#1  
قديم 20/06/2006, 01:50 AM
زعيــم مميــز
تاريخ التسجيل: 29/03/2002
المكان: ( الررررررررياض)
مشاركات: 3,661
السالفة ماهي حلق أشناب ولبس حلق !!

@ هل تذكرون لجنة تطوير الكرة السعودية المنبثقة بعد فضيحة الثمانية ؟؟
الله و أعلم انها ستجتمع بعد مباراة سبانيا
ويا من يرد العلم عن هاك الأحباب

@ السالفة ياجماعة الخير ليست في حلق الأشناب ولا في لبس الحلق !!!
السالفة ررروح و اخلاص وووطن


@ شفت ولاحظتوا معي كم لاعب حااالق الشنب عالزيييرو ولابس الحلق ونافخ الشعر مدري من ضحك عليه وقالوا له انك نجم ؟!!!!


@ بقاء الحارثي ومالك معاذ وسامي في الاحتياط أمر عجيب غريب معيب !!!؟؟
أشباه لاعبين يسرحون في الملعب ونجوم ععلى الدكة يحترون نص فرصة !!!


@ في لاعب يحرث الملعب طول وعرض ولا تستفيد منه شي وفي لاعب من كرة واحدة يصنع الفرق هذا الأخير معدوم حاليا في الأخضر


@ للأسف أن الإعععــــ لااام والجماهير له دور كبير في ذلك وإلا ما تفسير ما أقرأه يوميا في الصحف بل ما أقرأه هنا تصوروا ( ياسر مثل رونالدو ) ( متى نشوف ياسر مع رونالدينهو ) ( وسامي في الريااال ) و وووو الخ

@ يا جماعة الخير خلوكم منطقيين ترى- نجومنا - حدهم الملز وملعب عبد الله الفيصل وكبير في حقهم باختصار فقاعات صنعها الاعلام وصدقها الجماهير ومع الخيل يا شقرااااا

@ اللاعب السعودي يفقد مقومات الاحتراف الكاملة وقبلها يفقد العقلية الذكية !!
كم شاهدنا لاعب اليوم يلعب بدون كررررررة ؟؟
كم شاهدنا لاعب يسلم ويستلم صح ؟؟
كم شاهدنا لاعب اليوم يقرأ ويتوقع حركة اللاعب والكرة قراءةسليمة !!
كم شاهدنا اليوم ثلاثة لاعبين يندفعون على اللاعب ويتركون اللاعب الغير مراااقب ؟؟؟
كم شاهدنا اليوم لاعب يخاف أن تمرر أو تصل له الكرررررة ؟؟؟
كم شاهدنا لاعب يشتت الكرررة كيفا ما أتفق ؟؟؟؟


@ عموما البلى والعلة في ان اللاعبين الحاليين هم أفضل الموجودين بكل أسف تدرون ليش ؟؟؟!!!
اختفت المووواهب تماما من ملاعبنا بكل أمانة لايوجد حاليا لاعب يستحق ان تضيع وقتك في مشاهدته
والبركة في اداريي الفرق وادارات الاندية


@ أحيانا الروووووح والقتالية تعووووض النقص الفني لكن هل شاهدتم ولو جزء بسيط منها ؟؟؟

نعم أنا شاهدتها في وجه عبد الغني والباقين يخلف الله ومن أمن العقاب أساء الأدب

وياخوووفي بكرة يعاقبون ححسين عشان اللقطة الأخيرة في المباراة


@ ( يداك أوكتا ياسلطان وفوك نفخ يا نواف ) أحد يفسر لي هالمثل ؟؟
بسهلها عليكم من يزرع الشوك لايجني العنب


@ اتحاد كروووووي هش يمسي على قرار ويصبح على آآآخر !! سأذهب لبعيد واقول اتحاد فااااسسسد
وليس لجنة الكشف عن المنشطات ببعيد

@ دوررري ضعيف للغاية ونظام غبي وحيد في العالم يحوله الى بطولة كؤوووس !!!
ليش مدري ؟؟ يمكن عشان يحضر راعي البطولة !!




@ مواعيد بطولات ومباريات تتغير مثل عقارب الساعة وتوزيع ظالم للبطولات الخارجية !!

