بكوني اليوم تعرفت على انسان جامعي سعودي هلالي تحياتي يا ماجد اخوك محمد الزهراني |
اقووول انت وياه ابحلف انكم ماااا عندكم ما عند جدتي بالكوره والاحتراف!! الاول يقول اليورو بـ 7 ريال والثاني يقول الدوري الالماني ضعيف واللي يقول 3 مليون يورو قليله عندهم ترى الدوري الاماني قويي بس بدت الانديه اللي فيه تطفر وبدو يشترون لاعبين صغاار ورخيصين ويبيعون اللاعبين الجيدين الثلاثه مليون مبلغ جامد تدري من بيع بـ 3 مليون دولار؟ زيدااان لما بيع لليوفي فان بيرسي نجم هولندا والارسنال شروه بـ 3 مليون يورو المبلغ ماهو سهل وبعدين هذا كلله والموضوع ما فيه مصدر الا واحد صحفي كاتب موضوع!! يعني اذا كتبه صحفي خلاص صار صدق؟ طيب عطنا اسم الفريق واسم المدرب اللي طالبه؟! ياعالم لاتصدقون كل ما يكتب!!! انا انصح لوجه الله اللي مو فاهم كووره لا يتفلسف علينا ويوفر على نفسه الاحراج |
الله يكتب اللي فيه الخير |
اتوقع اشاعة وبيني وبينكم وبدون زعل مافيه ولا لاعب يستاهل يحترف برا . |
إقتباس:
اعتذر على بعض الكلمات الغير مناسبة اللي قلتها ، وذلك بسبب اثر خسارة المنتخب وردك الاول احتوى على كلمات تجريحية و تشكيكيه وانا ما اطيق اللي يشك بي او حتى ان اشك بغيري ... والاختلاف في الاراء لايفسد للود قضيه والمصلحه وحده .. Cantona .. كم كان عمر زيدان يوم انتقل ؟؟ اخوكم ماجد الشمري |
يا ليت يطلع هالخبر صحيح يا رب |
| الوقت المعتمد في المنتدى بتوقيت جرينتش +3.
الوقت الان » 12:34 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd