السلام عليكم ورحمة الله وبركاته


انا من زمان ما اكتب بس اللي خلاني اكتب هالمنتخب المتخلف الله لايبارك فيهم ... بالله هذا منتخب اكبر دولة للبترول بالعالم ؟؟ هل يستاهلون ذولا رفع كلمة لا اله الا الله ؟؟؟
والقاهرني اكثر هالمدرب المتخلف باكيتا ، اجل يلعب الحارس مبروك زايد بعد نكبة الهدف الثاني حق تونس ؟؟ لا ويلعب حسين عبدالغني بدل الخثران ؟؟ صحيح عبدالغني لعبه زين لكن الخثران افضل بكثير واخلاقه زينه ، وكيف يلعب نواف وهو اساسا مصاب قبل فترة قريبة وخاله ميت ؟؟ ما يدري ان حالته النفسيئة سيئة ؟؟ وبالمباريات التجريبية الاخيرة كان تعبان ؟؟
لا ومحمد نور ما ادري وش قصته ، بالاتحاد يلعب لعب مهوب طبيعي لكن بالمنتخب ما عندك احد ... وما ادري سامي ليه يدخله متأخر كثير ؟؟؟ قالوا لياقته تعبانه ، طيب حنا عارفين كذا لكن يدخله المدرب على اخر دقايق ؟؟؟
سامي لو يدخل من اول المباراة وما يلمس الكورة بيكون مفيد للمنتخب لأنه تأثيره نفسيا على اللاعبين ممتاز ، واشوف اشراكه من بداية الشوط الثاني ممتاز ، وكفاية انه يلعب بقلب وروح ...
لا كله كوم وتكر كوم ... الظاهر انه حالف الا يطلعنا من المونديال ... نعنبوا داره كل الاهداف بسببه .. لا عشان ما نظلم الرجال ، الهدف الثاني لأوكرانيا ماله فيه ذنب ، لكن الهدف الاول لتونس كان بسببه لأن طلع الكورة براسه على ظهر الدوخي بدل ما يشوتها بره، و الهدف الثاني عاجز الخال يرفع رجله ويبعد الكورة عن الباب ، اما مباراة اوكرانيا يتضح فيها انه مبيت النيه، اجل يناول للحارس وحولينه لاعبين من اوكرانيا ويردها له ويناولها من جديد ؟؟؟
اه لو اشوفه ..؟؟ لا والاخ طالع بالتفلزيون يقول : والله اول مرة نيلأب بالمتر ...
والله صرنا فشيلة قدام العالم .. الان عرفت ليه الشيبان يقولون ياليت المنتخب ما يتأهل .. ما الومهم ، من كثر الفضايح ، على الاقل خلوا فضايحنا بيننا لاتصير قدام العالم ..
لكن الحق حق ، هناك لاعبين كانوا جيدين جدا ومنهم سامي ومالك معاذ ، وكنت اتمنى يكون الشلهوب بدال نواف لكن ظروف الشلهوب كلنا نعرفها والله يرحم امه و كل المسلمين برحمته ..
اما اللي ما نقدر نقول فيه كلمة وحدة و حرام يلعب بهالمنتخب فهو ياسر القحطاني ... ياسر مستواه اعلى من مستوى المنتخب بكثير وعقليته ماشاء الله متطورة ولكن مالقى من يلعب معاه صح ويناوله ، اتمنى يحلون الادارة العامة لرعاية الشباب ، خلاص ترى والله شينه ، كل مرة نقول بنصير احسن وما عندك احد ..
وما نبي نتأهل لكأس العالم مرة ثانية ، اذا صار عندنا اللعب صح ولاعبينا تركوا الدلع واحترفوا برا البلد وصاروا رجاجيل نصير نفكر بالتأهل ، وبعدين وش حركات المبزرة والهواش بين اللاعبين ؟؟
والله لو كان في فيصل بن فهد حي كان قص رقاب كل اللاعبين ..











اخوكم ماجد الشمري

صح للسانك ومقدي فيهم واحشرهم الله يحشرهم ويضيق صدورهم الين يرجعون ويستقبلهم الجماهير بغضب عارم
منتخب تعبان ومقزز ومقرف ومروح لا اجسام زي خلق الله ولا لياقة ولا مهارات برأس ولا رفعات زي الناس ولافيه دفاع ورب البيت لو اللعب انا وخواني دفاع نكون احسن منهم اللله يفشلهم مثل ما فشلونا ويحرق اعصابهم ويذلهمم في المبارة الاخيرة

اللهم امين يا رب العالمين

ياناس قلت لكم شجعو البرازيل بس انتم رافضين

وبعدين انتم للحين تتكلمون عن السعوديه فكونا منها

لا مستوى ولا لعب مشرف

ياناس التشكيلة تجي من فوووووووووووووووووق وباكيتا مابيده شي الا التكتيك ومع تكر والله مايفيد 100 تكتيك

لنكن واقعيين نوعا ما

سامي خلاص ماعاد ينفع للمنتخب لانه مايفيد كثير

إقتباس الرسالة الأصلية كتبت بواسطة fasal2000 لنكن واقعيين نوعا ما سامي خلاص ماعاد ينفع للمنتخب لانه مايفيد كثير