تذكرون يوم جاء وفد فريق انجليزي يتعاقد مع سامي وطلبوا موعد المباراة النهائية وقتها ؟؟؟ - طبعا لم تحدد - آنذاك




ختاما قالوها الأولين ( الجود من الموجود )



@
اضافة رد مع اقتباس
  #2  
قديم 20/06/2006, 02:00 AM
موقوف
تاريخ التسجيل: 10/04/2006
مشاركات: 1,001
صح كلامك
اضافة رد مع اقتباس
  #3  
قديم 20/06/2006, 03:05 AM
موقوف
تاريخ التسجيل: 13/11/2005
مشاركات: 790
و الله أنت كتبت كل ما في القلب

و الله لاعبينا زبدة وأي زبدة ؟؟؟
لاعبينا لاتعقد عليهم عزائم الرجال

في هالمونديال نكون قد فرطنا في أثمن فرصة للظهور فمجموعتنا ضعيفة و المنتخبات حولنا ولكن ؟؟؟

لعيبتنا خياس
اضافة رد مع اقتباس
  #4  
قديم 20/06/2006, 03:19 AM
زعيــم مميــز
تاريخ التسجيل: 26/09/2005
المكان: الرياض
مشاركات: 3,589
انا بس اتخيل موقف منتخبنا لو جا مكان اليابان ... !!
أتوقع في هذي الحاله الانسحاب افضل حــل 0000
كوريا سوت شي .. واليوم تونس كادت
ونحن عايشين على مستوانا اما تونس (طبعن النتيجه كانت تعادل )
ما أقول الا ياحسافة الـ 45 مليون
اضافة رد مع اقتباس
  #5  
قديم 20/06/2006, 04:26 AM
زعيــم متألــق
تاريخ التسجيل: 13/08/2002
المكان: الهوى شرقي
مشاركات: 1,232
السلام عليكم ورحمة الله وبركاته
هلا بالغالي وتوأم الروح الكنز نواف

ما اقدر اقول الا الله يعطيك العافيه وماقصرت يالغلا
وعلى قولتهم الهرج واجد لكن ( في الحلق غصه ) هذا اكثر مايمكن ان يقدمه منتخب الاهواء
منتخب يفرض على المدرب الاعبين حسب الرغبه الميول ويتدخلون في تشكيلته تبيهم ينافسون على بطاقة التأهل الاولى
او حتى الثانيه ؟؟؟؟ بالطبع لا وبالعاميه او البدويه (( معصي ))
اليوم في اول الدقائق تمريره سهله الدوخي لايستطيع السيطره عليها فتخرج لرمية التماس المفهوم منها انو المنتخب
دخل المباراة وهو مشحون وامام اعينهم اللعب للتعادل فمني بالاربعه تنفض غبار عرين مبروك زايد
فالى متى اللعب في عقول الشعب السعودي ؟؟ ان لم يكن هناك ترتيب وجدوله سليمه للدوري المحلي فكيف تطالب المدرب واللاعبين بما هو فوق طاقتهم ؟؟؟؟؟؟؟؟

اسف عالاطاله ونورتنا ياتوأم الروح يالكنز نواف
اضافة رد مع اقتباس
  #6  
قديم 20/06/2006, 05:33 AM
الصورة الرمزية الخاصة بـ hilalemooot
مشرف منتدى الرياضة العربية والعالمية
تاريخ التسجيل: 07/09/2003
المكان: جــــ الجــوفـ ــــوفـ
مشاركات: 20,208
نواف

اخذتلي فره على المنتدى ابي اطلع حرتي مالقيت مواضيع زي الناس

موضوعك هو الافضل .. متالق دائما يالغالي

ياخي تعبنا .. ما بلانا الا الاعلام .. الاتحادي يمدح لاعبيه .. والهلالي يمدح لاعبيه .. والنصراوي يتشكى من جلوس سعد

صرنا مسخره للعالم اجمع ..

حسين عبدالغني .. اقف تحيه كبيره لهذا البطل .. حسين يبكي حرقه .. وكم لاعب حزين .. وتكر يطلعلي بعد المباراه بكل حماقه .. يقول قدمنا اللي علينا .. وش قدمت يا مال العمى !! .. لا تعرف تراقب .. ولا تعرف تقطع كوره .. حتى التكسير ما تعرف تكسر زين !!

الحمدلله ان شيفا لعب بنصف مستواه اليوم .. و فورنين كان منهك .. وضايع ..

زايد .. كنت ماخذ فيك مقلب .. اساسيات حراسه المرمى ضيعتها .. يابنى آدم .. كوره عرضيه قريبه لك انت تطلع .. اما انك تحتري الدلوخ اللي قدامك .. لا والله اللي ما فلحت .

باكيتا لا يلام .. والله مالومه بأي شي .. ياخي مسكين .. ان لعب باربعه اربعه اثنين انفتح دفاعه العقيم .. وان لعب بمهاجم واحد جلس على مزاجيه نور او نواف

واختار الحل الصح .. انهزم 4 ولا انهزم 8 .

طبعا اعتب عليه فقط بأنه واضع الدعيع بجواره .. الدعيع طويل وممتاز بالكرات العرضيه .. ومبروك ايديه يتصافقن مايعرف يمسك كوره .. اسحبه ومنت خسران شي


سلطان و نواف .. هم اساس البلى .. ياخي 8 سنين ما فيه جديد .. تأهل لـ كأس العالم .. هالمجموعه اسهل من كل المجموعات .. ولا راح تكون بهالسهوله في القادم .. خلاص استقيلوا و ريحونا !!

التجديد مطلب .. وسلطان و نواف لازم يرحلون .. اذا ما أرادوا تصحيح مسار المنتخب .. يجب ضخ دماء جديده تملك خبره و درايه .. وشخصياً أرشح خالد بن عبدالله .. رجل نزيه .. وسينظف الكره السعوديه من عبده الأموال اللي دمرو كرتنا ولاعبينا ودلعوهم !!

ياخي .. اللاعبين زي ماتحاسبهم بعد الفوز .. حاسبهم بعد الهزيمه .. ياخي امسك ذا الخوال لا بارك الله فيهم ومحط فيهم لين يعرفون ان الله حق .. ياخي لعيبتنا تحس انهم طلاب ابتدائي .. اذا جلدتهم يتعدلون

اما مكافأه فوز 100 الف .. على ايش !! .. تعادل مع منتخب تونس اللي ما كان بمستواه

الله كريم .. يمكن اكون قسيت .. بس ملينا .. كوريا و اليابان كانوا متخلفين كروياً .. الحين صرنا حنا المتخلفين .. يا خي تعلم منهم .. اختر لك 20 لاعب سعودي و فر فيهم السماسره .. خلهم يلعبون برى ويستفيدون .. دوري نرويجي روماني بلجيكي هولندي .. المشكله لاعبينا طموحين .. البحري يقول ابي احترف بريال مدريد قبل المونديال .. والله ما حطوك مع ريال مدريد البراعم انت وكراعينك

نواف .. اعذرني .. وتشكر على موضوعك

فـ مان الله ,.,.,
اضافة رد مع اقتباس
  #7  
قديم 20/06/2006, 05:46 AM
زعيــم متألــق
تاريخ التسجيل: 14/12/2004
المكان: ملعب الملز
مشاركات: 1,223
بااختصار منتخبنا فااشل وحده كاس الخليج


مصرقع شطف من هنا ...
اضافة رد مع اقتباس
  #8  
قديم 20/06/2006, 06:07 AM
في انتظار تفعيل البريد من قبل العضو
تاريخ التسجيل: 23/04/2005
المكان: جـدة غيير ..!
مشاركات: 5,001
@ دوررري ضعيف للغاية ونظام غبي وحيد في العالم يحوله الى بطولة كؤوووس !!!
ليش مدري ؟؟ يمكن عشان يحضر راعي البطولة !!