أقول لا يكثر سامي نزل في آخر عشر دقايق وسجل قول وفي مبارة أوكرانيا نزل وسبب بلنتي محسبه الحكم

إقتباس الرسالة الأصلية كتبت بواسطة fasal2000 لنكن واقعيين نوعا ما سامي خلاص ماعاد ينفع للمنتخب لانه مايفيد كثير

المندسين مالهم مكان هنا



ثانيا ::: اخوي ماجد الشمري كلامك عين العقل وبقلك شيء ولجماهير السعودية


المنتخب يمشي بالواسطات

هههههههههههههههههههههههه
هههههههههههههههههههههههه
اما ببلكه

مشكور اخوي على الموضوع
انا عارف انك زعلان من المنتخب وماحد يلومك بس فيه اشياء لك عليها وهي:

إقتباس بالله هذا منتخب اكبر دولة للبترول بالعالم ؟

وش دخل المنتخب في البترول

إقتباس والقاهرني اكثر هالمدرب المتخلف باكيتا

المدرب مالك عليه كلام
ليش ماقلت انه متخلف يوم كان مع الهلال
مدرب حصل على كاس العالم للشباب مع البرازيل في الامارات ومدرب تكتيكي وتغييراته حلوه
في المباراة الاولى قلب النتيجة من خسارة الى فوز
بس الدلوخ الدفاع ولايهون الحارس كانو السبب في خسارة الثلاثة نقاط
وفي المباراة الثانية عندما دخل الخثران وسامي تحسن لعب المنتخب

إقتباس وكيف يلعب نواف وهو اساسا مصاب قبل فترة قريبة وخاله ميت ؟؟ ما يدري ان حالته النفسيئة سيئة ؟

لو مصاب ماكان ضموه للمنتخب

إقتباس لا ومحمد نور ما ادري وش قصته ، بالاتحاد يلعب لعب مهوب طبيعي لكن بالمنتخب ما عندك احد ...

طبيعي لاعب يلعب مع منتخب غير منتخب بلاده ماراح يخلص له

إقتباس سامي لو يدخل من اول المباراة وما يلمس الكورة بيكون مفيد للمنتخب لأنه تأثيره نفسيا على اللاعبين ممتاز

100 الف ريال لكل لاعب بعد مباراة تونس تكفي للتأثير النفسي الممتاز على اللاعبين
على فكرة مايستاهلون ولا ريال

إقتباس اجل يناول للحارس وحولينه لاعبين من اوكرانيا ويردها له ويناولها من جديد ؟؟؟

هذا المنتشري يالطيب وماهو تكر
طبعاً هذا الزق وهذا ريحته

إقتباس والله لو كان في فيصل بن فهد حي كان قص رقاب كل اللاعبين ..

الله يرحمك يافيصل بن فهد

هذا منتخب الله يفشلهم

المصروع والله انت 100%100

إقتباس الرسالة الأصلية كتبت بواسطة المصروع مشكور اخوي على الموضوع انا عارف انك زعلان من المنتخب وماحد يلومك بس فيه اشياء لك عليها وهي: وش دخل المنتخب في البترول المدرب مالك عليه كلام ليش ماقلت انه متخلف يوم كان مع الهلال مدرب حصل على كاس العالم للشباب مع البرازيل في الامارات ومدرب تكتيكي وتغييراته حلوه في المباراة الاولى قلب النتيجة من خسارة الى فوز بس الدلوخ الدفاع ولايهون الحارس كانو السبب في خسارة الثلاثة نقاط وفي المباراة الثانية عندما دخل الخثران وسامي تحسن لعب المنتخب لو مصاب ماكان ضموه للمنتخب طبيعي لاعب يلعب مع منتخب غير منتخب بلاده ماراح يخلص له 100 الف ريال لكل لاعب بعد مباراة تونس تكفي للتأثير النفسي الممتاز على اللاعبين على فكرة مايستاهلون ولا ريال هذا المنتشري يالطيب وماهو تكر طبعاً هذا الزق وهذا ريحته الله يرحمك يافيصل بن فهد

اخوي المصروع .. اولا شكرا لمرورك على الموضوع ..

بالنسبة لقولي اننا بأغنى دوله بترول بالعالم فانا اقول لك ليه قلت هالكلام ... شف الدول الافريقية اللي ماعندهم اكل ياكلونه كيف لاعبين ، رح شف اندونيسيا ولا باكستان .. لو تروح لدولهم بتلاقيها كلها ناطحات سحاب ومرتبه ترتيب على كيفك ، لأنهم منظمين ... احنا المفروض نصير احسن منهم بكل شي .. بعدين تدري احد اهم الاسباب اللي خسرتنا بالمباراة حقت اوكرانيا وشي ؟؟
لانه يا طويل العمر الاتحاد السعودي قبل عرض من شركة جزم ( اعزكم الله ) تسوي دعاية وتدفع 40 الف يورو لكل لاعب عشان يلبس الجزمة بكل مباراة وحطت شرط جزائي عليهم لو ما لبسوها يدفعون ملايين ... و الاتحاد السعودي وافق وطبعا هالجزم كانت سيئة بالمطر ولا يقدرون اللاعبين يغيرونها ...
ما حاجتنا لهذا المبلغ ؟؟ مع العلم ان الفيفا وزع عشرات الملايين من الدولارات لكل منتخب متأهل لكأس العالم ..

اما نواف فهو اصيب بالمباراة القبل اخيرة من المباريات التجريبية وكان واضح من لعبه ان مازال يعاني من الاصابة .. لكن لو المدرب حط الشلهوب بداله كان شفت المنتخب تحسن كثيييير ...

اما قولك : طبيعي لاعب يلعب مع منتخب غير منتخب بلاده ماراح يخلص له
فهذا من واجب الاتحاد السعودي انه ما يضمه من الاساس ...

اما عن ال 100 الف فهم ما يستاهلونها ، لكنهم بالملعب يحتاسون واذا جا سامي حسوا بأن معاهم لاعب خبرة وبالتالي يتماسك الفريق .. لو لاحظت مباراة تونس كان فريقنا ضايع حتى يوم جبنا التعادل ، ومع ان التوانسه تلخبطوا بعد الهدف كان ممكن نجيب 3 اهداف بالراحة لكن الكورة ما توصل للقحطاني ، وبعد مادخل سامي جاب هدف ولو دخل بدري كان شفت هدف ثالث على الاقل ...

اما المدرب فأنا من الاساس ما كنت موافق عليه مع الهلال ، في مدربين احسن منه بكثير ولعلمك لاعبينا ترى ما يطبقون خطط المدرب ، انت تشوف مهارات اللاعبين وتواصلهم مع بعض وانت بنفسك قلت ان المدرب كان قادر على قلب النتيجة ، طيب ما تلاحظ اننا بكل مباراة لازم ننصك بهدف عشان نقلب النتيجة ؟؟ طيب لو جا فينا 5 اهداف وش بنسوي .. ليه ما نبادر احنا بالتسجيل ؟؟ لازم يصير عندنا فكر كروي متطور ومانخاف من احد ..
انت شفت كيف الشباب هزم الهلال بالبطولة الاخيره ... الشباب اساسا اضعف من الهلال ولاعبينه ما يجون ربع الهلال .. لكن تشجعوا بالشوط الثاني وجابوا هدفين فراح فيها الهلال وجابوا الثالث ...
لو تشوف مباريات كأس العالم ، كثير من المنتخبات سوت نفس الشئ من انجلترا والمانيا ... يجيبون هدف ويتلخبط الفريق الثاني ..
بالنسبة للخثران فأنا معك 100% .. الخثران ممتاز واحسن من حسين عبدالغني اللي مصر انه يعدي من كل اللاعبين ويطيح ، وفي مباراة اوكرانيا يوم دخل ( مع ان المدرب غير مكانه للجهة الثانية ) حرك الفريق مع سامي ..

اما تكر والمنتشري ما رحنا بعيد ..


وللاسف بنبقى نمشي بالبركه مثل كل كأس عالم ، يا اما نتأهل بالحظ او بالمباريات الجانبيه ، بكأس العالم 94 كان منتخبنا قوي حتى بالتصفيات وفزنا على ايران بعز قوتها 4 / 3 ...

وشاكر لكم جميعا مروركم وتوصلكم ...









اخوكم ماجد الشمري

على ما اظن انهم شاربين قبل المباراه_
مو كلهم بس لاعبين الاتحاد_
انت ماشفتو كيف مبروك يطيح_ والا الكنغر المنتشري وش يسوي_والا تكر الي مكثر قوروووووووووووو
(القوروووو/تبيعه الحجه الي هي امه على الكورنيش)
والبقيه والنعم فيهم
1/سامي قاهر الشباب
2/ياسر حيويه لكن مع مين يلعب
3/حسين/المقاتل في الملعب


اما محمد نور مايعرف يلعب عشان نيجيريا ما تأهلت


اقتـــــــــــــــــــــــــــــــــــــــــــــــــــــــراح
وش رايكم / الرجاء من اعضاء المنتدى الاشاوس عمل استفتاء حول استبعاد الامير سلطان والامير نواف من رئاسة الاتحاد السعودي بعد النتائج المخيبه للمنتخب من 98 الى الان2006 مافي اي انجاز للمنتخب غير كاس الخليج
وتحويل الرئاسه الى وزاره لرعاية الشباب وعمل تشكيل جديد للوزاره من سلطان بن فهد الى اخر واحد وهو السيكورتي او الحارس ورايحين تشوفون النتايج _ ماعندهم الا ضاعفنا المكافئة وجددنا الثقه
الله يرحم ايام الامير فيصل كان يعطيهم بالجزمه

ولكم كل الحب والتقدير
والي عنده اي رد او اقتراح يراسلني على الايميل/[email protected]

تسلم ياشيخ

والله البلكة قليله في حقه