خخخخخخخخخخخخخخخ الله يهديك
اضافة رد مع اقتباس
  #9  
قديم 20/06/2006, 10:25 AM
زعيــم مميــز
تاريخ التسجيل: 29/03/2002
المكان: ( الررررررررياض)
مشاركات: 3,661
كل مافيني هلالي : شكرا على مرررررررررررررررررررورك


@@@@@@@@@@@@@

المنصف الخبير :

هلا فيك ومشكووور

إقتباس
و الله أنت كتبت كل ما في القلب

و الله لاعبينا زبدة وأي زبدة ؟؟؟
لاعبينا لاتعقد عليهم عزائم الرجال

في هالمونديال نكون قد فرطنا في أثمن فرصة للظهور فمجموعتنا ضعيفة و المنتخبات حولنا ولكن ؟؟؟

لعيبتنا خياس

أشوى انهم ما تأهلوا بس

ولا كانت فضاييييح
اضافة رد مع اقتباس
  #10  
قديم 20/06/2006, 10:55 AM
الصورة الرمزية الخاصة بـ روح الـهـلال
مشرف سابق في منتدى الرياضه السعوديه
ومنتدى المنتخب السعودي
تاريخ التسجيل: 04/04/2006
المكان: مــحــــمــــد
مشاركات: 6,286
صح لسانك وفعلا اذا اختفت الروح سلملى على اللعب وامس ماكان فيه لاعبين فيه اشباح بدووون روووح ولا وطنيه ولاغيره على الفانيله بس هاذا اخر النفخ الاعلامى والدلع دخلوا قدام اوكرانيا كنهم يلعبون ضد فريق درجه ثانيه ولا الاخ مبروك جاى يجرب مهاراته الفرديه يعنى بيتحداء رونالدينهو الاخ ماقول الى حسافه الفلوس الى عطوهم .
اضافة رد مع اقتباس
  #11  
قديم 20/06/2006, 11:31 AM
زعيــم مميــز
تاريخ التسجيل: 17/03/2002
المكان: roma alriyadh
مشاركات: 4,312
صدقت

والبلى كله من الاتحاد السعودي

بل ليسوا افضل الموجودين

ففيه لاعبين تركوا

ولاعبين ماادري كيف ضموهم

====

عندنا حسن العتيبي افضل حارس العام الماضي وبعده فهد الشمري

وضامين الدعيع اللي منقص من عمره 10 سنين

والثاني على مااعتقد اسمه خوجة

ولو لقى مبروك منافسة من حسن وفهد

لشفته مثل العام الماضي

_____________

الاتحاد

لم يحقق اي بطولة وجميع لاعبيه اساسيين

والمشكلة كلهم افارقة

وحتى موقع الفيفا يقول ان محمد نور نيجيري

والحضرة يقول

ما حنا مستعدين ننهزم من منتخب مهزوم بالاربعة

_____

واحسن شيء للمنتخب ان ننوع من الاندية

ونعيد نظام الدوري السابق

ومثل اوربا

يلعب اللاعب جميع مباريات نادية حتى لو كان عند المنتخب مباراة مهمة

ونلعب مع المنتخبات الكبيرة في يوم الفيفا

لا المنتخبات الصغيرة

مثل اليمن سوريا ولبنان

====

تغيير المدرب

والتعاقد مع مدرب كبير ولمدة 4 سنوات وحتى لو ساءت النتائج فالمهم الصبر

ماهو كل سنة مدرب

فباكيتا ليس ذاك المدرب

والدليل الوديات التي كلها هزائم

____

ان يتحمل الاتحاد الجديد المسؤلية

وان يكون هناك انتخابات للاتحاد القادم
اضافة رد مع اقتباس
  #12  
قديم 20/06/2006, 01:20 PM
زعيــم متواصــل
تاريخ التسجيل: 31/05/2005
مشاركات: 83
إقتباس
الرسالة الأصلية كتبت بواسطة hilalemooot
نواف اخذتلي فره على المنتدى ابي اطلع حرتي مالقيت مواضيع زي الناس موضوعك هو الافضل .. متالق دائما يالغالي ياخي تعبنا .. ما بلانا الا الاعلام .. الاتحادي يمدح لاعبيه .. والهلالي يمدح لاعبيه .. والنصراوي يتشكى من جلوس سعد صرنا مسخره للعالم اجمع .. حسين عبدالغني .. اقف تحيه كبيره لهذا البطل .. حسين يبكي حرقه .. وكم لاعب حزين .. وتكر يطلعلي بعد المباراه بكل حماقه .. يقول قدمنا اللي علينا .. وش قدمت يا مال العمى !! .. لا تعرف تراقب .. ولا تعرف تقطع كوره .. حتى التكسير ما تعرف تكسر زين !! الحمدلله ان شيفا لعب بنصف مستواه اليوم .. و فورنين كان منهك .. وضايع .. زايد .. كنت ماخذ فيك مقلب .. اساسيات حراسه المرمى ضيعتها .. يابنى آدم .. كوره عرضيه قريبه لك انت تطلع .. اما انك تحتري الدلوخ اللي قدامك .. لا والله اللي ما فلحت . باكيتا لا يلام .. والله مالومه بأي شي .. ياخي مسكين .. ان لعب باربعه اربعه اثنين انفتح دفاعه العقيم .. وان لعب بمهاجم واحد جلس على مزاجيه نور او نواف واختار الحل الصح .. انهزم 4 ولا انهزم 8 . طبعا اعتب عليه فقط بأنه واضع الدعيع بجواره .. الدعيع طويل وممتاز بالكرات العرضيه .. ومبروك ايديه يتصافقن مايعرف يمسك كوره .. اسحبه ومنت خسران شي سلطان و نواف .. هم اساس البلى .. ياخي 8 سنين ما فيه جديد .. تأهل لـ كأس العالم .. هالمجموعه اسهل من كل المجموعات .. ولا راح تكون بهالسهوله في القادم .. خلاص استقيلوا و ريحونا !! التجديد مطلب .. وسلطان و نواف لازم يرحلون .. اذا ما أرادوا تصحيح مسار المنتخب .. يجب ضخ دماء جديده تملك خبره و درايه .. وشخصياً أرشح خالد بن عبدالله .. رجل نزيه .. وسينظف الكره السعوديه من عبده الأموال اللي دمرو كرتنا ولاعبينا ودلعوهم !! ياخي .. اللاعبين زي ماتحاسبهم بعد الفوز .. حاسبهم بعد الهزيمه .. ياخي امسك ذا الخوال لا بارك الله فيهم ومحط فيهم لين يعرفون ان الله حق .. ياخي لعيبتنا تحس انهم طلاب ابتدائي .. اذا جلدتهم يتعدلون اما مكافأه فوز 100 الف .. على ايش !! .. تعادل مع منتخب تونس اللي ما كان بمستواه الله كريم .. يمكن اكون قسيت .. بس ملينا .. كوريا و اليابان كانوا متخلفين كروياً .. الحين صرنا حنا المتخلفين .. يا خي تعلم منهم .. اختر لك 20 لاعب سعودي و فر فيهم السماسره .. خلهم يلعبون برى ويستفيدون .. دوري نرويجي روماني بلجيكي هولندي .. المشكله لاعبينا طموحين .. البحري يقول ابي احترف بريال مدريد قبل المونديال .. والله ما حطوك مع ريال مدريد البراعم انت وكراعينك نواف .. اعذرني .. وتشكر على موضوعك فـ مان الله ,.,.,

يا اخي الكريم ردك يبيله موضوع منفرد.............لا ويثبت بعد
اضافة رد مع اقتباس
  #13  
قديم 20/06/2006, 02:12 PM
زعيــم متواصــل
تاريخ التسجيل: 04/05/2005
مشاركات: 145
المنتخب لن يقدم اي شيء حتى 2050 الا اذا تغير الفكر المطروووح في الاعلام وعند الجماهير والاتحاد السعودي

المستوى لا ياتي الا عندما يكون هناك هدف تسعى اليه ............ من عام 1998 ونحن نبي مستوى مشرف ولم ياتي الى هذا اليوم لاننا طالبنا بالمستوى فقط ......... وانا كتبت قبل كاس العالم موضوع يشرح المنتخب السعودي من مدرب واعلام ولاعبين

لو كان طموحنا التاهل الى الدوور الثاني لكنا لعبنا افضل ولربما حققنا نتائج افضل... عندما اردنا الفوز على تونس ولعبنا من اجل الفوز حققنا التعادل الظالم لان كان طموحنا كبيرر ......... وعندما اردنا التعادل مع اوكرانيا حسب راي المدرب والاتحاد السعودي اتت الطامة وانهزمنا ........

اسباب خسارة المنتخب كثيرره جدا جدا ومهمة ليست كاس العالم 2006 بل من بعد تطبيق الاحتراف ونحن ضائعوووووووووون..

ولي وقفه مع الاحتراف في موضوع مستقل

تحياتي للجميع................
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube